土司工坊 (PopCorn) (已結業)

行過路過 見到綠色好sharp😆買左兩件班蘭蛋糕返屋企下午茶$30/2件 價錢都合理唔貴聞同食都好有班蘭味 而且質地夠鬆軟💚又唔會太甜，做下午茶份量剛好👍食完回吐個啖氣都充滿班蘭香😆😆😆有機會想買原個班蘭蛋糕返屋企問左係$148一個🤭🤭🤭

行popcorn商城行到餓餓地，經過見到有叻沙食，就入去食個下午茶。選擇都唔少，由多士到湯面，連肉骨茶都有。於是我就試叻沙 ，朋友想飲啖湯，於是叫肉骨茶，兩個餐都有跟野飲，可以食完飲住野傾下計，唔錯。等左5分鐘左右就上餐，叻沙個湯好有椰香，口感都好順滑濃郁，唔會太稀太水。配料方面都算豐富，雖然蝦係冰鮮蝦，但都無雪味，依個價錢來講可以接受。肉骨茶我都飲左兩啖，有d藥材味，食左舊排骨，都炆得淋，唯一挑剔就係個湯只係溫，而唔夠熱。下午茶都算唔錯，選擇夠多，價錢都合理。

今日收工收早咗🎉🎉諗住食小小野先返屋企 就來咗返工附近商場哩間餐廳食返個下午茶先返去 叫咗個下午茶餐 奶醬厚多士拼兩隻煎雞蛋🍳同埋凍奶茶🥤唔知個兩隻煎雞蛋係唔係怕你食完厚多士唔夠飽用來填補返個肚嘅哩🤔️即叫即整厚多士 無論邊度食都係咁好食 熱辣辣外脆內軟嘅多士配上香滑煉奶同香濃花生醬配有花生粒簡直係絕配 再加上凍奶茶 啖啖滋味😋😋真係放工後嘅一大享受 食完真係放鬆一下疲勞減少 聽日又要返工喇🤦🏻‍♂️

今次去到土司工坊 呢度主打南洋菜主要係賣星州喇沙麵 另外仲有咖哩同椰漿飯 喇沙米線個湯夠濃夠香 米線唔會煮得太淋失左口感 仲係好滑溜 有豆卜 半隻蛋 3隻蛋 幾片魚片 份量都幾多 蝦肉都幾新鮮，爽口彈牙班蘭蛋糕 高度10厘米海綿質感鬆軟 班蘭味超香濃好突出 蛋糕入口軟棉甜度適中平均消費$100評分7/10Shop G19, G/F, PopCorn, 9 Tong Yin Street, Tseung Kwan O將軍澳唐賢街9號PopCorn商場G樓G19號舖

今晚約咗朋友睇戲，於是喺Popcorn附近搵吓有咩快靚正嘢食，印象中吐司工坊嘅喇沙好出色，於是毫不猶豫就同朋友入咗去食晚餐。星洲喇沙米線🍜先講個湯底，剩係得辣味，而且非常浠，好似多水得滯。鮮蝦晶瑩通透，食落都爽脆，但完全冇蝦味😒。另外仲有豆卜、芽菜、半粒雞蛋🥚，呢啲配料都唔會點出事，但整體就真係覺得唔好食，雖然碗麵唔係貴，但係同我想像中真係有嚴重嘅落差。檸檬薏米水有淡淡的檸檬香，味道都好清香，套餐加$4可以飲用都算唔錯。可能因為有期望就有失望，不過短期內都未必會再去。

平時都好鍾意食toastbox 特別喺將軍澳呢個咁多劣食嘅地方諗住食佢一定穩陣 點知佢連toastbox都低質過其他分店lunchtime買外賣 我前面得3個人 我足足等左15分鐘 鬼咩 個收銀阿姐又整飲品又收錢 個多士哥哥就企左喺度唔知做咩 真係運作得超差 只係想買個魚蛋粉 一共等左20幾分鐘 食都唔使咁耐 仲要杯奶茶超多水 趕時間求其做 唔怪得之其他地方滿座嘅時候呢間永遠都有位啦…

平日晚一人到場 不用等位環境裝修其實唔錯，吊燈都幾靚夜晚唔想食濃味嘢，所以冇嗌招牌喇沙叫了個南洋魚旦湯河（轉米）連凍薏米檸檬水就$54材料豐富，份量一定夠女仔食湯清清地，啱夏天夜晚食湯米正常爽口，最怕淋晒嘅粉有少少冬菜吊味，成件事更加有層次魚旦魚味都有啲，非常彈牙竟然有香口魚片頭，賺了～～～都係咁爽口份量其實唔少跟餐凍檸檬薏米水好香米味好濃，奶白色咁而且唔甜，好啱夏天飲清新之選一個人食好啲，於是叫個甜品外賣返家香口脆脆咖吔多士回到家都仲脆薄薄地易入口烘得金黃香脆，非常吸引咖吔醬香甜，查清成塊多士，有班蘭香同椰香作甜品很滿足

