四季‧悅 日本餐廳 (Manhattan Place )

营业中

休息中

商廈林立的九龍灣當中隱藏很多食店，就像今天惠顧的四季.悅就是一個好例子，坐落於商業大廈一樓沒有顯眼的招牌，出品全靠口碑。今日惠顧串燒放題$298:前菜三款茶碗海鮮蒸蛋松葉蟹肉酥皮龍蝦湯精選雜錦刺身（6切）御飯甜品晚餐放題四位以上送CHOYA宇治茶梅酒一支前菜三款：沖繩海葡萄，唐揚炸雞，蟹子蟹肉凍豆腐（擺放得非常精緻）茶碗海鮮蒸蛋蛋香濃滑，配料豐富蟹肉酥皮龍蝦湯很邪惡嘅湯令人又愛又恨，酥皮鬆脆，龍蝦湯香濃。精選雜錦刺身（6切）三文魚，劍魚腩，赤目鯛三文魚肉質肥美，魚油豐富；劍魚腩味道鮮甜，赤目鯛彈牙爽脆。雞翼外皮香脆肉質鮮嫩多汁。鹽燒松阪豚肉，外脆內軟肉質嫩滑軟熟。汁燒慢煮牛脷，選用牛脷最嫩的部分，超嫩滑肉質豐盈。串燒燒至金黃色，十分香脆可口，調味方面相當出色恰到好處，每一款都不錯，師傅燒功時間掌握得很準確。***記住要趁熱食***食咗咁多炸物感到油膩時，食一口菠蘿，清一清口腔，菠蘿新鮮多汁，爽口清新，可解油膩。甜品 冰涼黑糖綠茶蕨餅整體來說食物高質，價錢合理， 坐得舒適，食得舒服。

平時食日式串燒閒閒地都三四十蚊串，食十串都三四百仲要唔飽，呢到放題$298已經好吸引，星期五晚坐虛席，就知素質有保証👍🏻一開始即刻用QR code落單Order 串燒，串燒款式夠多，而且不乏有特式選擇。等師傅燒串燒嘅同時，就有串燒放題套餐嘅食品先上。呢個安排都幾岩唔等得嘅心急人。先嚟前菜同刺身拼盤，刺身厚切，夠新鮮肥美，款式亦有級數，唔係交行貨，值得一讚！之後上酥皮焗龍蝦湯，酥皮焗湯而家少見，呢度新鮮焗完上枱，酥皮酥脆，湯夠濃，令人回味。食得咁上下串燒已陸續送上，呢個安排好聰明喎！雞皮串燒係必食之選，燒到脆卜卜啲雞油又香，無得彈。我地鐘意食牛都有好幾個選擇，包括牛仔骨、牛柳、西冷同埋牛舌，誠意滿分啦。海鮮方面我地叫咗燒蝦同燒帆立貝，火喉控制唔錯，食落口感岩岩好。一路食串燒肉又一路食下燒秋葵、粟米同菠蘿，我只覺得呢個係放題先有嘅享受囉.....之後嘅煮物同主食我已經食唔落，但點都要試埋個甜品，果然真有驚喜。四個人埋單仲有Choya梅酒送，食完仲有禮物，CP值高到爆燈啦！

由7點15分左右下單，至到有頭盤，已等了差不多45分鐘，之後送上湯時，已是等了個半鐘，任點的串燒，下了第一輪，等了個半鐘也未到齊，只見20人的「團體」餐，不斷有人送上食物，而遲過我們坐下的人，也有我們點了的串鳥羽，但我們卻要等到9點幾才有，不斷要問職員何時才有，之後更可笑的是，職員送上的串燒，不是我們所點，又或是數量不同，更甚是不斷同款送上……雖然是即叫即燒 ，但這樣的等，似乎令人等到火……如果要嚴格執行防疫的措施，這一間一定是不合格，只見餐廳負責人不斷與20人的「團體」傾偈，最大問題是沒戴口罩，不斷的穿梭所謂的4人枱，而20人的「團體」也不戴口罩，在餐廳內穿梭，包括自行取茶水……可惜沒有職員提醒戴口罩……

而家做緊特惠$298串燒放題套餐，淨係個套餐已經好抵食好飽，加埋串燒放題，真係細食啲都唔洗再叫串燒😆套餐全部都係採用高質食材，味道仲好好😋真心值得推介，如果用八達通付款仲有88折，二百幾蚊食到咁高質食物….讚讚讚👍👍👍

