壽喜燒·肉屋

营业中

休息中

用餐時間1630，未入座得知只有一個聖誕餐可以選擇，問我地介唔介意，第一感覺就係唔舒服，但你網上訂位又要我地比左200蚊，唔食係唔係又要扣？心唸費事麻煩就食啦，但決定入座時候，帶位又話可以掃code另外單點加嘢食，咁即係有的選擇？感受唔太好，一般。最基本簡單服務又唔得，音樂又可以一時大聲一時細聲，連最後付款比錢都要自己攞信用卡嘟卡機，食放題都唔使你自己hold住嘟掛，係規矩還是懶到帶埋卡機過黎，我唔理解。日本餐廳文化唔係應該好注重細節咩？可能係我自己要求太高了掛，可能午餐平平地試下就算了，我就唔會有下次了。至於餐方面，有一杯仔蘑菇清湯，甜品一個似忌廉蛋糕咁既嘢，牛一人有三塊，同以下圖片，餐味道正常，未去到好食，牛油脂係豐富，不過香唔香就個人睇法，我就覺得一般正常，整體我就覺得晚餐價錢唔抵食，可能午餐比較好掛。

女朋友生日 諗住黎試下留位$200咁我Book 20:3020:15到左 等到20:45先入座去到得返個聖誕二人餐入到去QR落單 （得返一個餐唔知有咩意義）20:48分落完21:15先上啲肉後面遲過我地入黎都已經食緊一開始店員幫我地燒燒左一轉肉 ，放啲菜落去咩都冇講就行開左。等我仲以為佢會幫我地燒第二轉點知冇 ，冇係唔緊要既！但介唔介意講聲？所以啲客唔識睇火加水就唔可以黎食？🤔然後食左冇耐已經同我地講22:00 close ？？你地遲比枱又遲上食物 仲同我講22:00要走。如果係做唔切既 ，一係就請多啲人，一係就唔好接咁多客。唔明大家都有比錢，但點解會比你地掉埋一二邊食西北風。睇住你地由食料外賣店到開門市，滿心期待點知貼錢買難受

自從4月去完東京試左間百年壽喜燒老店中伏後🇯🇵，我地一直都唔敢再亂試壽喜燒。但睇過呢間肉屋嘅食評，令我食指大動，決心再次挑戰😍！而呢個決定無錯，肉屋嘅牛真係好高質，關東食法食完係充滿感動✨，真心係必會回頭再試😋！我地嗌咗特選•薩摩牛壽喜燒 一人前 $398同特上•薩摩牛壽喜燒 一人前 $498，兩個套餐都包咗前菜🥗、野菜盛合🥬、蘭王蛋及無菌蛋🥚、日本米飯🍚同甜品🍨。呢個食法係對兩個人第一次食嘅最好食法，因為可以試晒全部款式嘅和牛🐮，試岩左邊隻係最愛後🫶🏻，下次嚟食就識揀啦～前菜慢煮A5和牛A5和牛經過慢煮後，肉質軟腍😍，配上黑松露醬食，好好味，估唔到前菜已經食到入口即溶嘅和牛。扺讚💯！麻醬豆腐豆腐嫩滑加上麻醬，食完打開胃口，岩晒等陣大大啖食和牛🤭。龍蝦沙律龍蝦肉彈牙爽甜🦞，加上沙律醬、雞蛋碎同蟹籽，口感豐富。🍲特選•薩摩牛壽喜燒 一人前 $398（4%奇跡A5薩摩牛肉眼、赤身A5薩摩牛切片）🐮4%奇跡A5薩摩牛肉眼食咁耐和牛，A5都叫經常食，同超市有得賣🛒，但4%奇跡真係未試過🫣，要叫得做4%奇蹟和牛，條件是要達A5級、BMS霜降程度達10級以上，每一件油花細緻如大理石咁🔎。認真講，見

