四海遊龍鍋貼水餃專門店 (已結業)

我地1pm到達,坐左1半左右滿的客人,都唔算好旺,後來坐到full左~全是卡位,衛生,又坐得舒服!very good!拉開客人每張桌子的抽屜,也有足夠的餐具呢,衛生~職員有禮,我點左1份翡翠水餃+牛肉湯麵 $28, 牛肉湯底真係偏多油呀~但味道ok o既~麵條較粗,食得多好易飽肚.....水餃都足料,yummy~原來翡翠鍋貼也是綠色皮的....又唔會好多油,都好香口呀~加上蒜茸,醋,更加美味~配酸梅汁但唔明點解會比咁多冰o既.....仲之叫埋走冰好了..仲要好多粒冰也是大大粒.......好明顯飲品實質容量只有5分之3左右咋.... 都幾呃...可能加得好多冰的關係,飲品唔會好甜..帶少少酸...點解我見其他客人的酸梅汁沒宥加冰,只有我呢杯有加冰呢?今次蠢左,下次1定叫佢換呀!可惡食緊o既途中,見有桌客人投訴點解次次叫果d 食物上晒去後面果張桌....次次扲左過去先扲返轉頭俾自己張桌...他很激氣......

我點左1客雙併餐~ 任選5只鍋貼&水餃~一次過可以試兩款~因為見當時天氣乾燥,唔敢吃鍋貼-熱氣~我點左韭菜水餃, 細細隻,都幾爽口~牛肉水餃 有部份的牛肉幾硬....好開心有蒜茸,醬汁~真係好入味~湯品我選雙丸湯~ 有2粒貢丸,魚丸,個湯都重魚味o既~仲有紫菜,芫茜呢~很大碗sevice都ok,環境不錯卡位relax,乾脆~餐具放在每張桌的櫃筒內,都幾省位~調味料很充足~

當日去旺角睇氣槍兜過某酒店睇完自助餐有咩推介後想去花園街搵食...經過譚仔...見到新開左間四海遊龍鍋貼餃子專門店..好耐無食過鍋貼就行入去....見到友唔少新野....見到有擔仔麵...叫碗食吓..一來到仲有碗清湯...我就知佢地係做乾的擔仔麵...有幾隻細蝦仁...但點解無芽菜ge ?...我係台灣食個D有芽菜同韭菜...算啦..撈勻佢食...一撈即時有朕麻醬香味飄上來..正! 香港好多台灣麵店ge擔仔麪都係好多湯..又少(有D無)芝麻醬...同D肉燥撈勻後...又幾好食..先十幾蚊碗...好抵食

路過荃灣見到新開的台灣食店，立刻坐下點餐餃子或鍋貼單點的話最少要每款5條，於是點了泡菜鍋貼5件，還有一個蚵仔面線面線很快就送到，份量比我想像中少了一點，味道不錯，如果麵線可以多一點就好!鍋貼等多一位就送上，好好味，煎得好香，入面好多餡，辣度適中，連醋一齊正超正!鍋貼皮厚度適中，唔會過厚，入面又啖啖肉~正!可惜一個人唔夠肚食咁多下次經過一定會點一個鍋貼餐 (10隻 + 野飲) !

