壽兵衛 - 壽喜燒專門店

营业中

休息中

HK RESTAURANT WEEK 好多餐廳都推出超抵 Dinner Menu！好耐冇食壽喜燒，呢個moment我唔忍喇~~~ 去壽兵衛威威！😎🌽 前菜三點，京都白粟米清甜爽口、慢煮鮑魚彈牙、北海道蕃茄配柚子啫喱酸甜開胃，one-bite份量剛好，提提個胃開始運作喇~🥚 茶碗蒸食得多，穴子茶碗蒸真係第一次食，估唔到咁夾，穴子係口溶化嘅感覺好正！加咗幾粒有馬山椒，有畫龍點睛之效。🥩 今次嘅壽喜燒係關西風，會先煎牛肉，再加醬油同糖調味。套餐包咗 A4和牛肉眼 + A4和牛西冷 + 日本黑豚西冷 各一塊，滿足我三個滿望~🐮 西冷即係後腰脊部位，脂肪比例較低 ，油花分佈平均，肉味較濃郁，口感有嚼勁； 肉眼就係肋脊部位，油脂豐富、口感軟腍；黑豚西冷肉味香濃，口感比較實在，如果可以肥啲更好！我係大人唔洗揀，三款都好鍾意Desu~~~~~🥕 事關肉一定要配飯食，餐仲有跟一份好好味嘅烏冬，所以三塊肉都真係好夠好飽.... 最尾上嘅野菜盛合有日本春菊、紫心蘿蔔，索哂啲肉汁香噴噴，再飽都要繼續食。🍦舞茸菇清湯清清地唔錯，甜品有超甜哈蜜瓜加開心果雪糕，雪糕味道有驚喜！$498/每位食到咁多，今餐大滿足！

銅鑼灣駱克駅是匯聚多間水準高既餐廳，今次為大家介紹一間高質日式餐廳 - 壽喜燒席前料理餐廳座位都是席前，可以近距離望著師傅烹煮每一道菜式，能夠完全滿足到我的視覺和味覺🫰🏻🌟Deluxe Wagyu Set💥前菜三點，擺盤精緻✨磯煮鮑魚：鮑魚口感彈牙，鮮味十足✨北海道啫喱蕃茄：溫室蕃茄，爽口清甜，配酸汁好開胃✨京都白粟米：粒粒飽滿，甜度極高，一試難忘💥三點刺身大拖羅、金目鯛及帆立貝💥日本海膽配他他和牛和牛他他鮮嫩質感配上香脆餅乾，豐富的口感及味道令人著迷! 再混合海膽、鵪鶉蛋、黑松露醬，增添左順滑感及鮮味感，令人心動💥茶碗蒸蒸蛋入口細滑幼綿，蛋汁混合高湯和食材精華令其味道特別濃郁💥野菜盛盒盛盒有京蔥、日式豆腐、紫心蕃薯、日本南瓜、蒟蒻結、皇帝苗、冬菇、大白菜，十分豐盛；燒好既野菜吸滿和牛精華，特別滋味💥美國熟成肉眼大大的一片肉眼，脂肪平均分佈，柔軟度高，肉質帶有油香味，入口即化，再點上九洲清淡雞蛋，口感更滑溜💥香煎牛舌牛舌厚切，煎香後再灑上淡雪鹽、蔥花、辣羅白蓉和柚子醋，令牛舌更加惹味! 💥日本和牛西冷及肉眼西冷肉質鮮嫩多汁，牛味濃郁；肉眼夠軟腍，入口即溶；再蘸上蘭王蛋汁，蛋黃挺身，掛汁

今晚有食神，友人請食壽喜燒。來到銅鑼灣一間壽喜燒專門店，入內己聞到肉香。前菜三款：鮑魚，水雲，白粟米茶碗蒸非常滑溜。穴子綿滑，加入了山椒，增加了味蕾嘅層次。隨即壽喜燒開始了，肉類分為 A4級肉眼， A4級西冷和黑豚西冷。全程師傅找為效勞，等食就好啦😅首先是A4肉眼，紋理勻稱，入口溶化，肉味香濃。另一款 A4西冷同様地入口即化，好正。黑豚西冷肉質軟熟，味美。肉與肉之間會食用一些蔬菜減輕膩感。最後一碗舞茸菇清湯，完滿😁。

