四溢燒味店(明記)

营业中

休息中

話說，今次真係第一次走入熟食中心食飯！真係好感受到好地道食飯嘅香港人！雖然天時暑熱，熟食中心依然有大大嘅風扇，唔會覺得好焗！熟食中心好多都係碟頭飯，但係今次隱藏喺熟食中心嘅有呢間燒味舖！價錢非常合宜，啱晒上班一族食一個中午飯！今次我就食好啲，叫咗燒鵝髀瀨粉，大大隻燒鵝髀皮脆肉嫩，味道唔錯！最最最重要嘅係好耐冇食到瀨粉！好好笑，以前係喺連鎖店食得最多，出去真係冇乜點食到，或者係食得啱口味嘅，湯底要夠清，但係又要夠味，先可以配到唔入味嘅瀨粉～佢哋嘅都唔錯！

半年前喺網上見人推介呢間，聽講話老闆師傅以前係大集團燒味部總廚出身，之後開小菜館，再轉型返佢最殺食嘅燒味。 啱啱最近有機會去上環熟食中心，終於試到，果然冇令我失望！燒味飯餐$43起，雙拼加油菜都係$58，仲包例湯，價錢真係佛心。我哋叫咗原隻鵝脾、燒腩仔例牌，仲有一人套餐嘅叉燒＋切雞飯（半肥瘦比例啱啱好）。鵝脾皮脆肉嫩，啖啖肉厚 juicy；燒腩仔皮香脆到出聲，肥瘦分明；叉燒帶蜜香又唔會死甜，雞肉滑到好似啫喱咁。最驚喜係例湯，啲料足到見到都開心，味道啱啱好，唔會太淡亦唔會鹹到搶戲，顯到店家嘅誠意。用唔使$50就有靚燒味＋湯或飲品，食飽又食好，CP值爆燈，下次一定再幫襯！

週末嚟咗呢間喺上環嘅燒味店食個港式下午茶兼 very early dinner 🤣$118「黑鬃燒鵝例牌」：燒鵝皮燒到脆脆哋，燒鵝皮底下有層薄薄哋嘅脂肪好香口，燒鵝肉好好鵝味，呢個「例牌燒鵝」仲竟然有隻燒鵝髀，令我感覺幸福🤣$18「上湯浸菜」：浸菜係菜心，菜心新鮮，夠爽脆，簡單上湯浸已經好食🤣$12「無糖可樂」：依家天氣咁熱飲可口可樂就梗係正啦🤣 食得非常滿足嘅一餐🤣，食完之後我仲成口都係鵝油嘅香味🤣

友人介紹了上環熟食中心內一間燒味店，今日剛好經過，一於上去試吓。燒鵝，叉燒湯瀨粉燒鵝皮脆、肉嫩、多汁，且沒有腥味。 燒鵝皮脆口，帶有誘人的光澤。 咬落會有清脆的聲音，油脂豐富，香氣撲鼻。 鵝肉肉質鮮嫩多汁，富彈性，不乾柴，口感極佳。 搭配上酸梅醬，能提升風味，解膩開胃。叉燒肉質軟嫩多汁，肥瘦均勻，吃起來香氣四溢。
湯底非常鮮美，採用豬骨，鵝頭……..餚製而成，難怪多飲不渴喉。

奶茶也不錯，茶味濃厚，十分滑溜。

早幾日突然黑雨都係到擔心會唔會又無餐廳開食午餐，好彩熟食中心都仲有餐廳開緊，趁無咁大雨就去食個lunch。燒味店雖然係熟食中心入面，不過地方好乾淨。價錢經濟夠抵食，如果斬料淨買燒味都唔貴。食個一人燒味套餐好似比單叫仲抵食，有飯又有菜仲有飲品。加左$10要左個油雞燒鵝飯，油雞色水好靚有光澤，個豉油同玫瑰露個香味入晒味。燒鵝都幾好肉燒得唔錯，個皮係脆嘅，而且唔太肥。另外叫左難得出黎食飯，叫多左半斤叉燒食。鍾意佢地上檯嘅時候連個碟都係熱嘅，叉燒燶邊好正勁香。個麥芽比一般出面食到更加香更加濃，師傅出黎傾計話每日都會自己煮D麥芽再另外加D底味入去，唔怪知個味道香好多。師傅見我食得咁滋味，仲私人醒左兩細舊燒腩肉比我食，我決定下次再黎會係叫燒腩肉食，因為實在太好食

