坤記 (已搬遷) 新店位置

這間坤記在屯門都有一定的歷史，至少在十六年前，我在附近的學校返學都已經有她的存在了。之後在附近工作，基本上每星期都有幾天行過，行了十幾年，每次經過都見到裡面人頭湧湧的，無辦法，新墟只有坤記和連鎖店海皇提供粥品﹑腸粉。其實在幾個月前我在坤記買了一個炒米粉(外賣，叮熱後食)，賣$11，份量有一個飯盒量，所以還可以接受。今天早上很寒冷，想吃粥，見平時去開海皇食，今次就試試去坤記吧。小小的店子內放有十數張圓枱仔，八點幾鐘已經坐滿九成人，自行搭坐之後，便參看餐牌，原來沒有早餐，全部都要散點。油器$8，齋腸/炒米/炒麵$10，感覺上腸粉/小食類收費不貴，但當看到人家在吃的齋腸粉，只有扁扁的幾條，這一刻我開始感到不安。粥品價錢真是看到我O咀，除了白粥是$8外，其他有料粥是$16/$18/$22/$25/$27/$30/$33/$37...我想知道真的有人會用廿幾三十元食一碗粥嗎?想點餐時便叫"唔該"，阿姐在遠處以粗聲地叫說"食咩你講啦!"，我在說的時候，她才施施然行過來，原來要交單給我。我很喜歡吃白粥，今餐都不例外。白粥$8口感好綿，但吃不到任何米香，看到有個前食評寫到，粥內加入沾米粉就做到"綿"的

成日都會參考openrice黎周圍搵食有時間就打下食評比大家參考參考啦第一篇食評就比坤記行完市中心想搵食諗起新墟間粥店就行落去搵食了先知原來叫坤記嗌左滑牛粥同埋炸兩滑牛粥既牛肉夠味又唔會太老,好味從來都唔鍾意食粥而家人大了,為左身體,都不得不多食點對身體好既野黎到新墟食到不錯既粥真係好炸兩就正常,唔係即整,都少少脆算係咁阿姐們都幾主動只係眼見有個客人嗌左幾次都冇人應而少少燥有時太忙,未能為食客服務,都可以諒解

食完好口渴，一定落左味精，啲粥落左好多沾米粉，啲人就話煲得綿，其實係無米粥。但附近無其他電粥鋪，其他都好貴，想食平粥得番呢間。 料份量都算合理，豆漿無豆味，得甜味。

菜乾蠔屎豬bone粥係無蠔屎，但要知道佢係碗粥既靈魂來架~失色之餘即係欺騙消費者~炸腸又凍又唔脆，但已經見佢係即整架喎~真係好唔明！仲有果啲樽裝既調味醬個樽好污糟好痴手，唉~咁得閒都唔抹下係度吹水~係無咩人幫親姐~都唔係咁做野架~

星期日的晚上, 去了坤記吃粥. 這間店子是我第一次幫趁, 可能因為我多數只會到屯門市廣場, 很少去新墟仁愛堂這邊. 我叫了一碗柴魚花生豬骨粥, 老婆則要一碗碎牛粥. 柴魚花生很多, 不過豬骨就好少, 而且真的是"骨", 沒有甚麼肉, 味道上都叫夠味, 又不太鹹, 可以啦! 碎牛粥牛肉很多, 雖然味道只是一般, 但絕不難食. 總結這兒的粥品價錢上我個人認為稍為貴了少許, 但份量上都算不俗, 味道就一般水準, 不太差.

因為感冒未癒，這一陣經常吃粥，屯門區的粥品選擇不多，決定一試OR最高分數的坤記魚片艇仔粥及皮蛋滑牛粥 - 粥的質量一般，材料多，唯友人說魚片不太新鮮 咸肉糭 - 糯米、綠豆綿綿，雖然內裡只有一條小小的肥豬油，但味道也算合格是日為星期日，人很多，每一枱都如籌款節目一般，不斷加人直至手肘碰手肘，可憐友人還被後面一枱的人的巨大背囊撞到，座位非常擠迫。最可怕的是當我在離開時發現大腿上的手袋沾上桌底不知明的污漬

