增煇大排檔 & 增煇藝廚

营业中

休息中

深水埗除左多chill到震既cafe仲出名多麻甩又地道既大排檔初嚐增輝 名氣唔差😳人流都keep到旺盛 至於 食物質素不過不失不過都建議自己試過先知鍾唔鍾意畢竟口味既野😌咁主觀⍥ 蒜蓉蒸大元貝 ❙ $83@1元貝殼很大🤣好彩肉都唔細 新鮮又彈牙蒜蓉激多 但粉絲略嫌太少 ⍥ 鎮江金沙骨 ❙ $128黑醋酸酸咪咪 似用豬肋骨部位🙌🏻肉質再稔啲我會更鍾意⍥ 椒鹽魷魚鬚 ❙ $96大排檔必食椒鹽系列炸得唔油膩 酥脆香口咁多椒鹽唔好嘥 可以撈飯🤪⍥ 花枝釀皮蛋 ❙ $88花枝包住皮蛋炸炸完切開點酸甜醬 正常發揮😅記憶點唔高⍥ 蠔仔肉碎粥（大） ❙ $128呢個好味 蠔仔大粒飽滿唔腥粥底本身好夠味 仲有陣陣胡椒香 我好欣賞呀～～😆⍥ 豆豉鯪魚炒油麥菜 ❙ $98好耐無食😳份量唔少夠鹹香 唔算太油

一心想食大排檔菜式，選擇左幾間，全部都full booking, 最後搵到增輝，好彩又比我book到晚巿位。因為實在太肚餓，所以啲菜式食左啲先記得起要影相。啲相張張都食到無左一半🤣🤣真係唔好意思。另外仲有食黑毛豬叉燒，紅燒豆腐煲，豉椒炒沙白。以上的菜色唔係講笑，好味，高評價，回頭指數5分👍🏻我地九個人食，叫左8個餸+白飯+兩支啤酒，埋單唔洗$1500，性價比好高。搵個時間，再約三五知己覆桌😋

早排天氣咁凍，最岩去大排檔食羊腩煲！上網搵邊度有好食羊腩煲，見到有唔少人推介增煇，所以特登嚟試下😎增煇小廚既羊腩煲大大份，2個人都食唔晒，3-4人食就岩岩好😆羊腩煲嘅羊肉全部都已經去曬骨，羊腩肉炆到十分軟腍，食落啖啖肉！啲羊腩有肥有瘦，羊腩連皮帶肉入口惹味，調味唔會過鹹。配料都一樣分量十足，有枝竹、冬菇、筍、白菜同馬蹄，而且羊腩煲配埋唐生菜，嫌油膩重嘅食返啲菜感覺清新啲~連埋啲羊腩汁送飯好惹味👍🏻

以前喺深水埗做嘢成日同同事收工去食，不過最正都係佢嘅羊腩煲又大份又夠晒腍最近再去都保持到水準，小菜亦都夠晒鑊氣，個人推介薯仔牛柳粒，牛唔會煮得太硬，薯仔會炒到金黃色脆卜卜好香口，又醒胃。價錢嚟講公道又大碟，三個人食咗個羊腩煲，三個小菜，埋單都係$800蚊左右。服務員同客人都有良好嘅互動，如果你係第一次嚟食，佢哋會推介啲撚手小菜俾客人，絕對可以放心試食啱晒三五知己或者約埋班波友踢完波一齊去啤啤佢絕對會將繼續幫襯

以前喺深水埗做嘢成日同同事收工去食，不過最正都係佢嘅羊腩煲又大份又夠晒腍最近再去都保持到水準，小菜亦都夠晒鑊氣價錢公道又大碟啱晒三五知己或者約埋班波友踢完波一齊去啤啤佢

很久以前一大班朋友來吃過一次，但人太多、太擠，感覺一般。這次在星期日大約6:00 左右，發現難得不用排長龍，就再來感受一下。 我們兩個人點了蝦多士 （香口的，但太油）。 4只大蟶子清蒸，很不錯，沒有太多泥沙、也很新鮮，價錢也只是$68 /只。 椒鹽鮮魷很好👍🏻，味道很好，也很新鮮。 最後加多一個蒜片牛柳粒，怎麼說，味道可以，但是沒有想像的口感，有點硬。 總結經驗，由於早去，人不多，坐得舒服，上菜速度快，服務也非常好。最後埋單大約600 多。 我覺得合理。 也推薦大家早一點去，可以吃得輕鬆自在。

