影片
营业时间
今日营业
06:00 - 20:00
星期一至六
06:00 - 20:00
星期日
06:00 - 17:00
以上资料只供参考，请与餐厅确认详情
食家推介
喺葵涌广场入面嘅地道馆 系一间我一谂起想食车仔面就谂到嘅地方 因为佢嘅车仔面非常之好食 先讲下葵涌广场我谂好多人都去过 喺地下果层有好多嘅食肆 其中行到最入 右手边嘅有一间车仔面 佢嘅舖头好细间 亦都冇乜装修 枱都系用折枱 坐得吾舒服食饭嘅时间经常要等位 但系依然系咁多人帮衬 因为佢入面有好好味嘅车仔面 每次我去到都会叫佢一个秘制汁 秘制汁 系有少少辣 其余嘅酱料我就真系唔知啦 唔系点会叫秘制汁㖞 再加埋佢嘅大肠 牛腩 丸 佢嘅贡丸好好味㗎 同埋其他嘅配料 再嗌杯嘢饮 味道的确相当唔错 不过坐就坐得辛苦啲啰 又因为人多 食饱就要怱怱离开同埋价钱 我都略嫌贵咗少少 平均一餐都要五十几蚊 不过而家出嚟食晏 都系要呢个价钱喇
继续阅读
🐴 #是日午餐 (˶‾᷄ ⁻̫ ‾᷅˵) 地道馆面轩＜#车仔面＞3𩠌🍜🍜🍜🍜🍜🍜嫲辣猪肚够哂香口，猪肚爽口，份量好足，不过怕辣人士小心，因呢小小辣汁我成碗汤都辣哂卤水鸡翼就连鸡肉都入哂味一贯车仔风格咖哩猪皮就系有小小烟韧感口感再加种胶质感，食落比平时食开既更索汤最后就系个面底，粗面有咬口而且挂汤真系出色，加上我个特调嫲辣腩汁，搞到我汤都饮哂咁济*PS 食完间野之后个身会有阵油烟味🧐🧐🧐🧐
继续阅读
本身朋友话呢间系好特别既车仔面，有咩omakasa 简，最终去到门牌觉得无咩特别，都唔够胆简omakasa😂简左车仔面，3𩠌 虾条/牛腩/鱼皮饺，加秘制汁油面。一黎到秘制汁好香，写左小小辣，但都好辣，但真系好好食😋食下食下都食晒成个面😂今次简左呢3个𩠌：虾条/牛腩/鱼皮饺。牛腩份量都几多，但有小小硬，痴牙。虾条弹牙，味道无咩特别，似鱼蛋既条状。鱼皮饺同一般无咩特别。整体份量好充足，汁好食！$50 包野饮，还ok，可以一战！
继续阅读
星期六早上睇完戏，过来葵广揾食，有次朋友介绍车仔面，我以为他们说孖宝，原来他们话有另一间有惊喜，于是过来试新嘢⋯⋯星期六中午繁忙时段，相继陆续坐满⋯⋯开放式厨房，眼见有张海报，骤眼看以为是两位㕑子，真心有几分像，大家可以亲身去研究吓。第一次到来，骤眼见很多人都吃车仔面，照板煮碗，$50/3𩠌⋯⋯真心觉得点餐纸比QR CODE更方便猪大肠咖哩鱿鱼萝卜米粉加秘掣汁~三𩠌仲有两条菜芯送，正！秘制酱汁相当惹味，带点辣，中和了猪大肠嘅肠味，反而觉得鱿鱼份量太少，只得两三块。整体来说小店应该是家庭式作业，因为两位㕑子样貌有点像，只是个人认为。就算繁忙时段，每位店员都很客气，大多数是熟客，看他们的言语，食客就是喜欢这亲切感。
继续阅读
钟意食车仔面因为可以拣无数款式嘅𩠌再搭出唔同味道，重点够晒大众化，其中葵涌广场呢间车仔面已经帮衬十几年，只要有机会黎到葵广一定留肚食佢今次点咗咖喱鱿鱼，猪红及卤水鸡翼配秘制汁（辣）同粗面。咖喱鱿鱼仍然无得输，质感软而有咬口，咖喱配得刚刚好。猪红亦是我最爱，夹得起又够滑漏，咬下仲有汁流出。卤水鸡翼大大只刚好入味，不会过老柴皮。秘制酱汁辣度过瘾，一口车仔面一啖冻柠檬茶，正其他𩠌如冬菇、虾条、沙嗲牛肉、萝卜、鸡翼尖、鱼蛋、牛腩都非常值得一试，其他𩠌亦非常有水准。另外，小店茶底非常浓滑，柠檬茶是必点之饮。顺带一提，除左车仔面，小店嘅魔法炒乌冬都非常好味，镬气十足的作品。
继续阅读