四面泰泰式火鍋

营业中

休息中

沙田分店去食過好多次，但呢間都係第一次食，平日晚上，七點幾嚟到要等位，大概半個鐘到可以入座，不過入到去已經好多嘢售罄，有少少失望。👍🏻👍🏻推介：椰子雞肉湯底 - 雞肉唔鞋，椰子湯齋飲都好好味，而且呢度係fill原湯底唔係加水。竹笙蝦滑卷 - 蝦滑彈牙，竹笙索滿椰子湯，唯一缺點就係一碟得五條，份量唔夠食。牛肉 - 我地只係叫左價錢最平果款，但質素都唔錯。如果早啲嚟，可以坐到窗邊位置，睇住airside景色打邊爐就更加perfect 喇～

近期 Airside 排隊店～ 四面泰 🇹🇭@fallinthai今日揀左兩個 lunch set 純粹想試佢地嘅泰式火鍋湯底係咪真係咁正先～冬蔭功鮮蝦湯底確實幾吸引鮮甜幾濃郁唔算辣完全合香港人口味另一個椰奶雞湯鍋椰奶味幾香清清地如果要揀一定係冬蔭功首選肉類係西班牙黑毛豬腩肉同美國牛板鍵中size 130gm份量算多蔬菜姑類拼盤內有手打牛丸午餐肉泰式船面河粉手打泰式蝦餅新鮮炸起熱辣辣滿滿蝦膠好正仲有 special drinks 同無限添加嘅蝦片作為Lunch 嚟講CP值幾高環境幾大開揚坐得舒服可惜人手得四／五個人似乎唔夠應付午市差唔多坐滿嘅客人

去左Airside, 見到四面泰泰式火鍋就去左食。湯底簡左雙拼，選擇了秘制冬陰功鮮蝦鍋和椰奶雞湯鍋，味道濃郁且層次分明，冬陰功酸辣，內裡有蝦，椰奶雞湯香濃順滑，內裡有雞肉。蝦片免費無限追加，外皮香脆，涮火鍋吃也是不錯的選擇。另外店家提供三款泰式醬料，讓我可以跟據自己喜好/食物配搭合適的醬料。牛板腱肉質細嫩，涮火鍋後保有鮮美，配上泰式青醬更添風味。泰國船麵河粉彈性十足，能很好地吸附湯汁，吃起來很有滿足感。

喺Airside睇完戲，見到依間泰式打邊爐幾特別，就試咗佢哋嘅午市一人套餐，同朋友試齊兩款招牌湯底，冬陰功鮮蝦湯同椰奶雞湯🇹🇭冬陰功鮮蝦湯酸辣度啱啱好；另一邊嘅椰奶雞湯椰香濃郁😌肉類方面我哋分別揀咗肥牛同牛板腱，肥牛嫩滑，牛板腱有咬口得黎都幾有牛味。每個套餐仲有新鮮蔬菜、菌菇、午餐肉、牛肉，仲有泰式河粉，索湯嘅河粉無論邊款湯底都好夾😆最正係可以無限添加嘅泰國蝦片，脆卜卜好好食🤤每個套餐仲包罐可樂，午餐嚟講呢個價錢有咁嘅質素，性價比都算唔錯👍🏻食完火鍋，我哋仲encore咗碗「多肉龍眼蜂蜜椰冰」，用料好足，有滿滿嘅龍眼肉，椰冰椰味香濃又唔會太甜，清爽解膩😋

香港嚟講，泰式火鍋店越來越多，今日嚟到Airside嘅分店。平日放工時間，大概6:30左右，即入唔使等位。叫左冬陰功加椰奶雙拼鍋，飲咗啖湯底，好濃郁，兩個鍋底嘅味道都唔錯。用咗牛小排，蔬菜拼盤，金邊粉，同埋一啲配料。食物嘅質素都唔錯。不過我最欣賞嘅係佢三種醬汁，同平時食開嘅日式或者港式火鍋唔同，但係有泰式嘅風味，酸酸辣辣👍🏻👍🏻👍🏻呢度嘅蝦片仲係任食，我哋食咗好多碟，好脆好好味呢間分店嘅位置好大，每一張枱都有足夠嘅位置，冷氣又足夠，令人食得好舒服，呢一餐好滿足。

尋日約咗我嘅cooking buddy去Airside打泰式邊爐，因為鍾意呢度環境好舒適，座位之間有好多空間，好適合同閨蜜慢慢傾傾偈慢慢坐。入座仲有任食蝦片，啱晒我可以放任一下，因為我真係好鍾意食蝦片，平時又唔會特登買咁大包。另外真係要讚吓佢個鍋底，泰式鍋底真係好特別，我最鍾意食椰奶雞湯鍋，不過下次真係想試吓挑戰冬陰功😂😂同埋食物超正，尤其啲牛肉靚到呢🥰🥰多謝靚女張$100 coupon，搞到成餐好抵食😘😘