今日的氣溫只有十度，正好來一個牛肉火鍋午餐。店子的裝修明亮，簡單的日式風格，而燈光也十分柔和。雖然全場都在燒鍋，卻沒有半點煙霧瀰漫。這家店的午餐只有兩款：特選薩摩牛壽喜燒$199，特上薩摩牛壽喜燒$249前菜有北寄貝沙律、胡麻豆腐同薯仔沙律。北寄貝沙律味道濃郁；胡麻豆腐軟滑，有香口的芝麻醬；薯仔沙律當中有火腿、薯仔等等。這兒是關東煮法，主要是用壽喜燒汁，可按個人口味加水。而關西要用醬油、味醂、料理酒和砂糖烹製。特上薩摩牛110g，野菜盛合這特上薩摩牛充滿雪花紋，輕輕一灼，表面焦香，加上濃味壽喜燒汁，加上蘭王旦，十分滋味！和牛軟滑又帶脂香，沒有膩口像A5, 但牛脂甘香、肉質軟嫩，配上旦汁，正！野菜十分新鮮，烤豆腐口感實在，加上芋絲，不錯。米飯及漬物（日本米）這米飯熱呼呼的，份量不少，採用日本米，是和牛的良伴。這一天的午餐吃的牛肉唔多，但作為女仕，配上野菜、白飯，十分滿足。

網店起家既關東風壽喜燒店，呢排曝光率頗高，閒日夜晚坐滿曬，一定要提前訂檯🫢不過我地四個人都係得一個爐，要個半鐘內輪流燒同食，成件事其實會有啲趕，但整體性價比都算係唔錯既😅▪️ 特選•薩犘牛壽喜燒套餐（8/10）💲398▫️ 前菜一份 1️⃣ 慢煮和牛配黑松露醬：略嫌個醬搶左和牛既味🫣2️⃣ 麻醬豆腐：豆腐唔算好滑，勝在豆味香濃3️⃣ 和牛雞軟骨丸子：丸子有唔少軟骨，口感豐富一開始有個幾友善既侍應幫手整第一片😌之後就要自行調較壽喜燒汁同埋水比例，感覺實在比較難拿捏😳後尾我地燒燒下，另一個侍應突然衝過黎話以防燶底，一下子幫我地倒入大量汁🙄不過個汁味道偏鹹，我地唯有自己不斷加水稀釋返，但唔多唔少都影響左個體驗🥲▫️ 赤身A5薩摩牛壽喜燒片 180g 總共有三大片，起初既質感最柔嫩，帶有油脂香，唔知係咪自己技術問題，其餘既相對無咁滑，但都有肉香😗▫️ 野菜盛合一份 圖中既係二人份量，有大蔥、冬菇、豆腐、芋絲、皇帝菜、娃娃菜、芝士竹輪等🥗▫️ 米飯及漬物一份（日本米選用）▫️ 蘭王蛋及無菌蛋 一份▫️ 甜品 一份雪芭既柚子味突出，但就甜左少少🤏🏻▪️ 夕燒（7/10）💲38成份有芒果、蜜桃、西柚、四季春茶，個茶底幾香🍹🔎

📍 Sukiyaki Nikuya 壽喜燒 肉屋🏷️ HKD 200–400 each由本來是賣和牛的網店，到現在實體店，牛肉質素一直有保證🐮 Lunch Set 超抵食，$199 （未加一）就可以品嘗到正宗關東壽喜燒，仲平過飛去日本食🚀今次分別試了特上和特選薩摩牛，特上套餐牛味較濃，而特選套餐的和牛入口即溶💓配上蘭王蛋和日本米，彷彿置身於天堂！🥺💭🌠 p.s. 已訂位下個月再帶朋友去😆#feedmebaebe#foodie

前排去完日本旅行之後最令我心心念念嘅就係壽喜燒🥹雖然香港都有唔少正宗壽喜燒店不過定價都比較高🤑肉屋係網店嘅時候我都幫襯過見佢開咗餐廳價錢又親民決定嚟試下👻🌟特上。薩摩牛壽喜燒($498)揀咗餐牌上中間價位嘅套餐套餐包咗霜降A5薩摩牛前菜、野菜盛合、蘭王蛋、白飯同甜品牛肉嘅質素一如以往令人滿意👍🏻油脂分布均勻，入口即溶點埋蛋汁口感更香滑🤤整體食材質素唔錯如果lunch時段更加抵食添btw見到網上有評論話服務好差又未至於既🤔我覺得首先佢呢個定價唔好期望佢會有個日籍師傅專門serve你🤣店員會示範點樣煮一次之後就要靠自己不過的確係可以做得好啲細心啲因為當日店員倒得太多壽喜燒汁令到個鍋入邊啲汁滾到瀉晒而且打呢篇文嘅時候先發現原來食完佢冇上到甜品🤣

