影片
电话号码
57026228
开饭介绍
「地元」是日文汉字，意思是「在地（Local）」。本地人就是熟知当地事物，最懂得寻找性价比高的秘窦，地元酒场店主正是土生土长香港人，深明性价比高对食客的重要性，亦了解「不离地」的精神。我们的概念是回归根本，不论是酒和食，致力提供亲切的在地居酒屋体验，还有熟悉清酒的店员向客人介绍香港不常见的日本酒。
继续阅读
营业时间
今日营业
15:00 - 23:45
星期一至四
15:00 - 23:00
星期五至六
15:00 - 23:45
星期日
全日休息
公众假期
15:00 - 23:00
公众假期前夕
15:00 - 23:45
以上资料只供参考，请与餐厅确认详情
有关奖赏计划
招牌菜
如果就咁去到波斯富大厦 你系唔会估到入面系会有间餐厅🤣极之隐世 经过一轮辗转 终于揾到间店～全晚应该得两台客人（包括我地🤣） 适合我呢啲钟意耳根清静嘅朋友每样野食都感受到佢地系用心制作 除左一般居酒屋有嘅野食之外，亦有啲野食系出面少有最值得赞赏嘅一点系佢地啲野食调味岩岩好，唔会盖过食材本身嘅鲜味 好多时啲串烧食食下 净系得返调味粉嘅味道因为当日系烈日当空嘅正午 行完南丫岛嘅郊游径 （完全系意志训练🤣） 所以啲生啤特别好饮 同埋佢地好用心 啲杯系有冰过 令口感更加丰富最钟意嘅系明太子腐皮烧 腐皮烧得够脆加埋明太子系完美搭配冷乌冬唔系平时果只圆形粗身嘅 外型似台湾面线～ 口感有弹性 配埋应该系鲣鱼汁 有种清澈纯扑嘅感觉 鳕鱼干都系香脆 食到停唔到口 仲有枝豆唔会好重盐分 啲野食调味真系岩岩好✨✨地方极度隐蔽 所以客人好少 可以安安静静咁倾计✨但希望佢地都好生意 继续保持咁好嘅食物水准🍽️✨
继续阅读
首先呢间居酒屋比较隐蔽 喺棵大厦2楼 要喺楼下揿上去有人开门先入到去 部lift 好似就快要lum咁😂我地叫左好多串烧 ，紫苏猪，牛肩胛，豚肉蚝都几好食👍🏻，鸡心有啲干🙈 羊架都有啲鞋同韧🙈牛腩牛筋味噌煮几入味👍🏻牛筋都煮得好淋 牛腩都煮淋啲会更好呢度有天妇罗九肚鱼几特别几好食👍🏻👍🏻香葱玉子烧觉得咸左少少🙈🙈 蛋味唔够重同唔够滑明太子腐皮烧都唔错 烧香左嘅腐皮包住啲明太子酱👍🏻总括黎讲都唔错不过略略贵左啲🙈🙈 坐又坐得唔系咁舒 一个房仔坐3枱都有啲多职员知我地上到黎会主动开门 有介绍下menu 不过就连水都冇杯🙈🙈味道❤️❤️❤️❤️抵食❤️❤️❤️服务❤️❤️❤️💔环境❤️❤️❤️💰晚餐人均～$470（包括+1）
继续阅读
近年唔少小店相继结业，今日决定唔帮衬连锁店，改为支持一下有心经营嘅小店呢间小店位处铜锣湾嘅闹市中心，但又有种宁静嘅感觉，好似一个隐士栖身闹市之中。店内以不同酒标及酒樽作装饰，灯光有气氛，感觉都适合约会😆店内格局分露台位或普通堂座，想要高啲私隐度嘅亦有一间细房提供。清酒list 听店员讲会定期更换，按时节提供不同款式平时鲜有饮清酒，不过既然呢度系主打清酒，即管尝试一下，店员都有根据笔者口味要求推介适合嘅清酒。饮清酒唔少得拣清酒杯嘅环节，比饮啤酒多一份仪式感，哈哈食物种类以日式串烧为主，款式以小店嚟讲合理，未必有太多刁钻嘅选择但大路嘅款式都有。串烧有焦香但又唔会太干，味道属水准之上。个人推介安格斯同鸡肉棒。安格斯多汁够牛味；鸡肉棒加咗「月见」，肉嘅香味加上蛋嘅鲜甜，即刻更加吸引。同店员倾开，呢排生意无可避免都系差咗但好彩仲有班熟客支持著。虽然今次系笔者第一次嚟呢度食，但听到旁边两枱客人都同店员有讲有笑，相信确系熟客，证明有回头客支持。整体而言，小店食物质素良好，外围环境稍旧但内部气氛不错，位置方便，属可再访之选👍
