影片
以上资料只供参考，请与餐厅确认详情
第一次帮衬，试吓佢嘅招牌镇店焗猪扒饭，大失望饭底冇炒过，系白饭（食咁多年唔同嘅餐厅都未试过饭底系无炒过嘅焗猪扒饭），猪扒重有小小雪味，而且唔香（如果佢煎得香脆啲可能会好啲），𠮶饭面又焗唔够，完全冇焦香！极其量只系一个茄汁猪扒饭。如果大家乐嘅焗猪扒饭我会比70分，咁佢哋嘅焗猪扒饭，我只可以比30分😓
继续阅读
自从调左去九龙湾返工，公司附近几乎食晒，成日都觉得食得唔满足（唔好食）。直至朋友推介去左信和中心4楼的四海，第一次觉得可以有个满足的lunch。价格唔算贵，55就有汤有饮品（最主要个汤超级超级好味，系我系加拿大读书的时候饮的地道的西汤味道）。可惜离我公司有段距离，而且距地都好旺，证明好食才多人去。真心羡慕在附近返工的工友，可以食到真正品质的午餐再来讲讲距地的服务态度，真的好过街舖好多大公司的餐厅，d姐姐都好nice！！希望距地继续出d好味的野食，我会成日去嘎
继续阅读
每次叫外卖例迟最少半个钟，冻饮d冰都溶晒、个饭都会冻晒，唔讲仲以为我咁低贱要食冷饭。虽然姐姐系用车仔送外卖，但杯野饮都系泻既。价钱工厦黎讲系贵，食物几好食都冇用。建议千祈唔好叫外卖外送，要食就上去堂食。
继续阅读
🇭🇰信和工商中心·我系E-Max真系太无啖好食 所以我一个之前系附近返过工既朋友就推介我试下呢栋工厦既茶餐厅🤣🤣·招牌镇店鲜茄汁焗猪扒意粉$50我自己就最中意呢间既猪扒意粉 佢个猪扒超大块 肉质几好 唔会太柴亦都唔会松肉到无晒口感 真系附近做得比较好既猪扒🐷之后佢个意粉质地都唔错 而且佢个酱都调得几好味 我系出奇地食晒大半个 感动😂😂·📍四海意粉屋 (九龙湾启祥道9号信和工商中心4楼410号舖)·#rby九龙湾
继续阅读
经过楼下，好多宣传牌、海报，比较多食肆集中喺呢栋工厦4楼，拣唔啱一间都进可攻退可守。去到已经上午10:40，同行友人点早餐2份，但本人想点午餐，身材娇小嘅写单靓姐话11点开始有，也就等15分钟。5分钟后，靓姐话师傅可以提早煮，所以拣咗份 绝味鲜茄免治牛肉饭配蜜糖孜然烧烤鸡脾，本身谂住呢类工厦速食食肆唔系观塘𠮶堆玩文青、高档、优皮feel，因而不寄予厚望，然而又冇揸流摊，卖相实而不华，饭量大概一点五碗，免治牛肉酱汁冇只用罐头现成，有自己加过料，肉碎足，烧鸡脾居然比一般茶记更像样，孜然味虽则淡，但只脾烧得好金黄色，冇㶶又湿润，如果佢搭些少杂菜已经追到啲打卡餐厅质素。夹咗友人几撮早餐米粉，系同平时茶记、粉面舖用嘅有啲出入，但又唔系新竹𠮶款咁幼身，佢粗身啲、呈少许透明、嚼口弹牙，配埋泰式酸辣汤底都几醒胃。热柠茶都几浓郁，柠檬一路浸住饮到尾都冇涩味，用嘅非渣嘢。两早一午餐盛惠$122，咁嘅质素，抵到烂。
继续阅读
您可能会有兴趣的...