四季‧悅 日本餐廳 (遠東金融中心)

营业中

休息中

四季、悅日本餐廳朋友推介金鍾食日本菜,餐廳位於港島繁華商業區金鐘遠東金融中心UG層,餐廳裝修簡約有啲懷舊感,餐廳主打日本菜。燒西京銀鱈魚配御飯Grilled codfish in saikyo sauce rice$268套餐前菜有前菜三點,海鮮三文魚籽茶碗蒸,大蜆麵豉湯,甜品和熱檸檬水,前菜三點有日式豆腐,水雲和沙律。吉列黑豕配魚飯 Pork chop cutlet,rice $248套餐前菜有前菜三點,海鮮三文魚籽茶碗蒸,大蜆麵豉湯,甜品和熱檸咖啡,前菜三點有日式豆腐,水雲和沙律。鯛魚薄切佐白松露海鹽(6切)Sea bream sashimi w /white truffle & sea salt(6pcs)$88

位於金鐘的「四季•悅 日本餐廳」，係一間已經開業接近40年的日本餐廳。店內裝潢舒適優雅，貴賓區設有獨立廂房，無論係二人晚餐或朋友聚會都適合晚市時段設有日式放題、極尚套餐或各種單點日本美食，選擇豐富多元化意式風乾火腿沙律沙律菜新鮮爽脆，意式火腿鹹香滋味吉列和牛配御飯金黃香脆的吉列和牛，炸至大約七成熟，合共有六件。外脆內軟，和牛脂肪分布均勻，肥瘦適中，牛肉味好濃郁呢！燒西京銀鱈魚配御飯銀鱈魚厚切大大件，燒得剛剛好，魚肉鮮嫩多汁，非常甜美，佐飯一流，勁好食！套餐包括前菜三點、茶碗蒸蛋、大蜆麵豉湯及甜品燒菠蘿、秋葵、翠玉瓜、阿波美雞翼額外單點咗啲串燒，每款都好出色！雞翼燒到脆卜卜，好juicy熱檸茶及凍檸茶

上次聽朋友講才知這橦大廈上面竟然有食肆，朋友食過這餐廳的放題抵食又好食，今日來試試這餐廳。今晚不想食太多，沒有點放題，每人點了一個main。•Dinner set 1 - 吉列和牛配御飯set $388意式風乾火腿沙律本人麻麻地愛食Parma ham，全碟交俾朋友食😂 •大蜆麵豉湯想不到入面真有大大隻蜆，增添了麵豉湯的鮮味，蜆肉是鮮甜的，並沒有因為滾久了而變得淡味，不錯~ 茶碗蒸心心眼😍 嫩滑的蒸蛋滿足感上升！•吉列和牛配御飯 $388賣相很吸引！件件吉列牛中間都呈粉嫩的紅色，吃下去金黃色的炸皮不厚，炸得酥脆，濃郁的肉香搭配上香氣十足的御飯，十分佐飯。•Dinner set 2: 御品8貫熟壽司 $338 前菜3點（豆腐，枝豆，中華沙律）豆腐夠滑嫩，枝豆夠鮮甜，中華沙律的青瓜夠甜夠爽脆，帶來清爽的口感！•御品8貫熟壽司 $338 看上去顏色豐富，材料滿滿: 有八款壽司 - 玉子、燒白鰻、火炙帶子、鮮拆蟹肉軍艦、銀鱈魚軍艦、煎鵝肝、炸蝦和火炙和牛🍣玉子壽司: 玉子嫩滑可口🍣燒白鰻壽司: 略嫌白鰻不夠熱，香味不夠🍣火炙帶子壽司: 帶子肉厚而鮮甜，經過火炙後表面略帶焦香，而內裡仍保持著柔嫩

在金鐘看完展覽會，順道在附近開餐！四季．悅的門面甚吸引，相信應該是高質素的！環境甚俱氣派，光明几淨的壽司吧！先上前菜，分別有蟹籽胡麻醬豆腐、青瓜絲沙律及枝豆，簡單開胃。散點了一份御品8貫熟壽司 $338，有八款熟食壽司，分別有燒白鰻、火炙帶子、鮮拆蟹肉軍艦、銀鱈魚軍艦、煎鵝肝、炸蝦、火炙和牛。八款皆美味，不知從何入手，食那一件先 😂😂鵝肝壽司，外層微焦，內裏軟綿，肝香濃烈，配飯做壽司也挺不錯的 😋😋茶碗蒸，放了三文魚籽，美靚又美味！加入蜆肉的麵豉湯，味道特別鮮甜 😋另一份餐，點了岩鹽板A4薩摩和牛厚燒120g 配御飯 $358和牛油香滿滿，肉質嫩滑，廚師功夫了得，牛肉剛剛熟，好味道！配菜伴有車厘茄、菇菌及秋葵，精緻又美味。牛肉可以掃掃鹽板，吊一吊味、伴飯甚佳 👍一邊遠眺金鐘繁華夜色，一邊嘆高級壽司，人生一樂也！

