坐忘

真系耐唔时都会想食嘅 Comfort food 之选💛 坐忘主打无添加、无味精、多蔬菜、少油食物，店铺着重「美味，健康，良知」的理念~天后店搬咗出大街间舖感觉上大啲坐得舒服咗啲~ 食物水准依然不变~Yum~ 店铺名物一定系猪软骨野菜咖喱饭~ 个猪软骨口感软嫩入口即化，完全唔肥腻❤️ 同时仲配有好多蔬菜令成餐饭更加 balance~ （每次个蔬菜未必一样，但都有4~5 款㗎~ 想食得再健康啲嘅仲可以拣15款蔬菜咖哩饭~）个饭底都好有心思系蕃薯南瓜粟米生姜饭，带点微甜又有口感而且同个咖哩汁底劲夹！上次试埋个椰香烤鸡野菜咖哩饭，个咖哩底会更加浓郁但食落唔多觉有椰香，感觉似系butter chicken 多啲？极怀疑自己笃错咗（因为两款都系同一页）~下次再去求证下先简单又舒服嘅一餐有点家的感觉~…查看更多

朋友介绍咗好耐呢日终于有机会试😋朋友原来以前食过，都话咖喱饭最好味。佢拣咗慢煮猪软骨咖喱饭，煮到好软身同入味。我就拣咗广岛蚝杂菇咖喱饭，上菜等咗一段时间，仲谂点解其他嘢上晒个蚝饭要咁耐🤔嚟到食落去成个咖喱汁都有蚝味🤤煮晒著去上菜𠮶阵店员话今日啲蚝几大只，都系唔细粒嘅个饭里面混咗粟米同埋应该系南瓜？另外加咗酱油溏心蛋同7款野菜溏心蛋有溏心，但就无乜酱油味野菜就系白煮野菜，正常饮品我地饮咗国宝茶同蜂蜜柠檬水埋单$209，晚餐嚟讲够晒饱有突最钟意我个广岛蚝咖喱，想encore…查看更多

最近同朋友去咗天后英皇道嘅「坐忘」，一间以日式咖喱饭闻名嘅人气小店。要喺出面排队，冇得拎飞，仲要人齐先入得座。餐厅环境有啲细，坐位略为挤迫，但整体干净企理，气氛都几热闹。野菜猪颈肉咖喱饭 ($78)咖喱酱汁浓郁香滑，带点微辣同甜味，配上粒粒分明嘅饭。猪颈肉烧得软嫩，油脂同瘦肉比例啱啱好。野菜包括红萝卜、西兰花同翠玉瓜，爽脆又健康，平衡咗咖喱嘅浓味。整体份量都几够，抵食！杂菇茄子牛肋咖喱饭 ($77)牛肋肉炆得几好，肉质软腍，吸收咗浓浓嘅咖喱汁，味道好丰富。杂菇同茄子嘅搭配有层次，菇类带点咬口，茄子入味，咖喱嘅浓度同野菜猪颈肉款差不多，适合钟意牛肉同菇类嘅朋友。猪软骨七小时煮咖喱饭 ($75)招牌必试！猪软骨慢煮七小时，软腍到入口即溶，咖喱酱汁同样浓郁，带点甜味同微辣，配上野菜同饭，层次好好。相比其他两款，依款嘅猪软骨系MVP，食完令人「坐忘」咁回味无穷！店员态度还可，虽然忙碌但服务都几有效率，会主动帮忙添茶同收拾枱面。由于餐厅比较细，坐位安排得密密咁，食饭时可能会觉得有啲逼，但整体而言都尚算唔错。…查看更多

烤鸡沙律乌冬青芥胡麻汁，烤鸡好新鲜烤制，食起上来脆脆嫩嫩，有好香鸡味。乌冬系幼乌冬，非常之有咬口，加咗沙律酱同一堆菜，非常之清新好味。呢个dish 味道唔错，食过翻寻味，非常之值得食完再食。…查看更多

偶尔经过天后，会发现这间新晋人气食店很多人排队，一直都很想试试，正好今次经过是午餐刚开始的时段，不需要等太久便可以入座。餐店标榜无味精及全天然健康日式美食，并强调以自家制酱汁调配，更可因应食客要求转成素食、禁五荤及无麸质材料，怪不得深受食客欢迎。餐单上的菜式选择挺多，最后经店员介绍后，点选了以下两款来试试:胡麻汤猪软骨乌冬吸引我选这个菜式，是因为🐷猪软骨采用慢煮方法制作。作为面食的主要材料，这个猪软骨份量十足，肉质丰厚，特别在中间软骨部份，经过 7 小时的慢煮熬制后，变得软滑入味，入口即化，跟一般食店相比，这个猪软骨基本上不用咀嚼，就好像把满满的骨胶原吞进口中，感觉相当养颜。其次，汤底以白芝麻烹煮，味道浓郁，配上弹牙的稻庭乌冬🍜，每一口都充满芝麻香味，加上温泉蛋的滋润，一碗面可以有多重口感，相当满足。不过，可能由于汤底较浓，个人觉得会有点偏咸，但整体质素仍是不错。杂菇茄子牛肋咖喱饭这道🐮牛肋饭选用日式咖喱汁调配，味带辛香，但不会很辣，加上茄子🍆、杂菇🍄‍🟫、四季豆🫛等野菜，整个菜式的肉菜比例都很平均，也显得十分健康。主菜的牛肋肉同样经过长时间的燘煮，肉质很松软，饭粒微微带黄，跟咖喱特别匹配。餐厅食客虽多，但店员的服务态度依然不错，还很耐心介绍食品，非常亲切，所以有机会会再到访试其他期间限定菜式。…查看更多