四點金潮州料理 (已結業)

大約接近凌晨十二時, 同事與我相約食宵夜, 原本想落九龍城, 但我同事有idea, 她介紹我一個好地方食宵夜, 就是在土瓜灣的四點金潮州料理, 是日打冷作我們的宵夜, 地方環境都好幽靜, 只有一張枱的客人, 客人都是喜歡炒碟小菜, 飲下啤酒, 坐下來時, 伙計會上一壺熱茶及鹹酸菜一碟, 我們坐向電視機的方向, 可以一邊看電視, 一邊食宵夜馳名鹵水鵝肉$68 ---鵝肉都嫩滑, 不過嫌鵝皮不夠肥美,隻鵝瘦了一點, 燜得都好腍又入味,鹵水色好平均, 份量適中而且鵝的底層墊了一些翠玉瓜及芽菜舖底,, 可是翠玉瓜比較淡味不過都夠腍方魚肉碎粥$28---都好大碗, 潮洲粥的飯粒粒分明而廣東食粥是爆花狀,這是兩者不同的分別, 配料相當豐富,材料有冬菇, 方魚, 肉碎, 蕃茜, 而且飯粒完整分明, 散發淡淡的方魚味,材料豐富增加了入口的口感,味道真是好鮮甜潮陽梅羔骨$58---這小菜像甜酸排骨, 味道偏酸了少許,有點嗆鼻,但令人醒神開胃,肉排都好鬆化,肉味亦夠濃,而且醬汁夠濃, 配上香脆的炸紫蘇葉更增加口感香煎韮菜粿(兩隻)$20 ----即叫即煎都是好香脆, 切開時散發淡淡的韮菜香味,咸香惹味, 韮菜都好翠綠爽口我們要在茶壺加水的時候,服務員都會好快斟水而且又會巡枱收碟,樓底都好高,空調足, 感覺都好舒適, 而且更有宵夜打冷小菜, 價錢都好合理, 而且免茶錢及加一收費, 真是宵夜的好地方…查看更多

今日路過這間「四點金潮州料理」，見門面裝修企理，便內進午膳。這裡有午市客飯套餐供應，只需三十餘元，免茶芥加一，算幾抵食。雖然我並非吃得太辣的人，不過有時也會點些微辣的東西吃。今日午市有口水雞供應，心想潮州料理的口水雞，辣極有個譜，於是便大膽的點了一個口水雞飯來試，飲品要凍奶茶少甜。先來了杯凍奶茶少甜，茶沖得不夠濃，入口亦不夠滑，大概是奶加得不夠多的關係。不過，還算是勉強可以的......:(之後來的口水雞飯，雞跟飯是分開上的。我頓時被眼前紅噹噹的辣醬辣油嚇了一跳，那雞肉全被重重的辣醬蓋著。撥開辣醬後，先嚐一口雞，非常非常辣，但只有點點麻的感覺，有點像吃了一塊沾滿辣椒油的雞肉而已，不太像吃口水雞。好在雞肉算是嫩滑，幾好味!:)不過，再多吃幾件，已經叫我頂不順了，口腔像要噴火似的。最後，幾經卒苦，終於把雞件清光了。總括來說，口水雞似辣油雞多點，只辣而不麻，不像口水雞。即使雞肉算是嫩滑，但是始終有點可惜。其實吃到最後已經辣到吃不出雞的味道了。今次膽粗粗一試，結果被辣到飛起，真的怕怕，下次還是試其他食物好了......…查看更多

是日跟朋友去試這間, 怎料這間店的伙計連續兩次送錯食物來, 原先只叫普通SIZE粥, 怎料來一了鍋粥 (價錢係普通SIZE的兩倍), 要求換時, 伙計唔係好想換, 心諗費時煩, 算啦, 怎料食到一半, 有殺第二碟餸出來, 今次我們堅決不要, 之後, 我見到個伙記是將碟餸送回廚房, 而不是去其他枱, 這個位令人覺得趁你唔為意, 局你叫多D餸, 太過份了, 這樣的服務真是...食物唔係太好食:(, D雞太SALTY, D 粥又冇味又唔熱…. D蠔仔又有沙, D茶又淡又冷, 洗手間的地下又冻…真係唔知間野想點, 我同個朋友已經BADLIST 左間, 以後唔去 去一次都覺得多...…查看更多