同朋友慶祝生日，想揀一間坐得舒服啲嘅餐廳，就揀咗呢間位於金鐘遠東金融中心嘅四季.悅。 幸得職員安排了𥦬邊座位，很闊落。我哋點咗：龍蝦天婦羅御飯、清酒煮蜆、雜錦天婦羅、煎廣島蠔、鮑魚龍蝦天婦羅御飯：第一次食炸龍蝦，龍蝦肉質結實亦爽口，炸漿剛剛好，唔會太厚，味道好好，另外還有菇天婦羅、蕃薯天婦羅，都好豐富清酒煮蜆：蜆肉清甜，不過份量唔多，大概有十零隻蜆，如果多啲蜆，會更好雜錦天婦羅：最鍾意食蝦天婦羅，爽口，南瓜天婦羅都好甜炸廣島蠔：薄薄的煎得香口嘅廣島蠔，濃郁甘香。鮑魚：比較淡味，朋友覺得味道一般

1）門口職員態度惡劣，寸過澳牛阿叔2）大部分食物都難吃，好多都冇調味，例如叫咗碟燒雞翼竟然都係毫無味道3）材料入貨差4）食物款式種類少5）唯一優點係交通方便，鄰近地鐵站結論係冇下次，完！

今次行過呢間餐廳，真係有啲驚喜喎😲！初頭食邊款好煩惱，點左幾樣推介嘅嘢試吓先。北寄貝同燒大腸串，呀！口感真係夠晒彈牙、燒得啱啱好，又唔會咁易食膩。走餐牌上嘅火炙三文魚，外層微微焦脆，入口即化嘅口感夾埋魚肉嘅鮮甜，無話頂！👍講吓軍艦同卷物，蔥吞拿魚蓉軍艦幾正點，魚蓉夠味又唔會過於膩口，平衡得宜。至於炸物部分，明太子雞翼同炸吉列蠔就真係啱晒我胃口，雞翼香脆得嚟又有明太子嘅鹹香，而炸蠔又肥美多汁，食完又想再黎一啖！嚟到主食，迷你咖哩牛肉飯同咖哩牛肉烏冬味道剛好，唔會過重，個咖哩香濃得黎又唔會攝口，真係食到停唔到口。😋整體嚟講，節節勝利，服務態度又好，環境清潔舒適，一家人或者同三五知己嚟，都啱哂。下次有機會，一定再嚟添！🥢💯

學樓下個位話齋，只有你感覺不良好的時候才會寫食評！！首先當日去到唔知道lunch只有星期六日先有放題，網上沒有任何資訊講明邊日有放題。如果唔係朋友有張現金券未用，一定唔會喺呢度食個lunch！！門口服務員無服務態度，上下打量你一身然後好似大你食唔起咁。👍🏻👍🏻👍🏻👍🏻👍🏻（想食放題啫，唔代表食唔起其他嘢，ok？）最後去左貴價區個邊我地又唔啱嘅，帶咗個大廚去試菜普通質素都變更加低質了大廚很簡單講：普通的齋燒雞翼（鹽都冇落個種），一隻賣$58？？？？我笑左10分鐘😁😁😁話大廚，都話你窮啦難怪人哋都覺得我哋窮

第一次到這間店舖，平時去開九龍灣個邊，不過環境較為狹窄，始終係金鐘，地方較為矜貴，服務方面有少少不同，酒類飲品是公開擺放自取的，九龍分店就由服務員安排提供，食物方面與九龍分店無異，種類繁多，刺身、壽司、熱食、甜品、飲品⋯價錢適中，是放題的優質選擇。

幾日冇去四季悅吃早餐, 平時坐下有服務員俾杯茶, 今日冇, 兩個服務員企響度冇嘢做都唔拿茶給客, 我於是叫其中一個可否給我一杯茶, 佢態度不耐煩回應叫我自己去拿, 原來現在改為自己攞。四季悅已變自助快餐店, 隔離有幾間, 使乜去四季悅, 就箅好食都唔會再來。服務下降, 應該學下祖國服務員待客態度, 講完！

今晚咁啱唔同朋友食晚飯，落左金鐘搵嘢食，但係冇做資料搜集，隨意咁入左去呢間日本野食放題，佢話折實咗330幾蚊，感覺都可以試下。但係點知坐低叫左啲嘢食返嚟，就發覺係好慳皮，大部份質素係冇乜，我都明白香港地租金人工成本高，就算佢收哩個價錢都只可以係啲"行"野，但係可能我食野都係要求高，所以見到啲食物都無曬心機，食左冇幾耐都投降，都係止蝕離場，實在冇乜嘢好食，唔想再浪費時間。唔怪得而家咁多人都係北上去搵嘢食，性價比真係高，交通又比以前方便左，咁係香港做食肆真係比較難生存，我只係夠膽去搵啲簡單款式或者穩打穩紮嗰啲仲好，如果食放題真係要做清楚資料搜集，避免自己覺得太失望。

