壹匯中菜廳 (馬鞍山廣場)

营业中

休息中

其實呢個集團嚟講，勝在佢午市有個知抵食套餐，有小食，主食同點心。就可以再加多一兩籠咁就差唔多夠食。沙薑豬手入味又過腍，蝦餃同菜苗餃餡料都飽滿。小食今次就嗌咗個多春魚，賣相雖然一般但係食落去啲粉漿唔算厚，亦唔會食到成口油，都係合格。牛仔骨都算有良心，都比好大塊肉唔係剩係得啲骨。不過個鵝掌碎上就份量好似少左d。福建炒飯不過不失，炒飯底夠乾身，只不過係個人口味唔鍾意食青豆。唯一兩樣比較強差人意就係知唔知同埋牛病，其實係佢啲魚肉比較散，咬落唔夠彈。如果呢一樣可以改善嘅話就變番正常。如果住附近想飲下茶，依個套餐嘅價錢同埋食物質素，都叫中規中矩啦。

所有基本中菜菜式有齊但小心中伏片皮鴨係凍龍蝦係霉個茨汁係豆粉狀只有包片皮鴨塊皮同叫咗十五分鐘都未嚟嘅白飯係熱加埋所有人都唔願做已經唔寄望有招呼兩個人五百元咁既質素去之前請三思🙏🏻🙏🏻🙏🏻

晚上8點入座，10分鐘內將15人一圍的所有菜全部一次過上，九成上的菜都係凍的，而且食物質素非常差劣。向服務員反映過可否暫時不要連續上菜，便立刻遭到拒絕。直到不夠位置上菜就不斷執走，並開聲催促客人盡快食，將還未食完的都收走，期間服務員不斷以不禮貌方式回答客人要求。客人只是要求將食物暫放旁邊枱，就遭受一位帶眼鏡女服務員多次不禮貌回覆。一次極度差劣的晚餐體驗，聞所未聞的差劣服務態度，食物質素非一般差，永不會再去。

馬鞍山呢間酒樓，平時都有嚟食過晚飯，晚飯都覺得唔錯。平時日頭見到都幾多人嚟飲下午茶，於是呢日又嚟試吓，點知下午茶就唔係好掂，點心方面一般，啲食物大部分都凍冰冰。炸蝦角啲薯條係凍晒，又乾又淋。雖然呢啲一定係炸好晒，都唔係凍冰冰嘛，叮返熱都好呀，完全係凍冰冰又乾。個蝦角都唔係好熱。蜆芥鯪魚球又係個啲凍冰冰嘅薯條，係咪諗住冇人會食就算，難食都起碼整返熱呀。鯪魚球都唔係熱辣辣，室溫，所以都唔係好脆，好似都唔會有太多魚骨食唔到，鯪魚味有啲腥可能因為唔熱。叉燒腸都係唔熱，室溫，入面啲叉燒有啲都幾肥食唔到燒賣賣相都一般，有兩粒好似冇菇咁，入面啲豬肉勁肥，有啲根本咬唔到，一堆肥膏同筋，而且又唔熱叉燒河粉叉燒偏瘦，都幾硬，因為都係唔熱味道一般，重點全部唔熱服務都一般，攞碟沙律醬都叫咗4次先有

幫襯咗馬鞍山壹滙幾年，發覺食物質素越嚟越差，衛生更是欠奉。韭菜餃配薯條，薯條是凍的，都唔知擺咗幾耐，齋腸粉用隻紅色膠碟載着，膠碟周邊好污糟。如果唔係遷就媽媽老人家唔使行咁遠，根本唔會揀呢間洒樓，下次一定唔會再幫襯。

屋企的長輩及同輩兄弟，好多都有返咁上下年紀了，過時過節，要老人家煮餐大龍鳳，實在是非常之辛苦。所以，這一年過冬，大家就決定出街食。由於近冬至，而且我們決定得好遲，所以好難搵到啱大家食既地方。最後，我們在《壹匯》訂到檯了，就簡單地叫小菜食晚飯，來一個冬至家庭聚會一餐飯啦。在酒樓叫小菜食晚飯，永遠都離不開燒味這東西，因為，燒味，尤其是叉燒，真係由未長齊牙的BB，到掉晒牙齒的老人家，都可以安心同開心食。是日的功夫叉燒王，是正宗既梅頭肉，味道既甜又腍，未等到飯黎，已經被搶一空。最快趣出現的，始終是味部的出品，所以好快就有雞食。我們點的，是酒席實有的脆皮燒雞。這一個燒雞，極之香脆，也有啖啖濃郁定雞油香，真不錯。紫蘇原籠蒸海蝦，就是簡單的蒸大蝦。用紫蘇葉鋪在籠底，出來的蝦的確是比較香。但我覺得，只是增加了香味，味道上同白灼蝦既分別不大。口感上，這蝦是爽口的，亦夠鮮甜，算是不錯。為小朋友而叫的，有鳳梨咕嚕肉。賣相好，只是味道是偏甜的。之不過，這例牌的份量也實在是太少了，基本上只是有兩三舊。純兩位小朋友享用。另外，也是小菜中的薑汁芥蘭。爽口，味道甜，是這一個炒芥蘭的唯一一個令人開心之處。而不好之處，就

