壹小籠

营业中

休息中

大雨之後過來屋邨的壹小龍餐廳吃晚飯， 今年也是很多紅色暴雨☔，這裏出名的是賣點心。 回到正題這間餐廳的面積不是很大但座位也算多，服務可以。黑金流沙奶黃包，我又覺得味道頗好，可以接受OK的！黑色羊菌菇拼瘦肉螺湯， 我就覺得每次落足料，味道甘甘甜甜，喝了也可以上癮的，味道是很好的。潮州粉果我就覺得一般貨色，沒什麼是焦點。 🍮芒果布甸不太甜也可上口，炸兩腸粉也算是合適的食物味道吸引不過一段時期是沒有出的值得可加少少分數，蘿蔔糕煎出嚟的味道也算可以！總結這裏消費不花太多金錢其實也可以接受！

服務態度極度惡劣，門口入座安排亦非常混亂 。叫咗我過嚟又冇位俾我，然後俾咗張枱第二個，當我白痴 。之後一句話未有就叫我企嚮隔離度。以食物質素嚟講佢係合格嘅，但係佢嘅服務同安排，係會令我無論佢幾好食，我都唔會再嚟幫襯 。再忙都唔係你黑d客面的藉口，我尼食野有咩錯？貼錢買難受，你估淨係得你一間有嘢食？

每次入去幫襯見到大部份樓面包括經理在內唔係黑面就係扮睇你唔到，坐低大部份時間都冇人理你，你要主動去搵人同你開茶先有茶飲又唔知點解佢擺上枱嗰壼滾水永遠都係唔熱嘅，叫佢換過又係一樣唔熱，水滾茶靚，啲水都唔熱茶點會好飲，有時我諗吓佢哋係咪俾老細刻薄，所以當客係仇人間中都會去食吓點心，因為佢啲點心係有質素同埋唔係太貴，但就好似乞食唔使俾錢咁嘅服務態度，太可惜啦今時今日飲食業經營唔容易，服務態度唔係差係極差，因為屋邨好多老人行動唔係太方便要留喺邨內消費，加上佢啲點心唔係差先可以生存到

三人等咗十幾分鐘，點我去2人檯，根本坐唔到3個人，返出去，話坐唔落，跟住剛剛有張檯，但又比我後面果個，個侍應自圓話係六人檯，比四個坐，但三人同四人係同一張等位飛，結果我又要等，最後態度極差安排我哋搭檯。開茶極差，攞單極差，送餐極差。

餐廳食物味道普通，但服務員的態度真的超差，叫服務員加水下單，他們看到聽到，但就是不理會，客人又不是多，就是不停跟客人聯天，特別一個看上去職位比較高一點服務員，叫了她三次才不耐煩黑住臉過來加水，擺檯又只是放碗碟沒有筷子，這裡建議經理要好好解說要用什麼態度招待客人，如果不是只會令餐廳更多負評。

⭐️《放假的節奏》⭐️昨夜去玩到3點幾，燃燒晒所剩無幾既青春🥀🍻睡到自然醒，去了吃麻甩但超級好味既燒腩仔飯！佢個皮，脆架😍😍肉又juicy~而且佢超抵！一個set: 燒腩仔飯+老火湯（飲完唔口渴）+1個點心都係$69.9！🤩🥳個別點心要加$10， 我呢個🍤🦐「鮮蝦腐皮卷」就係其中一個啦～呢個點心非常香口，而且料非常多，係我黎呢度必點既！❤️😛我貪心d, 仲叫埋鳳爪食，不過埋單都係$120。一個咁豐富既1人lunch, 煲下劇、悠閒地過一個下午，我覺得好抵啊👍🏻😎

這是一間新式的茶樓，沒有大的空間和地氈但在這裡可以吃到點心。平日的中午來到不用等位便可入座，如果是星期六日早上便要等一會。有性價比的套餐吃，$69.x有燒味飯和點心和油茶，2人食也即足夠，平均每人$40燒味飯份量足而且叉燒美味，配上酸蘿白絲和熱辣辣的白飯，十分美味！這個價錢有這樣的食物，值！

晏就想食d野去左呢間屋村餐廳食點心，咁岩下午茶時段。下午茶優惠其實平得好少🤣🤣叫完先發覺原來叫左好多款蝦既點心🤣🤣茶位每人$9，餐廳唔洗+1燒汁煎醆虎皮椒 $25.8鮮蝦炸雲吞 $29.8水晶蝦餃皇 $33.8原隻鮮蝦腸粉 $33.8蒜香鮮蝦春卷$25.8樣樣都係即蒸即炸，正正常常，都不錯！燒汁煎醆虎皮椒都幾辣幾野味😋炸雲吞同春卷都熱辣辣脆卜卜👍👍蝦餃蝦腸d蝦都大隻既。整體黎講住附近想食點心黎食都幾好！

