79
21
6
电话号码
29820902
开饭介绍
由土耳其人主理的卡巴店,卡巴及薄饼共有十多种口味,另有烤羊、汉堡及土耳其乳酪等选择。 继续阅读
营业时间
今日营业
12:00 - 22:00
星期一至五
14:00 - 22:00
星期六至日
12:00 - 22:00
付款方式
现金
座位数目
10
其他资料
网上订座
电话订座
加一服务费
室外座位
有关奖赏计划
招牌菜
南丫岛汉堡 烤羊卡巴 薄饼 鸡肉卡巴
食记 (109)
假日难得有时间入咗南丫岛闲逛,晚餐时间随意拣咗呢间写住「最好的烤肉串和披萨」嘅土耳其餐厅~由於得两个人~可以试嘅款式唔多,而且偏偏就无叫到「最好的烤肉串和披萨」,不过依然觉得有惊喜1. Cheese beef burger (with chips)芝士牛肉汉堡 (加薯条)芝士牛肉汉堡调味很好~牛肉有种特别嘅香料味,牛肉有少少偏咸,但配上新鲜青瓜、蕃茄同生菜就刚刚好,芝士同沙律酱都配合得好好。整体以一个$45嘅汉堡系一个游客区算系性价比高。汉堡包嘅份量唔算太大,胃口唔系太细/唔系太易饱可以加$22要埋薯条,粗身薯条新鲜炸起香口好味。2. Curry chicken with pita bread 咖喱鸡配皮搭饼咖喱鸡系餐牌入面写配饭,由於怕太饱就问可唔可以转皮搭饼,谂住可以顺便试下~发现系可以转嘅咖喱调味非常出色,有印度咖喱独有嘅香料味,见到加入咗蕃茄碎,味道有层次~个人觉得唔算系太辣嘅咖喱。两个人食的话份量唔算太多,而且咖喱有少少辣好快食完皮搭饼略为乾身,配以咖喱呢类湿润嘅食物刚刚好~3. Vegetable samosa 素菜咖喱角本身已经有啲饱,不过想试下小食就叫咗个特别啲嘅素菜咖喱角。首先呢,咖喱角比起刚才嘅咖喱鸡系辣啲嘅,外皮炸得松脆值得一赞。绿色嘅系乳酪酱,带酸味可以解辣。要留意嘅系虽然系小食同只有三个,但每个都份量十足,入面有薯仔、鹰嘴豆蓉、青豆等饱肚嘅材料,系好饱肚,如果唔算肚饿只系想过下口瘾就未必适合喇。最後值得一提系店家会将平时俾客人用嘅一瓶瓶酱料放喺一个小型雪柜,有客人用到先会拎出嚟,而且啲酱料瓶嘴处理得非常乾净~好贴心至於店舖环境本身可能因为已经开咗店有一定嘅年资,某啲设备都有所损耗,我哋坐嘅枱旁边有一盏吊灯就不时忽明忽暗,有啲奇怪同唔舒适,餐厅本身都唔系有啲咩特别嘅装饰,唔算坐得特别舒服。 继续阅读
(以上食记乃用户个人意见 , 并不代表OpenRice之观点。)
等级2 2021-01-14
419 浏览
今日同女朋友黎到南丫岛拍拖☺️咁去到12点几大家都未食午餐一定系非精肚饿架啦🙊咁岩有朋友成日黎南丫岛玩就话一定要试下呢间咁话喎🤪🤪咁咪试一试佢系咪咁正先,系码头行左一阵就到都算几方便!就系呢间Best Kebab & Pizza 啦一坐底睇一睇menus都有几多选择,例如汉堡,意粉😳烤肉等,而我地就叫左汉堡同意粉试试羊肉芝士汉堡 ($50)+ 薯条 ($22) 8分第一样我地选择左汉堡同薯条☺️☺️谂住佢出名烤肉就试下羊肉汉堡啦!一咬落口羊味非常浓郁,啲肉汁差喎多漏出黎😛非常野味,搭配埋芝士嘅加持的确系无敌,薯条方面十分香脆同埋佢粗身少少系十分有口感😚会特别之处系佢有三种酱料俾你选择,分别系茄汁,酸忌廉酱同埋辣酱岩晒唔同口味嘅人士自制香蒜蓉意粉配虾 ($85)9分第二道菜我哋选择咗意粉😳黎到之後一开始就比佢卖相吸引左!非常精致好似好高级西餐厅咁,而意粉爽口弹牙☺️非常高质,虾黎讲新鲜得黎又充份同蒜蓉嘅味道融为一体,最可惜系份量不多,我同女朋友差d碟都食埋🤣🤣大家黎南丫岛嘅朋友推荐呢间性价比高嘅餐厅比大家! 继续阅读