以前每次同朋友只想到旺區如油尖旺或九龍城. 但其實土瓜灣都好多食市有很多選擇.其中曾去的是四點金吃潮州餸菜.其中一款送, 印象深刻就是豉油王蝦, 很香口的豉油, 越食越想食的鮮蝦, 不喜歡有殼嫌麻煩的我, 都喜歡四點金的這味蝦, 因為可以用口MOOK殼, 連豉油"算"蝦咁食, good! 極力推介!不過川椒雞就一般了, 當天食的雞好似骨多過肉!甜品: 蛋散 - 蛋散很香口及很脆, 我至愛!…查看更多

年初3晚同屋企人想食火煱, 周圍都冇開, 冬天都係想食啲熱辣辣既嘢暖下身, 見到四點金有雞鍋就入咗去, 坐地就叫個胡椒豬肚雞鍋先, 待應話賣晒!再叫麻辣雞鍋, 又賣晒!!再叫胡椒湯, 又冇......胡椒湯同雞都冇.....侍應態度又唔好, 好無奈...買後叫咗啲打冷嘢...嚟到個賣相好似隔夜餸咁...叫咗個麻辣魚頭鍋...啲辣未唔夠, 到喉唔到肺...唉...食到我哋冇晒mood!成餐飯得個蛋散係ok, 至少係鬆化...…查看更多

筆者自從三歲搬離土瓜灣後,已甚少踏足那區.適逢好友在馬頭圍的新居入伙,有機會舊地重遊.當晚好友帶我到四點金打冷,覺得其食物味道不錯,價錢亦相宜,也就留下了印象.這晚女朋友忽然說想打冷,決定帶她到四點金試試.幫襯過四點金,知道他們東西都很早賣光,所以這晚特意早點前來以免吃不到想吃的東西.四點金的裝修,以打冷店來說算舒服,座位有椅背,有LCD電視,環境也乾淨企理.不過這晚男洗手間內的洗手盤塞了,要扣點分.服務方面,雖然人手有點不足,要稍稍等待才有人招呼,但兩位樣貌相似的女生態度非常有禮,估計應該是老板的千金.另外,店方提供的茶雖是一大壺的端上來,但茶葉用上了一般用來泡功夫茶的鐵觀音,味道當然沒有小杯沏出的那麼濃,但也是清香有回甘,讓人不自覺地多喝幾杯.食物方面是好壞參半:鹵水鵝片(例牌HKD98)--鹵水鵝片是我近年吃到最差勁的,鹵水本身沒甚麼大問題,問題在於那些鵝片實在很韌.該是店方用的鵝太老,加上切片後翻熱時間太長所致.吃了一塊後馬上向店方反映,店員很有禮貌地跟我解釋說可能是今晚鵝檔交來的鵝不太好,可以替我們換過一碟或者換其他菜式.我認為同一隻鵝再切一碟出來,應該都會一樣韌,加上女朋友是鹵水鵝fans不想吃其他菜式,也就作罷.這樣一來,伴碟的翠玉瓜和鹵豆腐反倒成了主角,尤其是翠玉瓜,雖然只是白烚再放在鹵水浸一浸,清爽的味道卻很能中和鹵水鵝的鹹膩感覺.手撕鹽焗雞(半隻HKD68)--雞太大隻,看size原隻肯定超過三斤.醃味時間也不夠,味道並沒有滲到雞肉裡,只有雞皮有味.解決方法是手撕好後伴一伴調味料再上桌,若果想省卻這點功夫,也可以另附一碟沙薑油供客人醮著吃.現在吃下去是完全不夠味.吃手撕雞可以接受不是用新鮮雞,但調味不夠就不能接受.杏汁白肺湯(一位HKD32)--杏汁味很濃,稍稍蓋過了其他材料的味道.入口順喉沒有發現味精的蹤跡.口感稍嫌不夠滑,該是加杏汁時渣沒隔好.戲棚粥(一位HKD33)--戲棚粥是香港六七十年代的草根食品,那時筆者仲未出世,未有機會試試它的風味,也就難以從正不正宗這角度去點評.份量頗大,一碗絕對足夠兩個人分.味道跟蠔仔粥和鯧魚粥差不多,都是下了大量唐芹香菜方魚冬菇絲去滾,十分惹味.材料換上了鮮蝦和魚蛋條.吃厭了蠔仔粥的話,是一個不錯的選擇.反沙芋頭(一客HKD68)--在這裡吃過一次,其滋味令人留下深刻印象.這次再吃味道一樣出色.芋頭做得很軟糯,明明是芋條,咬下去卻像芋泥一樣溶化在口中.面頭的糖沙稍嫌太厚,自行剝走少許才吃會比較好.一客有十多條,足夠四至六人享用.由於始終是芋頭,多吃會很膩,我們兩人要了一客,結局當然是吃不完要帶走.老板教路回家可用微波爐叮熱再吃,但叮完出嚟芋頭的水份都走到糖沙裡去,芋頭會硬,糖沙會融,完全走了樣.這道甜品以後還是堂食好了.為這篇食評起標題時感到很煩惱,究竟該用"超韌鹵水鵝",還是用"美味反沙芋"?這兩款食物一好一壞,俱令人留下深刻印象,情況就像中學訓導主任只會記得最乖同最曳的學生一樣,這次的結果是乖學生的印象更深.而且我也接受店方的解釋,只是剛好收回來的鵝不靚,上次在這吃鵝片明明沒有這問題的,希望下次會有所改善.2人埋單HKD305,中等價錢.那一天想吃反沙芋的話,會再幫襯.…查看更多

