壹蒸鍋

营业中

休息中

來了餐廳三次以上! 位置方便, 食物算不錯 ~ HK$200 左右吃蒸海鮮 + 火鍋, 性價比不錯!但最後這次經驗令我以後不想來! 朋友生日訂了位置替他慶生, 三人訂了晚上八時半~ 準時來到, 門口接待員給我一張票叫我等等, 等了十分鐘叫我入座, 進去後發現是一張二人枱, 一邊梳化一邊是椅子!侍應叫我們坐迫點, 因我三個人, 兩個朋友是大男人, 真的不能迫著坐~ 我說坐不下~ 侍應就叫我出去再等!好, 無問題, 等了十五分鐘還未有位置, 那時已經八點五十五分, 我問門口侍應 (帶眼鏡的中年女人) 究竟要等多久, 她語氣很差地說未有人結帳,我問有沒有枱是差不多吃完 (限時放題都知道何時可以番枱吧), 她好大反應說:  嘩, 什麼意思, 我早早訂枱, 三個人你給我一張二人枱要我迫著坐, 但收費你就收我三個人.... 我朋友馬上著火反駁她, 她竟然邊說粗口邊走開!!! 我們三位生氣得馬上走了~ 以後也不想來了!以下是我之前光顧過的相片~ 無下次了! 

🇭🇰#香港捐窿捐罅記兆萬近年食店質素慢慢提升🌝我之前介紹過既壹火鍋🥘就係其中一個CP值高既代表👍咁我之發現原來佢仲有多一間餐廳係兆萬叫壹蒸鍋 主要係食蒸既食物同火鍋😆 所以就特登去試下 睇下質素係咪都咁高🙂-一入到佢揀完湯底 就會上個海鮮蒸鍋🥘比你 入面d料好豐富 有鮑魚 聖子 生𧐢 扇貝🐚 龍躉肉🐠等等 全部都超新鮮 特別係鮑魚 十分之爽囗👍🤤 只有新鮮既鮑魚先做到尼個口感😂 之後聖子肉十分之甜美 有咬口☺️ 任點既蒸品入面都唔係求其 魚雲雖然唔係好肥美果種😐 但係剁椒既味夠入 所以都幾正🤤仲有雞腎🐥 用鹵水整過 再加上佢本身爽口既口感🌝 我叫左成三,四次😂😂 海蜆🐚都好新鮮 平時係出面食 點都有一,二隻 一早死左 唔開口 但我食果時全部都開👍 夠新鮮🤤唯一唔好處係 因為全部都蒸一個時間 有d肉類就蒸過左 好似雞肉 或豬肉 就入唔到口 好鞋😐火鍋就同壹火鍋差唔多 我就唔特別講啦🙂總結來説 係另一個CP值高既任食放題🤤 推薦中意食海鮮既朋友去 👍 我有機會都會再去 因為上次食唔到 佢最出名既🐠'招牌榣柱龍躉魚粥鍋'🐠🙁-🎈旺角西洋菜街1號兆萬中心15樓-平均傷害：$200好味值：7/10

自己有留意instagram, 知道裏邊有得清蒸海鮮同埋刺身,覺得幾特別。於是上個禮拜一個人去食。蒸鍋以及窩底有多種選擇,我自己胃口比較大,選擇咗招牌嘅瑤柱龍躉魚粥喎。估唔到裏面有生蠔, 蜆, 鮑魚,扇貝。這些海鮮自己買都非常貴, 所以覺得好抵食。尤其是鮑魚非常夠份量。😘😊而且令我覺得窩心, 就是海鮮非常新鮮。這顯得店主非常用心,他們很用心會給你一個計時器, 就是設計出清蒸海鮮有固定的時間。否則太熟就唔好食。另外環境非常整潔大方,服務員又有禮貌。令我覺得有賓至如歸嘅感覺。

