四川重口味

今日放学同朋友去食，咁我哋几个都系学生，佢门口大大只字贴住话学生可以送嘢饮，跟住我哋嗌完嘢食开开心心去攞嘢饮，咁佢话可以去雪柜攞嘢饮但系就唔可以送即冲嘅嘢饮，我同我个friend就攞咗一人一支王老吉，跟住坐低成15分钟佢先嚟送餐具，佢就顺便见到我哋攞咗王老吉，跟住闹我哋话明明净系可以攞汽水，同我哋讲话饮王老吉要收$18，最后我哋呢两条水鱼俾咗$36去饮两支王老吉。仲要佢啲嘢劲难食，明明个friend嗌小辣但就辣过我嗌中辣，嗌毛血旺入边全部剩系得蔬菜，讲真佢啲服务态度真系极差，啲嘢又唔系特别好食，真系奉劝咁多位，唔好入去食，成条街全部都系更好嘅选择🥰 …查看更多

今日要请朋友食饭，答谢朋友帮忙，选择咗一间重口味的餐厅！这间餐厅名字的确好吸引人。东区这边冇乜嘢好选择！喺OpenRice揾到佢。我哋一共有四个人，叫咗鸡煲和一啲打边炉的菜。佢呢一间舖最抵死嘅系可以有四川炒𩠌，𩠌菜款式都算好多，食完饭仲可以有甜品，不过冇影相。今日系星期五晚，其实都几多人，好彩唔使排队，佢哋有两层，楼上有好多位置，其实都几舒服，因为佢摆枱唔多，好多空位可以有自己私人空间，下次倾偈聚会都可以再嚟！yeah…查看更多

上星期去过深水埗，食过呢间嘢！个名叫做重口味好容易记！今日去咗筲箕湾揾朋友，经过东大街发现个名同佢哋一样，都系叫做重口味，装修靓好多。问吓职员原来系同一个集团，反正都要食午饭，就试吓会唔会有唔同味道。叫咗一个口水鸡午餐，要求要走地鸡少少辣😅，鸡嘅肉质比平时食的有少少好感，鸡皮比较爽，少少辣完全冇将鸡嘅味道抢走，味道非常适中，会太咸唔会太辣，份量真系好大碟，食晒啲饭都未食得完啲鸡。究竟老板有冇钱赚㗎？总结味道同深水埗统一，分店都keep得住！…查看更多

最近和朋友揸车去筲箕湾东大街食饭，因朋友比较钟意食辣，所以我哋揾咗间专做川菜的重口味。在外边睇铺面光猛，入到去环境卫生可以接受，侍应们都忙着工作，重开始找人落单到落完单大概3-5分钟，可以接受。一共叫了三个菜，孜然菜花，辣子鸡，回锅肉。最好食系辣子鸡，鸡肉新鲜，炒出嚟嘅味道在重口味嘅预期下也可以接受，回锅肉嘅猪肉唔算肥，菜花呢，啲油亦唔算多，刚刚好，总体辣度适中，而且也可以拣辣度，比在国内食嘅川菜清淡和少油。…查看更多

叫左酸菜鱼 （鲷鱼），真心第一次食到咁弹牙嘅鱼。系弹到唔太正常！？仲要好重味精另外仲叫咗个红糖糍粑 六条$48，都唔似糍粑！里面唔烟韧，仲好黐牙，外面好脆系硬嘅脆！红糖系好稀嘅红糖浆……查看更多