放工後特地到四海遊龍食野,6:45pm入去得1張桌的人客,之後陸陸續續有客人入,但去到7:30pm多人流減退很多…之後又變得靜悄悄…即使有員工0係門口派傳單,成效不大….人客始終很少 我唔太明白點解裝修完之後個招牌「四海游龍」 及 介紹豆漿的menu變左簡體字…????裝修後的環境很不錯,唔會每張桌也是卡位,餐具,桌面也是幾乾淨!無水跡,又抹得乾淨! 有多款的調味料職員雖然有d講普通話,但幸好佢地都識講廣東話…不爽的是,我地開頭的餐桌對正樓上有個喇叭,播d內地的歌又太大聲 又令人感到很煩躁….當時得2張桌有客人,所以自行轉桌好了….再過多10多分鐘,職員才把喇叭音量收細很多… 雙併套餐(鍋貼5件+水餃5件+湯品一碗) $28:chopsticks:招牌鍋貼 x 5件餡料有椰菜,豬肉~製作時間約12min,不算油膩~豬肉好吃,無硬物,椰菜絲頗爽口!鍋貼個皮厚度適中,底部帶少許脆卜卜!再沾上醋,可減少一點油膩感呢 但係menu上缺少了咖哩鍋貼,可惜,唯有去八方雲集吃吧…:chopsticks:韭菜水餃 x 5件韭菜很鮮味,翠綠色!兩至三口便可吃掉一件,真是十分美味,餡料夠汁,唔會好乾身!

上次到台灣Hea的時候, 老是見到 「四海遊龍」這連鎖水餃/鍋貼店, 總是過門而不入 (緣份未到)... 今天我跟太太去荃灣行街街時竟然也遇到這店! 我十分興奮! 雖然才剛喝過早茶,吃過點心... 但水餃,鍋貼的魔力實在太強大~ 我再忍不下去了~ 殺呀!! 我們點了... 牛肉鍋貼套餐‧(跟.酸辣湯), 韓式辣味水餃套餐‧(跟.泡麵), 蚵仔煎, 碗粿# 牛肉鍋貼: 新鮮! 熱騰騰, 皮薄餡多, 煎得又香又脆, 一咬入口...肉汁四淺!! 酸辣湯: 材料豐富! 不稀也不杰, 酸度&辣度也調得適中~ 夠醒胃!! 韓式辣味水餃: 材料是泡菜&豬肉~ 泡菜跟豬肉的相配度... 就有如, 諸葛亮 跟 劉備..(隆中對) 泡麵: 比起其他的食物, 這碗麵真失色了~ 蚵仔煎: 外表很可愛! 蚵仔夠肥, 蕃薯粉也煎得很香..口感煙煙韌韌! 酸汁調得不錯~ 不過頗為油膩~ 碗粿: 材料是米漿, 冬菇, 咸蛋黃... 口感有異常的層次感~ 其醬料是此菜的靈魂吧.吃了這麼多...才$89~ Happy!! Happy!!

記得第一份工喺荃灣，當時經常跟同事走去眾安街食 lunch ！事隔幾年，重遊舊地，有另一番新景象！依然有好多食肆集中於呢條街，仍然屹立不倒嘅有富都、翠華...等，其他大致上係新面孔！沿途行到差唔多街尾，見到門面新束束嘅四海遊龍。據店員得悉，最近喺眾安街開分店，原來已經有 14 間分店。真係要試吓！一踏進店內，見到台灣名勝之一，台北圓山大飯店嘅圖案；此外，播緊台灣歌星如劉若英、張紹涵嘅國語歌。氣氛唔錯！甚有台 Feel ！聽住歌食嘢，心情零舍 relax ! 店內大部分為卡位，坐得舒服唔侷促！呢度有 5 款水餃：招牌水餃 ( 椰菜、豬肉 )、翡翠水餃 ( 芹菜、豬肉 )、韮菜水餃 ( 韮菜、豬肉 )、牛肉水餃 ( 蔥、黑椒、牛肉 )及韓式辣味水餃 ( 泡菜、豬肉 )。 鍋貼跟水餃一樣 5 款口味，只是用上不同嘅皮及煮法不同而已！所有套餐有 10 隻水餃 / 鍋貼：$26 價錢合理！不論是否套餐，每款水餃或鍋貼，至少叫 5 隻。雙併亦可，要加 $2。此外，可選擇麵類套餐，配新竹米粉/台式泡麵或任何湯品一碗 ( 貢丸湯、魚丸湯、雙丸湯、酸辣湯、粟米濃湯 )。 台式特飲當然唔少得，有好幾款雙

