影片
以上资料只供参考，请与餐厅确认详情
相关文章
今日咁啱好想打边炉，经过呢间餐厅，见到佢话食满$400有公仔送，咁就一于嚟试吓啦。虽然我哋嚟嘅时间只系六点几，但系入面已经好多客人，大家上嚟亦记住book位或者早啲到啦。虽然好多客人，但系呢度嘅装修好开扬阔落，就算多人都坐得好舒服。侍应好细心咁介绍话原来呢度嘅汤底系亲自煲出嚟嘅，而且就算加水都系加真正嘅汤底，咁就一于试个双拼啦。我哋就叫咗椰子鸡汤拼冬阴功虾汤，佢叫我哋未打边炉前就要饮咗啲汤底先，因为好香甜。我自己就最欣赏呢个椰子鸡汤底，佢真系同屋企煲出嚟嘅一样。椰子非常清甜，而且饮落唔会太腻，越饮越开胃。朋友就话冬阴功虾汤比较出色，因为佢比较钟意食辣，酸酸辣辣咁又系好开胃。我哋见到好多台都有叫呢个海鲜宝盒，一开盒佢仲加咗唔少干冰，有好多烟喷出嚟，非常适合打卡。而且入面仲有好多唔同种类嘅海鲜。我最欣赏嘅就系呢个生蚝，因为佢除咗好大只之外，而且非常新鲜，渌一阵就食得啦，完全唔使点任何豉油酱汁，都食到佢海水嘅清甜。另外呢个手打虾丸都非常出色，喺呢度自制嘅虾丸。而且食落好多虾，唔会好似好多面粉嘅感觉，又系唔使点酱汁都好好食。因为朋友唔食牛肉，所以我哋就拣豚肉。平时我唔系特别钟意食猪肉，但系呢个豚肉非常大块，而且食落肉质好好，食落简直可以媲美牛肉，非常推荐唔食牛嘅大家嚟试吓。甜品方面，我哋就叫咗呢个椰皇奶冻。佢嘅卖相非常好睇，估唔到食落唔会太甜，而且份量好多，食完奶冻之后，仲有好多椰子肉，简直为呢个晚餐画上一个完美嘅句号。
继续阅读
之前喺Airside分店食过午市，一直好想食埋晚市，星期四晚终于去咗沙田新城市帮衬啦🤩我哋叫咗节日欢乐二人聚餐 $688，可以拣单拼或双拼锅，当然拣双拼好似抵啲😂 我哋拣咗椰奶鸡汤锅拼慢炖牛板腱清汤锅，椰奶鸡汤有浓郁嘅椰子香，配跟餐嘅泰式金边粉，肉，蔬菜食都好正，挂晒汤咁🤤牛板腱清汤味道清甜有层次感，配唔同嘅肉类都好夹🥰依个餐最正系有个海鲜金盒，里面有鲩鱼片，鲍鱼仔，带子，墨鱼胶，虾， 蚝，珊瑚蚌，全部都好新鲜肥美。肉方面可以拣日本黑豚肉或美国严选牛板腱，我哋拣咗牛板腱，好有咬口，肉味浓郁😍套餐仲有小食泰式手打虾饼，外脆内软，好有虾味。跟餐+$38有一杯饮品，我哋叫咗泰式芒芒碌碌，好colorful, 好清新又解渴，芒果味仲好浓，好似饮紧杨枝金露咁；爆珠马蹄椰子水，好清新解腻。最正系依间火锅系加汤唔系加水，唔会愈沟愈淡，茶水同埋手工酱料费15蚊一位，已经包咗任食嘅泰国虾片，真系好抵，全部侍应服务都好nice，讲解又详尽，环境又舒服，餐厅仲好贴心有供应围裙同埋usb位可以叉电，值得一赞😍评分：最高为5分治愈度：👩⚕️👩⚕️👩⚕️👩⚕️抵食度：💉💉💉💉翻兜指数：🩺🩺🩺🩺四面泰泰式火锅沙田正街18-19号新城市广场一期7楼708号舖📍沙田港铁站A3出口5分钟路程
继续阅读