如果超級趕時間，又想比錢吃好少少嘅牛，可以考慮依度。一坐低無奈就摧逼你嗌嘢食，然後一碟牛得兩塊好大嘅牛一夾起嚿牛就即刻收起你隻碟，基本上冇機會同朋友影相同傾偈，趕時間過食大家樂。由於佢分兩段時間嘅關係成件事好緊湊好趕急應該唔會再嚟依度食。食物質素我覺得OK嘅，服務生服務都可以，但係成件事非常唔合理地快，冇機會同朋友傾偈，如果你話佢係一人獨食會比較合理。牛的質素是不錯的，但以尖沙咀地區嚟講千幾蚊選擇多的是！

好神心一早訂定枱想試食呢間但係試完之後好失望我地叫左個特上A5和牛餐前菜係好食既，有小漢堡、胡麻醬豆腐同薯仔，不過前菜份量好細到壽喜燒主菜，職員有黎幫幫手，但最後都係要自己燒所謂既A5和牛完全唔覺係A5和牛食落口感覺係火鍋肥牛柴柴地既感覺好肯定無「溶」係口既口感個飯係正常不過加蛋一隻$16加飯又要加錢成個餐份量都偏少一個男仔，一個午餐完全食唔飽職員仲不斷清枱問我地食完未，想我哋交枱 價錢一啲都唔算平非常之唔抵食感受亦都好差真心想同大家分享，希望大家唔好中伏

由網店開始嘅壽喜燒 而家開左實體店一於同朋友嚟試下個lunch🤗有兩個lunch set1️⃣特選·薩摩牛壽喜燒 $199肉味重 有口感2️⃣特上·薩摩牛壽喜燒 $249油脂重 入口即溶而兩個套餐除咗A5薩摩牛片110g之外包埋前菜、野菜盛、日本米飯、漬物及蘭王蛋小編覺得特選A5薩摩牛好味d🫣另外仲點左杯 🍹星紫流砂 $38(石榴、益力多、碟豆花茶)整體係okay既 不過石榴味重過益力多味要讚嘅係店員第一轉會示範一次俾你睇教你點樣去煮👍🏻

前菜三點蘿蔔火腿薯蓉🥕味道食落不錯，應該係落咗蛋黃醬，黑椒嚟調味。薯蓉入面除咗有蘿蔔火腿之外，都食得出有薯仔粒同薯仔蓉。麻醬豆腐豆腐再配上一塊秋葵好夾，同埋個豆腐都幾滑！紅燒獅子頭調味似係溝淡咗嘅喼汁，紅燒獅子頭入面有軟骨，個人覺得識落感覺有少少似有口感嘅牛肉球🤣特選•薩摩牛壽喜燒（$199）特選•薩摩牛食落又油感冇咁重，食得出有肉肉嘅質感，唔似平時食開嗰啲咁油膩，食多幾塊都得🤩特上•薩摩牛壽喜燒（$249）一開始望落去覺得好多油花好肥，但食落去又唔會覺得真係好油膩，呢款比起特選會柔軟啲，冇咁有肉感😋野菜盛合入面有皇帝菜、娃娃菜、蟹柳、大蔥、芋絲、冬菇同豆腐，都係啲壽喜燒嘅基本嘢～烏冬（$20）烏冬係已經預先煮熟咗嘅讚岐烏冬，只要沾少少汁就可以食🤭整體評價，唔知係咪因為今次係食嘅lunch set，份量真係有D少🤣男仔應該會唔夠飽🤭不過佢嘅CP值又真係好高嘅，二百幾蚊食到薩摩牛～🫶🏻雖然係咁，但係薩摩和牛比起我平時食開嘅和牛，就算已經去到A4 level ，油花分布好均勻，食落都唔會好有入口即溶嗰種感覺，同埋比較少肉味。呢樣嘢係比較失望嘅🥺喺環境方面，肉屋又真係做得不錯，同埋啲Staf