去了幾次,這篇食評早該打了,可惜一直都很忙,吃了幾樣挺不錯的,可能去的時候比較少人,都是即叫即做,而我不愛吃水餃,討厭它的皮太厚鍋貼不錯,外面脆脆的,皮不厚,裏面還有一點點肉汁,還吃得出裏頭是甚麼餡,至於酸辣湯則不是很酸辣,倒是有很重的胡椒味,而且很足料,該有的都有了,以羹來說還合格的,但不能當酸辣湯喝不過的最愛的是那些甜甜的蒜泥,是真的蒜泥喔不是那些粗糙一粒粒的蒜蓉喔!還以為在香港吃不到呢!以前只在大陸的無名餃子店(這是它的店名!)吃到,而牛肉麵也不錯,麵度適中,牛肉也入味,而且一個套餐的份量很飽足,價錢又不貴,升斗小民也覺便宜總括而言,四海遊龍的食物還不錯啦,不過只能算是小店風味,要在香港生存仍須努力,

猛龍過江，由台灣開到來荃灣，店中食法以蒜泥和醋一起來吃，是有一番別有的風味，酸甜中有陣陣蒜香，但這樣吃，跟本吃不到餃子是咩味，如果放了其他肉再用咁食法，食客一定會不知自己吃什麼。我叫了雙拼（鍋貼和水餃），豬肉應該新鮮，但份量少，鍋貼，煎得不好，不夠脆，好似整定了，因為由落單起，不夠三分鐘，就送上了，水餃，算正常，等了15分鐘就來了，尼個反而份量多，但豬肉味淡，無驚喜，酸辣湯，少少酸，不辣，有味精，無特別，食完尼餐，都不會再來，味精重，不岩我吃。

又係老豆報料，話眾安街開了間四海遊龍，那就即管試試。本想要碗酸辣麵，可惜售罄，改要客牛肉拌麵。除了牛展之外，還有酸菜和紅椒絲，以及青瓜絲，味道酸酸辣辣的，幾醒胃；麵條質感煙韌，撈埋配料來吃，都唔太差。至於牛肉，其實是用上牛展，夠稔身。豆漿是有點豆香，也冰凍，不過仍有著粒粒粉粉既口感，要扣分。人手是明顯的不足，招呼自然不周，亦有漏單和錯單的情況，要急切改善。

2010年7月13日 (荃灣眾安街-四海遊龍鍋貼水餃專門店 - 1 ) ( 首評:183)台灣的四海遊龍鍋貼水餃專門店，近年來，業務已擴展至中國及香港，今天，這條龍已經正式遊到荃灣了。早上，元朗行完山後，並於元朗午膳，午後再回到荃灣，看見四海遊龍荃灣店己經開業，雖然肚子仍未算餓，但心中卻想試試，也不想太多，隨即內進，選了一客每日特價快餐，包括有招牌窩貼、貢丸湯及豆漿一杯。招牌窩貼，一碟有10隻，餡料是豬肉及椰菜，菜肉比例是肉多菜少，肉餡略嚡，肉汁不多，窩貼底部煎得到非常之香脆，而味道也屬OK的。貢丸湯，貢丸有三粒，貢丸口感幾好，但東菇味唔夠香，佳寶的貢丸香過佢，湯內有少許葱花，湯味隱約感覺到是用上了少量味精來優化的，只用貢丸煲湯...這樣都可以...?？其實有甚麼是不可以的？不過，我就不太接受了！豆漿，不太甜，有豆味，但不香，還帶點粉粉的口感，感覺比較濃杰，味道也是屬於普普通通的豆漿。新店環境舒服，服務幾好，招牌窩貼沒有想像中出色，但仍屬可以的。荃灣吃餃子的地方，也多的是，這邊廂有八方，那邊廂有大阪，要爭龍頭？這樣看來...還需努力！遊...遊...遊...努力向前遊了...。