好耐無嚟，水準仲keep到，話說去完Wine and Dine，肚餓揾地方醫肚，就同朋友去咗增煇，幾個人叫咗5個菜，好滿足。蒜蓉炒豆苗：豆苗夠嫩，加埋啲香噴噴嘅蒜蓉，味道濃郁而又唔會太油太膩，正。跟住整個豉油皇炒麵，啲麵炒得又彈又Q，仲有啲微微焦香嘅口感，勁夠鑊氣，豉油味又香濃，真心推介另外一款好食嘅菜式就係黑椒蝴蝶腩。肉煮到軟腍入味，肉質好滑好嫩，加埋啲蘿蔔吸哂啲汁，仲要鑊仔上，一路食一路熱住，天氣凍嚟食仲正最後，我要推薦椒鹽鮮魷。鮮嫩彈牙嘅鮮魷裹埋椒鹽，炸得香脆金黃，一咬入口，外脆內嫩，真係一絕！鮮魷嘅鮮味同椒鹽嘅鹹香完美結合，一啖一啖都令人回味無窮。

增輝大排檔在深水埗來講比較有名氣，價錢相對都偏貴，但是店員說不收服務費的，開餅費都要$100蚊！1。份量足，海鮮肥美，有冷氣！2。踩雷食物，焗魚腸，好苦，豉油雞太甜，燒乳豬炸得太油膩！3。服務ok，不趕客，上菜快！

若然想享受年宵市場極度逼夾嘅吃飯體驗，就快來吃：）我們預約了18個人，兩張枱。到達後，我們想把兩張枱泊在一起坐，店員卻建議我們坐在同一張枱並換成膠圓櫈就可以。但其他朋友陸續到達後，我們發現根本完全不夠坐，多次提出想坐回另一張枱，店員他說另一張我們不能坐了，要留給其他客人。此餐廳的手法極度惡劣，最終我們18個人迫在一張圓枱，吃得十分不舒服。只能說這間餐廳真的不會做生意，我們吃了的第一輪叫的食物就馬上走了。垃圾餐廳，每個職員推卸責任。

其實我好鍾意大排檔嘅小炒，但平時兩個人叫兩個餸都飽😅今次同朋友一齊食就可以叫多啲啦～薯仔牛柳粒🐂 $108呢個係我必叫嘅❤️係屋企真係整唔到呢種外皮微脆內軟綿嘅薯仔啊🥔牛柳粒火喉剛好，仲係好有肉汁😋椒鹽鮮魷🦑 $128呢道菜大家都盛讚👍🏻唔會過油，惹味夠脆，魷魚夠爽😍薑蔥撈魚皮🐟$88第一次食，魚皮好爽彈有咬口🤩加埋蔥花麻油好香嘅前菜✨馬拉盞通菜🥬$83有鑊氣好味😋豉椒炒蜆🐚$128本身味道不錯，但唔知點解得d殻，好多都無肉😅所以呢個麻麻地🙅🏻‍♀️*･゜ﾟ･*:.｡.☻.｡.:*･☆･*:.｡. ☻.｡.:*･゜ﾟ･*😋#kellydiscovery_food 🫶🏻#kd_food_ssp🫶🏻#kd_food_深水埗#深水埗美食 #深水埗打卡 #深水埗餐廳 #大排檔 #深水埗大排檔 #小菜 #小炒

最近鍾意食大排檔，朋友推薦增輝幾好食，所以試下我地叫左1️⃣脆皮西施豆腐💰88外層好香脆，裡面豆腐好嫩滑，呢個要趁熱食，唔係外皮會淋左2️⃣椒鹽鮑魚仔（六隻）💰148有大量炸蒜🧄，好香口，鮑魚都係keep 到嫩滑，味道惹味👅3️⃣西班牙黑毛豬叉燒💰188呢個叉燒滿滿都係叉燒汁，蜜汁香甜，叉燒係半肥瘦，食落好邪惡，同埋好軟身，好味道🤤4️⃣鬼馬脆油條💰93係油炸鬼釀墨魚膠，油炸鬼炸到好香脆，墨魚膠味道香濃，好好食😝5️⃣椒施腐乳通菜💰73味道咸香，通菜夠嫩，唔錯👍消費價錢：3人💰638結論：（5個⭐️為滿分）味道：⭐️⭐️⭐️⭐️性價比：⭐️⭐️⭐️⭐️回頭指數：⭐️⭐️⭐️⭐️⭐️餐廳名稱：增輝大排檔&增煇藝廚餐廳地址：深水埗石硤尾街31-33號地舖