長期排隊人氣泰式打邊爐-四面泰泰式火鍋唔知點解次次經過都排哂隊,泰式打邊爐又真係少見既😂一早拎定飛,shopping 完等多陣就差唔多🙈叫左鴛鴦湯底,秘制冬陰功椰奶雙併,店員話可以先飲一飲湯先,椰奶湯底偏甜😅冬陰功都唔錯,點左手工笙蝦卷､西班牙黑毛豬腩肉､響鈴同皇帝菜,冬陰功湯底係惹味好多🙈 椰奶湯底岩當湯飲😛手工笙蝦卷,好爽口彈牙,黑毛豬腩肉都唔錯,配上3款泰式醬汁好match 😂仲有甜品係招牌椰皇凍,好濃椰香味,好清甜,唔算好奶👍🏻 泰式打邊爐幾特別,真係另一體驗😛

香港的 四面泰 主打泰式火鍋，招牌冬蔭功湯底酸辣濃郁，香茅與檸檬葉的香氣撲鼻，涮海鮮尤其惹味椰奶雞湯鍋**則溫潤香甜，適合怕辣的朋友寶藏海鮮金盒2人份 海蝦4隻，台山桶蠔2隻，爽脆皖魚4片帶子2隻，鮮活鮑魚仔2隻，手打墨魚丸2粒四面泰牛肉拼盘  肉類有5款左右 質素上乘蘸上特製青醬更添風味  餐廳環境寬敞，服務到位，唯價格稍高但湯底夠正宗，配料新鮮，整體值得一試愛泰式風味的話，這裡的酸辣鮮香絕對能滿足你

啟德四面泰泰式火鍋以其獨特的風味和多樣的選擇而聞名。餐廳提供新鮮的食材，包括海鮮、肉類和各式蔬菜，讓食客可以根據自己的喜好選擇。火鍋底湯有多種選擇，從清淡的椰香椰奶高湯到濃烈的「秘制冬陰功鮮蝦鍋」酸辣湯底，滿足不同食客的需求。「椰奶雞湯鍋」「椰奶雞湯鍋」口感順滑，椰奶的香甜與雞肉的鮮美完美融合。湯底清新，帶有淡淡的熱帶風情，讓人一試成主顧。用餐環境寬敞舒適，適合家庭聚餐或朋友聚會。服務人員熱情友好，為顧客提供周到的服務。此外，火鍋的調味料區也非常豐富，用戶可以自行調配出符合自己口味的醬料。總體而言，啟德四面太式火鍋是一個值得推薦的火鍋店，不僅食材新鮮，味道絕佳，還能享受到愉快的用餐體驗。若你喜愛火鍋，這裡絕對不容錯過！

同朋友一齊搵嘢食 佢竟然同我講有泰國火鍋😱😱平時好鍾意泰國嘢嘅，我完全冇食過，一於而家去試啦！醬汁同蝦片任添 個蝦片都仲係脆卜卜呢度兩個人份量 二人冇餐嘅都係散嗌 食到我同朋友都唔捨得走椰奶同冬陰功湯雙拼都真係夾！未落料之前記得試吓個湯啊☺️口感好豐富 去到最後先飲就好肥仔咖喇🤣椰奶好大浸椰奶味啱晒青青地嘅我 而冬陰功湯唔算辣佢蕃茄味好重未去到要辣到出晒汗嗰隻🌟手工椰奶餃子呢個餃清清地 落到個湯底朔晒啲汁都真係幾特別🌟炭燒豬頸肉肉質幼嫩 佢個醬汁都幾好味🌟美國牛板鍵唔會有肥膩嘅感覺 而且好薄一片片好快就熟🌟泰式手工蝦餅蝦餅真出色 真係做到外脆內軟嘅感覺 有青檸片幾特別🌟椰皇凍超級鍾意佢個椰皇凍 真係好重椰奶味仲有佢入邊個餡好似燉蛋咁好鬼滑 仲要食極都仲有完全tailor made 比口痕嘅我🌟芒果糯米飯擺盤已經贏晒 平時淨係成疊芒果蓋上個飯度😂 佢啲芒果唔會好酸 仲要佢切到薄片好易夾飯唔使自己再咬幾舊個環境其實都幾大同好寬敞 大家可以放心啦