四溢燒味店上環熟食中心的四溢燒味店一直係老饕心頭好，雖然大雨，但係難得與同事嚟到上環做嘢，點都要去食一餐啦燒鵝油雞双髀飯，真係份量爆錶，油雞髀皮滑肉嫩，燒鵝髀油香四溢，外皮微脆內裏 juicy，每啖都好滿足。飯粒吸晒鵝汁，香口唔會死鹹。配埋一杯凍奶茶，香濃滑順又唔太甜，啱晒中午急速充電。燒鵝髀飯加合掌瓜瘦肉例湯，呢個搭配真係好貼心。燒鵝髀依然保持水準，肉味濃郁；例湯清甜暖胃，合掌瓜爽脆，瘦肉入味，一冷一熱，感覺好平衡。最後嘅鵝汁油菜，簡單但好重要，菜心爽口不苦，鵝汁鹹香入味，平衡咗整餐肉類嘅油膩感。整體而言，四溢燒味唔止食物夠味、價錢親民，仲有地道人情味。喺上環熟食中心呢個充滿懷舊風味嘅環境下，食完真係有種「返屋企食飯」嘅感覺。

同事話要去試吓呢間位於上環街市既「四溢燒味店(明記)」，香港既熟食中心一向臥虎藏龍，每間都唔可以睇小！ 分別order左2個招牌燒味一人套餐，$55 已經有菜有湯，脆皮燒腩仔個皮好脆，雖然冇上網講得咁誇張又熱又盛，餐廳寫明 11:00am/4:00pm先會出爐一次，但總算皮脆👍 叉燒我點左瘦叉，瘦叉係人都知稍一不慎就又乾又柴，呢度Pass！唔算特別juicy 但蜜汁咸咸甜甜都幾好餸飯！🥳燒鵝應該係呢度名物（？），我試左一舊，油香重，但係略嫌唔夠肥，比較瘦，如果肥啲就好🫢送左個湯，哥哥仔話係即日煲，個節瓜湯好甜，下次唔使嗌凍飲直接試吓個湯！另外要提下佢個飯，個白飯靚，個豉油靚，燒味就係要配靚飯🍚呢個價錢，好過食連鎖店😉我覺得遊客都可以嚟試吓！✣ 脆皮燒腩仔拼瘦叉+生菜+凍飲 $55+3（凍飲）✣ 明爐燒鵝拼脆皮燒腩仔+菜芯+凍飲 $55+10（燒鵝 ）+3（凍飲）+5（半隻鹹蛋）

已經係第三次叫外賣 (一個小時後返到屋企開飯)，諗住比多最後一次機會呢間小店，因對上一次已經唔好食，電話落單講到明要半肥瘦叉燒，返到屋企打開個蓋全部都係又瘦、又乾、又硬 (例牌$78) 仲話馳名？而燒鵝下莊就只有骨同皮($128 極之搵笨！)，燒腩仔又硬、皮又淋 (例牌$78)，唯一油鷄比較正常。一共$380食D咁難食搵笨嘅嘢，真係永遠永遠無下次！！！

作為叉燒愛好者最近睇完youtuber介紹即刻去試一間隱市燒味店性價比高嘅古法叉燒睇相都見到叉爆外層香脆焦香肉質軟滑鮮嫩口感層次豐富叉燒蜜汁甜又唔會遮蓋焦香味配撈粗唔會太膩剛剛好值得一試同場試埋明爐燒鴨燒腩仔頭抽豉油雞熟食市場中高質美食

價錢親民，性價比高！味道口感無得輸！香港島真係乜都貴過人，雖然話呢檔燒味係街市樓上熟食中心！地方又好乾淨企理，而且價錢確實係好親民！味道真係好味，隻燒鵝上枱仲出哂煙，义燒都係熱辣辣！原先我想要埋燒肉，可惜我去到既時候已經好味到估清咗（唯有我下次再早D去試）大家有時間不仿去試下呢檔絕對比得上大酒樓酒店既燒味檔。另外配飯或配瀨粉都好正！瀨粉既湯真係用番燒味既骨去煲，好正！我食完碗瀨粉平時唔飲湯既我，竟然飲哂成碗瀨粉既上湯，可想言之真係

好耐好耐無嚟上環熟食中心食飯時間 爆晒場熱鬧到啲回聲你同隔離講嘢都要控埋啲送熱飲或例湯 凍飲加三蚊下午茶時間兩點半開始單雙拼飯減六至九蚊例湯睇下其他枱差唔多七成人都係等緊開飯斬燒味唔係好快㗎咩！？結果我個飯都等咗十五分鐘以上先嚟如果食飯得一個鐘可能會好趕叫咗燒鵝五寶飯七十八蚊幾鐘意佢個燒味豉油燒鵝真係麻麻皮係乾嗰隻脆仲斬唔斷晒 食到成口碎骨燒腩仔都係普通反而覺得叉燒好好味鐘意肥叉要食食黯淡銷魂飯（肥淋叉加煎蛋）穩陣收八達通