星期日下午茶，想找一間餐廳快食，這間餐廳在地鐵站口，位置十分方便！很久沒光顧Toast Box了，以前公司附近有一間，經常去吃喇沙，可惜後來結業了...這間分店食物味道還好！咖央多士滿滿的牛油味😋 馬來西亞拉茶比港式奶茶甜，好飲好飲😋不過，這間分店紙巾竟然要收錢，記得其他Toast Box分店都有紙巾提供，雖然不會主動提供，但問店員拎都會有，特別是疫情下，都需要紙巾抹一下餐具🍴好基本的東西，希望可以改善一下。

傳統吐司配牛油咖耶，塊牛油好厚身，但係食落唔會覺得好油膩，同咖耶個比例都唔錯，略嫌麵包烤得唔夠鬆脆，但淨係上都係好啱我口味，細細件， $16。要多咗杯南洋凍咖啡，好甜，咖啡味好香濃，奶好多。

因為突然好想食肉骨茶同叻沙，所以我們就去咗呢間「土司工坊」食下午茶！我們買咗套餐分別有馬來西亞肉骨茶、星洲叻沙，炸鷄翼！但唔知點解炸鷄翼會變成炸鷄扒，而且炸到炸到又乾又硬，肉質非常粗「嚡」！煎雙蛋我們要求係太陽蛋，但出嚟嘅竟然係煎到全熟嘅蛋！星洲叻沙嘅湯底都算幾濃郁，但啲米線就淥到過份熟，質感極之腍身，差唔多完全唔需要經過咀嚼就可以吞到！而嗰幾片嘅所謂魚片，一啲都唔爽口彈牙，祇係食到有腥味，真係令我們覺得超級失望呀！

天氣突然轉涼看過這店舖肉骨茶的廣告很多遍今天激起勇氣去試一試付款後 只有薏米水能即時提取大約等候了5分鐘肉骨茶套餐終於做好了一打開傳來藥材味滿滿的期待先來一口湯湯味太甘 我會說有一點奇怪我問店員內有什麼材料他告訴我他不知道湯內有三粒肉丸 三舊豆卜一舊豬肉 一條芫茜因為湯的味道我個人不太喜歡所以連帶豆卜也吃不下最不能接受的是⋯⋯⋯湯內⋯⋯⋯竟然最底還有兩條生菜😨😨😨😨😨*徹底崩潰這一頓飯我付了90元正但感覺只是用肉丸、瘦肉點豉油和烚油菜送飯⋯⋯⋯還有蒼蠅飛來飛去相伴店舖沒有紙巾提供餐紙巾也沒有環境衛生不太理想請大家留意

今日係popcorn行過咁岩見到吐司工坊當日做優惠，佢哋優惠菜式係雞扒喇沙,所以就試下。我哋嗌左肉骨茶套餐同一碗雞扒喇沙加$10仲可以加三隻雞翼，價錢都算合理。首先講吓佢個雞扒喇沙，豬扒好厚好多汁，如果喇沙湯底好濃郁，裏邊仲有豆腐卜，豆腐卜吸晒落湯嘅精華！超正👍🏻👍🏻👍🏻而肉骨茶都好足料，飲落啖啖藥材味👍🏻肉骨茶入面都有一字骨、豆腐卜同菇依個套餐包有一碗飯同飲品，我就簡左杯熱奶茶，佢哋個奶茶都好香滑🤤

新加坡食品由細到大都食開 而家香港真係多左好多新加坡食物 都係一件好事 肺炎下多左好多外賣優惠 買番屋企食又平又安全 不過每一次都用咁多外賣盒 其實係好唔環保 久唔久都會用自己嘅膠盒去裝食物 慳得一次得一次 愛護地球一人餐$56 叻沙呢度準係keep到 咁多年都冇乜點變 加$10仲可以菜 真係好抵今次叫左2人餐$98蚊有叻沙有椰漿飯配泰式雞扒 加$10又可以有雞翼 又係抵既最緊要買多份咖椰土司 雖然唔算係最好食但已經好過好多地方嘅茶餐廳

趕著午後時光 因為6:00之後冇堂食，去Toast Box 嘆香一個下午茶，來這裡一定要食傳統咖椰土司套餐，個多士除了咖椰醬外還有一片鮮牛油，好邪惡！南洋風味熱奶茶是加入煉奶，加上茶本身的香味有另有一番風味。

返左成日工就當然攰到唔想煮飯😩所以就係屋企樓下買個外賣.🌟白胡椒肉骨茶 （$49）Toast Box 不嬲都係賣南洋風味🇸🇬不過估唔到肉骨茶都有得外賣！而且呢個餐做緊特價原價要$70 依家大約$50 就食到白胡椒湯底嘅胡椒味比較濃郁🍲而且冇乜藥材味 啱晒鐘意胡椒味嘅朋友件豬肋骨都煮得好腍 唔痴牙好易食配菜豆卜同蒜頭都吸晒d湯🧄煮得好入味一解我想去旅行嘅憂愁🥴餐廳亦都會將湯同飯分開兩盒裝咁d飯就唔會浸都淋晒