影片
营业时间
今日营业
10:30 - 22:00
星期一至日
10:30 - 22:00
以上资料只供参考，请与餐厅确认详情
影片
相片
+210
寿司郎真系无论几时都咁多人排队，咁啱中五点几行过嘅时候见到竟然冇咩人就即刻入去食一食。三文鱼腩寿司中规中矩，正正常常嘅发挥，食得出新鲜同冇腥味的。鹅肝寿司，呢排想去食寿司郎好大程度就系为咗佢！ $17等于质素算系好好，食落就好似油脂一样入口即溶，好好味！寿喜烧寿司，呢个都系每次去寿司郎必点😭 真系觉得个牛肉嘅调味好香，牛肉食落去又唔会好韧，而且仲要只系$12一碟，超级抵食！芝士三文鱼寿司，加咗啲芝士食落去层次会丰富好多，作为芝士爱好者，呢个我都觉得好好食！软雪糕，大家真系可以试吓加啲豉油落去食，食落去有种好似食紧焦糖雪糕嘅感觉，加抹茶粉就可以食到抹茶雪糕嘅feel！食寿司郎，如果唔使排队都系几幸福嘅事，但系如果为咗食寿司郎要排一两个钟队就见人见智了
继续阅读
寿司郎总系好多人要等位。拣左个平日时间，下午茶时间去，提早两日喺手机订定位。下午茶好抵食，$40有个set，拉面或乌冬，配寿司。拣左乌冬配三文鱼寿司 ，乌冬有咬口弹牙，三文鱼厚身。打个底，然后先再叫其他，加甜品。
继续阅读
无论寿司郎开几多间分店，每间依然都好多人排！不过荃湾黎讲依间比起荃湾广场个间算少人了。朋友手机预约到依间就即兴去食。今次7月祭既限定款式无咩惊喜，所以都系叫返普通平时食间既款味道依旧落单后寿司送到既速度好似比其他分店快咁，哈哈！不过佢既鲍鱼寿司片鲍鱼实左薄得可怜
继续阅读
大大大大感谢祭1）大切黑鲔中吞拿鱼腩配葱花吞拿鱼蓉 劲大块吞拿鱼腩配大大旧吞拿鱼蓉，一口落去幸福嘅感觉出晒嚟，鲜甜可口充斥住成个口腔内，每一啖都系幸福☺️。5🌟2）特盛葱花吞拿鱼军舰鲜甜大旧，爽！4🌟3）大切柚子胡椒长鳍吞拿鱼几清楚，几特别。3🌟4）浓厚海胆拌面海胆系甜嘅，如果冻食系正嘅但系面上面被整到暖暖哋，等自己就唔太钟意啦⋯⋯个酱似芝士味劲浓郁劲香劲好食，差少少食晒留唔到比男朋友比人啤住😋。3.8🌟5）期间限定tiramisu好大阵酒味，都唔错，不过湿啲会再好食啲。3🌟
继续阅读
寿司郎五月，新品一览‼️拣咗最抵食𠮶几款嚟试吓🤤骏河湾军舰双味： 比较普通，可以唔使试。吞拿鱼萩饼： 咁多吞拿鱼蓉好似好怪，食落有啲腻，纵使加咗萝卜，所以想食嘅话都系食返小卷好啲。生松叶蟹脚一贯两本：呢个几抵食，而且啲蟹几甜。🤤松叶蟹天妇罗：呢个价钱净系得一嚿，我觉得都系食返上边𠮶个好啲👆🏿青森县产生海鳟包：呢个同普通三文鱼食落分别唔大，只系冇咁油。九州产芝麻渍鲭鱼：呢个味道几特别下，但系都系同普通鲭鱼一样要小心细骨👌🏿青森县产际渍比日鱼: 呢个食觉口感好弹牙，而且味道都丰富，值得一试🤤🤤
继续阅读