因為今日有朋友生日，所以我哋好早已經book定一張大枱，我哋知道呢間好出名，所以一班人就決定去試一試，入到去門面出面有一個海鮮嘅金魚缸裏面有好多海鮮，所以我同朋友揀咗一隻好大隻嘅蟹，薑蔥炒蟹薑蔥，炒蟹個味道好香好多蔥，而且蟹肉方面好肥美好好味，加上我們成班朋友都好喜歡食海鮮，另外我哋叫咗脆皮蜜汁燒鱔，真係好好食蜜糖佈滿上面，而且炸得好脆口，魚肉方面好彈牙好香，我哋叫咗個鬼馬油，炸鬼揸得非常鬆脆，佢炸得好火候教得好好，所以口感好鬆軟，但係外面脆內軟，呢個真係要讚的令我叫咗個砵仔焗魚腸佢做得唔sing，其實都幾好味不過如果真係sing 嘅朋友就唔係唔好叫喇，但係我自己覺得唔錯,蝦醬蒸肉筋，呢個比較偏鹹，一定要配白飯先可以食，本人覺得味道是吸引，但係唔可以就禁食，我們還点了一個脆皮炸大腸，我覺得佢炸得比較鬆軟，熱辣辣所以呢個我哋都覺得好，最後一個，我哋叫咗個清淡啲百花釀豆腐呢個好簡單，但係上面嘅蝦肉好彈牙，但係如果你話要好特別嘅就可以叫其他餸，餐飯都滿意，而且味道都幾好，我會下次再過來。

我阿花其實都係麻甩系, 最鍾意食小菜, 同朋友發現深水埗呢間正野, 幾個朋友叫左幾款小菜, 包括#花枝釀皮蛋即叫即炸, 炸得超脆超好味, 皮蛋仲要係溏心, 好好味,🌻🌻🌻🌻#椒鹽粟米粟米好甜, 不過始終粟米連芯有啲水份, 略嫌炸得唔夠脆, 但都好好味既, 好夠椒鹽, 做飯前小食超正🌻🌻🌻#酥炸蠔餅蠔量超多, 仲要炸得超鬆脆, 好夠鹹香, 同蛋味都好香, 食起黎唔洗再沾都好好食, 好香口, 正🌻🌻🌻🌻🌻#風砂炸豬手多蒜炸豬手, 都係炸得好香脆, 個豬皮係炸到咯咯脆 仲有保留到豬油流出, 好好味, 仲要啖啖肉, 食唔停🌻🌻🌻🌻🌻食左幾款熱氣野, 真係要食返啲清淡啲, 後尾黎返個鮻魚球生菜煲 ,好多材料, 而且個湯直頭好味到想飲埋, 鯪魚球大大粒又好彈, 又有好多粒, 真係唔錯🌻🌻🌻最後黎返個 #花甲胡椒豬肚湯, 估唔到有超多隻大大隻花甲, 飲起黎好甜, 連埋豬肚湯有好濃胡椒味, 好足料, 份量又夠多, 4個人都每人飲到2 碗, 真係超好味, 🌻🌻🌻🌻🌻雖然好多都熱氣, 但食小炒就係要炒野同鑊氣, 真係超正, 推介—————增煇大排檔 & 增煇藝廚 (深水埗)深水埗石硤尾街31-33號地舖

街坊小館, 我地十人食一圍, 乳豬半隻, 脆皮肉嫩,鵝半隻份量十足, 好味亦價錢合理, 豬肺湯488/十二人份量唔错亦好味, 金銀蛋及菜類收88幾好味, 魚腸一般算係甘, 但一到海鮮就要小心, 炒蟹又咸又冇味, 收1250, 龍蝦大約是稻香貨色, 盛惠1680, 十二人份量飽魚雞一盆收900, 朋友冇細心睇出面魚缸價錢, 以甘價錢就算貴了, 另外洗手間在後巷, 一地水又窄, 下雨去就要小心, 這裡切記祇食小菜, 海鮮勿試, 藝廚即是藝術式, 可能有玄機！

呢排喜歡小炒, 所以今日就到增輝. 點左8餸一湯, 沒有加一收費, 六個人每人$200 西班牙黑毛豬叉燒$188 - 推介呢個叉燒汁沾滿全全件叉燒, 夠味又夠林, 好香肉味🐖鎮江金沙骨$128 - 自己比較喜歡京滬味的糖醋骨🍖鬼馬油炸鬼$93，蝦膠加油條，好香口不過有點乾金銀蛋肉鬆浸豆苗$148 - 皮蛋肉碎份量夠, 咸蛋黃可以多一點🥬黃金焗鮮魷$148 - 魷魚大件夠爽脆, 如果多一點咸蛋黃味就更好🦑客家釀豆腐$128 - 魚肉可以厚一點 🐟半隻脆皮柞子雞$208 - 雞脆皮, 但雞肉略有點乾蝦多士$83 -  即叫即炸, 外脆內軟同埋有8件都抵食豆腐魚雲湯$108 - 唔腥好鮮味, 仲有好多魚豆腐, 自己好中意魚湯, 所以本人推介呢個每碟餸菜式都大碟可以4-8人都合適, 店員誠意地不斷推介海鮮或在不在菜譜上的菜式, 朋友就點了推介的西班牙黑毛豬叉燒, 很不錯夠林夠味, 可以再試. 沒有加一, 食物味道份量都合適, 可以再試其他菜式