夏茶 (順豐大廈)

营业中

休息中

飲夏茶唔一定要入元朗😝 但一場嚟到元朗國點都要ᴛʀʏ ᴛʀʏ佢🤟🏻每次經過都見到大排長龍😂 夏茶世一💓1️⃣ 芝士開心果鮮奶🧀每日限量供應嫁💢 手快有手慢無💨 用咗日本開心果醬好濃郁，雖然唔係超厚奶蓋，但成杯整到水墨綠超靚🥹飲落每啖都有開心果碎碎，芝士味又唔會搶晒風頭，ᴛᴏᴘ 1果然名不虛傳😍2️⃣ 芝士楊梅雪沙❄️清新到不得了💥 楊梅酸酸甜甜，加埋鹹香味嘅芝士奶蓋，沙冰亦好幼細～勁消暑😚 應該無人唔中意😍

呢排天氣勁熱, 行元朗行到身水身汗, 見到間夏茶茶飲店裝修都幾靚, 又有好多人等緊, 我都唔執輸即刻買返兩杯消暑解渴, 買完等候之際, 越黎越多人排隊, 好彩早黎一步😜🥤芝士楊梅雪沙楊梅嘅酸甜味岩岩好, 加層厚厚雪沙, 上層勁多芝士, 重奶香味, 好滑順, 層次感豐富, 真係消暑透心涼😍🥤開心果芝士椰椰開心果控既我, 勁中意呢杯, 上層有滿滿既開心果碎碎同芝士, 非常濃郁, 飲落底仲有椰果粒粒, 好煙靭又有咬口 勁好飲 正❤️💯

香港地一到夏天熱死人，呢排日日三十幾度，出街一定要飲凍飲🥵呢間「夏茶」幫襯過好多次，門市買過，外賣平台速遞買過，水準好所以翻炒～ 同屋企人各人一杯，開心仔本來呢期出咗期間限定「芝士楊梅雪沙」，穩膽芝士奶蓋加雪沙，底部有楊梅果肉+蒟蒻+寒天，酸酸甜甜好解渴，我覺得呢個味唔會有人唔鍾意飲😎另一杯夏茶名物「開心果芝士椰椰」芝士奶蓋加自家製開心果醬+開心果碎+鮮椰水，底部有蒟蒻，個配搭都係實唔會唔鍾意飲嘅茶飲，清爽解暑好飲～

夏日炎炎，飲番杯凍冰冰嘅嘢飲就最好，今日經過夏茶，同朋友一人買咗一杯飲品。我買咗芝士開心果椰椰，朋友買咗芝士楊梅雪沙。估唔到呢杯芝士開心果甜度適中，平時叫手搖飲品必定要叫少甜少冰，但係好明顯呢一杯嘅甜度嚟自於椰青水，清甜好飲，仲有啲Nuts 同jelly喺入面, 口感一流。芝士楊梅雪沙呢杯嘅combination好特別，好少手搖飲品店有楊梅選擇，呢杯最啱炎炎夏日解渴降溫之用。#夏茶#元朗#手搖飲品#元朗美食推介

入元朗飲夏茶，開心果控飲夏茶😝星期五晚食完野過黎揀兩杯飲下，小店有幾個人等緊，店員密密手沖製作，好有效率。⭐開心果芝士椰椰椰青水加上開心果芝士奶蓋，奶蓋好香滑，開心果味濃，椰青水清新，飲落唔甜好適合夏天飲，又涼又解渴❤️⭐芝士楊梅雪沙朋友揀左楊梅雪沙，入口酸酸甜甜，芝士奶蓋鹹香，分開飲完再攪勻飲，兩種口味都勁正😝多左甜品賣，個開心果巴斯克好似好吸引喎，下次試下先。仲有會員儲分扭蛋，記得join會員啦。

元朗呢間「夏茶」真係掂到爆！成日都聽人講佢係「世一茶飲店」，試完真係名不虛傳！夏天行到成身汗，入去飲杯凍冰冰嘅茶飲，真係透心涼。佢哋嘅招牌開心果系列絕對要試！開心果芝士椰椰，一入口就充滿濃郁嘅開心果香，再加上椰奶嘅清甜，口感豐富又唔會太膩。芝士楊梅雪沙都超正，楊梅嘅酸甜味配上綿密雪沙，上面再鋪一層鹹香芝士，層次感滿滿！而且呢度裝修好靚，打卡一流，難怪成為夏日熱點！飲品價錢唔算貴，CP值超高，真係值得再去！

天氣熱經過買2杯飲品消暑！呢間飲過幾次，夏天一向出名開心果系列飲品，之前飲過最出名既開心果芝士鮮奶，今次飲啲未飲過既款式！開心果芝士椰椰 $42用鮮椰水取代奶或者茶、水，味道有淡淡既椰子清甜味，另外頂個到加左開心果芝士，好厚好傑身，開心果味吾系太濃，當攪勻之後飲開心果同椰子味都飲到，無搶左味，調教都幾好，個底仲有啲蒟蒻同果仁，有啲咬口。芝士楊梅雪沙 $42好少地方有楊梅特飲，天氣熱幾岩飲啲酸味飲品！雖然沙冰，但吾會咬到一粒粒沙冰，口感幾棉，名無改錯真系好似雪既雪沙，而且有楊梅果肉，加埋厚厚既芝士，有少少咸味好特別！

