影片
开饭介绍
装潢大气雅致的海鲜酒家，设有多个厢座，并设有独立房间，聚餐及招待商务客户也大方得体；提供任食火锅、活海鲜料理等，价钱丰俭由人。
继续阅读
营业时间
今日营业
07:00 - 16:00
17:30 - 23:00
星期一至日
07:00 - 16:00
17:30 - 23:00
*小菜区：
星期一至日：7:00-16:00; 17:30-23:00
火锅自助区：
星期一至日：11:00-00:00
以上资料只供参考，请与餐厅确认详情
有关奖赏计划
相关文章
琴日收工同朋友去咗旺角嘅1号渔船试一试呢个 $98 120分钟嘅火锅放题火锅可以拣鱼煲或者鸡煲加个$10就有埋豚肉任食我哋拣咗鸡煲 豚肉就冇加到啦除咗鸡之外 牛肉都系任食嘅出面有火锅配料例如蔬菜同埋丸类可以攞饮品种类都好多汽水啤酒等等都系任饮甜品有芝麻糊同埋雀巢同牛奶公司雪糕鸡肉嘅份量好足而且亦算嫩滑😋牛肉片同滑牛都正常👍🏻价钱每人大约$108连埋加一其实真系好抵食 值得推介👍🏻📍壹号渔船 (旺角)旺角弥敦道610号荷李活商业中心2楼A及B号舖
继续阅读
整体来讲海鲜真系好新鲜！特别系个海鲜拼盘，有虾🦐、带子、鱼片🐟、鱼肚、鲍鱼、鱿鱼🦑同生蚝，最震撼系啲虾上台仲识郁下郁下！汤底拣咗麻辣🌶️，但辣度唔系好够 ，汤底偏淡，配料区都几丰富，有齐响铃、菇类🍄、蔬菜同各式调味料，自由搭配度十足～热食方面有惊喜✨，会定期有新野，今次试到猪手🐷同鸡翼，入味又嫩滑！
继续阅读
今晚同同事出旺角食饭，选择咗呢间喺旺角荷李活广场嘅任食火锅。上到去先发觉原来佢系有分小菜同埋火锅，因为我哋想食火锅。 所以就 去咗火锅𠮶边。服务员都好好。 我哋有朋友迟到佢都肯帮我哋改迟咗半个钟，所以服务尚算不错。 佢仲因为我哋有8个人安排咗一间房。 俾我哋 自成一角，我哋选择咗比较靓嘅牛肉套餐, 套餐里面，仲可以选择要海鲜拼盘或者乳鸽或者龙虾半只。 我哋一行八人，全部都选择咗海鲜拼盘。 拼盘里面亦都好丰富，有元贝，有鲍鱼, 蚝等等。 另外，仲有好多其他嘅配料。 我想特别一提嘅系，佢嘅牛肉真系非常之有牛肉味，所以就算加贵少少都好值得。 另外，仲有可以值得提嘅系，佢外边嘅小菜，有啲已经煮熟咗嘅小菜，可以食佢嘅牛腩好好味。 另外，仲有猪手，猪肚炆枝竹等等，都系非常好味。 然后当然，有多款饮品任饮。 同埋雪糕甜品等埋单时我哋每人达约300几蚊，我觉得性价比仍然算是高的。
继续阅读
5月5号趁假期去试个$98另外原价加一嘅火锅放题，难得假期同平日同价。11点开始任食两个钟，特登11点去到，早去嘅话优先坐卡位，算系几好，同埋无咩人，所以拎嘢食都好流畅。枱面有垃圾袋同汤底，几方便。本身想拎雪糕，但成个柜吉嘅，问咗职员，话因为放假所以无返货，心谂吓？成间餐厅可以无准备，我唔系特别想食高级嘢，但求便利店见到𠮶啲普通大路嘢过吓口瘾都好，话晒放题。经理一句唔会另作通知，贴张纸喺门口都唔肯，大条道理同我哋讲系咁做生意，明白晒，有时唔好怪啲人唔留港消费，连基本嘢都唔做好。讲返嘢食，前菜凉拌木耳几好，牛腩都ok，饮品净系茶类同啤酒无汽水，丸同菜嘅种类都够同ok ，汤底鸡或鱼（要另加$），电话可以落牛猪羊鸡同几款饺，牛要早啲落，唔系好易无同埋等，鸡系鸡丝，羊少少骚味但接受到，猪一般，饺有只馅有虾几好，其余一般。唔知夜晚都系咁定系歧视食午餐嘅人，都听到唔少人讲以前见到嘅熟食今次见唔到，又漏单又俾多咗，last order前最少半个钟都见唔到落完嘅肉，唔要求俾足，有俾到部分落吓肚都好。我keep住留港消费系相信仲有啲餐厅系值得帮衬，但呢间平都好，我相信我唔会再去。
继续阅读
座位宽敞，地方整洁干净，食晚饭时没有人常常催促，平日去没有限时，食物质素也不错，价钱尚算合理，整体推荐朋友聚餐可以慢慢倾谈，地方也不算太嘈吵，下次可以再去帮衬食饭！
继续阅读