朋友得知嚟間壽喜燒專門店做緊優惠，嗱嗱臨約我們去聚一聚，順道食美食。首先係前菜，有磯煮鮑魚，十分軟熟；酸咪開胃水雲和超甜白粟米。蒸蛋非常幼滑。星鰻入口即化。坐在吧檯望著廚師在烹調食物，那種認真，技巧純熟，讚👍。打頭陣A4肉眼，油脂跟醬汁融為一體，肉質軟腍，好味。喜歡的話，蘸少許蛋漿，味道更上一個層次。A4西冷也毫不遜色，同様軟腍，口腔內滿滿是脂香。黑豚西冷有質感，肉味香濃。肉與蔬菜輪流分隔，可減輕肉類嘅膩感，十分好。舞茸菇清湯時令食材，清甜好飲。

最近餐廳都在做優惠，吸引人留港消費，今晚就嚟到壽兵衛食壽喜燒。價錢$498，抵食！前菜刺身3點活八爪爽口彈牙，就好似啱啱捕撈上岸一樣。水雲醋如絲般幼滑，一下就滑到喉嚨裏。鰹魚有着濃濃嘅魚味，同剛剛嘅水雲醋反差甚大。有馬山椒配穴子茶碗蒸估唔到山椒同茶碗蒸嘅味道係咁夾，再加上新鮮嘅鰻魚，每一啖都係滿滿嘅幸福感。終於到壽喜燒上場，首先食嘅係和牛肉眼，油脂均勻，肉味濃厚，先試原味，然後再沾上薄薄嘅蛋漿，又是另一番風味，漫不經心就食咗一碗飯。接下來嘅係和牛西冷，入口即溶，鬆化無比，迅雷不及掩耳又食多一碗飯。最後係黑豚西冷，薄薄嘅黑豚肉配上壽喜燒汁，配上豆腐同金菇，就是一道暖心小菜呢。跟着師傅就為我哋送上一個舞茸菇烹調嘅清湯，清一清口腔，解一解油膩。接下來嘅係特色燒汁炒烏冬，烏冬爽口彈牙，最有特色嘅可是上面的彩色芝麻呢。甜品係開心果雪糕，配上北海道蜜瓜，為滿足既一餐落幕。

如果掛住日本的壽喜燒，真的推介來銅鑼灣這間壽喜燒專門店。Restaurant week 滙豐卡正正做緊優惠，晚市$498就可以食到原價$680的晚市dinner set。餐廳不大，開放式的設計，一目了然。晚市都幾full，真的最好預先book枱。$498的dinner set 內容豐富，先來的前菜三點有活八爪魚、水雲醋和鰹魚，擺盤十分精美，八爪魚質感彈牙鮮甜，水雲醋酸酸地幾開胃，可以清新一下味蕾。有馬山椒穴子茶碗蒸穴子即是我地食開的鰻魚，蒸蛋夠熱，水潤又滑嘟嘟，鰻魚微甜，食完十分暖胃。Set dinner包了2款牛肉，分別係和牛肉眼及和牛西冷。師傅先煮熟啲野菜，再處理牛肉。我地先食肉眼，見佢三兩下手勢就將肉眼煮熟，再放上野菜伴碟，就送到我地面前。肉眼一啲都唔薄，食落好有口感，蘸上鮮雞蛋，肉質更滑，再配一口日本米飯，飯煙韌軟糯，牛肉脂香滿溢，兩者一齊食，就係最美味的配搭。第二塊和牛西冷同樣肥美，牛脂和肉味都不輸第一塊和牛肉眼，用黎送埋餘下的蛋漿和白飯剛好。其實飯可以任添，但我留肚食烏冬。中場來了杯舞松茸蘑菇清湯，舒下胃氣。最後最後的豚肉，爽口彈牙，好好食~伴菜中還有一小塊青蘋果去膩，很貼

