四月初八精品素食

营业中

休息中

行過好幾次，都想食素，但次次行過，到最後都走咗去吃肉(茶餐廳粉麵店)。有時外面行過覺得，裡面咁簡陋嘅，又好似無乜裝修、燈光昏暗，都唔知掂唔掂。咁今次都係行過，已經過咗一兩步，睇到門口有特價牌。终於的起心肝，走入去。睇下餐牌，最後都係叫特價飯加素湯。湯還可以，足料，淡少少更好。菜係苦瓜頭菇，即炒，非常掂。好食，估唔到，因為一般素吃麻麻地。所以即炒，係零舍唔同! 碗飯都有quality, 仲好大碗，下次可以少飯。桌椅非常乾淨。其實一週吃一次半次，或一個月吃兩三次，也不過份。少殺生，健康，清腸胃! 推薦

餐牌內衆多食物中最吸引到我就是云吞麵，原因是素食店中較為罕見。結果無失望。非常好食，菜心一咬下去竟然是爽口、幼嫩無渣，大概最少四條菜，菜量比其他店不算少。湯清香夠熱，麵好傳統，又有咬口，無好重的梘水味，云吞皮又無爛晒，饀料彷佛有素肉、菜葉和蒟蒻，都ok。解到我对云吞麵的相思，屬於素食也食得安心。整體美味程度比有些粗製濫造麵店的有蝦云吞麵還好。坐下就見到牆上掛出佛经和娑婆三聖的畫象，已感到法喜充满。环境衛生不錯，光猛乾淨。店員也很有禮貌。整体滿意，会再光顧。

好香鎮江醋味，好入味，加上少少薑碎，第一次食到咁香口嘅鎮江素肉，而且唔係炸嘅。 另外有啲一舊舊嘅，一開始以為係豆腐，夾起先知係芋頭，外脆內綿密，剛剛好，外面一層脆嘅係類似拔絲嘅薄脆。

野食有鑊氣，香口好味，中湯好足料好飲！（湯跟餐加10蚊～）重點係店舖同店員俾人既感覺好舒適，對於獨自用膳既i人黎講，係好舒服自在既一餐～感動～可以成為日常飯堂～

見到素食谷介紹，見好多人話係佛手柑舊地址，去到原來唔係，係要轉番去柏樹街入大南街先啱。 不過都好近！今日去到係下午茶時間，兩個人叫左一個海南雞飯餐，一個叉燒湯麵餐，一個炸雲吞小食。 叉燒湯面面質好好，爽滑彈牙， 海南雞飯，好有我以前成日去佛手柑食的味道， 後來問一下才知，師傅都係出自佛手柑的師傅手藝。炸雲吞脆而不油，好好味！餐飲生姜蜜同凍檸茶，都ok 的。$52包埋飲品，真係覺得好抵！ 而且地方超乾淨，又舒適。總結係以後會成日去食 😆

真漢子新鮮熱辣，試咗一間新開嘅素食餐廳，叫做「四月初八」，前身為「佛手柑素食」。😄晚巿有十多款小菜選擇，我問老闆娘邊款好食啦，佢就話款款都好㗎，所以叫精品素食，okay 😆。憑直覺就叫咗「梅菜猴頭菇蒸豆腐」$88，送白飯，加咗 $10 要素翅酸辣湯，另外叫咗小食「燕麥叉燒包」$26。🥯個酸辣湯基本上係碗仔翅嚟，不過加咗少少酸味，配料有木耳，豆腐絲，筍，唔係好食到有素翅，不過我鍾意佢個湯唔會煮到好杰。聽到有個客人話唔夠酸，其實我覺得係好味嘅，只要唔當佢係酸辣湯咁飲就 ok。👌🏻唔知幾時開始叉燒包興加燕麥。個包比較細個，幾鬆軟，餡唔多，味道都算好。😊到主菜喇，見到平時做主角嘅猴頭菇軟弱咁灘咗响豆腐上面，不禁有啲唏噓，心諗，唔炸又唔重口味嘅猴頭菇，點會有運行呢？😭一邊食，一邊諗邊個設計呢個咁騎呢嘅組合 😅，咦，塊猴頭菇咁好味嘅？有啲煙韌，又好鮮味。呢刻我諗通咗喇，佢係扮緊帶子呀~~~~。🥹 無論口感同調味都超似食緊帶子蒸豆腐，邊個咁聰明諗到呢個做法㗎，太勁喇~~~。😭冷靜返，講返梅菜同豆腐先，呢個組合當然係冇得輸㗎啦，好好味又好送飯。😋見仲有胃口，好想試雲吞，老闆娘話係港式雲吞，我本來想食剩