過年去了馬鞍山同朋友拜年, 請大家去 壹匯中菜廳  食午餐,  點了個 發財午市套餐 (4-6 位用), 好豐富, 有三個點心, 頭盤選一個, 有菜, 飯麵也可選一個. 頭盤:  青瓜海蜇,  好爽口, 食得開胃. 賀年點心, 發財豬手, 發財好意頭, 豬手.炆.得好.稔滑.豉蒜蒸排骨, 排骨吾肥又好肉, 豉蒜調味正.川芎雞, 有濃厚川芎味, 雞肉也不少.魚湯鮮竹菜苗,  無油膩, 吃得好清新. 芝士鮮蝦燴伊面, 鮮蝦有8隻, 肉質 ok, 芝士味香濃,  配合好滑的伊面.   滿意. 過年茶錢每位 $15, 加一小費, 也算合理. 

一大早去左行山, 行後落返馬鞍山食午餐。因為同行友人想飲茶, 所以去左馬鞍山廣場既一匯中菜廳飲茶。聽完一輪餐牌, 叫左三五知己自選套餐, A餐另外再加左蝦餃。所有野食其實都唔錯既, 不過, 套餐揀左既雞絲粉皮既粉皮就偏硬。我地3個都覺得硬, 唔知係煮既時間唔夠定係雪耐左。雞絲就教粗身。但個汁唔錯既。蝦餃好食。叉燒都好食。涼瓜斑頭腩炒河, 唔記得影相。碟頭幾大份, 亦都幾好食。我地覺得呢個套餐幾抵食. 呢間坐得都鬆動舒服既。所以下次黎開呢頭有機會, 都會再食。

由樓面至收銀一律黑面.最差係收銀，妳坐係度D客就排隊埋單，面對面妳都唔出聲話自己收咗工.由得啲客喺度排隊。講兩個字話自己收工好難咩？到我去第二度俾錢話你埋一張單咁耐，妳好意思仲話巳收咗工擺咗本嘢喺度代表妳收工。邊個知本嘢係代表你收工，仲係埋單收錢個本一隻字都冇.鬼知你收工！反而傳菜啲呀姐仲有禮貌，食物ok,但服務態度實在太差太差，晚飯，午飯，下午茶都試過，食物平均係OK嘅，但前線員工的態度實在太差。馬鞍山區服務態度最差冠軍。唔建議幫襯！

每一次去，都食得好勞氣，淨係攞位都玩死你，門口嗰啲知客態度不知所謂，都唔知點解可以做到而家，企咗半個鐘都冇叫過飛，全部人都係走入去打尖，食物質素又差，為了老人家，唔係冇得揀都唔想去。

呢期周街都賣長腳蟹，見啲酒樓最平都398一斤，有時特價298，呢間就特價198一斤，真係勁平，都係新鮮自己走去大魚缸度揀，跟住清蒸。諗住咁平會唔會有咩附加費定點，係冇，係酒樓食飯都係正常嘅茶錢同加一，咁食晚飯會叫其他菜，又唔係好貴，啲孖寶都好抵食。主角阿拉斯加長腳蟹198一斤，呢度4斤多少少，$810，4個人食。好大隻，啲殼好軟好易剝，清蒸都幾鮮味，好juicy多汁，都有啲膏，都好多肉特價$78隻片皮鴨，只限堂食都好抵食，鴨皮好脆，肉唔羶，唔算太多肥膏，都多肉，但唔會乾孖寶，燒雞半隻+清蒸海斑仔，$198孖寶又係抵食，雞皮好脆清蒸海斑仔，條魚都幾多肉，肉滑上湯焗西澳龍蝦伊麵，$258孖寶有波士頓龍蝦伊麵，仲平啲，不過西澳龍蝦都唔算貴就試呢個，都好多肉，肉都彈牙唔係淋晒冇乜人食，唔洗等，坐得唔逼，服務正常，啲嘢抵食

