影片
酸辣汤味道正常，酸辣程度及稀杰度都算正常，味道都OK好味！上海炒年糕都炒得唔错，年糕唔会炒到黐埋一旧分唔开，唔算特别多油，献汁都挂满年糕同食物上面，但又唔会太稀太多，味道正常。担担面跟锅贴面都叫爽，小辣，加埋麻酱，味道正常。锅贴酱汁好丰富，吉只筷子落去，酱汁即刻喷出嚟，咬落口啲汁继续不绝咁流出来，好味。黑糖糕做到蜂巢效果，甜度适中，比较「粒」口，弹牙度都OK。鱼肚水饺鱼肚同饺子各有两件，鱼肚都好厚肉，可惜饺子个皮来的时候已经穿咗，味道预期当中。生煎包煎得都好香口，味道正常。
继续阅读
经过天盛商场同朋友拣咗 上滩轩 呢间上海菜食肆午市都多选择有set有点心嗌set有跟嘢饮 所以你唔叫开茶嘅话可以唔收茶钱~~1️⃣回锅肉 (lunch set 跟白饭跟餐饮) $59 +$5 转菜饭 +$20 蒜蓉菜芯💬回锅肉肥瘦适中啲汁好送饭😂😂不过越食越咸 最后要攞水洗洗🥵而且配菜略生 有啲硬菜饭几好味虽然菜较少但有饭香而且唔油腻🤞加廿蚊有一碟蒜蓉时蔬抵到烂!大大碟不过有啲油出面食中菜系唔健康㗎啦~~□■□■□■□■□■□■□■□■□■2️⃣水煮鱼 (lunch set 跟白饭跟餐饮) $68💬叫咗少辣嚟到系微微微微辣🤔所以嗜辣嘅人可以叫佢特辣😂😂鱼片分量都多起码有八九块厚肉不过唔算滑嫩配料好足有粉皮 木耳 芽菜 冬菇■□■□■□■□■□■□■□整体嚟讲味道一般 3/5服务都ok 冇其他食评讲嘅问题(可能我好彩~~不过我觉得喺屋邨商场嚟讲价钱略贵🥵食个lunch人均都成$90穷啊啊啊啊啊啊啊啊😭😭😭
继续阅读
今日我同朋友下午黎到天水围，第一次黎天盛商场觅食，路过哩间野，见人唔多就想试下。入到去，招呼我地落座嘅服务员表示可以随便拣位坐，咁我地就是但坐。落座时发现d台凳摆得好密，我地逼下逼下先坐得入去。然后个服务员就远远咁讲：「xxxxx先可以坐」。我地两个都听唔清佢讲乜，佢又重复讲左一次，我地都系听唔明！佢讲到好快，一旧旧咁！最后仲有d态度唔多好！我地坐果个位系三张台拼埋，最右果张贴左「禁止使用」，咁意思姐系中间同左边果张可以坐啦！后来我地往后边睇先见到有d台摆好左碗，就估佢意思系摆左碗果d先可以坐，我地就自己换过去。同时听到果位服务员大声对佢同事讲：「我叫坐佢地唔好坐，佢地系都要坐！」我心霖，我地第一次黎！点知间铺点安排座位？？一般都系无贴野嘅台都可以坐架啦。点知有咩规矩啊？佢咁唔耐烦同埋背后讲到咁大声，我觉得唔系好好咯！大不了我就唔食，所以我地走左，又唔系免费，唔应该受气～
继续阅读
每逢星期六日2:30开始，外滩轩就会有下午茶孖宝优惠，有粉面饭配一个点心加饮品都系大约$43至$52左右， 另加一收费。之前都已经食过几次，食过几次扬州炒饭几好味，今日再叫一次，不过今次水准略为失望，饭身偏硬， 炒得略为㶶咗少少， 生菜切得比较大件， 味道比起之前未够浓味， 叉烧同火腿少咗啲，虾就冇问题几好。另外点心方面我点了鸡丝粉皮，呢个系必点的， 粉皮煮得够林亦不失爽口的口感， 胡麻酱加上芝麻，青瓜同鸡丝， 10分开胃，所以每次前菜都必定叫鸡丝粉皮。同行的朋友点了上海粗炒， 味道口感非常好， 调味适当，有少量冬菇同鸡髀菇，白菜更加唔少得， 面身类似乌冬不过硬身少少， 可以话炒得靓， 同埋好味！点心配左鲜虾春卷，春卷皮油左些少，但系味道系好味，而且有原粒鲜虾在内， 皮都系脆， 即叫即炸。嘢饮方便叫咗热利宾纳同埋冻柠茶， 份量味道都不错，整体来说系一个抵食嘅下午茶餐，如果可以等到下午茶时间， 绝对可以当一个饱肚嘅午餐充饥。
继续阅读
妈咪话之前食过呢间早餐，觉得唔错。同佢下午茶黎食，佢一个套餐有一个主食再加一款小食。我叫左酸辣汤同鸡丝粉皮，再加冻柠水。首先，冻柠水一上黎，成个杯痴住劲多糖浆，好痴笠笠。酸辣汤份量好大，不过唔好食，调味唔开胃。而且成挞生粉未融晒都系碗到，我只系食左三分一。鸡丝粉皮我同妈咪食左2条就无食，粉皮痴实晒仲要无咩味。妈咪叫左雪菜拉面都好难食，配搭好怪，食剩一半。一定要提既系服务态度好恶劣。我地落单就好唔耐烦，同佢讲太淡味，想要辣椒酱，佢就大大声问要咩，黑晒面。总之下次一定唔会再去，难听讲句，就算请我都唔会去呢间食。
继续阅读