睇睇下IG，見到同事食蒸海鮮又刺身，睇到口水都流埋， 一問之下原來係壹蒸鍋，所以就立即約人黎食！因為個蒸鍋要等一陣先食到，所以店員好貼心咁準備左餐前小食，可以開開胃，正呀！有我鐘意LUN既雞腳，夠林，呀婆都食得。我地係食18:00-18:30既時段，個價位係HKD 189，因為得兩條友食，決定簡最普通既A款海鮮蒸鍋。蒸鍋，鍋底有多款選擇，我們選了招牌榣柱龍躉魚粥鍋。一睇圖就知好正，有生蠔，螺，鮑魚，蜆，扇貝，魚。老實講，係HKD189既價位有咁高質既海鮮已經好偷笑了。樣樣都咁新鮮，最衰因為得兩個人，因為可以追加其他拼盤去蒸，變左我朋友唔想浪費錢再加海鮮。反而我地加左30元夠SASUMI 任食。我見到左右隔離都加晒，咁我地都唔執輸，齊齊加！個刺身拼盤色澤好新鮮，我地點左三文魚、榮螺片等等，三文魚好肥美，肉質鮮甜，我地預左要黎多round!榮螺片夠彈牙又爽口！尼30蚊加得好抵!蒸品：剁椒蒸魚頭雲和小籠包、黃瓜鮮味十足。最後我地加湯變粥底，好夠綿，因為吸了蒸海㶍的精華，味道好鮮甜。

近日天氣乍暖還寒，真令人頭痛是否著了合適衣服。這幾天晚風到來，我跟同事來一個即興節目 — 打邊爐 ！平時很少提議的同事提出旺角兆萬的壹蒸鍋，那就順應他吧！ 哈哈湯底己很有睇頭 — 榣柱龍躉魚粥、 潮洲蠔仔、鰹魚清湯等等 ， 我們選擇了魚粥！ 湯底HKD 60 粥是精華所在- 龍躉魚、各種海鮮溶入其中，很鮮甜啊。而層是各種貝殻類 - 扇貝蒸粉絲、活鮑魚、龍蝦、蜆 —— 份量十足！ 很鮮甜，肉質有彈性，一次滿足了！ 用最簡單方法烹調才食出其鮮味嘛！ 另外，還有其他任食選擇也不少 —- 有 雪花肥牛、羊肉片、黑豚肉片、黃鱔、花膠、韓國麵等等。 雪花肥牛種的脂肪比例蠻多，羊肉穌味正常。整體來說我們都很意，價錢約HKD300 （按時段），還有這麼多選擇。四人還可豁免湯底費，婆仔數又出來了！

本來開心帶朋友食, 好耐之前幫襯過幾次壹火鍋。諗住同佢係姊妹公司, 應該服務、食物質素差唔多。所以試吓, 但以後及會叫識得的人, 唔好浪費金錢囉。入座時, 員工無講解, 坐底至講, 講到好Q快同亂, 亞姐我成日嚟食咩。之後問人要粥底定湯底, 我記得訂枱時, 我問食粥後有無得打邊爐, 佢話食咗粥就加水可以打。但果刻盤粥好多, 未食完我都飽, 食條毛呀。又燶咗, 個爐自己熄N次, 我又開N次。之後未夠個半鐘, 追last call及要人埋單。未夠兩小時, 吹咗四次叫人交枱, 頂你撩人發火, 免費都唔想食啦。

朋友生日，生日飯佢想食蒸海鮮，於是搵黎旺角壹蒸鍋。6:40上到去唔算好多人，侍應先叫我地揀湯底，好奇怪點解蒸海鮮要叫湯底。原來個價錢係蒸完海鮮，可以再打邊爐，於是我地揀左招牌嘅榣柱龍躉魚粥鍋。之後侍應一盤海鮮，有生蠔、鮑魚、帶子、大蜆、蟶子，3個人份量。而其他蒸野就可以係點餐紙揀，但望真d，要海鮮的話就......只有海蜆同魚，完～點左幾樣野之後，黎到望到。。咩事，做咩變左蒸點心咁款呀，蒸野唔係放晒上去，由得d精華滴晒落個粥度咩!? 3個人食左呢輪就無再叫蒸野~ 老實講，呢盤蒸海鮮味道係唔錯。鮑魚彈牙，帶子同蟶子味道都唔錯，只係食完呢 round 就無，十分失望~之後唯有叫下其他打邊爐。侍應話可以食左個粥先，之後再加湯打邊爐個粥唔係打邊爐咩。打邊爐配料同出面任食差唔多，其本嘅肥牛、豬肉片、丸同菜都有。可能一心係食蒸海鮮，所以今晚有啲失望，因為打邊爐的話，呢個價錢仲有好多選擇。