以前喺沙田都食過呢間泰式邊爐，之前見啟德都開咗間分店就嚟試吓！閒日有lunch set一人鍋都幾抵食㗎～啟德呢間環境幾舒服，落地玻璃可以見到啟德體育園，可惜嘅係宜家體育園附近仲有好多工程進行緊，所以風景大多係地盤。Staff嘅態度幾好，第一次食嘅話會介紹各種泰式醬汁，serve嘅水有少少檸檬同青檸味，幾refreshing🍃 重點係！蝦片任添！佢嘅蝦片脆卜卜同埋有少少少香料嘅辣提味，嚟到緊係要添多啲！呢度出名嘅係佢嘅秘製冬陰功鮮蝦湯同埋椰奶雞湯鍋，佢仲可以揀慢燉牛板腱清湯鍋，但食過嘅朋友話唔推薦。個人唔太食得辣，冬陰功湯對我嚟講辣咗啲，所以椰奶雞湯係上上選！椰子味香甜，湯底好鮮，絕對可以當湯飲～仲要佢refill湯係加湯唔係加水嘅！可以放心飲😍一人鍋套餐可以揀肥牛，牛板腱或者黑毛豬腩肉，如果驚唔夠食可以加錢要多啲肉，基本係100g，對我嚟講都夠哂喇，因為每個餐仲會附有蔬菜拼盤，蘑菇，潮洲豬肉卷，泰式船麵河粉，同免費嘅可樂。餐廳都有一啲其他泰式特飲，不過我今次就無試喇今次叫咗美國嚴選牛板腱套餐(100g, $108)同埋西班牙黑毛豬腩肉套餐（100g, $98), 豬同牛都係正常水平最後

食物種類幾多，但是價錢偏貴，份量又偏少，D食物多數都係4件或8件，如果人數要4GE倍數比較好。食物質素又幾好，D蝦好新鮮，一串串串好晒都仲識郁。牛肉質素都幾高。加湯吾係比清水，真係湯黎！侍應服務幾好，而且蝦片可以無限加！呢樣最底讚。平日晚上無限時！

💙啟德Airside 泰式打邊爐💙💙冬陰公湯底高質💙🤰🏻Melo大推指數 (5分滿分)✅✅✅✅☑️香港人一年365日都要打邊爐♨️，但有時都想打得特別啲！啟德Airside 就有間泰式🇹🇭邊爐專門店都幾Jeng! 醬汁同蝦片都係無限添加 😍🦐 冬陰公湯底: 都有幾多蝦喺入面，湯底唔會太辣太酸，符合大眾口味🥩 牛肉拼盤: 差唔多有成4-5款部位，本身冇乜期待，但又幾高質，同幾大份🥥 原隻椰子凍: 原隻上好興奮，唔會太甜，打完邊，食搵椰子凍就啱啱好

平日下午茶時間到達，見唔洗排隊就試下兩個女仔，揀咗個午市二人套餐$399坐低之後有青瓜水飲同一碟蝦片，餐廳環境光猛，都算幾舒服。餐廳會一次過上晒所有食物，到齊之後見到份量係偏少嘅，應該一個女仔都可以食得晒呢個二人餐！🍲湯底叫咗椰奶雞 拼 冬陰功，員工建議先飲湯再煮野。就咁飲椰奶湯底幾好食，椰奶味夠香濃，適合煮海鮮；冬陰功湯底就一般，開頭飲都幾淡味，得辣味，啲料未煲得夠時間，食到尾先出味。🧆冇影到手打墨魚丸4粒 同 鮮鮑魚仔2隻兩款都好食嘅🥓牛板腱一般般，偏瘦起筋有渣渣🥗田園時蔬可以洗乾淨啲！乾淨啲！乾淨啲！菇菌類痴到少少泥都可以理解，抹下整走就得，點知夾夾下啲菜就越嚟越唔妥，又黃又爛都唔揀走佢，大大扣分！任何食肆都應該注意食物要乾淨！蔬菜份量好小家，蕃茄得2塊，秋葵得1條，仲要係破邊分感覺太孤寒喇～最後，估唔到一人餐跟一個麵，但二人餐得一個麵餅兩個人食？！🤔食完係唔夠飽，知道餐廳想客人叫埋其他加餸，但是…….明嘅就明另外，都講埋服務質素當日係下午茶時段用餐，舖頭得幾張枱有客，10個客人以內，基本上你唔問店員係唔會有人知道你個杯冇水同幫你refill杯水，但係餐廳又唔會放底一壺水俾客人自

📍四面泰泰式火鍋招牌椰皇凍第一啖食落去係creamy奶凍綿滑既口感 愈dap個椰皇味愈出 after taste係濃郁既椰奶香 加埋面頭既香脆椰子碎 味道口感都100分 好食到encore左一個 下次應該叫人頭份量先夠喉🤤MVP of the meal!!!!