塔門新漢記海鮮酒家

营业中

休息中

周六帶埋狗狗去塔門郊遊 行完肚餓係新漢記食海膽炒飯 椒鹽鮁魚 紫菜湯 樣樣都好味又大份 老闆娘招呼又好 👍 明明已經過咗午餐時間 店內都有好幾枱客 狗狗又好開心 趴在地下嘆冷氣 好食 正👍

10月1號來到塔門可揀嘅食肆僅僅3間但都唔會影響我嘅好心情一場黎到梗係要試下呢度最特色嘅海膽炒飯同埋炸墨魚丸啦於是我哋就叫左呢兩個另外加一個菜不過三個菜真係等左我哋好耐呢碟海膽炒飯新鮮出爐，鍾意生食海膽嘅朋友仔未必會鍾意，因為超熟之後嘅海膽味唔會太出，不過我鍾意食熟食，所以我都OK。問題就係呢碟炒飯對於我黎講真係有些少偏鹹不過我朋友仔就話啱啱好，可能我口味本身偏淡掛...呢碟炸墨魚丸望落普通，但係食落又唔錯wor啲肉夠彈同埋夠實，我同朋友都鍾意

復活節假期天朗氣清，海闊天空，是郊遊的好日子。今天到塔門輕鬆行一轉，一上岸已見村民在曬魚穫，有多款特產出售，塔門遠離城市污染，不妨選購些。大部分塔門居民已遷往市區謀生，只有部分居民於島上開設士多或酒樓，主要招待假日來島上的旅客。今次同老人家來，所以只順道到天后廟行行，否則建議可以到山上一行，或者看看疊石，飲支冰凍奶茶也不錯。 大約11時半到新漢記，塔門島上唯一的海鮮酒家，假日會有團餐供應，建議12時後到達，等團體吃完後會比較舒服。入座後先來紫菜湯，紫菜新鮮有海水味，步行完喝這湯零舍滋潤，補充水分。白灼蝦新鮮，蝦身形圓潤肥大，肉質結實，口感豐厚，蘸上蔥花豉油，鮮味十足。 椒鹽鮮魷炸得香口不油膩，鹹中帶微辣，魷魚新鮮是最滋味。豉椒炒蜆味道剛好不太鹹，可惜蜆肉不夠肥美。 鮮炸墨魚丸很彈牙，吃到墨魚肉的鮮味。生炒排骨剛掛汁，甜酸平衡。黃立倉蒸得剛剛離骨，魚肉滑及有魚味。最後來碟蒜蓉炒菜心，也頗鮮甜，整體不錯。

是日參加永安團搭船遊東平州塔門，朝早東平州，中午塔門食晏再行下。午餐喺塔門新漢記食。團體菜，算唔錯。白切雞 - 唔錯，唔好雞嘅我都食咗三四件。紫菜魚旦湯 - 紫菜鮮甜，魚旦彈牙有魚味。不過飯先到，雞第一個菜上，攪到要食完啲飯先，再裝湯，再裝過飯，次序錯咗。湯先上，會好啲。草菇扒小棠菜 - 幾好食，味道啱啱好，生熟都啱啱好。蒸多寶魚 - 又滑又好食，時間啱啱好。蝦 - 大隻又爽口。墨魚丸 - 爽口好味。咕嚕肉 - 味道ok，但肉好難食，無肉，粉，全部都係粉。生菜 - ok la。白飯任裝，不過對我來講無乜意，我唔好飯。對於團餐來講，都唔差啦！

跟團旅海岸公園✨而家團餐就係塔門度食，我地11點已經去到準備食食 海鮮B餐💁🏻 諗梗郊野既多士/餐廳 煮啲野應該會好地道 點知麻麻地😕一泥就上左 白灼蝦 同 鹽焗雞真係好普通 隻雞吾夠入味😟鮮菇扒時蔬 同 郊外油菜不過不失 正常既菜色😌炸墨魚丸 俗稱炸彈💣好油 但熱食都好食既😋生炒排骨 同 清蒸海上鮮呢兩道餸係最最最好食😋尤其 蒸魚 清蒸真係好食仲要好滑😋😋😋😋💕時菜海鮮湯係紫菜加瘦肉加蛋花同有魚蛋😶都好味 但係完全冇海鮮😂😐

塔門士多就多，但酒家得一間。星期六都路太多人，可能因為撞唔正d團。野食普通冇咩特別，唔難食食得飽咁囉。特別d既係炸墨魚丸，雖然炸過，但都唔會好油既感覺，幾好食。另外，咕撈肉都好好食，肉又大舊，甜酸味岩岩好。最後，個多寶魚都好味，幾新鮮。其他野不過不失，雞味道比較淡，食落冇咩味，蝦都幾大隻，雖然係店到見到佢個紙皮相寫住特級味精，但食落去都唔會好醎，都算清淡。呢到都係做遊客生意，又獨市一間，其實都冇咩選擇。不過個老闆娘幾nice。

