影片
以上资料只供参考，请与餐厅确认详情
元朗有好多大排档，但我比呢间嘅招牌烧鸡吸引咗!! 一定要黎食!夏天食大排档有风味之余最紧要有冷气，呢到有2层室内，都有冷气，可以食得舒舒服服🥢炭火烧鸡基本上每枱都必点! 建议一入座就叫左先，因为即叫即烧，要等30分钟~原只上枱，好有睇头!! 一上枱已经闻到阵阵烧烤香味，鸡皮烧到金黄色，仲有啲微微焦痕，带少少油光，卖相超有食欲! 啲肉仲系嫩滑多汁，冇焗到干晒。鸡皮脆卜卜，咬落去先有炭香，跟住啲鸡肉鲜味就爆晒出嚟，肉汁渗晒出嚟，每咬一啖都好满足，再点啲淮盐，味道即刻再提升🥢西兰花炒鲜鱿西兰花炒得啱啱好，保持到爽脆同水份，咬落去有啲“咔嚓”声。鲜鱿片厚薄适中，唔会嚡口，弹牙又带鲜味。成碟菜用咗啲蒜同清鸡汤快炒，味道唔会太重，啱啱好突出晒材料本身嘅清甜同鲜味🥢啫啫鱼头煲成煲热辣辣，香气扑鼻，啲鱼头件件煎到金黄色，外皮微微焦香，仲渗住啲惹味酱汁，煲底铺满晒蒜头、豆豉、干葱、辣椒粒同埋葱段，全部炒到香气十足，鱼头皮脆肉滑，鱼肉厚实又多胶质，食落啖啖黏嘴，送白饭一流
继续阅读
多多鸡大排档今次系我第二次嚟元朗食呢间大排档叫「多多鸡大排档」，每次嚟到一定会叫佢哋招牌菜炭火靓鸡，系用大瓦缸高温碳即场烧制，大约要等半小时，轮椅人士如果要入去食嘅话，连我都无办法，呢间大排档门口系有两级，好彩门口可以放枱，无论天气几热都好，门口放张枱，食只靓鸡，饮饮酒，几热都唔记得哂，依家有新优惠就系用$48可以堂食饮38支啤酒，仲可以叫大支蓝妹，只要求其叫一碟小菜就可以用呢个优惠，今日买明天就可以用，每次只可以叫2支啤酒，六人以上可以叫4支啤酒，有效期两个月期要用，非常抵饮！1.招牌即烧炭火靓鸡$198/只（9.5/10）呢只炭火靓鸡系用大瓦缸高温碳即场烧制，大约要烧半小时，靓鸡真系靓鸡，大大只烧到好靓，外皮好薄脆，一剪开肉汁流哂出嚟，鸡肉好嫩滑，好新鲜！2.沙嗲金菇牛肉啫煲$128（10/10）呢个沙嗲金菇牛肉煲个沙嗲味非常正，粉丝完全吸收哂沙爹汁，牛肉肉质非常嫩滑，大约都有10片牛肉，金菇都几多，仲有三色椒同洋葱等等！3.干炒牛河$108(9.5/10)呢碟干炒牛河唔会太油，牛河上面落咗好多芝麻粒，牛肉肉质非常嫩滑，大约都有10片牛肉，仲有芽菜同葱等等，加埋辣椒酱更好味！4.罐装忌廉$12（10/10）正常味道，果晚起码35度，冻饮已经唔系冻饮！5.罐装可乐$12（10/10）正常味道，果晚起码35度，冻饮已经唔系冻饮！6.大支蓝妹$32（10/10）正常味道，果晚起码35度，有冰桶都好似饮紧热啤！2人总共价钱$490个人口味总评分：9.83/10 @duoduojifoodstalls 地址：元朗又新街37-51号富祐阁地下14号舖Please follow me🙆♂️ @wheelchaireatinhongkong 如果钟意我嘅分享，麻烦请follow我，仲有记得Like同Share！🙏🏻🙇🏻♂️#多多鸡大排档 #元朗美食 #元朗好去处 #香港美食 #无障碍餐厅 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
继续阅读
同老best真心想感受一下热热闹闹嘅夜生活😂决定找间人气大排档食饭吹下水，开开心心过一晚。✨招牌即烧炭火靓鸡✨上枱就忍唔住 「哗！哗！哗！」🤩🤩🤩，闻到超香，望落金黄靓仔，打卡一流👍🏻👍🏻 一啖下去，鸡皮烤得香脆，鸡肉滑嫩，名副其实皮脆肉嫩😍肉质不柴且见到不少肉汁，真的令人好满足。✨王牌多多鸡小炒王✨超级多料，内里大有干坤，有韭菜、虾米、腰果、花生、白饭鱼、鱿鱼及洋葱等。超有镬气之余，炒得极其干身且非常香口，真的十分惹味，令人胃口大开，马上叫碗白饭一齐食🙌🏻。✨椒盐鲜鱿✨炸衣薄，完整地包裹着鲜鱿，不会有食粉的感觉，零粉感。一口下去，香酥且脆卜卜，弹牙又爽口，好食到舔舔脷😋餐厅非常热闹，可以开心畅谈，气氛超正👍🏻想睇更多介绍，马上Follow我啦😁。#多多鸡大排档 #big_big_foodie #big_big_foodie食匀元朗 #big_big_foodie食匀香港
继续阅读
今日我去咗「多多鸡大排档」食晚餐，真系食到好满足！😍 首先，椒盐粟米一上嚟就吸引到我，粒粒都香脆，味道浓郁，吃一口就停唔落！🌽✨然后，啫啫通菜煲都好正，热辣辣嘅通菜煲，加上啫啫声，真系好有气氛！🍲💚 通菜鲜嫩，配上特制酱汁，令人一试成主顾！接住就系炭火靓鸡，鸡肉外焦内嫩，炭香四溢，食落去好有口感，真系一流！🔥🍗 朋友都话好味，人人都想再尝多一口！最后，瑶柱蛋白炒饭就系完美嘅结尾，米饭粒粒分明，瑶柱嘅鲜味同蛋白香滑，简直系人间美味！🍚🥢仲有，记得八点前埋单可以享有八八折优惠，真系超抵！🎉💰 整体而言，「多多鸡大排档」嘅食物质素高，环境轻松舒适，服务态度都好好，绝对值得再来！下次仲想试多啲其他美食！✨🥳地址：多多鸡大排档 (元朗)香港元朗又新街37-51号富祐阁地下14号舖
继续阅读
炭火靓鸡烟熏香一试难忘，皮脆肉嫩，炭香融合鸡味，每啖都好有怀旧大排档风味,难怪每枱都必点只烤鸡。金蒜一字骨外层香脆惹味，蒜香浓郁，骨肉分明，咸香刚好，不觉油腻，啤酒绝配。豆豉鲮鱼炒蔬菜清新爽脆，豆豉咸香融入青菜，鲮鱼香口带，食落有层次，送饭一流。整体食到大排档风味而且又有冷气叹超正，三道菜各有特色，真心推荐。唔怪之得平日都坐无虚席。临走前仲买咗啤酒套票$48元有38支，下次约埋班friends再去饮饱食醉。
继续阅读