與家人預祝中秋，來到這附近，本想幫襯近期較紅的新店「星洲名廚」，但這小館子不設訂位，來到之時，門外已有多人等候，沒有半個鐘頭以上，也休想能坐下用膳:(:(:(。沒法啦！唯有改變計劃來到這間同樣從未幫襯過的潮州菜館，吃頓簡單的晚飯預祝中秋。叫來特價的「奪獎金沙煎大蝦 + 潮州鹵水拼盆」，再來一客「古法梅子豉汁蒸大鱔」，加多碟「鮑汁杏鮑菇生菜」，已足夠我們四人享用了:):):)。「奪獎金沙煎大蝦 」一碟有五隻大蝦，但個人覺得只是平平而已，蝦頭蝦膏不夠多，金沙（蛋黃）也未夠香濃惹味，要是這道菜真箇曾經奪獎的話，那麼這晚所試便肯定退步不少了。「 潮州鹵水拼盆」原來是沒有鵝片的，初時我還誤會了以為有，早知的話便單叫鹵水鵝片好了:(:(。這拼盆的材料都是慣常見到的那些，生腸、紅腸、豬頸肉、豆腐等等，鹵水汁只是一般，味道不算出色。「古法梅子豉汁蒸大鱔」是及格的，在慣常所吃的豉汁蒸大鱔以外，加上梅子作調味，既增添新意，也增添一點酸溜溜的味道，既是古法，也帶來新鮮感:)。不過這蒸大鱔有一個缺點，就是太過油膩，要是沒有那麼多油的話，會較好些。「鮑汁杏鮑菇生菜」作為這頓飯唯一的蔬菜，味道尚佳，不過杏鮑菇份量偏少，西生菜也太碎濕濕，是這道菜未能盡如人意的地方。見這裡有不少甜品推介，也想為這頓飯增添一道甜品作為一個甜蜜的結朿。在多款甜品中，最後終於揀了這裡的「招牌蛋散」。這蛋散可是這頓晚飯中最令我和家人感到滿意的食品:):):)。炸得酥脆的蛋散味道甜美可口，確是好味，我和家人不消一會便把第一碟全部吃光，在意猶未盡下，立刻叫來第二碟，才讓我們滿足而回。總括而言，這頓提早慶祝中秋的晚飯，其實是吃得不盡滿意的，幸好最後的甜品總算帶來一點意外的驚喜，也算是為這頓飯寫下一個完滿的句號:):):)。P.S.：最近一位殿堂級食友曾兩次舉辦飯局品嚐高水準的潮州菜，可是自己都因為工作繁忙未能應約出席，近日見到多位出席食家所寫的有關精彩食評，實在有點遺憾錯過了呢:(:(！希望下次有機會可以吃到啦！…查看更多