今日考完試好早放,,約左朋友去哩間粥店食lunch~因為聽朋友講,,話哩間店既粥好足料好正!價錢又ok~所以我地就去左食喇^_____________^去到門口都見幾多人係入面食~不過好彩都仲有位!]坐既環境雖然係逼左小小,,但都可以接受既...我去到叫左個'鯇魚片咸瘦肉粥'朋友叫左'皮蛋咸瘦肉粥'~之後加左碟油器上菜超快,,吾洗2分鐘~就來了,,效率快得驚人...粥一尼到,,我地就急不及待開飯喇我一攪碗粥~啲餸料真係超多,,勁多魚片同瘦肉~熱辣辣超好味!朋友個碗我都見到好多料~真係超抵食架!!至於個油條都幾好味~不過我認為油了點,,掂一下就已經成隻手指都係油~不過張啲油條放入熱辣辣既粥入面,連埋一齊食,,簡直正到冇野好講xD之後我地都食到好飽飽,,好滿足喔~

這間店經過數次，一直沒打算幫襯，昨天男友病了，找屯門吃粥的地方，男友說過這間老字號不錯，於是來一試。想不到，又真的幾好，會再來的，它的豆腐花，想起也想再吃。上OPENRICE上的人說服務不好，那天很多人，很迫，但阿姐們都對我們不錯，對其他人也一樣，很好服務，叫了一碗粥阿姐主動俾碗仔，走時再買東西阿姐又話我知D油器的口味。粥一看便知很綿，14元一碗的豬潤粉腸粥，料一般但粥底不錯，看到別人的白粥比一般白粥濃稠，相信是滿有米香的。牛肉腸粉，牛肉很香，下了不少香茜，皮較厚，男友說我不識吃，口味不同吧，我喜歡酒樓腸粉外皮，牛肉則這兒較好吃。油炸鬼夠脆，不錯，但並不是我吃過最好吃的。粽子很大隻，抵吃，算足料。最令人興奮是我專登留肚吃的豆腐花！個人喜歡吃滑滑的，入口即溶的豆花，多於充滿豆香但結實的豆花。大嶼山、長洲、人和一類較合我兒，這兒的豆花也做得到，即使已經冰過，依然非常軟滑，很想即時多吃一碗。男友這時又追加了一碟炒麵，炒得乾身，沒太多的油份，也是水準之作。臨走才發現有牛利酥，男友立刻又買了一條，很久沒有吃了，跟以前吃的多了點層次，它做有有油條的脆香，也有其本身的麵粉的，甜甜的，結果我和男友爭吃

呢間野開左好多年既喇，D粥都唔錯，唔會好似水咁，料都好夠。但係坐就住得唔會咁舒服，同埋地方會污穢少少。如果同海皇比既，係兩個相反囉。坤記既野好食，但係環境唔好，服務態度都唔太好。(班阿嬸做左咁多年，係咁既喇)海皇既地方同環境好，但係食物對比坤記就差D。睇你想要邊樣喇~佢地既糖水就差左少少，可能此終主打既粥品既關係掛...同埋豆漿真係好甜既糖水，飲水仲渴過去飲

感覺上鋪比較舊用的東東也好似不夠衛生但想不到以14蚊的價錢可以食到真係夠火喉的生滾粥先說皮蛋不是糖心的但也香咸瘦肉切一條條的但味道剛好不會太咸但個人來說還是喜歡手撕而不是切條的瘦肉因為食粥就是愛不用咬每啖也可以滑下口內粥夠棉是重點而且不會水汪汪的很易滑進口服務效率我覺得很高因為點了餐一會就送上來豆漿6蚊大元一枝好抵~但豆味不重但不太甜比5蚊一杯感覺上便宜一點

今日同男朋友去睇戲;見未夠鐘又過開黎梗係去坤記啦!已經好耐好耐冇去啦!今日叫左豆漿炒麵蘿蔔糕~因為我地都吾係太餓~只係想食所以食囉..哈哈!!今日D石漿好似吾太新鮮;有陣怪味!男朋友話應該擺左1-2日所以先會變成咁!炒麵1路KEEP住咁好味;正丫!!蘿蔔糕就揀左蒸O既;1黎平2黎冇咁熱氣;不過我就覺得今日D糕好似濕左少少啦!!下午茶我地兩個只係食左20蚊;幾抵丫?