食物新鮮，環境舒適，唯店內等同沒有服務。。。多次找店員想取餐具或幫忙蒸食物，要叫很久才有人理你，多是聚在一旁傾偈，有朋友問點解肥牛前後2次order顏色分店甘大，個店員就大聲夾惡話甘隻隻牛個個部位都唔同，係甘架啦，到差不多夠鐘前15分鐘到遲左3個字走，已有3個不同店員走埋黎叫你盡快食，夠晒鐘要走。。。。奉勸想同朋友傾多陣，或傾到忘形時忘了時間的朋友們，要自己決定係米要去此店幫襯。。。。(催我地3次叫我地走時，店內只有3枱客人，還有8-9張吉枱)

近來海鮮蒸鍋十分大熱蒸鍋比火鍋健康很多沒有用太多的調味料這裡也有不同的醬料來供大家吃用餐廳會根據人數先送上日式小菜還可以點刺身有我最愛的三文魚我們在這裡點了龍蝦在蒸鍋第一層內有龍蝦和扇貝龍蝦用了大量的蒜泥來蒸龍蝦的鮮味加上了蒸泥令到龍蝦的味道鮮上加鮮龍蝦的肉質也十分爽彈扇貝加上粉絲和蒜泥粉絲吸了扇貝的味道更好吃第二層中有生蠔、鮑魚、鮮魚、蝦、蜆也加上了大量的粉絲和蒜泥來蒸最後海鮮的精華都會由蒸鍋中滴到下面的火鍋湯底中如果大家還未吃得夠過癮的話還可以點其他食物來放在蒸鍋中吃得夠了也可以吃火換一下吃法可以滿足2個願望

你有沒有常常在想想要吃火鍋又想要來的健康的蒸鍋好想要額外吃點什麼例如生果沙拉或是日式料理那位於旺角兆和中心的 壹蒸鍋就在適合不過 滿足你所有的條件當然必選龍蝦啦一整隻肉又滿滿的彈性而且還鎖定要8分鐘蒸完蒸完肉汁還是牢牢鎖住在龍蝦肉裡帶子蒸蒜蓉粉絲好吃到都快哭了第二層也是滿滿蒸物有生蠔、魚肉、鮑魚、花蛤用蒸的全部保留了海鮮的鮮度完全不會流失就算是流失了也是透過蒸氣孔滴到最下層的火鍋湯底裡壹蒸鍋讓我最愛的是調味料超級多 百百種呀！可以根據個人愛的醬料去選擇像我個人很愛X.O醬這裡居然是滿滿一大鍋任你取多少還有特別款式桂林辣醬放題呀我最愛三文魚無限refill都沒問題不過千萬不要浪費喔到火鍋這一part當然少不了涮牛肉啦

蒸鍋有好多各式各樣既，呢間都算夠足料夠份量。先黎蒸海鮮，佢既海鮮都幾新鮮，而且有好多款，雖然已經set 定，不過夠份量既。聖子，蠔，蜆，飽魚，魚，蝦，帶子，各各式式既海鮮都有得蒸，味道唔錯既，市面上係少有，就算有都唔係呢個價錢。蒸完海鮮就開始火鍋啦。火鍋料都算多，有牛，蝦，花膠呢類唔錯既火鍋料，味道都可以既。其他各各樣樣都有。飲品，都係出面打邊爐有既韓國飲品，其他罐裝飲品，算齊全。甜品有雪米滋而且係有同味道，雪條，牛奶公司雪糕杯，。不過唯一不足既得90分鐘，由入座計，叫同等都用時間，而且都用左差唔多40至50分鐘蒸同食，之後就開始火鍋得番1個鐘同食甜品，所以都趕趕地，唯一美中不足地方。總結食物質素好，甜品野飲夠。不過就要食得趕趕地啦。

