132
13
16
港铁尖沙咀/尖東站 N3 出口, 步行约3分钟
继续阅读
开饭介绍
两层楼的西餐厅，还设有露天座位；二楼的特大LED幕墙会不时转换光影图案，打卡一流。菜肴有泰式及西式口味，酒类饮品也有不少选择。
继续阅读
营业时间
星期一至五
15:00 - 02:00
星期六
13:00 - 02:00
星期日
13:00 - 00:00
以上资料只供参考，请与餐厅确认详情
招牌菜
食家推介
Asahi draught朝日生啤，日日係舖頭不停飲已經不太想飲，免強一杯濕濕口吧。原隻椰青，室溫？失溫？不冰凍的椰青水，不過不失。泰式冬蔭功卡邦尼大蝦意粉⭐️⭐️⭐️⭐️⭐️雖然有誠意有質素，不過售價二百多元真心貴。先做好預備工作，將蛋黃跟意粉及芝士撈得平均，每條意粉都要掛滿汁液方算成功﹗捲起大大啖釀入嘴仔，冬蔭功汁十分濃郁黏稠，奶甜味突出而散發輕輕辣味及強力酸味，蛋黃作為平衡的角色，完成度十分高，開胃醒神。泰式炒通菜，嚥韌帶硬的旱通，不及夏日時令淺綠水通爽甜多汁，味道狂野香濃帶辣帶蒜甜。泰式炸蝦餅，賣相不討好，油光閃閃。咬落麵包糠粗糙刮嘴，蝦膠鞋烚烚無鮮味，鬆散不起膠。火山排骨⭐️⭐️⭐️⭐️真正的泰式火山骨﹗跟在曼谷食的都有幾分相似，全部用龍脊骨，不是豬肋骨。炆得肉質彈牙，淋上泰式酸辣汁，完全滲透骨中肉中，損得非常暢快﹗整碟只需要我一人之力便可以完全消滅。泰式生蝦刺身⭐️⭐️⭐️大家都非常喜歡乾冰噴煙的演釋，視覺效果一定加分﹗魚露浸的即食生蝦刺身可以，及埋蒜片辣椒加上泰式酚辣汁的加特，合格。泰式煙燻三文魚刺身⭐️⭐️⭐️⭐️本身三文魚反貨時已煙熟，上枱時再煙多次，黎招雙煙燻，做足工乎，雖然在味覺及嗅覺上沒什麼幫助，不過視覺上有加分的。綿綿的煙三文魚充滿咸鮮，有著芫荽泰汁及蒜片辣椒的助攻，比預期中美味。基地龍蝦泰式秘醬炒飯，應該命名為泰式焗波士頓龍蝦伴基地泰式炒飯⭐️⭐️⭐️比龍蝦意粉更貴，接近三百大元﹗波士頓龍蝦真的很鮮爽彈，處理得而仲保留鮮味。炒飯完全食不出什麼秘醬那麼神化，其存在感薄弱直頭無乜味道。
继续阅读
數星期前訂座。情人節正日訂座時間前一個半小時突然取消訂座，理由是新春休業。休息應該不是個半鐘才知道吧。。。。。。。。。。。。。。。。。。。。。。。。。。。。。。
继续阅读
冇睇食評就去咗結果伏味濃其實本身想食泰菜點知去到話cut咗，得返西餐，仲要得幾款主食揀。好彩本身都打算求其食，就入咗去。個LED超低清又冇feel 我覺得餐廳應該標返自己係酒吧，不然情人節唔小心book咗果個人一定會死得好慘
继续阅读
本想為朋友慶祝生日，特地早一星期在OpenRice 訂枱並註明是慶生。用餐當天是星期五的晚餐時段，事前並沒有收到任何電話的確認。到了預約時間，到餐廳報到時，竟被告知 「唔好意思啊 今日我哋餐廳嘅泰國菜閂咗 menu 變咗係全西餐 你可以望望menu 」我聽後晴天霹靂，本想試試他們的泰式fusion 菜！當時實在好兩難，本來就訂枱要為朋友慶生，但若然立刻walk in 另一間餐廳，就未必可以做到生日驚喜🫠 不過，若然我要揀西餐，也不會揀他們的西餐。但是，星期五晚上實在在尖沙咀很多餐廳都需要等候，我又不想特地要和朋友吃生日飯，還要朋友等候😅最後還是walk-in 其他餐廳，幸好不用等候！溫馨提示一下大家最好事前打電話到餐廳確認一下自己的訂座要求/查詢一下餐牌內容😓
继续阅读
本來對打卡餐廳既食物都冇太大期望點知都重可以大失所望而且主要想打卡既人留意翻要坐係少數幾個有背景既位置先有得打其他位置唔係好影到個背景靚所謂背景都只係個大螢幕唔講打卡食餐飯最差既係一間餐廳竟然叫咩冇咩重要係主打菜叫生蝦冇 叫龍蝦冇 叫海膽麵冇重有好多小菜都係百無咩都冇唔明點解重放係Menu大大張相想食好啲都唔得我地重要唔係walk in 係一早book左枱本來想起身走人唔食但因為肚餓廢事再搵其他餐廳唯有局住食叫左啲唔係最想食既野例如依個打卡麵下面個醬食左幾啖已經愈食愈咸食唔落咁樣都盛惠$238芒果斑斕糯米飯 $168 正常發揮依碟燒扇貝好笑 $38一小粒但得個碟大 扇貝小得可憐 上次食另一間café $148已經有4粒比依個大好多既扇貝連海鮮意粉而且有鮮味又好食依到得個碟大過人泰式牛油果大蝦沙律 $128中間用左辣醬料撈牛油果 冇咩牛油果味主要食佢側邊啲牛油果燒虎蝦 $48兩個字 極差...肉明顯係又淋又霉既好後悔咬左啖個蝦頭 係臭既 唔新鮮唔怪得佢咩海鮮都冇叫唔到龍蝦念住叫個虎蝦頂住先點知中哂伏最好笑係果頭同我講龍蝦賣哂果頭食到中途遲我勁內入坐既4-5個客人上菜上左幾隻龍蝦但一開始完全冇講龍蝦要預訂／已經被預訂哂理解唔到點解果頭話賣哂 果頭又上比其他遲嚟大枱客人(點菜時大枱客人重未入座)燒四季豆 $18 Sweet baby $118 椰青唔記得幾錢總結 好睇唔好食 更加唔抵食真係好內未試過食一個晚餐食到心情咁差成為我第二間要特登上嚟打差評既餐廳
继续阅读