這間位於銅鑼灣的壽喜燒專門店❤️，裝潢簡約舒適，靜謐環境令人感到自在享受🥰，可以靜靜地近距離欣賞師傅處理食材過程😋✨Dinner Menu $980✨先付三點包括磯煮鮑魚、胺康魚肝及八爪魚醋蜜，鮑魚爽彈清甜；厚實魚肝質地綿密細膩八爪魚醋蜜爽脆鮮甜✨刺身三點包括章紅魚、赤身及帆立貝，章紅魚質地爽脆；赤身軟綿柔軟帆立貝味道鮮甜✨三文魚籽松葉蟹茶碗蒸茶碗蒸很滑溜，蛋味香濃，松葉蟹肉清甜，表面配上新鮮飽滿三文魚籽點綴✨關西風壽喜燒牛肉選用日本A4和牛，和牛肩胛肉牛味突出，質地爽中帶厚；和牛肉眼油花分佈均勻，入口即化；和牛西冷味道香濃，建設蘸生雞蛋液及配上白飯，可減低油膩感，餐廳亦很貼心地在中途會換新蛋黃，確保有新鮮蛋液✨季節野菜盛合中途會穿插野菜盛合，特別喜歡南瓜，甜美綿軟✨舞松茸菇清湯✨黑松露和牛炒烏冬和牛肉質軟腍，以黑松露調味，香氣濃郁✨開心果雪糕及蜜瓜味道濃郁，增加開心果碎增加口感；蜜瓜清爽甜美店員會簡單解說每道菜式，由最淡味牛肉吃到濃味，中間亦有適當休息時間，上菜速度控制得剛好，店員亦服務有禮，用餐體驗很好💯

主打壽喜燒日本料理, 好友一早訂咗位食好野前菜：磯煮飽魚- 醬汁及昆布慢火去炆,肉質保持鮮嫩彈牙,正北海道蕃茄-味道濃厚, 酸甜味平衡.京都白栗米-鮮度夠, 咬口爆汁刺身四選: 金目鯛/牡丹蝦/拖羅/帆立貝 4款都超新鮮, 拖羅魚香, 真心回味, 至愛蒸碗蛋-滑嫩.冬菇和蔬菜，蛋汁混合高湯和食材的精華，吃起來份外鮮甜.日本A5和牛肉眼-油脂分部平均,和牛加上壽喜燒煮.要加上九洲蛋蛋味清淡更食到和牛風格.A5西冷-肉味會濃,但咬口超嫩,.好正~~美國熟成牛-點了5成熟完成後再用岩鹽, 大蔥,洋蔥,蘿白蓉,微辣, 淡雪鹽,入口口感極佳野菜盛盒-南瓜,豆腐,洋蔥,煮後再加上壽喜燒汁食用, 解油膩之餘增加了任食滿滿筋子釜飯-有枝豆,松葉蟹肉,黑松露及無限食筋子,令到我又增加食慾.舞松茸菇清湯-吃完和牛後就會提供,舞松茸菇清湯鮮油膩感.要飲椰子雪糕配蜜瓜-有咬口椰子絲較清新,配上清甜蜜瓜有完美句號.真心, 質素高, 生日,升職,傾計的好地方

壽喜燒餐廳在香港少之又少好吃的當然更難上加難看見有很多人推介位於銅鑼灣的壽兵衛而且是我喜歡的關西風立馬預約一試餐廳提供多個套餐選擇今次和朋友分別品嚐了兩個套餐我點的是最豐富的Supreme Wagyu Set ($1280)✤ 前菜三點 蕃茄配柚子啫喱：北海道蕃茄🍅非常清甜水雲：清爽酸甜非常開胃白粟米：來自京都🇯🇵的白粟米有如甘蔗般清甜✤ 刺身四點分別有帆立貝、鰤魚、大拖羅和牡丹蝦每款都很新鮮厚切尤其大拖羅🐟非常肥美入口油脂香氣久久不散✤ 和牛刺身及和牛紫菜卷肥美的和牛刺身配上洋蔥🧅和酸汁同吃開胃不膩而且口感軟滑至於和牛紫菜卷用上紫菜包著海膽和和牛粒同吃海膽味道鮮甜濃郁加上和牛粒絕對是奢華享受😋✤ 蒸物有別於坊間的茶碗蒸餐廳很有想法加入了有馬山椒和穴子穴子綿綿的口感和滑嫩蒸蛋🥚很配合吃到山椒的時候那獨特的味道令人相當有驚喜✤ 壽喜燒來到戲肉壽喜燒部分這個套餐包了牛舌心🐂、A5和牛肉眼、A4和牛西冷和季節野菜盛合牛舌心燒到外表金黃伴隨洋蔥🧅、雪鹽、蘿蔔蓉和酸汁同吃無論口感和味道都很好至於A5和牛肉眼雪花❄️均勻肥美入口有溶化的感覺而A4和牛西冷則肉味較重期間師傅亦會烹調不同蔬菜🥬給我們享用