6點左右，排隊第一個，一個收銀一個入面整野飲，等10分鐘左右佢先得閒落單，又等15分鐘左右先出飲品…… 開心果芝士鮮奶，唔係好明點解強制要加珍珠，以前初初出嘅時候都冇，個人口味珍珠同埋開心果嘅味唔多夾，避開珍珠嘅話杯嘢都好飲的

今日放工身心俱疲，經過 夏茶，決定 慰藉下自己。見到有張大poster 係麻薯巴斯克 ，好吸睛。叫個焙茶俾自己，可惜焙茶綠茶都無了。唯有買無麻薯嘅巴斯克。有朱古力、開心果同咸蛋黃。咸蛋黃！！！咸蛋黃巴斯克，面層微焦，包裝企理，跟木匙羹。就算喺街度食(好似我今次咁)都好方便，可以處理得到，唔會食到周圍係。一食落去，芝士真係好鹹香；質地好軟滑。個餅底好似淨係鹹蛋黃整咁，充滿鹹蛋味。對得住個價錢（雖然望落唔大舊，幾好味的！下次會試埋佢嘅朱古力巴斯克，因為似會幾濃咁!🌟會員用現金買可以平$3🌟留底資料，第日可以成為會員🌟

一杯開心果鮮奶$48，入面有5塊正方體形狀，超級大嘅冰！！！！佔咗整大半杯容量，未試過有一間奶茶會擺咁多冰入去！飲咗幾啖就冇晒，真係唔知飲咗d乜。特登同老公過黎元朗d邊搵名物食，呢個係最中伏嘅選擇。仲有個金毛中長髮男店員態度好差，點單時只不過問咗一個問題就唔耐煩皺眉，語氣好差。洗錢受氣，永不會再飲呢間奶茶去到$48蚊呢個位真係好多選擇，好後悔飲咗呢間。本來好期待開心果味奶茶，不如買包開心果返屋企食好過。

第一次來飲夏茶！芝士開心果鮮奶 $50無得揀甜度，甜度係固定嘅芝士奶蓋好濃郁，杰身幼滑質地一飲口感好豐富令奶蓋感覺更加突出！開心果味亦都夠香！雖然我本身唔係開心果控，但係呢杯係好飲到如果行開元朗呢邊嘅話，我係好大機會會再買來飲！==============================📍 夏茶 (元朗)元朗鳳攸北街5-9號順豐大廈地下3號舖==============================

好耐以前已經好鍾意開心果既製品，呢幾年多咗好多餐廳都有出，所以一見到就唔放過，諗住試晒開心果嘅嘢食。今次飲到呢個嘢飲好滿足，第一啖已經好濃嘅開心果味，又粒粒，同埋好少見有開心果醬，令到成個口感更加棉密

夏茶一直都係元朗名物，最近元朗已經開埋第三間分店，今年年頭仲喺旺角都開咗唯一一間唔喺元朗區嘅分店！講咗咁耐終於試到啦！•🥢 芝士開心果雪沙 $50夏茶嘅主打之一係開心果系列💚 呢杯芝士開心果雪沙就係將開心果奶整成沙冰，上面加一層順滑嘅原味芝士奶蓋同埋粒粒開心果碎，杯身仲用開心果醬整咗掛杯效果😍 唔止賣相吸引，飲落仲有濃郁開心果，夏天飲仲非常透心涼❄️ 缺點應該就係價錢比一般飲品貴唔少🤑 不過其實淨飲呢杯都飽咗一半，因為真係幾足料，仲要有埋芝士奶蓋就更有飽足感😆 後來先發現原來可以+$4轉埋做開心果奶蓋，下次再試！🤭🌟推薦度：9/10•🥢 芝士香印雪沙 $45除咗開心果，仲有同樣係綠色嘅香印提子雪沙，不過呢款就比較遜色啲，香印提子味比較淡，如果再溶少少就更加淡，而且提子味只係清香少少嘅甜味，就算有芝士奶蓋，但飲落都唔太滿足🌟推薦度： 5.5/10•📸 芝士椰子雪沙 $42

今日終於食到被叫做元朗世一既夏茶!! 好彩唔算好多人, 等左大約15分鐘就有得飲開心果鮮奶配芝士焦糖白玉寫明係日本開心果醬, 開心果味極濃, 但又冇苦既味道, 上面既芝士焦糖白玉超軟糯, 佢本身只係得口感但係冇咩味道, 加上開心果醬同芝士成件事係勁開心!! 仲要D料足到滿滿的友人點左既係芝士椰子雪沙, 勁豐富既口感, 椰子清甜勁加分!! 鐘意清清地既可以點呢杯試下, 仲有好多款唔同既口味可以揀!!總結, 入元朗既值得一試!! 雖然好似開到旺角都有哈哈

千色新開左一直都冇時間去試 今日天氣熱到爆！又加上有d熱氣！諗住試下椰水！降下溫之餘！又可以清下熱氣！所以我就點左1杯開心果椰椰同竹蔗清椰水！想講2杯唔係死甜！非常岩咁熱嘅天氣！竹庶清椰水跟馬蹄珠 我朋友係咁話好好咬好好食😍😍滿足