中午來到塔門,第一時間醫肚先。去到這出晒名食海膽炒飯的餐廳。排晒隊,我地終於入到去食。當然要叫出名食物。特別要自己寫單。1.海膽炒飯米飯粒粒分明,海膽味不是太重,食食下開始覺得油膩。哈哈。但好食。我見到佢用海膽醬炒。唔知佢每碟用幾多海膽呢？哈哈2.蝦醬炒鮮魷好食,不過蝦醬味不重,醬油味重。咸左d。但魷魚不會太難咬。3.普通奶茶&薑味奶茶講真,我覺得沒特別。我飲完胃脹。=_=食完就去行山。

之前有個星期六放假同男朋友造訪塔門除了想親親大自然外,想去影下大自然環境順便感受塔門既美境~到了五月天氣超，汗水真是流過不停！就在與男朋友一落船，要狠狠的吃一頓！一落船巳經有3間酒家在碼頭附近搵間比較少人既酒家食先~~黎到培門定要試下出曬名既招牌菜:海膽炒飯好香好好味 未食過咁多海膽嘅炒飯，一碟80蚊但絕對值得！同埋size都夠大清炒蜆肉,蜆肉新鮮,甜美,正~~鹽焗雞，想不到這裡主打海鮮的酒家原來雞是超新鮮美味肉質嫩滑,正~~但唔記得映相!下次再黎一定要食墨魚丸先~

有幸參舆太座與中學同學的一日遊，地點是塔門，一行十三人遊覽過天后廟，呂字疊石，欣賞過蔚藍的天空，一望無際的海洋，又回到碼頭，是時候吃午餐了。島上只得三數間食肆，以這間較具規模，我們便選了這間。為方便進食，分坐兩檯，每款食物乘二。椒鹽海蝦，半斤海蝦，椒鹽下得不兇，蝦肉不過不失，也爽囗，但非特別新鮮。豉椒炒蜆，非大隻蜆，加了青椒絲同炒，我不吃豉椒，略過。薑葱炒蟹，炒細隻花蟹，蟹殼無膏，肉質較削，薑葱味濃，茨汁調得很稠，非大師傅煑的原故，稠的程度是整個蟹蓋內側都是稠漿糊。墨魚丸，彈牙，含粉量不高，吃到墨魚肉。干炒牛河，炒得不錯，河粉沒黏在一起，牛肉不韌，惟豉油略咸，多點甜味會更好。星洲炒米，有急凍的蝦仁，火腿絲等材料，咖喱油/粉下得不多，不辣，缺少了「星洲」的特色。海膽炒飯，初聞其名，是滿有期望，惟炒飯味道並非出衆，海膽煑熟後，味道比雞蛋還要淡，一試無妨，再試無謂。蝦醬鮮魷炒飯，端來時蝦醬飄香，惟個人對蝦醬興趣不大，略過。蒜蓉炒雜菜，有生菜，小棠菜和菜心，味道是可以的，惟廚房小哥兒對打茨的技巧仍有很大進步空間，多練習便會好。以前曾吃過有不錯的水準，也許是不同廚師有不一的水準。老闆娘非常友善，

鹽雞味道一般，薑蔥炒牛肉稍微咸還可以，海膽炒飯完全食物曬都沒有發現海膽，椒鹽鮮魷香脆可口。豉椒炒蜆不夠新鮮，白灼海生蝦一般蝦有點莓，海鮮湯以爲很普通飲落去出奇好喝雖然係大量菜豆腐與少量海鮮。酥炸墨魚丸，不錯很爽口配啤酒一流。服務勤快，其他一般。

是日郊遊的目的地是塔門, 第一次到這裡, 原來是一片世外桃源, 一大片草原, 還有看牛牛在吃草的悠然自得, 好像過著飄零燕的生活, 但重點是這裡品嘗海膽炒飯, 聽聞這裡每間餐廳都有這道菜, 我們選了新漢記, 店員很親切, 因為店內大部分的檯已被本地團訂了, 他們安排到裡面的座位, 因為還早, 本地團還未到, 可以寧靜吃一餐, 我們點了白灼蝦, 椒塩魷魚, 海膽炒飯, 上菜都很快, 白灼蝦, 中等size很新鮮清甜, 彈牙,配辣椒豉油一流, 另一道椒塩魷魚, 喜出望外, 很薄的粉漿, 有咖哩味, 魷魚爽口不韌, 很香口, 最後壓軸的海膽炒飯有點失望, 看見一粒粒的海膽, 但卻沒有嘗到海膽的味道, 炒得不太乾身, 飯有些一塊塊黏著, 足料但不好吃, 總算飽著肚子上路去, 郊遊前都可以推介一下

