堅信號上海生煎皇 (形點 II)

营业中

休息中

之前喺深水埗食過兩次生煎包，覺得好好食，最近去元朗形點2食過兩次，環境都真係好唔夠冷氣，可能係因為商場中央冷氣關係，就算店內有風機都真係好唔夠通爽，會令人食完就想走，職員完全無表情、無互動、無反應、無招呼⋯好食都令我對依間店卻步⋯先講講食物，今次照舊要咗生煎包、小籠包、同埋柚子蜜梳打，而新嘗試係金湯麻辣酸菜魚輕輕咬開一個小窿，熱湯嘅溫度隨之湧出嚟，好多湯喺裡面，肉丸都滿滿湯汁，一啲都唔鞋口又唔會梅，皮面軟身，皮底夠脆，真係好好！同生煎包一樣，滿滿湯汁喺小籠包裡面，皮唔容易穿，但又唔會覺得好厚皮，有時有啲店舖做得皮太薄，反而食唔到皮嘅質感，依個堅信號做得幾好一開始食無乜特別，唔覺麻亦唔覺辣，食到一半左右先覺得麻辣，但只會食一次就夠，難度要成碗酸菜魚要撈勻晒先有溫度、麻同辣？唔係一齊煮的嗎？其實真係希望老細知道，你啲嘢好食，但環境同職員唔改善，一手一腳嘅生意好快玩完，值得嗎？

端午節唔知食咩好 行過見到堅信號冇人排隊 見佢假日套餐$8x有一個小食，一個主食，一杯野飲，好似都到抵食，就決定入去試下我地叫左一個雞扒拌麵套餐同一個蔥油雞套餐，再額外加配左4隻生煎包叫左無耐生煎包就好快上左枱，入面好熱好多汁，但係個皮就煎得唔夠香口之後係雞扒拌麵套餐，小妹小食就揀左青瓜雲耳，雲耳酸酸地幾開胃，至於雞扒，煎得脆既，但小妹就略嫌佢淡左小小，冇任何醬汁點，拌麵就比較硬老公叫左蔥油雞套餐配菜飯，小食就揀左紅油抄手，又唔會話好辣，至於蔥油雞就不過不失啦，雞肉唔鞋2個人埋單連加一$209，公眾假期黎講算ok啦

叫了一個炸黃魚菜單飯，超級難食！炸魚很硬，入面冇肉，全部係粉，硬到咬唔到。有一個妹妹仔，好黑面，叫佢加餸又唔記得，價錢又講錯，飯未食完就要收餐具走，趕住收工。體驗極差，下次唔嚟了！

本身幾鐘意食上海野 試過上海正宗生煎包 來到這裡食覺得好奇怪 🤔雖然有湯汁但個生煎包好似縮水未熟甘 叫左個蔥油雞飯 同擔擔麵 蔥油冇咩味 個雞又係好奇怪質感 都滑但又係冇咩味 明顯雪藏雞 擔擔麵就還可以 叫做不過不失啦 平平地食個快捷既晚餐都可以既 但唔好有期望

豬扒勁難食，塊皮硬到咬吾到。店員換過塊豬扒都係咁，搞到要食淨面，湯麵個湯都無味，要落好多匙豆辦醬先有味，上海粗炒又硬又難食，真係食到火滾，一定吾會再有下一次！！

首先值得一讚每位員工都好熱心幫忙，餸菜亦好快上枱！最出色就梗係招牌生煎包，一如以往夠熱，仲勁多湯汁，一咬好澎湃咁漏出嚟！而且個底都夠哂卜卜脆！🫶🏻而韭菜餃夠哂足料，隻隻都脹卜卜。不過紅油嘅麻香辣味略嫌不足。椒鹽脆黃魚夠哂鹹香，而且一啲都唔腥！重點係起哂骨啖啖肉。而呢個避風塘風味，做到甘香、脆口亦唔油膩！炸蒜冇苦味之餘仲有微微嘅甜辣味！秘製豬扒擔擔麵-小辣擔擔麵花生醬味偏重，夠哂濃香，但未去到濃稠，做唔到掛麵嘅感覺！另外肉碎整得比較蓉，如果有番少少質感會更好。值得一讚豬扒醃得好夠味，食落有微微嘅甜味，而且夠哂稔又厚身。

上海小館，滋味唔錯。同老友瞓低嚟試下佢哋嘅經典上海菜。頭盤點咗個涼拌海蜇，第一啖嘅清脆爽口已經話俾我知我揀得啱😋。跟住，仲有生煎包同小籠包，倆個經典名點都係熱辣辣嘅，鮮味湯汁一咬就溢出，筋道嘅餡同脆口嘅底，真係非一般，啱晒我嘅口味。上海菜嘅精髓之一，當然少不了紅燒肉，外皮焦香入面卻是軟嫩滑口，啖啖肉香，滿嘴留香，甘香得嚟又唔膩，食得我心滿意足🥰。話說，我食到最後仲有少少愛不釋口，簡直係太過癮喇！總括來講，這間小店嘅食物都幾經典，值得一試！下次啱嘅話，仲要帶埋其他朋友黎飽餐一頓！👍👍👍

