影片
以上资料只供参考，请与餐厅确认详情
叫咗半只海南鸡饭餐，放低见到卖相已经知道唔对板，海南鸡味道好似白切鸡仲要叮返热嘅海南鸡，又不是冇骨，都未试过食海南鸡要叮翻热嘅，油饭又硬又生米，仲叫咗个西兰花鱼柳，原来系鱼片炒嘅西兰花，似系酸菜鱼嘅鱼片炒埋一碟。
继续阅读
食物质素差个经理服务更差本身都试左呢间餐厅几次，平时都觉得麻麻地，但系咁次食完嬲到我出食评😮💨如果打风落雨过时过节比较忙个时，千祈唔好系呢间叫外卖（包括用外卖平台 )，要等超耐+超唔好食！我叫完外卖等左好都未有，问下个经理，佢第一句就话*咩话* 好似撞聋咁 ， 又话等得个30分钟唔系好耐啫，又话厨房得2个人做唔切，佢又唔cut左d外卖佢，又keep住系咁俾客入，坐到满晒🙄总括黎讲，唔想受气嘥时间又食埋d劣食既话，建议你唔好试呢间野😤
继续阅读
今日黎试呢间餐厅嘅无骨水门鸡油饭。60蚊。先讲鸡，得4、5件细嘅（包鸡翼尖，d鸡肉仲要好硬，坚难咬。鸡翼同鸡翼尖有骨都正常，但有一件鸡个骨都冇处理走😂我有请问店员d鸡好少，可唔可以调整下，佢答我呢个系例牌，你叫半只咪多d。我个人系唔满意呢个答覆同态度嘅。比多我一次拣，我会去葵涌街市𠮶间泰国野买40蚊嘅海南鸡饭，便咁多，鸡嘅份量仲多d。D油饭就唔点香，不过份量就好多😃，应该叫少饭的。仲叫左黑糖仙草芋圆，d芋圆真系唔掂，味道同口感都一言难尽。评价：街坊志在坐唔在食嘅话，不错嘅选择，环境够静。
继续阅读
本来都已经听闻过呢间嘢好难食，但系打完风个人好懒所以都系落街买外卖谂住试下伏，点知遇到有生以来最差嘅外卖体验。🤮本来等咗半个钟外卖已经有啲躁底，但系都好声好气问门口个短头发阿婶有无漏到我张单，点知佢就黑口黑面答我话我无落单😅话无印象我有嗌嘢食咁我就躁躁哋，开返电话同佢讲我有八达通俾钱记录同时间，佢先死死地气入去厨房帮我跟😅点知。。。俾我见到原来成个外卖摆咗喺厨房隔离张台冇人拎出嚟😅原来我无落单但系个外卖系会自动ready咗🥲拎出嚟仲要sorry都无句就走咗。你无服务唔紧要，起码要好食啊。你唔好食唔紧要，起码价钱平啊。你价钱贵唔紧要，起码速度快啊。但系你三样都无， 就。。。谷气
继续阅读
今日去食午餐，见呢间外面几多人排就去咗试，叫咗四川回锅肉饭外卖$54，个饭又贵𩠌份量又少到傻，味道3流，呢个质素求其一间两𩠌饭都好过佢几倍，完全唔明点解有咁多人去食间垃圾。
继续阅读