不論夏天定冬天, 有病定冇病~我都愛食粥..但最好多一兩個人就可以叫d小食~^^坤記-係屯門區一間好多年既粥店~一來抵, 二來粥底都唔錯, 三來人流多, 油器比別店更新鮮其實星期日下晝黎過食lunch~因為病病地~冇咩胃口,叫左菜乾豬骨粥-$14, 其餘友人叫左艇仔粥-12, 魚片艇仔粥-$16,Share食炸兩-$8, 炒米-$7特別要講呢度既炸兩..唔會淋晒~腸粉又滑..可惜抱病在身~只能淺嘗~每次黎必叫~而炒米剛普通啦~勝在少油…淡口d~我既菜乾豬骨粥…味道唔錯, 粥夠綿~豬骨連埋少少肉~肉又唔韌都ok~食到有已切開既蠔豉仔~當然呢度既菜乾粥同堂記冇得比啦~到星期一, 呀哥都病埋…夜晚陪左佢黎食粥~因為兩個都唔可以食熱氣野~所以冇得食炸兩..share食炒麵-$7…佢食田雞粥-$21..我繼續我既菜乾豬骨粥~佢話食田雞粥係錯誤既選擇~因為田雞滾唔出味~ 而粥就好清喇..炒麵比炒米好食~..不過略嫌麵硬左d~短期內相信都會再黎食架喇..

坤記係男朋友帶我黎食O既`食左好多好多次!食過佢好多粥;皮蛋痂肉粥同艇仔粥推介!!因為真係好多料;好好味至於小食;不得不提就係炒麵;$71碟都幾大碟下!!好好味!因為同老公仔好鍾意食麻醬每次都瘋狂地落;仲有芝麻{PS;呢間舖頭O既所有醬汁都係可以俾你自己落!}好正;每次黎都叫!豆漿都吾錯!吾係太甜;飲落好清好純;冇記錯係$5杯/$6枝;每次都飲1枝;好好飲糖水就淨係食過黑白{芝麻糊+豆腐花}開頭食過吾係太甜;可能搞得未夠;後期就好OK啦!連老公仔都食 =)

OCT 7, 2009 (WED) 昨晚專登醃咗一大舊鹹瘦肉，諗住今晚煲瑤柱皮蛋鹹瘦肉粥，所以嚟買D油器返去送粥先！炸油條 $5、牛脷鬚 $5 、蒸蘿蔔糕 $7、叉燒腸 $11 去到都成5點半，仲見到炸緊牛脷鬚，脹卜卜真係好得意，真係見到就想食喇！等一等買件新鮮出爐嗰啲先！甜甜地、脆脆地，真係好食到無比呀！條油炸鬼雖然係喺個保暖櫃拎出嚟，但依然好熱好脆，真係唔少得佢喇！睇吓睇吓，發現有蒸蘿蔔糕，咁就買一件食先，因為好少地方有得賣，件蘿蔔糕唔係好大件，不過用料好足，好多蘿蔔絲，真係好香蘿蔔味，唔會好多粉，真係食得好滋味呀！叫咗一碟叉燒腸，個呀姐幫我包好哂所有嘢先話我知係即蒸嘅！而家同我去蒸，吓！咁就一早蒸咗先包其他嘢喇！等等等，都係去行一陣先返嚟拎，本來以為要俾錢先，不過呀姐話拎先嚟俾喇！又好似幾好喎！唔驚唔返嚟咩！HEHEHE！碟叉燒腸非常多叉燒，啖啖均可以食到，不過D粉就略厚，但都唔算太厚la！走時見到坐門口個客食緊一舊炸蘿蔔糕，成磚咁好吸引，有機會一定要試吓！下次要試吓個咸煎餅 & 炸煎堆！

鯇魚片粥 $14炸油條 $5鯇魚肉好多，但肉質有D霉且有骨，粥底一般，整體就唔太欣賞！條油炸鬼好熱好脆卜卜，又唔會覺得好油，真係好想食多條！D油器好新鮮，樣樣都好吸引，有機會會試吓個牛脷鬚 & 炸煎堆！不過D呀姐就黑口黑面咁，堂食就咪再攪我，只會外賣D油器食吓都仲可以！