209
20
2
营业时间
今日营业
11:30 - 21:30
星期一至五
11:30 - 16:00
18:00 - 21:30
星期六至日
11:30 - 21:30
食家推介
相关文章
星期三晚去咗呢度食饭，特别锺意食佢个卤蛋、蟹粉豆腐煲、蟹粉小笼包、同埋高力豆沙。佢呢度都几近旺角东地铁站，由地铁站行过去，都只系需要5分钟。一坐低嘅时候，我哋第一时间叫咗个前菜，呢味卤蛋，系冻食，除咗有非常之香嘅卤水味之外，更加重要嘅系佢嘅蛋黄流露出非常香嘅醉鸡汁，令到个蛋黄同时间都有酱汁嘅感觉。非常晶莹剔透。之後我哋特别叫咗呢度嘅蟹粉豆腐煲，$98，豆腐煲用热辣辣嘅砂锅送上。热辣辣嘅砂煲，煮住劲浓郁嘅蟹粉汤🦀🍲豆腐好滑嫩，我一啖蟹粉豆腐，一啖鸡汤菜饭，非常鲜甜。蟹粉完全溶晒喺个汤度，食完之後口腔内仲保留住一份鲜味👍再之後就食呢度嘅蟹粉小笼包，小笼包嘅肉收藏住粒粒蟹黄，外面一层系包住，略嫌少少厚，但整体嘅味道都唔错，小笼包亦都多汁。甜品嘅话，就拣咗高力豆沙，豆沙系用油炸过嘅，热辣辣，里面包住甜甜嘅红豆沙馅。完结前，特别想提一提，呢度嘅服务非常之好，店员好亲切，加水加茶亦都好频密。
继续阅读
前排系网上以72折买左夏面馆$100现金卷, 今日放工就同家人去左夏面馆太子分店食返餐。主打上海菜, 正价都唔太贵, 宜家再有72折, 真系抵上加抵!! 【鲜肉小笼包】HK$38小笼包厚薄适中, 含丰富鲜甜汤汁, 饀料鲜味多汁。【红油抄手】HK$38个汁好够辣, 饀料有肉香, 但嫌皮过厚, 薄返D会好得多。【酸辣汤面】HK$52汤底酸辣味平均, 够杰, 拉面索左个汤汁令面质更林, 材料丰富, 整体很有层次.【上海担担面】HK$46汤底够辣, 有淡淡花生酱味, 食落唔腻, 同样拉面索汤令面质林得黎又入味。【豆沙锅饼】HK$36嫌煎得未够香口, 外层很粉, 未够脆口, 但豆沙饀料很足, 甜甜地。【猫山王榴槤高力】HK$25口感软熟, 一咬开已经散发阵阵榴槤飘香, 榴槤味甘甘地~【擂沙汤丸】HK$32黄豆粉平均包住汤丸, 咬开芝麻蓉涌出, 甜甜的, 芝麻味香浓。
继续阅读
星期六有亲戚到访，一行四人之後想食个下午茶，咁啱要去始创心中买啲嘢，经过见到夏面馆，餐牌都几吸引，就揿张飞等位，大概15分钟可以安排入座。入舖头时都需要量体温同用酒精搓手液。一坐低先知原来有下午茶餐，价钱比正价平少少同多杯饮品，选择都算唔少，而且仲可以升级加啲小食。当日分别叫咗4个餐如下:-1.青菜煨面 – 汤头白雪雪，味道香浓，调味适中。青菜应该系小唐菜粒，食落爽口清甜，一啲油都冇，感觉清新健康。面质都属少少烟韧弹牙，浸耐咗汤都唔会太发胀同变糊。2.嫩鸡煨面 – 基本同以上个青菜煨面系一模一样，只不过多咗啲冇腌过味嘅鸡丁肉粒，鸡粒唔嚡口，不过又未算嫩。3.香辣牛肉面 – 汤头颜色清澈味唔浓，一啲都冇辣嘅感觉。牛肉味淡，肉质唔韧，食落都冇黐牙，不过牛味欠奉。反而牛筋入味软滑。4.排骨担担面 - 排骨(炸猪扒)同担担面分开上，担担面汤浓稠，花生味重，而且食落辣味就慢慢渗出嚟，都几野味。排骨(炸猪扒)粉浆厚，猪扒肉薄，炸皮味道完全掩盖猪嘅肉味。所有面底都系同一款。升级小食追加咗:-5.豆沙锅饼 (半份) - 皮厚硬而唔脆，豆沙馅少，而且冇豆沙应有嘅红豆香，甜度都比较淡。6.小笼包 (4件) - 小笼包皮略厚，包内有适量汤汁，汤汁味道淡，肉馅都几大，调味恰到好处，仲食到猪肉应有嘅味道。7.油菜 (一份) – 烚菜芯鲜爽口清甜，不过不失。跟餐饮品4杯豆浆，豆香一般，胜在微甜。食物比较一般以下，份量都好足够。虽然价钱唔属於太贵，不过觉得咁嘅价格唔应该系咁嘅食物质素。环境就台与台之间距离都唔太密，舒适度都系一般。而服务就呼唤极都冇服务员应你，态度都几敷衍。
继续阅读
已经有一段时间冇食上海嘢又挂住个味道，今次就去咗太子的【夏面馆】。入面嘅上海菜式超多，最後我哋拣咗夏味燻蛋、赛螃蟹、老上海炒饭、鲜肉小笼包、家常煎饼、高力豆沙。燻蛋入面嘅蛋黄超醇厚，做前菜一流。赛螃蟹个味道炒得啱啱好，我连埋个老上海炒饭食感觉新颖，老上海炒饭入面有虾同埋一d上海配菜，而且锅气十足好好味。 鲜肉小笼包点醋及姜丝食提升咗个味道，一咬落去入面d肉汁漏晒出嚟。 家常煎饼就好有上海风味，入面嘅葱绝对提升咗饼嘅味道。高力豆沙就系一个传统上海甜品，入面嘅豆沙加上热烘烘嘅表层真系回味无穷。
继续阅读
好耐无去始创中心，原来入面有间夏面馆，呢间装修几清新，用晒啲蓝色吊灯都几靓。其他分店我都试过，今次试吓太子分店：。🍜自选凉菜（五小碟） $115佢有8款冷盘，俾你任拣五款嘅，最啱我呢啲想试多啲款式，但系每样食少少嘅人。。🍜蟹粉炒年糕$98食上海野我锺意食炒年糕，佢原来有蟹粉配年糕，一定要试啦，呢个用来点银丝卷同曼头最正。我最後追加左个银丝卷配去嗰啲蟹粉。。。🍜夏味燻蛋$13（1只）。去食上海菜，必点，因为唔系间间有得食，呢个好味。。🍜蟹粉小笼包$38/2只.皮够薄，肉汁鲜嫩，好香蟹膏未味，包内有小小汤，做得唔错。.
继续阅读
您可能会有兴趣的...