由於某件眾所週知的世界事件，本身對日式放題已失去興趣，但久久未有出黎食野加上巧遇社交平台上既廣告推薦（原價買一送一晚市放題），嘩真係冇得輸，咁大隻蛤乸真係唔試唔得，立即捉住優惠既尾巴去振興夜經濟當晚晚上6點半到達，本抱住咁抵食一定好鬼迫既心理準備去到，係店員既笑容帶領下入到去，嘩，完全空蕩蕩，真係嚇左一跳，面書仲話反應熱烈，優惠加推，欲購從速不過場地靜唔代表食物質素受影響，畢竟平均每位二百蚊鬆d既價錢，想食到靚既海鮮刺身可以話發緊夢，但呢度？完全超出我意料之外，全部都勁新鮮，仲有兩位師傅拼好個display出黎，真係以為去左fine dining 真係全部都入口細滑，魚油均勻，微微既甜味，前後2round都成盤食晒。100分。跟手記係我係咁食既味噌湯海蝦煲同清酒蜆煲，d蜆甜得黎冇沙，d蝦實肉彈牙仲竟然有膏係個頭入面，真係冇得頂，可惜蜆冇酒味，蝦冇味噌味😂但反而更好炸軟殼蟹同芝士青口，講真邊有可能用呢個價食軟殼蟹呀，但就真係有喎，成半隻手掌咁大仲要炸到剛剛好，可以睇到佢一d都唔油膩，毫不反光就知我冇吹水，仲要有膏（橙色），單單食佢都回本啦衰鬼相反個青口就一般般凍凍地🤦‍♂️食食下突然有盤野

星期五係中秋節，上司請我地黎金鐘四季悅食lunch。之前食過四季悅平價個邊既lunch同夜晚放題，普普通通。今次去貴價行商務路線個邊食，質素果然好好多。每個極尚套餐都包前菜3點、海鮮三文魚籽茶碗蒸、大蜆麵豉湯。前茶3點有枝豆、青瓜沙律、凍豆腐。我叫左御品8貫熟壽司，有燒白鰻、火炙帶子、鮮拆蟹肉軍艦、銀鱈魚軍艦、煎鵝肝、炸蝦、火炙和牛。全部都唔差，比想像中飽肚。因為適逢中秋節，每人有個奶皇月餅拎走。

【香港搵食🍴】四季・悅 同事升咗職 誠邀我哋幾位同事去食呢間四季・悅揭menu好多嘢都想食 所以決定幾個share食每個set都會包前菜3點 海鮮三文魚籽茶碗蒸同埋大蜆麵豉湯前茶有蟹籽沙律 枝豆 麻醬豆腐 味道無乜特別海鮮三文魚籽茶碗蒸 個面頭鋪咗大粒三文魚籽 蛋蒸得好滑 有隻蝦喺最底 幾好味大蜆麵豉湯 一碗有3至4隻蜆 唔會咸 🔹️龍蝦天婦羅配御飯龍蝦有五件 但炸得有啲乾身 不過就啖啖肉🔹️照燒無激素雞腿配御飯叫呢個餐等最耐 差唔多20分鐘先有雞肉嫩滑 個醬汁連埋雞一齊食好好味🔹️吉列豬扒配御飯首先會送上一個盅連埋芝麻 俾我哋整碎再倒落個醬度炸得好脆 炸粉唔算厚 仲有少少肉汁 portion都算正常🔹️吞拿魚刺身 魚蓉卷配天婦羅虎蝦烏冬吞拿魚好新鮮 虎蝦都算大隻呢個餐男仔食都飽 又飯又烏冬 🤣

睇門面以為係貴，再睇posters 原來午市套餐幾底，大多數是$100有找。走廊入去，大廳很闊落，貼住窗有4張6人枱。非繁忙日子去，冇6個人都可以照坐。叫咗3個午市套餐，其實冇餐飲亦都冇甜品，除主菜外只有漬物。黃金蟹籽角切魚生丼$118大蝦天婦羅配蕎麥麵$96熱浪炸蝦卷配迷你烏冬$92睇餐牌諗緊熱浪炸蝦卷會係乜嘢，腦裏面估吓會唔會係同熱浪薯片有關，點知真係！有熱浪薯片啐喺卷物上面，又幾有特色😄，但唔係太食到卷裏面嘅蝦。掃code 落單，埋單喺出面機埋，冇乜service 可言，有加一，勝在食物都ok，有view，又坐得舒服(此非繁忙日子的體驗可能與繁忙日子的體驗很不同)。