影片
以上资料只供参考，请与餐厅确认详情
同朋友喺megabox睇完戏周围行下睇下边度嘅晚餐好食，经过见到呢间台湾菜于是望下餐牌，见到啲set全部都好抵，全部都系几十蚊，已经有汤有嘢饮有甜品， 就算餐牌正价嘅嘢食全部都唔贵 ， 一碗面都系五十几蚊，小食好多系二三十蚊已经有， 一入到去可能闲日所以唔多人冇乜客，所以畀张半圆形卡位我哋，两个人坐好阔落，所以坐得好舒服 ，最后我哋叫咗个晚餐肉燥饭加 卤水拼盘，再散叫咗一碗盐酥鸡扒面， 一份盐酥茄子同盐酥豆腐， 再散叫杯饮品 ，好多餐厅通常叫套餐啲食物份量会缩水，但系佢哋个卤水拼盘居然大大碟，碗卤肉饭𠮶碗好似细细碗咁，但系由于系好高身所以啲饭其实好深份量系好多， 完全一啲都无偷工减料到，卤水汁几香唔会太咸，同埋啲食物唔会浸到咸晒得呢又好入味 ，饮品仲好细心，我哋叫左2杯冻珍珠奶茶， 通常珍珠奶茶呢类台式饮品 对于香港人嚟讲成日都会甜得滞， 我哋出去买饮品嘅时候，香港人最中意叫少甜少冰 ，但系呢度系本身杯饮品无落堂，而系会另外想一杯糖水畀我哋 ，我哋可以自己按自己喜好落多定落少，甚至唔落亦可以，咁就唔会太甜或者太淡 ，而且杯饮品好大杯，好似饮极都饮唔晒咁 ，珍珠烟韧韧有口感好味， 而且可能因为客人唔多，所以完全冇赶我哋起枱嘅意思， 入座亦冇好似一般餐厅好老土未坐低已经讲定一个半钟响是一个半钟要交枱之类食客最唔钟意听到嘅说话， 虽然明白香港而家租金寸金尺土，会好想客人快啲起身做多两转，但系作为食客有时约朋友去街，都会想慢慢坐下倾下食下，唔系好似快餐饮食完就走 ，呢度就做到顾客最想要嘅要求 ，可以舒舒服服慢慢坐下倾下计食下嘢 ，而且呢度价钱 亦都唔贵， 食品质素亦都唔错 ，我同朋友都觉得值得推介俾朋友同埋自己再嚟食都系唔错嘅选择~
继续阅读
今晚同友人嚟到Megabox, 食我最喜爱嘅其中一间食店~垦丁茶房！！望𠮶名都知食台湾菜啦！！通常我同友人都会叫套餐！！大碟夹抵食！！不用苦恼咁多！！我叫左盐酥鸡排面加饺子小食，冻蜜桃绿茶！！而我男友人则叫了滑蛋鸡肉+香菇肉燥饭加饺子小食，最传统嘅冻珍珠奶茶, 最后加埋碟A菜添！！份量刚刚好！！盐酥鸡够晒大块头，炸得香脆美味！！汤面QQ的！！汤底好好味！！仲有好多配料同半只蛋！！健康丰富！！饺子就ok啦！！蜜桃绿茶都几好饮！！而友人叫嘅滑蛋鸡肉则味道太淡！！有D失望！！香菇肉燥饭就好多汁！！好味道！！冻珍珠奶茶就茶味不足！！珍珠太过淋！！不过糖水就可以自己加！！颇贴心！！甜味可自己调较，而A菜都很爽口！！仲加左肉燥添！！所以最快食晒！！
继续阅读
呢间系我黎亲 Mega Box 揾食嘅首选餐厅, 记得第一次去食系因为唔洗点等位, 谂住食过一次唔好食就算, 点知竟然有惊喜, 所以咁就成为我黎亲都帮衬嘅餐厅｡今日一行 ✌ 人, Order 左个二人套餐, $198 加一, 比起商场入面其他餐厅, 绝对系抵食｡盐酥鸡🐔 炸得好香脆, D 鸡肉仲好嫩滑｡卤水三并有鸡翼、猪颈肉同豆腐, 卤得都算入味, 仲会俾少少卤水汁俾你点下 金银蛋肉松豆腐锅 成日以为豆腐锅一定好淡口, 但呢个锅够晒味道, 而且仲非常足料, 大推 豆办韭菜爽肉虾球由于有大量芽菜 & 韭菜嘅关系, 呢个菜式属于淡口类别｡ 有 D 不满嘅系, 成碟只有两粒虾球, 真系一人一粒咁大把 香茹肉燥饭呢个香茹肉燥非常好味, 用黎捞白饭食, 真系冇得输 台式珍珠奶茶最值得一赞嘅系呢个珍珠奶茶, 因为 Order 时我话要走冰少甜, 个职员同我解释, 呢个珍珠奶茶系台式, 所以系唔会连埋D冰一齐出, 而且系客人自己落糖水
继续阅读
对商场餐厅总系抱有少少保留态度。觉得他们租金贵，变相都系卖得贵。否则就用相对平价食材，或者减少份量。但正所谓，凡事都有例外。今日呢间就系少数例外。环境：我地坐出面，可以睇到溜冰场。有得睇人溜冰又可以听歌，一举两得。服务：有点人手不足。但算系可以接受范围。食物：二人套餐 ($198)小食：台式卤水拼盘+盐酥鸡主食：金银蛋豆腐煲+韭菜炒咸肉+卤肉饭两碗+珍珠奶茶两杯。以上食物全部都唔系粗制滥造，有板有眼。以呢个价钱相当合理。值得之后返转头帮衬！
继续阅读
同朋友去完mega box，开始好肚饿，见到呢间好似几抵玩，所以就入黎试下，同埋因为都算早，所以唔系等左好耐，就好快有得入坐。二人餐有皮蛋冻豆腐，我嗌左个卤水拼盘，口水惹味鸡，云腿菜肉馄饨鸡锅，香茹肉燥饭。好多野食，食到劲饱，每人百头有找，几唔错。先讲下我最中意既云腿菜肉馄饨鸡锅，佢真系好香，d料又足，个汤又好饭，配饭真系一流!!佢个卤水有蛋豆腐，萝卜、牛腱同鸡翼，样样都好入味！个肉燥饭都唔错！咸淡适中！个口水鸡都几正，d肉好滑好嫩！个豆腐好大旧，皮蛋够味，唔错！
继续阅读