继续阅读
有朋友从外国返嚟 特登拣咗间适合慢慢坐喺度饮酒既日式居酒屋🥳 餐厅店舖好隐蔽 喺波斯富大厦2楼 如果唔系熟人带路都真系唔识路🙈餐厅环境超chill😍 可以选择坐入边或者外边 外边嘅景色系望住铜锣湾街道景色 好有feel😍 话明系酒场，梗系要叫返几支清酒饮🔸纯米吟酿 山田锦饮落好有果香、花香味😍 但系又唔会太dry 强烈推荐呢支清酒🥰 价钱都系$490有成720 mL🔸雨降介绍支酒个牌仔写明有香蕉味 饮落又真系😂😂 价钱稍为贵少少 $520都系720mL , 不过都系钟意上一支多啲🙉🔸芝士年糕饮清酒，当然要叫佐酒小食🥰 超级软糯口感嘅年糕，加上内里流心芝士真系绝佳配搭 作为烟韧控嘅我表示好好食😍🔸鳕鱼干超级香同埋脆嘅鳕鱼干 点买沙律酱食真系一流👅👅🔸免治鸡肉棒30几蚊一串都唔系平🙈 但系好钟意食免治鸡肉入边嘅鸡软骨 同埋有大大只鸡蛋黄+酱汁 点埋蛋浆一齐食，真系好出色😍😍虽然唔系试咗佢好多款食物 因为主打今晚都系饮清酒😂 所以食物都系佐下酒 不过佢完全唔会赶你走 俾客人喺度坐成晚吹水 不失为聚会既好地方
继续阅读
1102 浏览
周一晚约咗两位靓女一齐去睇小迷兵，发现戏院附近有间「地元酒场」做紧网上订座可享买一送一生啤优惠，所以就决定睇戏前饮返几轮顺便医医肚。楼上酒场隐蔽于一幢旧楼内，揿完一个钟仔又一个钟仔，极之神秘。小店四周非常到题地贴满日本清酒嘅布帘、招纸同标签，就连水吧位置都遮住哂。半梳化式散座嘅枱櫈较矮，地方浅窄，讲真坐得唔系咁舒适自在。饮品项目共有两页半。讲明系为欢乐优惠而订座，埋位第一时间当然系要先啤一啤佢啦！一页中文版点菜纸每次落完单都可以继续用，咁都系环保嘅一种。牛舌芯（$58）、黑豚五花腩（$38）：半厚身嘅牛脷坚韧难咬，反而同碟上嘅五花腩串肉汁丰沛，爽脆香口得多！汁烧鸡颈（$28）、日本鸡皮（$26）：左边手嘅汁烧鸡颈油光闪闪，爽润有弹性，可谓整晚之最！相反地，隔离𠮶串鸡皮偏干同硬，毫不香脆，劲韧皮。日本鸡尾（$48）：胀卜卜嘅鸡尾卖相就得，咬落都算爽，弊在当中有阵餲味，饮咗两轮啤酒都仲食得出，极为失色！鸡肾（$24）、安格斯肉眼（$58）：黑墨墨嘅鸡肾件扁平硬实，唔得爽口，完全唔掂挡！厚肉啲嘅安格斯肉眼又肥又多筋，牙力少啲都咬唔开。唐扬豆腐（$58）：炸至金黄嘅豆腐粒外层松化酥脆，豆腐馅心软嫩热辣，不错之选。煎鸡软骨饺子（$48）：长身嘅饺子皮就够薄，但煎得未够脆，食落半腍带韧，入面个馅除咗唔够热之外，可以话系零卜卜脆，唔似有鸡软骨嘅成份啰！炸日本河虾仔（$68）：姐姐仔推介嘅人气河虾仔香脆惹味，细细粒容易食，而且冇渣，送酒一流！香葱玉子烧（$48）：XO仔饮多轮啤酒时靓女们就加咗客蛋蛋，不过佢地只系记得菜式好软同好有鸡蛋味㖞。。。铜锣湾楼上居酒屋「地元酒场」面积唔大，年轻嘅服务生温婉有耐性，无奈地方唔系咁好坐，和式串烧质量参差，即使有欢乐时光优惠都唔算平，想吸引到食客真系要落多啲功夫。
继续阅读