去食晚飯，想叫姐姐落兩碗白飯，佢冇反應、店行店過，之後另一姐姐先有反應話幫我哋落。點知之後嚟4碗，叫佢哋幫手取消2碗，著西裝、1條馬尾個姐姐就「e e 哦哦」話我哋落第二次唔問清楚第一次有冇落，我哋講句唔好意思，想話件事係誤會就算啦。點知佢繼續e e 哦哦，我就話佢「你唔比反應店行店過，我鬼知你落咗？」佢就唔道歉、唔出聲咁行開咗去啦。我平時都成日嚟飲茶、食晚飯架，我點菜、有嘢食上/收，我都會唔該前唔該後。但我以後唔會再嚟架啦，你哋都唔至在d客架啦，為咗嗰兩碗你哋落多嘅飯，嚟比說話d客聽都得嘅，明明係你哋自己唔比反應，做錯嘢又怪個客，我哋係嚟食嘢唔係受氣架。😡

今日星期五我喺馬鞍山泳池游完水有啲肚餓諗住食啲嘢先返屋企。之前次次都係食海澄軒嗰間酒樓。今日就試吓去馬鞍山$10店隔離嗰間酒樓飲茶啦。我諗應該冇假日咁迫爆。我食個時間係早市大約9:30入座。我一行到過去，我發現佢冇好似禮拜六日咁成棚人喺出邊等位，但係都係有唔少人嘅都有十幾人等緊Number。我撳完票聽到叫號有冇一個人，咁我就即刻同佢講，即刻有得搭枱入座。入到去呢都冇人帶位，拉到一個manager問佢，佢用個頭昂去後面示意便離開。嘢都唔同我講句。跟住我搵到張唔係1號枱喺角落頭嘅大枱已經坐低咗兩pair人同埋一個單丁客。剩低嘅位唔多但勉強夠用。類似燒肉like咁小位。咁我嗱嗱聲落單，想食完即刻走啦，就攞張點心紙黎睇先。我見到個點心紙座得正價點心紙，咁我就唔知啦，我冇食開點知啫，咁咪攞點心紙填咗兩個要食嘅諗住交啦。跟住同枱嘅客人有個提我話有張特價點心紙平啲嘅。跟住我咪用嗰張紙再揀過跟住交咗個孖寶落單。我想講呢呢個過程入邊呢有幾個位已經令我幾嬲㗎啦，即係佢間餐廳安排我哋四家人坐同一張大枱，但係啲點心紙優惠點心紙唔放齊俾人用嘅，跟住筆就得一支，頭先我就係等另一個客人用完嗰支筆等咗好耐！因為我要再

馬鞍山區，中菜酒樓唔多，好食既仲少。壹匯依個位置，已經轉手幾次，而家仲算係新裝修，坐得幾舒服。今次同屋企人聚會，食咗個六人套餐，性價比都好高。- 燒味有例牌燒鵝，乳豬，好好食，啲皮脆卜卜，質素好高。- 龍蝦伊麵龍蝦肉份量都可以，人人都分到肉食。上湯焗伊麵好食，快過龍蝦冇曬。- 鮑魚鵝掌鮑魚鵝掌，一人一隻。鮑魚細細隻，普普通通；反而鵝掌就好淋，好入味。壹匯啲套餐內容會定期改少少，不過質素都好高，價錢又合理，啱曬家庭聚會。

今日同一班同事去咗飲茶，我哋叫咗好多食物，食得好開心。首先，要講返流沙包嘅味道，幾好食㗎！剖開個包，流出嚟嘅熱騰騰嘅流心，令人心曠神怡。😍😍😍再嚟就係炒飯，味道鮮美，米粒唔會黐緊，仲有啲炒香嘅味道，好開胃。😜😜我哋仲叫咗好多點心，其中蝦腸同蝦餃係我最鐘意嘅。蝦腸個皮比較厚，蝦嘅鮮味一般般。而蝦餃係餡料鮮嫩，包裹喺薄薄嘅皮度，好彈牙！燒賣同菜苗餃都好好食，燒賣入口鮮嫩多汁，菜苗餃內裡有燒味同綠色菜苗嘅香氣，好開胃。我哋仲試咗薑汁糕同炸雲吞，薑汁糕個薑味唔會太濃烈，啱晒我嘅口味。炸雲吞外脆內軟，內裡嘅餡料鮮美，真係好好食！😋😋😋另外，我哋仲叫咗鯪魚球同海蜇手撕雞。鯪魚球炸得太乾。海蜇手撕雞方面，手撕雞肉鮮嫩多汁，配上爽口嘅海蜇，味道相得益彰。👍🏼👍🏼👍🏼不過，唯一有啲遺憾嘅係酒樓嘅服務。人手不足，好多時都要叫好耐先至搵到人加水、拎走啲唔用嘅碗碟。😾有時候食物上嚟嘅速度都慢咗啲，有啲等得好耐。希望酒樓可以增加人手，提升服務效率，咁就更加完美啦！😃衛生都係另一個問題，啲碗同埋筷子一定要徹底自己洗一次，我哋見到好污糟同埋摸上手都好黐立立。🥲🥲🥲總括而言，酒樓嘅食物整體上係唔錯㗎，味道好好，我哋都