高質和牛壽喜燒😆好肚餓，二話不說就揀咗性價比高嘅$980 Deluxe 和牛套餐。/ 前菜三點 /1️⃣磯燒鮑魚片2️⃣北海道蕃茄，加上柚子啫喱3️⃣京都白粟米三樣嘢都係清甜開胃，令人已經好期待之後嘅食物。/ 刺身 /1️⃣帆立貝 - 令人深刻嘅帆立貝刺身，口感軟糯，有淡淡嘅海鮮鮮甜味道，好少食到咁好食嘅帆立貝刺身。2️⃣金目鯛 - 本身金目鯛魚香豐富，輕輕火炙過之後，味道多咗層次，濃烈咗。3️⃣拖羅 - 油脂豐富，魚香湧溢。/ 和牛他他 /加入海膽、黑松露醬、鵪鶉蛋，撈勻，再配餅乾咁食，味道多元化！/ 穴子茶碗蒸 // 席前壽喜燒 /1️⃣巴西牛舌芯2️⃣美國自家熟成牛3️⃣A4 西冷4️⃣A4 肉眼師傅好有心機咁幫我用壽喜燒方式處理唔同嘅牛肉，仲有兩款蛋黃可以配，分別係紅雞蛋同埋黃雞蛋，都係荔枝日本無菌雞蛋。和牛牛味濃郁，油脂分布平均，真係好好食。/ 釜飯 /最後加入蟹肉、黑松露、枝豆等材料，整成嘅釜飯，飽足！/ 巨峰梳打汽水 // 甜品 /

📍壽兵衛 銅鑼灣📍好想食和牛，於是搵咗一間食和牛壽喜燒餐廳。位於銅鑼灣鬧市區，方便易搵，環境闊落企理，好有日式風格，舒服。叫咗$1280 Supreme 和牛Set🥰🩵前菜三點磯燒鮑魚 - 好入味，口感軟熟北海道蕃茄配柚子啫喱 - 清新開胃京都白粟米 - 爽脆鮮甜🥰🩵刺身有四款☺️ 分別係帆立貝、金目鯛、拖羅同牡丹蝦。本身諗住嚟食壽喜燒，估唔到刺身都非常有驚喜，非常新鮮，魚味十足！🩵A4和牛刺身 配生洋蔥比較少食和牛刺身，但係估唔到係另一番風味。牛味濃郁，配上生洋蔥，味道豐富。🩵茶碗蒸加入咗有馬山椒，仲未好似鰻魚嘅穴子。🩵 和牛紫菜卷，上有海膽，可以加埋紫蘇葉咁卷喺紫菜入面食，又係一次全新嘅體驗，好特別，好食。壽喜燒部份：🩵巴西牛舌芯🩵A4 西冷🩵A5 肉眼啖啖肉，淡淡豐富嘅油脂香，用嚟配日本珍珠米，同埋日本蛋黃，非常之好食，齒頰留香，回味無窮。飲品就點咗白桃梳打❤️❤️服務態度非常之友善同埋積極！開心嘅一餐！

