影片
光顾多年老糖水店，由本区夫妇二人打理，多年来始于如一，回归基本步，简单以凉粉、西米露、大菜糕、黑珍珠等，配搭其他鲜果，连同一些传统中式糖水，就喺上水区屹立咁多年。虽然转过铺位重开过，但个味道、份量都无变过，纵然加价，亦系合理范围。糖水唔花巧，但基本嘢都好满足到味蕾，小食亦一样，只得烧卖肠粉鱼蛋，但过吓口瘾已经够哂。由以前中学食到而家毕业，系有种情怀不变，亦好似系同老同学嘅落脚点，就算热死辣辣夜晚行张枱仔街边一人一碗倾计，都好满足写意。
继续阅读
支持小店 老板好好笑容 经过无意之中见到买返屋企食好似冇堂食 呢个价钱出面好难揾到价钱平 吾太甜 甜度岩岩好 岩晒我口味 下次会试吓其他糖水 希望其他糖水都吾会太甜😍经开一定再帮衬
继续阅读
呢间野已经经营咗好耐，两公婆一齐打理，唔似一般街外糖水，细细间，但款式都算多而且几特别，会用红豆配糖水，虽然听落好奇怪咗，但就出奇地夹同好食，而且材料好足，呢个价钱又平又抵食，未有疫情个时仲可以坐露天位食，但宜家就要外卖啦
继续阅读
细细间甜品店，唔系特登行过嚟都唔会发现佢，最钟意佢就系可以一路食烟一路食糖水，隔离又有得泊车，心血来潮想食糖水呢度系一个唔错嘅选择，应有尽有，而且味道唔错，最紧要够方便❤️
继续阅读
突然好想简简单单食碗糖水，但发现原来好多甜品舖一系食冰、一系食生果为主，再唔系就又贵、又细碗、又唔够味仲水瘳瘳好似加水沟稀咁 (X嫂)最尾喺open rice揾到依间四方果甜品舖，离远已经见到好多人帮衬，个心都定啲，试咗全店最平嘅芋头紫米露…心谂先$19蚊都打定输数…见老板娘捧住一大碗过嚟，紫米露够味够芋头又够粉、唔会太甜，而且老板娘建议落花奶确实加分口感滑溜整体来讲不错，不过冬天系室外食始终有啲冻，如果介意坐街边食可以买外卖。Ps如果同food panda联营会更方便，满足想足不出户又想叫外卖嘅食客
继续阅读