土司工坊 (已結業)

小弟一向都有鋪叻沙引, 但坊間煮到好叻沙既鋪頭實在唔多, 而土司工坊既叻沙食開都算OK偏好既, 有時貪方便都會去食下佢但今次去食D個叻沙就好明顯退左步叻沙今次個湯底唔夠香濃, 辣度, 椰汁都爭咁D, 但都接受到既, 只係比以前差, 料就都算多既, 整體個味只能話係OK牛油咖椰土司去土司工坊當然叫返個土司啦, 個土司烘得岩岩好, 食落好脆口, 而牛油咖椰唔算好甜, 幾好味總結黎講味算OK啦, 但一向都覺得土司工坊既性價比比較一般, 想食好味既叻沙出面會有其他更好的選擇

今天去v city toast box 來個速食午餐，不用多想一定選叻沙米線吧。另外我看見香辣炸雞也挺吸引，所以也加了一份試試看。香辣炸雞意想不到的好吃，雞肉外表酥酥的，不太辣，對於我來說其實不辣呢。而且每件炸雞的肉質嫩滑到不得了，還有肉汁噴出，比一般快餐店的質素好。至於平日我所愛我的叻沙米線，感覺退步了，叻沙湯底不夠香濃，椰汁味欠奉，反而自己煮的某品牌的叻沙麵濃郁得多。配料方面頗豐富，豆卜完全充份吸收湯汁，故豆卜非常入味。蝦肉雖嫩彈，但沒有鮮味，有少許失望。魚片彈牙度一般，略帶魚肉味，但不太突出。米線沒有完全煮熟透，有數條依然硬邦邦的，雖然只有幾條，都會影響口感。

定時定候就想食碗喇沙 🍜我相信自己對喇沙湯底要求唔高，果包係超市買到既喇沙湯麵我都覺得幾好味架喇。但今日係土司工坊哩碗真係唔好味😥喇湯湯底只得辣味，完全無椰奶味，米線又淋之之。米線如果無連湯一齊食完全無味！一碗麵都唔平，真係有d失望 求好味喇沙推介😩🙏🏻反而碗雞翼蛋公仔麵仲好味，雞翼炸得剛剛好。要快手拎起隻雞翼，浸淋哂無咁好味。另外，杯咖啡出奇地好好飲，夠香濃只係甜左d。會再黎不過試下其野食啦

喺V-city少數無時無刻都不用等位的食店，價錢一般，食物質素亦一般，如果不想花時間等位，可以考慮一試。餐廳採用自助形式點餐，點餐後可即時取飲品，主菜會稍後由侍應送上。今次叫了芝士吉列豬扒撈麵，吉列豬扒麵包糠比較厚，較為油膩 ; 撈麵汁偏甜，整體感覺一般。奶茶維持一貫水準，茶味濃，又有奶味，可以一試。但說真實話，$52只得一碗麵同飲品好像有點不化算，我寧願食恆常的套餐，起碼多塊多士可食，而且價錢差不多。

話說嗰日我係想去食拉麵嘅，點知間拉麵落場，所以唯有死死氣喺附近搵嘢食，咁岩附近就有間「吐司工房🍞」我雖然已經聽過唔少人話，「吐司工房🍞」嘅嘢又貴又唔好食🤔但我抱着「自己未試過，可能好好味呢😀！」嘅心態，走左去食佢哋嘅叻沙，當然，佢冇令到我失望😃真係好難食呢！👍🏼🌚星洲喇沙套餐-HKD55$首先係佢個杯「熱奶茶」，無茶味，無煉奶又唔夠，完全唔知自己飲緊啲咩🤔米線嘅份量超小，基本上我食咗三啖就無啦😭唔夠飽，魚片得四塊，🍤蝦有兩隻，連豆腐卜都沒😭😭重點重點係個湯底！完全冇喇沙應有嘅香味，食落去又唔夠濃濃，椰香味又唔夠，淡茂茂，真係令人失望到一個點☹️☹️☹️☹️

