堂小二

营业中

休息中

今天叫了小食三寶, 明明說了不要辣, 店員竟然落了很多咖哩汁, 我明明講咗唔要辣, 理直氣壯毫無禮貌話呢個唔係辣醬係咖哩汁, 更加在客人面前和其他店員話客人！如此差的小店從未見過！

冇食晏覺得好肚餓，經過見到個裝修好似幾靚就叫咗幾樣嘢試下，順便買埋比屋企人。佢個裝修整體都係行台式+香港fusion 咗路線，大部份都係小食類，都幾啱口痕嘅時候食。叫左沙爹肥牛撈麵、雞排撈烏冬、照燒肥牛炒烏冬，整體質素都幾好。最鍾意照燒肥牛炒烏冬，好入味同埋都幾足料，鍾意濃味啲嘅朋友仔應該啱食。下次有機會會想試埋有肉燥嘅其他款式。

最近收工買嘢食，行過見到佢哋出咗新野，所以買咗嚟試吓。本身都係諗住一般嘢冇乜特別期待，點知係出乎意之外既好食！麻辣味道幾野味，不過自己本身唔係好食得辣，最後都加咗支羅漢果茶中和下，好過吓吓飲珍珠奶茶。整體比我感覺好驚喜，估唔到西鐵站都會有咁出色嘅小食店，讚讚！

夏天唔想煮飯最好就係買外賣豬頸肉流心蛋飯,豬頸肉味道不錯好送飯。麻辣手撕雞撈麵,有驚喜唔算辣有麻香味加上青瓜夠清爽。樽仔奶茶店員話係自已沖有茶味不錯,菊花蜜食完麻辣飲佢啱晒。

由堂小二開張起，本身定期都有幫襯小食外賣。通常都會幫襯買碗仔翅+魚肉，混醬腸粉，有時會加個肉燥飯，一向對堂小二食物的品質都接受。今日返來順路諗住買埋午餐俾家人：碗仔翅+魚肉 - 越來越差，碗仔翅咩料都無，魚肉算OK, 家人一向支持，今日十分失望肉燥飯 - 普通但OK肉燥米粉 - 米粉無汁無湯，單靠啲肉燥根本食唔到，食品菜式的設計0分。混醬腸粉+燒賣 - 普通但OK雖然員工的服務OK, 但食物的質素越來越差，希望堂小二可以盡快改善！

7月23號 本人下午六時在元朗西鐵站的分店買餐，兩份牛丸、兩份墨魚丸、一份台灣腸,價錢是60元正 回到家打開餐盒卻發現牛丸和墨魚丸每樣得3粒 不會要客人每次外賣都要點數 電話又打唔通

每朝早翻工都會經過堂小二，今日見到多咗個撈麵套餐禁就試吓啦~~~~心諗大不了咪營多撈，應該無死嘅。點知見到店員整個撈麵正係加咗一羹豉油同幾粒芝麻，試問一碗禁清淡嘅撈麵又有幾多位朋友食得落呢！

生菜魚肉魚肉入邊澱粉含量應該比較多，魚肉好少，但係調味還可以。最唔開心嘅係見着職員跌咗一粒魚肉😢但係佢冇俾返一粒我🥲希望之後可以嚴格d執行返一碗入邊有幾多粒嘅數量😢😢😢

元朗西鐵站地下近輕鐵位置，地點方便。我已經唔係第一次幫襯啦！佢每日，某啲時段，都有啲優惠，會喺門口放一個好大嘅poster版。今次就係佢個$15魚蛋燒賣套餐吸引咗我。同埋今次再嗌多咗個照燒雞炒烏冬$33。以佢呢個價錢來講，都算抵食。係嘢飲我覺得貴咗啲。同埋有一次食粢飯，又係好貴，因為份量少。佢哋啲魚蛋好淋，如果你要食好高質好彈牙嘅，咁就唔係買佢，但係我買俾小朋友食，絕對滿足到！但係小食買返屋企都幾惹味！

完全唔明白，點解會有咁多其他正面評價。今日下午一點光顧元朗分店，買了一份牛肉炒烏冬, 鹹到苦，試了一口根本不能吃，和員工反映佢基本唔理我，直至我話要投訴，佢先話再整一份畀我，但我趕時間就走了，其實同樣情況經常發生，叫腸粉少豉油，啲豉油都會多到浸滿曬啲腸粉，食物的質量和服務態度如此差勁，一定不會再幫襯。