味道一般，服务态度极差，叫服务员加水、点菜，服务员听到却不予理会（当时顾客并不多），自顾自摆放碗碟！第三次叫加水才一脸不情愿过来加水，加完后还砸在桌子上，这边建议如果没有服务他人的态度就别做餐饮这一行业，只会给所在的餐饮店丢脸

早起身當然去飲茶，屋邨酒樓點心就最好選擇。呢間唔少媽咪介紹抵食又好味，當然要去試下。樓面面積都算大，等位唔需要10分鐘。望完餐牌冇想像中咁抵食，都係普通酒樓價錢。但每籠都熱辣辣，非常好食👍🏻。燒賣鮮蝦彈牙，腸粉貴精不貴多，牛丸肉質美味，必食之選。講味道認真唔錯，座位都舒適，唔會太逼夾。食完之後坐一坐閑聊幾句都幾寫意。整體觀感7/10。

野食都廢事講，好一般，服務差，關鍵係成間餐廳一張紙巾都冇，留意番係買都冇得買，點做服務性行業。。。。。。。。。。。。。。。。。。。。。。。。。。。。。。

極大碟高質腐皮卷朋友介紹話呢間屋邨酒樓幾正，尤其是鮮蝦腐皮卷，所以就嚟趁熱鬧，由於係屋邨酒樓，早茶時段街坊眾多，非常熱鬧，不過都好多卡枱，坐得舒服點心孖寶$36.8鮮蝦田園菜苗餃粉皮晶瑩q彈，蒜蓉味香濃，菜與蝦肉的比例為7：3香茜牛肉腸粉皮軟滑，牛肉味淡，不過以呢個價錢都算抵食順德涼瓜煎魚餅$23.8 鯪魚肉q彈且有鯪魚味，好多涼瓜，陳皮味濃，兩邊都煎得金黃鮮蝦腐皮卷$26.8炸得非常熱辣，餡料juicy，海蝦肉爽脆彈牙，腐皮卷大大件比平時size大咗1.5倍蟹籽百花魚肚$30.8百花蝦肉爽口，不過份量偏少，魚肚質地中規中矩蟹籽花菇燒賣皇$26.8豬肉大大粒，豬肉及蝦都爽口彈牙juicy，豬肉與蝦的比例為9：1，外皮蒸得過淋，味道偏鹹

貌似茶餐廳，但係有酒樓點心食，重係高質素，可能喺沙田區最好，性價比最高。燒鵝（係鵝唔係鴨），米線套餐，連一碟菜同一碟自選點心。油菜鮮甜，鵝肉可以，米線加咗啲蒜蓉乾在面，手法拋離一般茶餐廳級別，都只係$70免+1 。蝦餃皮薄餡靚，喺海蝦，蝦味足。涼瓜香煎鯇魚肉餅，鯇魚肉同涼瓜都鮮味十足。蒜蓉蝦炸春卷，咁樣擺放企企理理，鮮炸現食，好睇又好味。黑毛豬肉叉燒包，係最大驚喜。可能因為佢自己有燒味部，用開靚豬，切了細片放入叉燒包，半肥瘦，咬口十足；皮薄粉靚，混住啲汁一齊𡁻，是古早美食的鮮味和口感。

去食嘢請諗諗，這茶樓用膠碗及膠杯，洗極都係有油，倒茶後茶杯上有一層油，裝點心碟用瓷器但很多都崩，會跌落點心裡，員工服務態度勁差，6人以上等位永遠等不到，比晒啲細枱。。。。。。。。。。。。。。。。。。。。。。。。。。。。。。

經過見到呢間餐廳，以為只係普通茶餐廳，點知原來入面可以飲茶，就入左去試食啦。入面D點心都算幾抵，有孖寶點心，平日$33.8假日$36.8兩款點心，仲有其他點心就$27.8 - $30尾一款點心。點心種類都算多，一般蝦餃燒賣腸粉都有。我覺得比較好食就食炸春卷，燒賣同埋牛肉腸，而鳳爪排骨飯就有飽肚之選，佢既肉量都多，起碼有4舊排骨加1隻鳳爪。反而小籠包就麻麻地，因為小籠包咬入面係冇肉汁，冇肉汁既小籠包完全唔值得食。而茶位假日就$9一位，最便宜既係，呢度冇加一架。