今日來這附近辦些事,正在想著午飯去那裡食好呢?突然爸爸說有日他看到報紙,介紹這附近有間出名的普寧豆腐,但他又唔記得店名,於是先找找看,好在沿途就找到,店舖還貼上爸爸看過的那份報紙廣告.可能開業不久,新裝修,樓底高,地方幾寬敞.今日就先品嚐這幾款:乾煽四季豆魚柳飯$30~~這碟飯材料豐富,份量又多,起初以為會是得少量魚柳混入四季豆一起炒,原來魚柳一塊塊炸好後,再用醬汁燴,不過咸左些而且肉身好硬,但有成7,8塊,四季豆肉碎就好野味,拌飯一流普寧豆腐5件($32)~~一直想知道這個餸是什麼模樣,原來都是將豆腐拿去炸,伴著一小碟湯汁給你自己點來食,豆腐表皮拈著一些粉去炸,所以都好酥脆,外脆內軟,試左一塊點汁來吃,沒什麼特別,原來這碟湯汁只是水加上切碎了的韭菜,所以食到有少許韭菜的芳香.不過爸爸就話唔好味,無豆腐味,個湯汁應該是酸酸甜甜的,完全同他食過真正的普寧豆腐不一樣,我反而覺得幾好:)真是各花入各眼!香煎韭菜粿2件$12~~這個完成全唔好味,餡料全是韭菜,但沒加任何調味,淡而無味,個皮本身又是無味,所以真是no good:(…查看更多

２點先放學去食ＬＵＮＣＨ做得師兄當然要帶班新仔去食飯啦　原本打算食附近一間新疆野　但因為要等位先走左過來佢呢度每杯茶都係用獨立茶包的...感覺比較好(雖然無特別好飲)一個飯一個例湯包野飲 $28 價錢算ok la由於2點半 過曬食飯時間 餐廳都無咩人叫左個枝竹炆牛腩 凍OT 上菜速度都叫快啦 落單唔使10分鐘都上菜啦 (可能因為只需隨便加熱)例湯都真係幾例湯下.....味精唔算多 不過都略鹹:(碟牛腩同白飯分開上(上左碟牛腩過左2分鐘個白飯先來:() 牛腩好大碟....食完個飯都仲有半兜....牛腩無癡牙 不過我杯凍OT 唔知用既係咩糖漿 甜味感覺好怪同伴叫既凍奶茶 第一次來左杯熱既....再來 一次過上兩杯 =.=" 無客人姐 都唔使咁掛 大贈送??咖啡無黃糖....算啦 一般茶餐廳都係一盅白糖 有時候潮濕仲變成一大舊 佢呢度用獨立包裝 算啦.....老實講 呢間潮式菜館唯一優勝 只係新開張 裝修比較好 客人少, 夥計好得閑過來幫你收野 不過一食完碟野 佢就即刻過來收 感覺好似趕你走咁 =.="斟茶方面 我地食飽就黎走 杯茶都仲有7成滿 佢都自動走過來幫我地斟茶 (可能都係因為人少啦)同區黎講 除左間新疆菜之外 呢間都應該係食晏唔錯既選擇 (當然 你要求高的話 隔離揾間高級餐廳吧)…查看更多

無可否認, 味道OK, 價錢OK, 不過什麼態度, 你唔收加一, 唔收荼錢, 唔等於同服務掛鉤.什麼叫訂位, 明明留位時留了二個例牌, 一個是鵝肝,一個是鵝片, 準時8:00入座,你地笞OK無問題, 點知叫佢地上已留的鵝肝及鵝片時, 居然屈我地遲到, 個鵝片買晒, 成班人準時入度 , 什麼叫遅到??? 好啦, 無鵝片叫鵝肉啦, 等左半粒鍾, 重要追,先通知得鵝背唔敢上菜, 大佬呀, 你地都有責任通知聲, 叫菜時已經激到死, 叩芥蘭無芥蘭, 叫大腸無大腸, 叫鵝腸無鵝腸, 同個部長(光光頭)理論, 叫佢比個折或者來個生果, 重要比佢話"我地無加一, 無荼錢, 重想佢點"第一, 我地是訂左位, 留左菜, OK得就叫承諾,第二, 我地準時到, 不要老屈我地遲到.第三, 你唔收加一, 唔收荼錢是你的問題, 亦無可能甘的服務態度, 不是我們不守承諾,錯不在我方, 第四, 8點幾已經叫嘜無嘜.第五, 的侍應叫十幾次都唔理人.什麼質素, 上菜等成半粒鐘.下次貼錢比我, 我都唔會去食,…查看更多