大年初一晚係屯門V city食晚飯，由於得兩個人食唔到咁多野，想平平地搞掂故此去左土司工坊。一貫土司工坊形象店舖以白色為主調，環境光潔得黎又討好，只係兩人枱張枱面比較細選擇不算多，除了三文治/土司等輕食外，只有六個套餐，我地點左其中兩個麵食：(1) 星洲叻沙套餐 $56叻沙湯底幾入味，少少辣得黎又易入口，豆腐卜加上湯汁幾惹味，令人開胃，而魚片同蝦質素一般，加上芽菜整體份量唔細，不錯之選~(2) 娘惹麵線套餐 $53點菜時唔知娘惹麵線類似撈麵，湯水不算多，但味道卻不遜色，酸酸甜甜之間又有點辣~另外，我地每個餐都加左$6轉配薏米水，檸檬薏米水比起普通薏米水係多一片檸檬咁大把，不過見佢地同一價錢就算了。薏米不多不少，整杯飲落有點甜，可能落了少少糖，味道ok~

這天早上比較趕忙，不能到太遠吃早餐，就來到這間人不多的土司工坊吃個快早餐. 臨近聖誕，餐廳也有此聖誕裝飾，都幾有氣氛. 熱檸茶 (跟餐) 餐飲選了熱檸茶，下單後店員會即沖飲品的，如果要少甜記得提早向店員表示，因為這裡沒有包裝糖供應的，如果忘了說就只好喝超甜的飲品了. 這點我覺得很討厭，因為有些人不能喝太甜的飲品的! 餐肉蛋通粉餐 ($36) 餐肉完全沒有煎過，白雪雪，好難食!!! 至於雞蛋是即煎的，為何餐肉又沒煎呢? 奇怪! 通粉幾有咬口，不過味精湯底偏鹹，整體味道普通. 屯門屯門鄉事會路83號V City商場1樓12號舖 2431 0038

好久沒吃吐司工坊了, 今天走著走著, 跟姐姐2人在屯門吃午飯, 屯門吃飯哪裏都多人, 於是就選了吐司工坊。吐司工坊, 我平常都只點傳統吐司, 叻沙套餐, 我姐今天點了咖喱雞. 傳統吐司包皮很脆, 裏面夾著一小塊牛油和果醬, 為淡淡的面包點綴了甜和香, 外脆內軟的感覺。叻沙味香濃, 香甜不辣, 淡淡的椰香, 2隻大蝦肉爽, 豆卜吸收了叻沙湯汁的濃味, 面條滋潤在叻沙湯汁, 口感更為軟滑及美味可口。咖喱雞, 咖喱汁有香濃的咖喱及香茅味, 帶辣, 雞件大件及較多, 咖喱伴飯味道剛好。吃完後, 我們繼續逛街。

又係游水之前黎toast box食dinner~ 上次食左撈麵系列既芝士雞翼撈麵唔錯，今次再試下咖哩雞撈麵，不過相對比上次失色。咖哩的確幾辣下，但奈何亳無椰汁香味，只有辛辣味。雞雖然只有3件，但勝在大件兼肉厚，呢樣較可取。板麵彈牙，都幾索到啲咖哩汁。最好味居然係唔太起眼晚薯仔，咖哩味濃烈，非常軟熟。我諗緊3樣野其實係咪分開煮，各有各味道。奶茶冇落糖，但茶味濃厚，味道不過不失。

這個西多士套餐首先我去到vcity 看到近電梯有間土司工坊，但其他又沒有素食，又見三十七加飲品三蚊，於是購買了後進去座住吃，原本心想要自己拿餐，原來不用、而是購餐後給號碼牌後待應拿給我仲切埋一個個很美觀，味道偏甜，但整體可以！