有齊海鮮蒸氣鍋、火鍋嘅放題，因為聽聞粥底火鍋超正兼抵食而前來一試。 一開始就蒸海鮮，呢間野好有趣，店員會不斷幫你係計時，幾耐先蒸完幾耐先可以打開等，佢地會掌控哂D時間，令你感到極不自由。而當你嘗試打開的話，佢地會馬上過黎勸阻，我推算佢地咁樣係想確保D海鮮係新鮮姐，無咩惡意。重頭戲就係海鮮蒸到咁上下，佢D鮮汁就會流落粥底,，食哂D海鮮之後,，粥底會變得非常清甜，令你食完再食，欲罷不能！呢個價錢有咁多海鮮咁正海鮮粥，我認為係好抵！海鮮真係超級生猛！蝦、鮑魚全部野食都活生生咁整熟。不過見到個一刻真係覺得自己有D殘忍......所以食完一餐之後，暫時都無打算再去食第二次住。好食係好食，但要活生生整熟佢地，於心何忍？11PM後放題套餐：HKD169(加一服務費)

老公生日，晚餐去旺角「壹蒸鍋」食他最愛的蒸海鮮粥底火鍋放題，餐廳環境都幾舒適，仲有卡位坐，價錢方面非常抵食，每位約二百多元就可以食，蒸海鮮拼盤、再加火鍋刺身放題。上層的蒸海鮮非常豐富，有龍蝦、鮑魚、蠔、貴妃蚌、蜆、蝦等，款款新鮮惹味，特別是龍蝦肉質爽口彈牙，仲有滿滿的膏，扇貝、聖子大大隻～下層食火鍋有十多款的湯底選擇，我們點左招牌瑤柱龍躉魚粥鍋底，粥煮到軟綿綿，吸收了上層海鮮的精華，更鮮甜美味～仲有二十多款的火鍋配料以及刺身、飲品、任食，絕對值回票價！另外，值得一讚的是職員換碟速度非常快，而且態度有禮！

作為海鮮控的我, 一看到一大盤海鮮就會按奈不住。 今次要和大家介紹的是又可以食蒸海鮮, 又可以吃粥底火鍋, 又可以打邊爐的地方。 而且價錢算便宜。 二百多元任飲任食就可以捧著肚子走嚕!先給大家看一下餐牌喔, 其實一到來每人也會有海鮮拼盤, 然後就選擇湯底, 湯底選擇都算多, 有胡椒豬肚呀, 喇沙海蜆呀, 蠔仔粥呀等, 還有很多打邊爐的湯底。而我自己就選擇了招牌龍躉瑤柱粥底, 實行又可以食粥, 又可以蒸食物和打邊爐的食法。餐牌蒸品和火鍋配料的選擇不算太多, 但有海鮮吃, 我覺得份量也算足夠。然後我就要介紹一下重頭戲,蒸海鮮, 種類也算多, 有帶子, 蟶子, 鮑魚, 大蜆, 蠔和蝦等! 每樣都大大份。 我覺得海鮮這個價錢來說算不錯! 蒜蓉粉絲我就覺得可以再濃味一點。如果想要龍蝦和刺身可以加錢喔!來海鮮的時間, 員工都會放計時器在旁邊, 確保蒸海鮮的時間。蒸海鮮的同時, 我們亦叫了一些蒸品一齊蒸, 節省時間。 蒸品我覺得一般般, 清酒蜆還可以, 所以我叫了兩輪!我們蒸了兩輪才吃粥底, 所以整個粥底也很鮮甜, 入味。粥底材料不算很多, 有少許魚肉, 豬骨和蜆。 但都非常好味, 吃完粥其實也有8

前兩日上openrice睇到衣間好似唔錯既蒸氣火鍋，放是book左夜晚兩個人。去到可能仲早，6點鐘，得一枱客人🤣 入去會有前菜送上，估唔到原來仲有刺身可以叫，唔係特別多款，但都不過不失👍🏻 野飲要自己拎，有兩個雪櫃，都好多款飲品。 海鮮無得簡，佢就咁上，簡好粥底就會上海鮮。味道唔錯，有好多既粉絲同蒜，好濃味😋未食粥都已經有啲飽飽地，不過都試左一碗，的確幾好味。食完我地休息左一陣又開始叫火鍋材料，雖然款式唔多，但大路既食物都有，肥牛同平時出面食既唔同，外觀已經贏左，食落口感爽口，有啲似薄切牛展，其他火鍋材料就同平時食既差不多。不過第一次食到一間餐廳係有咁多元化，每款食一次都已經飽哂，而且價錢十分便宜，出去食海鮮起碼3舊，衣家唔駛咁貴仲可以食到咁多野，好抵食。