(以上食记乃用户个人意见 , 并不代表OpenRice之观点。)
等级4 2020-09-17
508 浏览
我哋闲日去南丫岛玩, 晚餐七点钟就试下呢一间土耳其菜, 因为以前食过一只全烤鸡, 好好食但都系130蚊, 所以想今次再嚟试下有冇唔同。今次嗌咗两个菜, 一个系牛肉蘑菇汉堡配薯条, 个牛肉汉堡冇想像中咁乾, 虽然唔算话超级多汁好juicy, 但都系软同埋中规中矩。 而佢入面除咗蘑菇仲有生菜同埋青瓜, 亦都有佢特制嘅酱汁。 当然佢另外亦都会畀三支酱汁你, 有支好似千岛酱嘅系辣嘅, 白色嗰支清新, 红色嗰支就系普通番茄酱。 个汉堡包其实都好厚, 啲料都算足, 所以食得都几满足。佢个薯条非常新鲜同埋脆口, 同埋佢好厚好粗好大条, 一开始加茄汁都好好食, 但之後再捞埋嗰只白色嘅将更加好食!!!!!最後嗌咗一个辣鸡嘅wrap, 如果唔食得辣嘅人可能会觉得有啲太难spicy, 食到出汗. 继续阅读
(以上食记乃用户个人意见 , 并不代表OpenRice之观点。)
入到离岛,十有八九都系食海鲜🦞,草根偏偏反其道而行,去咗食土耳其菜🇹🇷。原因喺经过餐厅,见到招牌写住「最好的烤肉串和比萨」,好想试吓有几好食😋,究竟喺咪真系BEST Kebab & Pizza🍕?.有见及此,草根特登点咗Kebab Burger🍔同Pizza🍕!.📍墨西哥比萨($120/12”)Mexican pizza (cheese, tomato, jalapeño, beef, onion)薄饼叫咗墨西哥口味,主角当然唔少得辣辣地嘅墨西哥辣椒🌶️、芝士🧀、番茄🍅同牛肉。一入口已经感觉几辣🔥,再食多两啖,简直觉得有团火喺口腔爆发🥵🔥🔥🔥。建议唔食得辣嘅朋友千祈唔好叫呢款🍕。芝士铺满晒成个薄底Pizza👏🏻,仲有拉丝效果😏。牛肉调味唔错,不过份量太少🤏🏻。整体嚟讲, 味道唔够丰富,配料亦都唔够多。.📍自制香蒜蓉意大利面($68)Homemade Pesto Sauce Pasta另外仲试咗佢哋自制嘅青酱意粉🍝,青酱主要以蒜蓉、罗勒🌿、松子、橄榄油同🧀芝士混合而成,味道清新。🍝意粉烟韧有咬口,配上自家制青酱十分开胃,而且份量刚好。.📍最好的烤肉汉堡($68)Best Kebab Burger 🍔汉堡内用上Kebab肉,但老实讲Kebab肉质麻麻地🤔,原因喺选料太瘦😢,令口感较乾👉🏻👈🏻,同时亦都欠缺肉汁同肉香😤,汉堡上配上片装芝士🧀、番茄🍅同生菜🥬,正常发挥,旁边仲有薯条🍟。呢个「Best Kebab Burger」令人失望😞。.📍Coca-Cola($10).Menu 继续阅读
(以上食记乃用户个人意见 , 并不代表OpenRice之观点。)
等级4 2019-06-26
913 浏览
天朗气清,去番个ad-hoc离岛游。今次选择左南丫岛,健康地行个山🤗即兴离岛游,无plan,只有一个目标,上风车山🤩搭船去到南丫岛,本身想搵间cafe懒悠闲做伪文青,但系见到呢间声称系土耳其菜瑕,贪新鲜既我连menu都未睇就冲左入去😂呢个系羊肉芝士汉堡,平时好少见,即嗌🤗友人唔食羊肉,可以一人独享😂ok wor! 最紧要羶味唔劲!友人嗌左烤鸡卡巴,试左一两旧,个人觉得啲鸡偏乾身,好彩有酱汁。唔知乜野汁,不过几夹。 继续阅读
(以上食记乃用户个人意见 , 并不代表OpenRice之观点。)