這個任食放題絕非一般放題，頭盤魚生超級高品質和新鮮，已經值回票價。再加燒物任食放題，到最後再加上兩輪精彩細緻的甜點，所以想說精彩無限。一定要推介，環境舒服。服務非常之貼心，無論由廚房大師傅至前枱的服務都好細心好貼心。留意，海膽係市價另外預訂的，必須要早三天前預訂😎😎

一行5人已經第二次嚟四季悅食放題😊我發現了這家店，食材非常的好👍每次真的有驚喜。主菜有翠綠新鮮的海葡萄，日式蒸蛋好滑溜，酥皮龍蝦湯一定要試，湯又香濃又夠熱。這家店嘅串燒放題👍👍👍👍，食串燒其中一樣要品嚐就是烤物上嘅調味，沒有多年嘅燒烤經驗，都好難以把味道調製得恰當好處，因為烤物若果稍為過鹹或過淡，便不好吃。這間店控制得相當不錯！👍👍👍尤其雞皮,雞腎，蒜蓉蝦，雞軟骨，牛舌，燒菠蘿。都總係會食完再追加。。再追加。。再追加！環境方面:完全係五粒星🌟🌟🌟🌟🌟，地方整潔寬敞，完全坐得舒舒服服。廁所又乾淨衛生，係一個同朋友或親友好好傾偈聚腳嘅好地方。（食完飯每人有$50現金券，仲可以幾張卷一齊用，計落條數真係好抵食！）

今晚同3位同事終於試咗公司樓下這間四季悅日本餐廳，試咗這個298晚餐，廚師精選主菜加任叫串燒。我覺得佢想行貴精不貴多既路線，唔玩一般放題。一坐低侍應就同我哋講，今晚餐湯係酥皮龍蝦湯，但係因為即焗所以要等十分鐘，乜玩法，日式餐廳有酥皮龍蝦湯，見佢即時再作製作，睇下玩乜，認真果然唔同，個龍蝦湯味非常夠濃，牛油酥皮夠曬香熱辣辣真係幾好飲有水準，之後上頭盤，先來一個刺身拼盤，魚生極生鮮，隨後再來一個三拼小食有炸雞，凍豆腐，加海葡萄，食材絕對係日本進口貨，貴精不貴多，果然有驚喜。再來炸墨魚咀炸皮夠晒脆，內面鬆軟煙韌好好味，送酒一流，不過我怕熱氣食咗幾嚿就停口，留返肚食我最鍾意嘅串燒，串燒即叫即燒，所以都要等成十分鐘，一嚟到見賣相串燒果然有水準，強烈推介鹿兒島黑豚，牛肉，雞肉棒，慢煮汁燒牛舌，出面日本餐廳食串串燒都要三四十蚊串，呢度食返幾串足夠你回本，睇得出每一樣嘢都係好認真，非一般放題貨。最令我驚喜就係甜品，今晚試咗紅豆年糕，紅豆採用十勝紅豆，年糕用日本進口貨，雖然近排疫情去唔到日本旅行，今次這個甜品絕對係解我對日本相思之苦，同我之前喺日本銀座一間高級餐廳嘅味道有個之而無不及，唯一就係冇得再添食

完全係物超所值，首先個環境好舒服人唔算太多，每個人佔用嘅空間可以比較多，另外侍應嘅服務都好快又有禮貌，每次食完啲吉碟都好快幫我哋清走，298呢個價錢有前菜有蒸蛋有酥皮龍蝦湯，淨係呢三樣都已經值回票價，跟住仲有刺身，刺身都係好新鮮唔係下價野。串燒放題嘅日式串燒做得好有水準，牛舌外脆內軟，豬腩肉香口唔乾身，燒牛柳更加一流都點左幾次。仲有免治雞肉串做到好有日本地道嘅風味（搞到好掛住日本好想快啲去旅行），燒菠蘿係爆汁嘅。會再約朋友再去食過。

這店地點雖然在九龍灣Manhattan 商業大廈一樓商場，但由於人流不是很多，這令此店變得特別寧靜，與三五知己在這裏品嘗優質食物的同時，亦能在疫情中站時解決未能往日本旅遊的渴望！店舖面稹非常寬躺，裝修美麗，食品質素全是優質日本食材，與一般日本食店相比，此店是用心、専業的為食客提供服務！此店的食品我個人比較喜歡，日式串燒、魚生及甜品，燒牛舌、免治雞肉串、串燒牛柳，多春魚，每樣都令我回味無窮！這店是我食日本菜的不二之選！