喺元朗行完山出返嚟市區諗住搭車嗰陣時呢，就見到呢一間舖頭仔。咁我見到佢有$8一份魚蛋喎，然後呢就入去買咗嚟食。食食吓嗰陣時呢，見到有$32優惠嘅黑松露意大利粉。跟住我又買咗份返屋企。見唔見到上面嗰啲黑松露係幾咁足料？個誠意可以話係一百分💯！雖然奶油味唔重，但勝在足料。啲蘑菇同埋煙肉超級大隻，成個份食落去真係飽。如果唔計味道，唔計賣相嘅話呢呢一餐真係好抵！講返個口感，意粉呢種食物呢真係唔可以外賣。返到去屋企個零鐘頭沖埋個涼，乜都淋晒啦。所以我係唔建議大家擺太耐先至食㗎！煙肉同埋蘑菇呢系唔會受呢樣嘢影響嘅，味道仲可以夠入味。黑松露呢就唔算太香，醬汁同埋黑松露都需要自己撈落底。$32算係咁㗎啦。

住了元朗半年才發現西鐵有這間小店，有港式小食，岩哂放工後醫下肚過口隱。今天因不會煮晚餐，出面又下很大雨，一個人獨自食，於是在堂小二買份一人獨享餐餐包兩粒燒賣、兩粒魚蛋、腸粉和肉燥飯，還有熱柚子。賣相很整齊，魚蛋燒賣腸粉是味道淡一些但肉燥飯令我喜出望外、本不抱任何期望，但這份飯沒有味精，肉燥也多，份量充足。熱飲方面，不過不失，但店員很貼心附上熱飲管，較乾淨。

位於元朗的堂小二🔸，是一間港式小食專門店。小店主打各種港式特色美食👅，燒賣、魚蛋、腸粉碗仔翅、三文治等，應有盡有😍。最近更有加入台式和西式原素，有肉燥飯和黑松露卡邦尼唷～❝ 肉燥流心蛋飯 $33  ❞ 4.5/5❝ 黑松露卡邦尼意粉 $32 ❞ 4/5❝ 粒粒魚蛋 $12 ❞ 3/5❝ 蒸籠燒賣 $12  ❞ 4.5/5❝ 手打牛丸 ❞ 4/5❝ XO醬豉油王煎腸粉 $25 ❞ 4.5/5我點選好多食物😆，每一款都好不錯呀! 當中我比較推介 煙靭的麻辣味的蒸籠燒賣、結實彈牙的手打牛丸、肉料豐富的煎腸粉 和 肉香滿滿的肉燥飯😍。價格相當便宜👀，難怪有超多客人光顧呀~

發現元朗站下面有間高質小食店！多款港式小食即叫即整，創意之餘都可以keep住水準，又快又好味😍🍄黑松露卡邦尼意粉少見有特色，黑松露味好香，撈埋之後每啖意粉都食到黑松露同白汁嘅香滑，性價比高😉🍜沙爹肥牛撈麵沙爹汁傑傑哋好香濃，撈麵彈牙，加埋食肉獸最愛之肥牛太開心👻 🥬香蔥雞蛋豉王煎腸粉: 即叫即炒，鑊氣十足🔥落咗豐富配料幾香口，蔥香突出，蛋煎過之後，加入麻油更吸引。🍡蒜泥燒賣 & 咖喱魚蛋口味選擇多元化，食得出優質靚魚肉，大小口感，軟硬度適中🥢簡單之餘都好出色。蒜泥蒜香誘人，咖喱濃厚，簡單配料更百變。🥤支裝凍奶茶 & 熱檸蜜奶茶香滑，經典茶記飲品更添懷舊港式風味。堂小二 @tong.siu.yi 📍元朗

I ordered a set breakfast: steamed rice roll, siu Mai and drink. I thought the price was $21. The menu isn’t clear. It really looks like $21 at anyone’s first glance. The price was $27 instead ! As the shop keeper starts to prepare, I continue with the purchase. There is only 3 siu mai. The quality of siu mai is below average. The taste and texture of the steamed rice roll is okay. It includes drinks. I order soy milk. The only good thing is the drink is stored in a bottle which is easy to carry