見到呢間網上人氣極高嘅壽喜燒餐廳就去試吓。我哋兩個人叫咗最貴同埋最平嗰兩set. 晚餐時段，如果order最平嗰set佢會送一塊最貴嗰set俾你體驗吓。先講食物質素，我覺得食最平嗰set已經OK。因為我個人嚟講唔鍾意食太多油份嘅肉。最貴嗰set雖然啲油份平均分佈向肉內，但整體脂肪會比較多，食兩塊已經覺得好「漏」。環境同埋衛生方面，一入去成陣好臭嘅煮嘢食味再加上唔知點解個地板好油立次次咁。啲枱凳其實都唔係抹得太乾淨，硬係覺得油淋淋。洗手間都係比較污糟。價錢方面，夜晚食唔抵，建議大家午餐去食。

基本上燒肉依家越嚟越平民化，間唔中自己得閒都會去食吓啲一人燒肉啊，或者去其他好平靚正嘅午市場度食，所以呢一間餐廳仍然可以存在喺個市場上邊，都實在是難得，我間唔中都會嚟㗎，希望可以keep住佢有啦！

分別點了特選（$199）和特上（$249）兩個薩摩牛套餐特選的薩摩牛很嫩滑，但不是入口滿滿牛的油香也許特上的那個才是吧～（我沒吃到🙈）那些前菜沒什麼驚喜唯一讓我有點小失望就是明明一人套餐，但是他會把兩人的配菜放在一起我比較習慣那種每人一個套餐跟一個鍋，自己慢慢燒（當然以陰謀論，是配菜太少，所以直接用二人份量上，這看似會比較多🌝）而且還是離不開香港食肆文化太急於收拾桌面上的碗碟🌝速度更是只要你夾起不久，便會光速收掉了我們限時內吃完，打算喝喝茶聊聊天直到夠時間這根本是不可能….除了職員在中間‘兵鈴嘭鈴’清潔桌面然後會發現… 職員們是看著你這情況下怎可以享受聊天🤡反正限時又分時段的，不能讓客人好好坐一下嗎我會建議參考日本做法客人聊天比較重視私隱，職員是會跟客人保持距離，而且在適當的時候/客人呼喚時才會出現整體來說，$199是可以試試看。

係ig見到好多人推介呢間餐廳，話午市壽喜燒最平只要$199，即刻同朋友黎試下。餐廳係樓上舖，出電梯踏入大堂位置感覺黏立，唔知道係餐廳清潔問題還是地板關係，但餐廳入位置寬敞，坐得舒服。午市時間限時70分鐘，用qr code落單，lunch set選擇唔多，只有兩種品質的薩摩牛，及和牛丼飯提供，客人想食再靚d既肉就要另外加。《$249 特上·薩摩牛壽喜燒》前菜有三款，包括薯仔沙律，胡麻豆腐，和雞軟骨丸子，都係經典配搭，味道唔算好出眾。每個餐包一份蔬菜盛，一份肉，一隻蘭王蛋，一碗白飯及漬物。因為今次係4個人去食，圖中一碟的蔬菜盛為二人份量，份量偏少。特上·薩摩牛，係午市兩款肉入面屬於貴d果款，望落油脂分布平均，有肉味但不算濃。唔知係咪解凍問題定點，肉片一夾就碎，一係就痴住另一塊肉，導致大半嘅肉片都不能完整地下鍋。壽喜燒除左肉片，湯汁都好重要。餐廳提供既壽喜燒汁和水，讓客人可以自行調配比例。壽喜燒汁味道偏咸，食唔出甜味。頭一轉肉，餐廳職員會幫忙擺盤下鍋倒汁，教客人點整，之後就由客人自己處理。但未夠細心既一點係，唔會幫手收細個火，見到有客人整燶鐵板導致整鍋湯汁變苦。整體來講，係質素好普通既壽喜燒