一下船到達塔門，所有人就湧到食肆吃午餐，我們一行8人也不例外~~我們到了塔門新漢記海鮮酒家吃午飯，由於一下子人太多，一開始完全沒有侍應理睬我們，後來老闆娘來招呼，我們才可以落單。到塔門一定要食海膽炒飯，炒飯味道不錯，有穫氣，曾聽說有大大啖的海膽，可能由於太多客吧，今次海膽不算多。這個椒鹽鮮魷真的不得了，炸得超香，超美味﹗咸中帶微辣，外皮又夠脆而不厚，超正﹗而且魷魚亦很新鮮，非常美味﹗菜心也算鮮甜，很青綠，不錯的。豉椒炒蜆也很惹味，只是蜆肉有點兒硬，也能不夠新鮮。最後是鹽焗雞，想不到這裡主打海鮮的酒家原來雞是超新鮮美味呢﹗我們甚至非常懷疑是不是自己偷偷地養的呢？﹗肉質實在太太太嫩，亦非常有雞的鮮味*超驚喜*﹗

塔門一日遊，塔門位處香港的東北面，島上人口不多，全部集中於小小的漁村內，漁村就在島的西南面，島上風景優美，其實，這小島之上...不只美景來欣賞，還有美食去追尋。雖然是小漁村，村內也有幾間食肆可供選擇。今天登過塔門茅平山頂，遊過著名的龍頸筋及呂字疊石。中午過後，一眾山友選擇了(新漢記)來開餐，菜色安排，是朋友發辦的。鹽焗雞一隻，盛雞的碟子崩邊難看，賣相當然是不美，雞的製法不似鹽焗，更像客家鹹雞，肉質肥瘦適中，雞皮比較薄，皮下脂肪亦不多，骨肉間未見血絲，味道微鹹帶香，口感有少許嚡，感覺似是冰鮮貨色，以味道來說，亦算是好味。白灼海生蝦，普通海蝦，顏色淺赤而花身，蝦殼較為軟薄，蝦的形態，呈180度躬身，樣子不甚討好，有點灼過龍，其中有些已失去圓渾的眼睛，幸好只是少部份，另外沒有甩頭脫腳的情況，整體尚算新鮮，肉質爽口之餘仍帶點鮮甜。疆蔥炒蟹，端上時，已嗅到薑蔥香氣撲鼻而來，鑊氣十足，再看一看，原來是落了不少的薑蔥，炒得夠乾身，賣相吸引，蟹是花身一族，略嫌身材過少，蟹小當然肉不多，然而肉質尚且鮮嫩，薑蔥與蟹，確實是最佳拍檔，兩者走在一起時，就是惹味好吃了。酥炸墨魚丸，細細粒，一碟有二十多粒，每人最

天時、地利、人和乜都齊集嘅一天。大隻型男友人早兩天已經相約郊遊，地點選好塔門，時間早上十時多出發，到達黃石碼頭已是十二時多了，先解解手再步行到碼頭吹吹風看看釣友有沒有收穫，渡輪從遠處慢慢駛近，上船走進下層船尾坐下看着碼頭越來越細小，塔門我來了！這酒家往日跟本地旅行團已吃過多次，老闆娘非常熱誠地招待從未變改今日更加入多個婆婆的服務，濃濃的鄉土味、和藹慈祥的笑容令人賓至如歸嘅感覺逼哂出來鹽焗雞半隻鮮味當然欠奉(冰鮮雞)調味卻不錯，肉質尚可接受不能強求椒鹽鮮魷例牌必叫嘅一味餸，中規中矩、不過不失的下酒小菜。香煎芙蓉蛋蛋煎得夠香，蝦仁亦新鮮，配料也不錯，唯獨各自各精彩油鹽水菜心好味入秋後菜心都嫩綠起來....讚！ps. 祝願一眾婆婆身體健康，笑口常開

o個日我o地一行8人去塔門行山,行山後當然係要試o下當地o既海鮮啦！亦係唯一一間我o地都叫o左唔少o野食o架！-椒鹽瀨尿蝦(一斤左右)–好惹味,不過細隻o左d！有d味精啦！(哈！呢味「食送」有人贊助)-白酌蝦(一斤左右)–都係咁啦！鮮味ok !-椒鹽鮮魷–一般啦!冇乜特別-海膽炒飯- 都係一般啦！(望見海膽都唔係咁多)-乾炒牛河- ok 唔油膩-蒜蓉炒雜菜-腐乳炒生菜-豉椒炒蜆 -細細隻幾香-疆蔥炒蟹 (兩斤左右) -蟹唔算太大隻不過都好鮮甜重有飯後生果 !!!總結o黎講 -呢餐不過不失啦！(最大可能係行山後太肚餓) 事頭婆都幾好笑容o架！