之前已經去過幾次呢一間堅信號食嘢。最主要係食物唔差，價錢實惠同埋抵食👍今次帶埋小朋友去食，發現原來佢而家有兒童餐。小朋友見到即刻話要叫兒童餐食。佢個兒童餐係用一個飛機型嘅碟承載住，好得意。😍如果享用兒童餐，餐廳會送一份小禮物俾小朋友。本身我都唔記得有一份小禮物，之後有一位員工俾份禮物我小朋友，我小朋友望一望個袋入面份禮物。佢超開心超鍾意 ！😍入面有一支七彩繽紛嘅顏色筆，有齊晒好多種顏色的。好靚！份兒童餐本身都好平，好抵食。冇諗到仲有小禮物送俾小朋友。小朋友見到份小禮物，食嘢都食得開心啲！😊下次都會再嚟呢間食兒童餐。😄

外賣買返來，成塊包皮硬晒，要自己再番煎，咬落口啲肉又硬又瘦，一點肥豬肉都沒有，又沒有汁，成$10一粒，一點到不值。一定冇下次，憑什麼開生煎包專門店？！上海那家正宗好得多！

當晚點了一籠小籠包因為有湯汁於是向侍應取兩隻湯匙但前後要求了兩次均無人理會完全無視我們至於食物方面亦非常失望擔擔麵湯底算夠濃郁可惜麵條超淋完全失去口感是發脹的拉麵一樣😮‍💨至於口水雞的口水汁辣味十足可惜只有辣味但欠缺香味雞的肉質感覺上是雪藏了很久似的上海排骨菜飯的排骨肉質軟爛似乎加入了大量鬆肉粉完全失去豬肉應有的香味而且只有甜味欠缺層次而菜飯的菜粒非常少令人失望生煎包尚算可以內裏有很多湯汁而且包底煎得非常香脆

放工在Yoho買完嘢就食晚飯至返屋企。今日試咗生煎皇。今日好想食雞，所以揀咗油雞同菜飯加2隻炸雞翼。雞新鮮好有雞味。連皮食亦好ok。菜飯也是好食。飯好有口感，似珍珠米嘅飯。😋😋炸雞翼很香脆可口。😍下次試吓佢啲生煎包啦。

一位深藍色衫男職員，在場內一直熱心為各檯客人解答問題，十分有耐性和有禮貌，特此表揚。👏👏👏午餐10分抵食，有一個主食，仲送兩隻小籠包同埋嘢飲。多選擇又好食👍👍

疫情日子過去，生活算是全面復常，但有些因為疫情三年而改變了、接受了的習慣，現在可能大部分變回老模樣，但有些已養成的習慣，就算沒疫情年代發生得那麼頻繁，也不一定會全面取消，而「嗌外賣」就是其中一個我養成了的習慣。是的，復常後，外賣是少叫了，一星期一次吧，但當時「嗌外賣」高峰時期，也讓我認識了一些以前從未接觸過的餐廳，不時也會心思思想食。為解單思之苦，今晚決定打破閒日不叫外賣的戒條，用網上外賣平台叫了堅信號 。也慚愧地說，疫情年代在網上外賣平台認識的堅信號，我到目前為止還未親身去過門市幫襯。從第一次到現在已不知叫了多少次，評語貫徹如一：堅！好！食！每一次我都會自言自語：叫外賣回家都這麼好，在店吃會是怎樣的一回事呢！主食我永遠都離不開外婆紅燒肉菜飯或堅信號豬扒菜飯，可能因為我特別鍾情菜飯這件事，加上這個外賣套餐跟一隻生煎、配菜(青瓜或醬蘿蔔)及一杯飲品(豆漿或酸梅湯)，單這一set其實已經夠飽。太太通常會點芝麻醬五彩伴冷麵。你可能會說，這能有甚麼特別呢？對的，真沒有甚麼其他特別，只有一樣：特別好味！我講真的，不知為何，這個不論名字或賣相都平平無奇的冷麵，他們的芝麻醬及那些只是普通食材的五彩，

堅信號生煎包出名好食,今日行完街就去咗堅信號食野😋我叫咗以下食物：❤️灌湯小籠包(4隻)$34皮薄餡嫩，一咬開有好多湯汁，肉汁鮮嫩，真係要喺呢啲上海店先食到呢個質素。❤️堅信號生煎包(2隻)$22外皮煎得酥脆，裏面嘅餡料都好正，好juicy，好正宗。❤️上海排骨擔擔麵$64排骨應該即係豬扒，炸得好香，啖啖肉。擔擔麵嘅花生味好香濃，好開胃。❤️胡麻醬五彩拌冷麵$70呢個麵有5種顏色😆賣相夠吸引👍🏽胡麻醬加埋涼拌青瓜，又香又fresh👍🏽👉🏽配涼拌青瓜❤️麻辣無骨鳳爪$16呢個無骨鳳爪都幾辣，鍾意食辣嘅朋友應該會好鍾意而且無骨食落好方便😁Like!!❤️上湯火腿娃娃菜$34份量足夠👍🏽❤️柚子蜜梳打$22❤️凍豆漿$13夏天飲啱晒，冰凍解渴🤤

今日食評✍🏻堅信號上海山煎皇@yoho mall 試食指數⭐⭐店舖衛生⭐⭐⭐侍應態度⭐⭐⭐⭐((每項5⭐️為滿分)) ·不得不承認佢哋愈估做愈差由往時期待去食到而家係趕時間其他店搵唔到位勉為其難咁幫襯·1️⃣小籠包兩粒驚難食所以叫少啲不出所料係冇乜驚喜兩粒夠了我哋今鼎記起碼食6粒2️⃣雲吞湯拉麵雲吞味道ok湯底ok麵底正常3️⃣雞湯拉麵🍜我都唔係好記得個正名因為真心唔太好食雞肉好「un」湯底同麵都正常·希望佢哋可以做番好少少啦🙌·無論大鋪小店我哋都會盡試盡講Follow我哋bw.foodie