呢排少左去沙田觅食😂 当上到新城市广场七楼 最多餐厅既楼层 俾我发现左一间主打泰式风味既餐厅「四面泰 • 泰式火锅」🇹🇭🍲节目欢乐二人聚餐 $688• 自选汤底一个汤底我地拣左双拼🍲 酸辣开胃既「秘制冬阴功鲜虾锅」🌶️🦐 同埋浓郁香甜既「椰奶鸡汤锅」🥥🐥 一次体验两种风味😋• 海鲜金盒二人份量一个非常丰盛既海鲜拼盘😍 有「鲜活带子」、「海虾」、「台山桶蚝」、「爽脆鲩鱼」、「鲜脆珊瑚蚌」、「鲜活鲍鱼仔」、「手打墨鱼丸」😌 每款海鲜十分新鲜 绝对满足🥰• 泰厨严选肉品肉类拣左「美国严选牛板腱」🥩 肉质细腻 而且带有均匀既油花同嫩度😌• 田园时蔬一棵花甘既「唐生菜」🥬 脆嫩多汁 清爽解腻• 街头炭烤经典小食「泰式手打虾饼」🦐 外酥内嫩 虾香浓郁• 美味主食最后食埋「金边粉」🍜 吸收哂汤汁 好美味🤪另外 惠顾聚餐 再以每杯$38加配手作饮品🥤 我地拣左「泰式芒芒碌碌」同「金柑百香果柠檬茶」😌手工招牌椰皇冻 $68以天然椰青为容器🥥 椰香浓郁 口感细腻滑嫩😍
继续阅读
泰式打边炉我未试过，今次系上网见到好吸引一定要黎试下，呢度装条好靓又大，又系商场入面超易揾😚用左泰式嘅汤底去煮海鲜同牛肉真系好正，同平时打边炉真系完全吾同，超正嘅体验😋🌟慢炖牛板腱清汤锅入面有煮左嘅牛板腱同竹笙。味道十分新鲜！店内都有其他唔同嘅锅底，例如鸳鸯汤底,秘制冬阴功椰奶双并同招牌冬荫功汤底，好多锅底都有香茅同柠檬🍋尽显泰国美食特色🌟牛板腱雪花十分靓，放入煲入面煮10秒就熟，一啖一片十分满足😍🌟海鲜金盒啲海鲜又靓又大只 其中有海虾4只🦐台山桶蚝2只🦪爽脆皖鱼4片，带子2只，鲜活鲍鱼仔2只，手打墨鱼丸2粒等😍店家对食材处理好好，鲍鱼洗得好干净，生蚝同鲍鱼都有将壳分开👍店员十分nice同耐心去，会介绍每只海鲜要煮几耐🌟虾饼用料十分足，入面有好多新鲜嘅虾 再点埋d酱 虾饼嘅味道更提升一个层次😍🌟金边粉建议煮一分钟就够，配合个汤底一流👍👍👍🌟芒芒碌碌系芒果沙冰，甜度适中，芒果味十分浓郁🥭
继续阅读
平时经常去7楼食饭 知道洗手间距离四面泰比较远 小朋友只有2岁几 又系戒咗尿片嘅阶段 有专门带个水樽以防佢食食下饭要wee wee由于小朋友饮咗椰青水 不断需要去洗手间 其中两次佢话要poo poo 我已经直接带去同层残厕俾佢去(每次带住小朋友行过去起码5分钟) 正常洗手间仲要落一层 起码行10分钟 小朋友中途一次wee wee 系水樽未嚟得切倒 饭后再次要wee wee 水樽因为太满 我有叫小朋友stop 但佢太细控制唔到 停唔到落嚟 唔小心屙咗系地下 事后我哋已经非常抱歉一直讲唔好意思 一直清理返座位同地上嘅尿 后面小朋友再次要poo poo我带咗出去返嚟先知贵店店员一直黑面 拖地嘅时候非常晦气地话: 忍唔到就同佢著片啦🙄 我阿姨已经同佢解释咗 小朋友戒咗片 又饮咗好多椰青水 我哋始料不及先造成事故 而唔系故意为之 仲不断同佢讲抱歉 但店员依然黑面相对 甚至我系带完小朋友返到四面泰 唔知呢件事嘅情况地下 依然同呢位店员讲抱歉 店员先生你可以闹我哋大人处理不妥当 我哋完全接受冇问题 但你嘅态度同埋去要求个小朋友嘅话语 我实在接受唔到 我同样都系做餐饮业 亦系一位妈妈 我哋自己铺头一样遇到过小朋友同样嘅情况 我哋都唔会以呢种态度相对 而且报以理解 并同对方讲唔紧要 小朋友呢个时候好正常 清洁返就可以了 希望贵店店员能够多一分理解 你自己都系去商场洗手间 你都知道有几远 如果我哋系方便去嘅 一定唔会选择俾小朋友用个樽wee wee 对于呢个事故 我哋再次非常抱歉对你哋店造成嘅不便 但你哋嘅态度 令我不会再想光顾!
继续阅读