坐落於土記新山道的"嘉景金閣"，本是主打粵菜的小館，前陣子休業了一回，怎知卻是搖身一變成為一間潮菜館，名為"四點金潮州料理"....裝修過後內隴變得寬敞骨子，看來可以計劃一下在這裡攪一個家庭飯局。不過在成局之前，先來買一份外賣，試試這兒炮製的潮式鹵水鵝片飯....先試滷汁，香及濃是絕對談不上的，只吃出少許鹹鹹的味道，毫無個性可言，有點像加了甜味的豉油一般。身為整道菜的靈魂所在，這滷水是不能叫人滿意的.....鵝片片得甚薄身，皮與肉之間帶點脂肪，本應不俗，但差在皮及肉本身落太韌，特別是肉身，是韌得來覺嚡口的:(....鹵水若處理得不能令人滿意，那對其他的菜可就不能讓人給予信心:(這飯局，看來還是要打住一下.....…查看更多

某日放工打算上北帝街睇下有冇新野試.. 行經欣榮花園發現開左間新潮州野. 見佢價錢唔太貴. 牆上推介除左間間潮州野都有寫嘅鹵水鵝, 蠔餅, 蠔仔粥果d 之外.. 意外地粉肝都係推介之列.兩個人平日食餐晚飯, 都係節制d... 所以就叫左.. 鹵水鵝腸拼粉肝 蠔仔粥 家鄉魚條炆米鹵水野就試左呢兩樣. 鵝腸都算入味, 但可惜清理得太乾淨, 少訐肥膏也不見. 鵝腸唔肥, 就好似腊腸一樣, 瘦左身就始終差少少. 粉肝果然是推介之選. 調校的味道剛好, 又保持那種粉粉嫩嫩嘅狀態. 蠔仔粥也不錯. 起碼是蠔仔而不是蠔bb. 咬落去依照有食蠔果d d 鮮味. :)魚條炆米就比較遜色左d d.. 其實你似鯪魚肉炒米多d. 冇乜特別. 屋企加d 豉油, 糖, 鹽 炒兩炒.. 兜兩兜..唔會同佢分別好大... :(總括黎講呢間食店鹵水對辦... 粉肝絕對回味, 亦昅到隔離枱有人叫左碟沙爹炒河極為吸引. 值得再來拜訪...p.s. 四點金原來係傳統的潮汕民居獨特嘅建築名稱... 唔講都唔知~ …查看更多

平時幫襯開佐敦的小店, 聽老闆講係土瓜灣開左新舖, 於是一家人來試下.格局: 比佐敦店大好多, 有兩層, 幫襯時開左兩星期, 地方企理由星期日晚七點半左右到, 雖然話新開張, 但門口都好多人, 好在有先頭部隊搵位, 如果唔係都要等一餐.一坐底, 梗係先叫潮州鹵水鵝, 味道唔錯, 唔似有些店淨係得個鹹字, 有其他香料味.之後再叫了煎蠔餅, o的蠔仔好肥美, 而且有些許脆口(唔係炸到燶了o個種), 雖然我怕, 但都忍唔住吃了兩舊.經理再推介梅羔骨 - 唔知係唔係潮州菜, 但我覺得好好味, 賣相有光澤, 而且有少許梅子酸味(唔過火), 開胃, 仲要排骨本身唔肥, 正, 下次會再叫.:)同時柯打了煎鎗魚, 賣相一般, 味道中規中矩.芥蘭炒鮮魷 - OK 啦之後再加了方魚肉碎粥, 本來想ENCORE蠔仔, 但已經賣晒... 不過味道就一般, 下次都係試番蠔仔.仲有加了沙茶牛河 - 記得要叫兜亂, 我非常鍾意食, o的沙茶味剛剛好而且入味, 唔會炒到一PAT PAT, 強烈推介.甜品就叫了蛋散, 我覺得幾好味, 好過一般酒樓.整體幾好, 約四佰元. 門口有街邊位泊車, 附近亦有停車場服務OK, 不過有時唔夠伙計...要等一陣先有…查看更多