114
8
4
港铁炮台山站 A 出口, 步行约4分钟 继续阅读
电话号码
23456826
营业时间
星期一至日
06:30 - 21:30
付款方式
现金 八达通
食记 (148)
等级6 2021-03-28
3011 浏览
朋友知我一向爱去茶记,推荐我试吓「四宝食堂」,不过,时间过吓过吓,无咗回事,亦完全忘记咗。早前,过嚟搞啲保险嘢,见到「四宝」就醒番起,今晚就喺专登约个旧同学聚一聚,食餐茶记便饭。 简洁嘅餐厅门面睇落好醒神,室内打横长形,主色调用上湖水绿,加上光鲜整洁,清爽舒服,霎吓眼仲有种优雅咖啡店嘅感觉,而唔似茶记。见到有食客食完,店员除收拾餐具外,仲会喷洒消毒剂清洁枱面,更感餐厅注重卫生。 虽然话喺茶记,睇完主餐牌就有种非一般茶记嘅感觉,因为,唔单止见惯见熟嘅港式嘢,如小食、炒粉饭面、小炒,仲有薄饼、滑蛋盖饭、特色拌面……等等。 另外,仲有一纸底面两页嘅晚餐,一面喺晚市常餐,另一面喺小炒晚餐,但要留意,後者话就话叫喺晚餐,但餐汤、白饭、饮品均要加钱另配,咁……就唔叫得喺餐喎! 港式什扒 $98友人喺食肉兽,所以,一早就睇中啲扒餐,选呢一款有鸡扒、薄牛扒、火腿扒、司华力肠嘅港式什扒,佢话有啲缅怀感喎。配埋薯角,果然喺大堆头,食到佢话好饱,质素亦都唔错,见条司华力肠鎅晒花,都俾高少少分。不过,佢话兜黑椒汁又唔使俾到咁大碗,此外,如能以铁板上就更有感。 喜哥葱油猪扒煎蛋饭 $62呢款喺朋友推荐我试,话块猪扒劲大又松化,所以,就投其一票。哗!又果然真喺好大块,而且几厚身吓,冚晒成个饭面,的确,啲猪扒煎得甘香,咬落质感松化富肉汁,不愧喺店家嘅招牌推介菜之一;更俾咗好多葱油,而太阳蛋煎到蛋黄荡吓荡吓,啱晒我,蛋黄葱油捞饭,一流呀喂。 热奶茶 +$5我个饭喺散点,唔包嘢饮,嗌热饮或餐汤就要加$5。热奶茶喺去茶记嘅一贯心水,呢度嘅奶茶都唔错,有茶香,唔单薄,口感亦算滑。 而友人就要咗冻柠茶少冰少甜,果然喺少冰少甜,兼够多柠檬。啲阿姐招呼都几好,地方又卫生整洁,唔知喺咁啱定喺店家嘅一贯服务要求,我哋所点嘅主食,都喺同步送上枱,有别一般茶记有咩出咩,呢个亦喺加分位。 继续阅读
(以上食记乃用户个人意见 , 并不代表OpenRice之观点。)
等级2 2021-05-14
103 浏览
近排好似好多地方都有四宝食堂嘅分店,今次就嚟到天后呢一间试吓。入到去环境都几乾净,座位阔落,全程都坐得舒服。附近好多日都系食紧小菜,今日就试吓佢个常餐先,佢个常餐有得配热狗、牛角包或者奶油猪。我叫咗个葱油猪扒拌面配热狗,同埋忌廉乌冬配火腿芝士牛角包。价钱唔记得咗系$68定$78🤣🤣。一嚟到佢个葱油猪扒真系吓亲我,完全系加加加大码,超级抵食!食落猪扒唔会太硬,好松软,外面煎得好香!葱油都好香,用嚟拌面一流个热狗就不过不失啦,正常至於个忌廉乌冬都好好食,乌冬好烟韧,酱汁唔会太浠又唔会太稠糊,挂落乌冬到岩岩好,味道都好好,唔会太淡太咸。乌冬跟餐嘅火腿芝士牛角包🥐,好大件好软熟,夹埋芝士火腿一流!❤️下次再嚟嘅话会试吓佢嘅小菜,斋睇人哋食都觉得好够镬气!😋😋 继续阅读
(以上食记乃用户个人意见 , 并不代表OpenRice之观点。)
等级1 2021-04-06
270 浏览
今日买杯奶茶饮,我同果个短发女收银员落单,当我要求少糖,少奶时,佢就同我讲:你第1次出去买野食?(连续讲2次),跟着又话:糖本身自己加啦!说话咁难听,下次唔一帮衬! 继续阅读
(以上食记乃用户个人意见 , 并不代表OpenRice之观点。)
等级4 2021-04-06
213 浏览
同朋友假期行港岛,行行吓去咗炮台山,又肚饿,所以即刻搵间餐厅坐低食嘢,见到呢间茶餐厅几靓咁,就去试吓!一打开餐牌,见到样样野都好吸引,挣扎咗一阵,就叫咗个经典滑蛋叉烧饭,港式杂扒同一个芝士烟肉焗薯角。个经典滑蛋叉烧饭真系不得了,好经典,叉烧唔单止半肥瘦,又多,又够味,加埋十分出色嘅滑蛋,一啲都唔老,嫩到好似BB仔块面仔咁,真系抵佢叫招牌菜!一间茶餐厅好唔好食,佢个杂扒都系一个指标。首先,呢个铁板够哂热,薯菜嘅薯角系脆卜卜㗎,生菜都好新鲜!司华力肠够哂大条,又有烟熏味,好正宗;鸡扒皮脆肉入面好嫩好juicy,仲要大大块,大过我块面;牛扒薄得嚟有啲脆,又有啲牛油香,所有野都好夹,冇嘢系多余嘅!我朋友见我啲薯角咁好食,佢都叫咗一个芝士烟肉焗薯角满足下,个薯角芝士同烟肉多到,CP值好高,食完都饱哂!冻柠茶一杯大家经开呢度,不妨试试呢间四宝食堂! 继续阅读
(以上食记乃用户个人意见 , 并不代表OpenRice之观点。)
等级2 2021-03-28
120 浏览
下午茶餐A-C牛油多士改菠萝油+8, D餐原为火腿芝士牛角包,你地估下转菠萝油要加几钱?8蚊!唔紧要,紧要既系态度!嗰位哥哥大大声咁话,「都系一样,要唔要随得你」!真系觉得佢好有性格,亦即刻知道佢唔系老细,因为老细系唔会咁样回答顾客嘅!食物嘅味道系几好,价钱略比一般茶记贵但系坐得舒服,但因为有咗呢位哥哥,我决定唔再返黎!炮台山呢一带好多特色食肆,选择系好多嘅。如果稍为有一啲啲唔舒服,亦都唔需要委屈自己! 继续阅读
(以上食记乃用户个人意见 , 并不代表OpenRice之观点。)