之前去吃過晚市套餐，好吃又好飽😋🤭呢次就同朋友又去吃午市套餐，想吃得豐富些，和朋友都揀左468的套餐。1. 先吃刺身作為前菜，有新鮮鮮甜帶子，真的和一般的價格便宜一點的帶子不一樣，鮮甜可口很多。2. 鐵板和牛牛舌，配上洋蔥絲🧅撒上不鹹的海鹽🧂提味和酸汁醬汁，酸甜開胃，牛舌也就不膩了。3. 三文魚籽提鮮和式蒸雞蛋🥚配菜還有蘑菇🍄‍🟫雞蛋很滑嫩好吃。4. 看得到他們的份量很足，很大一片和牛🥩食材有牛肩胛肉一大片，美國肉眼，我和朋友是分享一起吃，所以吃了日本黑豚西冷片和日本惠比壽雞腿肉，鐵板後先吃一口，然後配上日本雞蛋🥚一起吃更加滑嫩好吃😋5.用關西風壽喜燒的做法煮好素菜給我們吃，令蔬菜🥬更鮮甜可口解膩。6.最後是還有日式炒烏冬配壽喜燒素菜一起吃！正！還有椰子🥥雪糕🍧做甜品，椰子味好濃又好香甜。整個過程很享受，他們服務又好，會再去的。💕

這間壽兵衛位置十分方便，餐廳地方不算大，有個開放式廚房，座位全部面對吧檯，可以坐在大廚席前睇著大廚烹煮，跟大廚有互動，很有氣氛。午市比較抵食，點了$468 的兵の膳。先有刺身三點，有北海道帶子，尾追及大拖羅，很肥美，特別是大拖。三文魚籽茶碗蒸夠熱，蛋夠滑。塩煎牛舌，口感軟嫩，多汁又有嚼勁，配上洋蔥，香蔥，雪鹽及柚子汁一齊食，減輕油膩感。A4和牛肩胛，油花細緻，充滿濃郁牛脂香，肉質嫩而多汁，五成熟剛好，入口即溶，配上日本生雞蛋一齊食令滑質更滑。美國熟成肉眼，油花分佈均勻，肉質偏瘦，肉味濃，口感鬆軟。日本黑豚西冷片，入口軟腍鬆軟，有彈性，肉味香甜不膩。惠比壽雞腿肉相對則比較普通。套餐會有一盒野菜盛合，燒完會跟埋不同的肉類盛上，餐廳好細心，會問清楚客人當中的野菜岩唔岩食先。套餐亦有白飯/烏冬選擇。食完所有肉會有舞茸菇清湯清一清油膩及口腔。最後還有雪糕及蜜瓜作甜品。椰子味及開心果味的雪糕都很有驚喜。

上2星期跟客戶吃過壽喜燒之後，心中又念念不忘，跟老公提起他二話不說book了一間壽喜燒專門店跟我去食，超開心呢。壽喜燒set 現在做緊優惠，$980一位，可以試勻三個不同部位的牛肉，而且仲要是我最喜愛的關西風味壽喜燒，真的非常期待。先付三點磯煮鮑魚軟淋鮮嫩，醋漬八爪魚入口爽嫩彈牙，鮟鱇魚肝有如鵝肝般的細滑豐腴感，入口即化。刺身三點北海道帶子味道鮮甜可口，新鮮的鯖魚好清甜而且肉質嫩滑，赤身脂肪量少、肉質比較實，有咬口而味道鮮美。三文魚籽松葉蟹茶碗蒸三文魚籽份量不少，每一口都感受到三文魚籽爆開的滋味，口感細滑，完全帶出豐富嘅海鮮鮮味，啖啖蟹肉。壽喜燒A4和牛提供了三個不同部位有西冷、肉眼、牛肩肉，先由A4和牛肩胛肉開始食起，師傅先灑上沙糖在鍋中再加入和牛煎到7成熟，先吃一口原味，肉質鮮嫩多汁，肉味香濃焦香，第二口沾上蛋汁，多了一份蛋香味，配上白飯可以解去和牛的油膩感。第二款A4和牛肉眼5成熟，嫩滑可口，極致的柔嫩肉質和濃郁的牛味，肉表面的霜降紋理均勻，均勻的油脂，入口即化。最後一款A4和牛西冷，肉質油脂分佈堪稱完美，肉質鮮紅，口感細膩美味。蔬菜配料有津白、洋蔥、冬菇等等，各款都煮到恰到好處