影片
港铁石门站 C 出口, 步行约2分钟
继续阅读
附加资料
堡品牛腩 牛腩匠人 本著追求上乘潮式牛腩品质的初心，促使创办人开设一间提供极致食用牛腩体验的专门店。传承老师傅的百年炆制牛腩秘方，再不断改良，以花椒、八角等数十种香料熬制卤水酱料炆制牛腩。 为了确保牛腩一直保持入口的最佳温度，堡品牛腩的实体店面，会用火炉奉上潮式牛腩，让您从第一口到最后一口都能品尝到牛腩的鲜美，享受绝佳的食用体验。
营业时间
星期一至日
11:00 - 21:00
以上资料只供参考，请与餐厅确认详情
扑鼻而来嘅香味已经先声夺人，我一边咽口水一边坐低，期待已久嘅五香牛杂煲终于出场嘞！煲底牛肚得嚟爽口得滑，牛膀腍得嚟又弹，每啖都香气扑鼻，真正系食到停唔到口。啲炸鱼皮又系外脆内软，入口即溶，咬落去嘅声音够晒香脆。突然间，个五香味郁嚟，啖啖醇香，乜都唔使，就已经满足到不得了🥣。然后，话说𠮶啲墨鱼丸同鱼丸，真系每一粒都饱满得滞，咬一口弹牙嘅感觉，真系好过瘾！生菜又清新爽脆，完美中和晒五香嘅浓郁😋。最后，点可以唔提下呢个手打鲜墨丸同黑松露花胶水饺？大细心创造出嚟嘅味道，仲有啲安格斯封门柳，肉质鲜嫩多汁，几乎系融化喺我口中，咁样嘅美味，真系令人忍唔住一而再、再而三嘅夹😍！整体黎讲，呢次食经真系一场舌尖上嘅盛宴，好彩今日攞到位，唔使排队，做个美食猎人有时都要啲运气，不过呢间店嘅美食确实值得每分每秒嘅等待！🍴
继续阅读
朋友之前去过堡品食过个花胶鸡汤打边炉话好正,天气转凉,就带我去打返个滋补边炉^^.店员安排左张大枱比我地2个,坐得好舒服,我地叫左个花胶鸡二人餐,配料好丰富.超香浓厚花胶汤,一上枱,金黄色既浓鸡汤.店员好nice咁话先试试个汤,一滚起已经闻到超香浓既鸡味,忍唔住要即刻试下个灵魂,汤底鲜甜,胶质丰富,滋阴养颜,有半只鸡,肉质软稔,吸收晒汤,连鸡肉都好有骨胶原,好食.花胶好厚身,真系好有霸气,口感爽滑,满满骨胶原,食完仲有胶质黏系口既感觉.美国安格斯封门柳,份量超多,肉质好幼嫰,牛肉味浓,油脂分布均匀,绝对系上等牛肉,牛魔王一定爱上.手打鲜虾丸同手打鲜墨丸,手打系列果然口感非常爽口弹牙,鲜虾丸好新鲜,鲜甜,2种丸都好出色,好味.黑松露花胶水饺,黑松露配鲜虾,花胶,估唔到可以咁爽,更加带出鲜虾既鲜味,口感又爽弹,真系好正.白鳝系厚切,肉质肥美,刀工好好,完全无骨,劲,入口满白鳝既油香,超级好食.响铃质地松脆,索晒D花胶鸡汤既精华,好正,打边炉真系无得输.食埋生菜同皇帝菜,淮山面,真系大满足,淮山面都好有惊喜,面质好爽滑.仲有个3.6牛乳奶冻,估唔到个甜品都咁出色,滑溜creamy,入口软滑,奶香十足.
继续阅读
友人外地回港，相约一起打边炉聚下旧，一齐食了花胶鸡汤火锅套餐，一食难忘，连花胶鸡汤都好饮到清晒！不可不在落火锅料前先喝超香浓厚花胶鸡汤！花胶同鸡件大大块，职员会帮手剪。留返鸡髀🍗唔剪拎住食最过瘾😄美国安格斯封门柳，净系见到花纹都知好野黎，牛味👍🏻油脂分布均匀，手打鲜墨丸同黑松露花胶水饺🥟都十分好食，弹牙唔重粉！黑松露完全升华左个味道，令水饺更滋味！自家响铃大大件，时令蔬菜有茼蒿同生菜🥬加上爽口淮山面！好既汤底令面既口感升华左，唔食咁多碳水化合物嘅我都停不了🤣最后3.6 牛乳奶冻都无令人失望，奶味浓而唔会好甜，食完劲满足😌！P.S.原价$988，特价＄788，早一天前订，特特价$688
继续阅读
堡品牛腩喺近石门站京瑞广场出面 地理位置好方便 之前同朋友都嚟食过觉得好好食今晚再嚟 试下佢哋今次推出 <全新花胶鸡煲> 好想嚟试下 佢哋拣嘅鸡 鸡皮够黄 鸡油够香的麻黄鸡 鸡汤与鸡油的黄金比例 鸡油完美结合鸡汤 入口鲜香浓郁 轻轻的黏口感觉 食到浓汤中满满的骨胶原。汤底里面有劲多花胶配料有多种食材封门柳味道好浓郁 食得出系好新鲜 放入汤底约20秒就可以加上啲火锅酱料 真系好满足手打鲜虾丸 好弹牙食得出 粒粒虾肉非常新鲜手打鲜墨丸 墨鱼味好浓郁 口感好弹牙 好鲜味黑松露花胶水饺 系自家仔拍皮薄馅靓 黑松露味道好出新鲜白鳝 食落好新鲜 比较少食呢个白鳝 冇乜骨好弹牙 呢度坐得好舒服舖头近地铁站有容易揾店员 服务又好地方 又干净 坐得好舒服
继续阅读
今晚过来石门食晚餐，见天气凉凉地又可打边炉。叫左个套餐超浓特花胶鸡套餐有肉类选一款，手打鲜虾丸，手打墨鱼丸，黑松露花胶水饺，自家制炸响铃，时令蔬菜，乌冬及3.6牛乳奶冻。超浓特花胶鸡汤，原来个汤底系用左成只鸡熬成，打边炉前先饮饮返半碗汤先，鸡汤好浓郁又好鲜甜。美国安格斯封门柳，牛味香浓，肉质又唔韧，汤底浓郁连酱汁都可以唔使点都好够味道。手打鲜虾丸和墨鱼丸，虾丸啖啖虾肉和墨鱼丸好弹牙又爽口好好味。黑松露花胶水饺，水饺皮又唔会太厚，咬落黑松露味几香浓又有虾几弹牙。花胶大大片店员帮我地剪细细块送入鸡汤煲，花胶够淋又入味。炸响铃索鸡汤的精华好入味。蔬菜和乌冬吸收汤的精华。3.6牛乳奶冻又唔会太甜，奶味香浓。
继续阅读