平時toast box食來食去都係娘惹麵，喇沙麵，已經食到厭厭地，見到新推出芝士雞翼撈麵唔使諗梗係即試。成個麵我就最鐘意個麵，軟硬度岩岩好，最正就係啲甜豉油完全滲透係麵裡面，再加埋香脆既蔥頭乾撈埋一齊食特別惹味。雖然芝士係賣點，但toast box都冇落到over左，少少既芝士撈一撈個麵已經生色不少，帶點香氣。雞翼炸得好脆，不過雞蛋煎得熟得制，冇蛋黃流心效果。香桃西瓜爆珠特飲 套餐加多12蚊就有，呢個價錢其實都接近原價，6蚊套餐餐飲價再加12蚊都成18蚊🙈好在佢味道都ok唔太甜，當然我志在下啲爆珠，過下口癮解下渴。

又係午餐既時候喇，今日出vcity順便來個quick shopping ,必食當然係喇沙麵配南洋奶茶啦，喇沙湯味鮮超少辣有幾片魚片同豆腐卜吸晒啲湯好味。奶茶香滑。見到有新野又叫埋黎試芝士雞翼撈麵加隻太陽蛋，車打芝士醬香濃配鹵水汁公仔麵好夾，不過略嫌兩隻雞翼有點煮過左同份量少左啲啲，$45包用練奶沖既熱咖啡都好抵食既。

v city吸引我的地方, 最主要是有一田, 雖然此一田比其他分店小, 但間中來補給點超巿東西, 都幾方便。今晚想去一田入貨, 先在v city搵食醫肚先, 揀左土司工房, 因為想食叻沙麵。星洲叻沙套餐 $55: 先試湯底, 感覺好稀, 偏淡, 奶味重, 個人認為某出名的叻沙公仔麵的湯底, 比它更優勝。叻沙料有魚片、蝦、豆卜、芽菜等, 蝦算有蝦味, 但咬落空虛唔夠結實, 麵條是粗的像米線, 偏淋。荔枝梳打玉露 跟餐+$11: 用罐頭粒粒生果, 配上荔枝味糖水, 就是這樣。牛油及咖椰西多士 $20: 麵包很乾及硬, 無西多的香味, 咖椰醬竟只放一旁, 不夾在中間, 好像和西多士唔關係咁, 咖椰只得甜味無椰味, 失敗。娘惹沙律 $16: 用甜酸醬汁加白芝麻醃青瓜和甘筍, 甘筍爽口偏硬少少, 青瓜就軟身, 醬料入味, 算是較好的食物。

從來未食過土司工坊，今日午飯帶媽子試吓。首先，餐茶嘅熱奶茶熱檸水係店家話明加埋糖嘅，但唔知會甜成咁，真係唔係人人都飲得咁甜囉！我平時飲檸水唔落糖嘅，點解唔俾袋裝砂糖客人自己加呢？我試叻沙麵套餐，因為店員話微辣。麵質好淋，我唔知星馬呢款麵係咪咁淋身，我本身比較喜歡有咬口嘅，不過算OK啦，豆卜同魚片係正常，湯汁係微辣有花生味唔錯，唔食辣都接受到。但嗰兩隻蝦真係超級雪蝦，“爽”到冇味！然後，我媽子最鍾意食牛，所以叫咗巴東牛肉黃薑飯。把鬼！三大片牛肉係涼浸浸嘅，而且韌皮到橡膠咁，又冇刀切，出盡食奶嘅力都咬唔到一忽肉！跟住個黃薑飯，飯粒硬度適中，味道其實唔錯，但係…點解係凍嘅？！用匙羹畢係實嘅，好似啱啱响雪櫃拎出嚟解凍冇耐咁！除咗伴碟嘅蝦片夠脆，菠蘿同酸紅蘿蔔好味，其餘都食到把幾火！真係以後都唔會再嚟食！

是曰病了，生冷壽司唔食得，只有通粉簡餐可以食下。估唔到响尖沙咀仲有三十幾蚊的午餐吃！餐旦通加咖啡。餐肉有兩片，都唔太薄，煎得焦香。湯底清得嚟有D肉味，通粉爽口，拌勻太陽旦一齊食好滋味！咖啡是南洋咖啡，用的是煉奶，令濃郁的咖啡甘香味更突出同香滑！真正平靚正！