影片
以上资料只供参考，请与餐厅确认详情
一落完ｏｒｄｅｒ，ｗａｉｔｅｒ就拎左好多小菜黎俾我地食。见我地食完，又问我地仲要唔要，可以再拎俾我地。仲有得拣要边款添！＜ 炆牛肋骨煲＞牛肋骨又大旧又炆得够”林”，仲非常入味！ｇｏｏｄ！＜泡菜饼＞辣味适中，不会ｏｖｅｒ左～不会太油，唔错！好味到食唔停！！＜生牛肉＞全力推介既一味菜！！！！我本身都有点抗拒食生牛肉．．．不过听朋友讲话好好食，就先试一细啖啦，结果食得最多就系我！个酱汁配合得好好，带出了牛肉的鲜味！＜豆腐＞比较清的一道菜～淡淡的豆腐，配合中间的汁料，简直系ｐｅｒｆｅｃｔ ｍａｔｃｈ＊另外，ｗａｉｔｅｒ都好有耐性，我地问佢地某道菜入面用左ｄ咩材料，佢地都特登揾个识答既黎解释俾我地听，很好的服务态度！环境方面都好宁静，坐的ｓｏｆａ都好舒服。
继续阅读
在公司附近, 约一年前光顾过, 所以再光顾.... , 点知今非昔比.一年前要等位食午饭, 抵食, 加埋小碟前菜, 好多o野食.... 约hk$60 一个set, 送饮品.价钱ok , 味道ok. 都算好食.今日一行五人光顾午饭, 黑麻麻.... 以为已执笠! 只有4-5台人. 不妙...... (以前要排队等位o架!!)4位朋友都点了套餐, 我仲要谂下..... 先落单啦!!同事话不如一齐 share 食啦, 实食唔晒.... ok, 咁我唔再谂啦....点知有个"阿猪妈" 走过来话, 你地5个人, 点了4个餐, 咁要加一服务费, 无饮品送, 及无8小碟前菜.哗..... 咁我地梗系叫多个餐啦...... (但我朋友好劳气, 我都劳气, 但知道唔会再帮衬, 所以唔嘈....)朋友叫了no.12 号午餐, 送来的是 no.13号. (少少分别, 及一份用锅, 一份用碗.)叫侍应来, 佢话呢个系no.13号..... 我地系 order 要no.12号",侍应: "喔.... 呢个系12号....."no.12 同 no.13 系一样既.... 只系盛载用唔同东西o乍.....???!!叫人加茶啦, 个女侍应拿了茶壸来到, 问边个要加茶, 我指指两个只有半杯水的杯, 侍应: "有茶呀...."咁我递了我个杯出去比佢, 加了茶后又再问边个要, 我话刚才那两个都要,侍应: "有茶呀.....", 我: "叫你斟就斟啦!!" 就系咁佢先至肯斟......我觉好奇怪啰.... 都无客啰….. 仲唔做好o的, 做好个名先o岩。佢地调返转头赶客走。如果喜欢呢间餐厅的人, 真系要快o的去啦！真系唔知几时会执笠!!
继续阅读
之前睇到有人话好食.....口味既野真系人人要求唔同.之前亦睇到有人话正宗....呢方面我认同 , 因为韩国街头正宗韩国料理大部份都系唔好食的..哈哈.....呢间果然系正宗.点了牛肋骨肉......黑的..肉不靓兼腌制太久...很差感觉海老饼......虾太干身, 蛋皮不香豆付辣汤......得个辣字....无其它味道真露 3 支.......最正常.星期五晚光顾...7- 10点入坐率保持住 3 成........你可以想像一下.....不过真的有几枱韩国客帮衬, 呢个系事实.....另一个事实系永远不会再去.
继续阅读
之前一直想来试, 今晚终于有机会 ... 坐下点了支真露, 店员送上两碟小吃比我们送下酒食 ...跟住我们点了牛肋骨肉, 海老虾饼, 豆腐辣汤店员送上各款伴菜小吃, 当中只有泡菜是好吃的. 其他的都无特别. 由于有两款同之前送酒的一样, 我们要求更换其他款式. 店员立即面有难色, 十分不想更换似的...... 牛肋骨肉卖相差, 肉色很不新鲜. 味道很咸, 根本不用点豉油吃. 海老虾饼的卖相更惊人, 厚厚的浆粉, 在其他店未见过做到这样. 虾肉不爽. 豆腐辣汤只得辣味. 但胜在有很多片豆腐.食物价钱同其他韩国料理一样, 但质素真的要改善. 难怪星期五晚都只得三四枱客人.
继续阅读
放工途经海防道多次，都收到这韩国菜馆的宣传单张，想起吃一顿正宗的韩国菜，开销可不平宜，见这里午餐款式不少，价钱倒十分合理，本应尽早一试，奈何时间不大配合，直至最近的一个大假，终于决心前往一躺，还自己的一个心愿。坐下后稍看餐牌，二话不说，决定来个牛肋骨的套餐，从先奉上的韩式前菜，已粗略知道餐厅的水准一二，总共来了六个小碟七个款式，其Kimchi的味道十分正宗，爽脆酸辣，混和蒜香可十分开胃，其余的有大豆芽、青菜、南瓜片、蒟蒻造的年榚、甜面豉和辣汁豆腐等，一人前之下可算丰富。主菜的炆牛肋骨以往都曾吃过，一人份量之下约四至五件，其肉质呈现弹性和松化出来，味道上都是一般的韩式调味，略嫌酱汁偏咸，吃其肉块及用汁来送饭，倒也不大察觉，到那些索了汁的甘笋和白萝卜，其瑕疵现形了。虽然如此，味道上仍然偏向不错，白饭用的是珍珠米，饭身粒粒肥大，不过份量上少了一点，大食一点可未必够饱了。奉上一碗芽菜清汤，淡而无味，想其功用是用来清洗口腔过重的腻感吧?! 埋单六十八元，对照餐牌，可没有收取加一，以份量和味道来说，算是实惠了。见人家点一些韩式饮品，如柚子蜜或红枣茶等，算是帮补收入的途径........至于味道是否正宗，单凭一味说不得准，印象中和其他韩式菜馆吃的，味道上差别不大。临走再问问经理，原来除了周一至周五之外，只要周六不是「红日」，也有实惠午餐供应，这下可喜出望外了。
继续阅读