今晚一行多位女朋友來聚會,當然要找一間坐得舒舒服服既餐廳朋友話九龍灣有間串燒放題既餐廳不錯~咁就拿拿臨book左啦~一去到環境不錯,因為預約左就好快可以入座了~~舒服又寬敞~坐低後就有侍應送上前菜~前菜有沖繩海葡萄有蟹肉凍豆腐~同埋唐揚炸雞~yummy~之後我地揀左個298 set,有刺身3點~今次刺身有三文魚,紅目鯛,仲有...........拖羅!!!!!3樣刺身都好新鮮,唔錯~之後我地就用QR CODE落串燒, 串燒係任食的~所以大家都好興奮叫哂想試既野~真係叫到成台都係~好在我地真係可以掃哂,哈哈唔好做大哂鬼呀~雞軟骨超乾身~好味~仲有牛舌勁JUICY,西京燒比目魚~勁好味呀~粟米好甜~~菠蘿又係超甜~雞皮脆卜卜好正~仲有秋葵有驚喜~估你唔到既好食~食左2個幾鍾後大家都飽飽了~最後送上甜品~十勝紅豆配燒芝士年糕~嘩~天呀~~好好食呀呢個~飽到暈都仲想食~真係好想打包10個返去食~勁好食!!!!唔記得左讚佢個酥皮龍蝦湯,好好味呀!!!!!想飲多2碗真係~總括今晚餐飯係愉快又抵食~好好~下次一大班朋友又可以再黎聚會~

今日收工去咗附近一楝商厦揾嘢食，發現一間寫著刺身加串燒放題看似好吸引，所以同幾個朋友就入咗去試下，少見的日式餐廳環境很好，坐得舒服，員工有禮貌，因疫情關係分枱也很整齊。低讚。幸好自己堅持坐下試新嘢真的俾到我和朋友很大驚喜一坐下員工也很快講解清晰如何下單，食物新鲜，套餐嘅松葉蟹肉酥皮龍蝦湯真係好好飲，平時吾飲酥皮湯嘅我，竟然一口氣喝下串燒火喉恰到好處，其他看似不起眼的冷盤也非常好味道打算27號朋友生日也追加食多一次

服務一流食物環境OK會再幫襯，價錢性價比高夜晚時段幫襯放題298先有前菜招呼 -刺身蒸蛋湯類仲有多款食物選擇整體質素不錯推薦牛舌,牛肉串燒地方環境寬敞適合三五知己飯局

話說，試完金鐘嘅四季.悅，本身都覺得性價唔高，點解又會再嚟九龍灣呢，因為假期周圍都冇位，呢度即日打電話嚟竟然有位。同埋知道佢就算嘢食唔多都好，但坐得舒服。刺身係可以嘅，新鮮，帶子同蝦質素都好好，仲有好多款貝類，赤貝，北寄貝，馬刀貝之類。吞拿魚最唔好食，三文魚部位都唔算特別靚。熱食質素其實好普通，冇咩回本位。種類比較大喜屋大瀛喜果幾間少好多，尤其係甜品同埋飲品，基本上冇咩可以揀。佢雖然有清酒同埋梅酒，但係質素係飲唔落口嗰隻，啲梅酒甜到好似飲糖水，清酒就只有酒精味。好在都有支唔甜嘅茶可以叫。甜品就只有好難食嘅煉奶雪條，同埋唔似雪糕嘅雪糕糯米糍。　本來以為有鵝肝食，可以回下本，但係佢炸得好乾，真係鵝乾。食物都叫做可以，又唔算話好差，不過職員呢，對住你係幾殷勤嘅，但係係你背後就不停討論你走得未食完未…（因為佢人客唔多，食淨得兩枱）。一落單，廚房又會有啲嫌棄嘅說話，因為佢人客唔多，淨係招呼你咁樣，好想你快啲走。呢間餐廳不停減少食物種類，縮短放題時間，價錢又唔係收得平，其實佢想點。已經冇人幫襯到拍烏蠅咁樣，六個職員招呼兩台客，都仲要縮短放題時間係咩玩法？結論：食完，肚痛。（得我肚屙，友人冇事）。

非一般日式放題，環境乾淨闊落，除左甜品，樣樣種類都多選擇,剌身新鮮• 除左刺身必叫之外，必食軟殼蟹，鵝肝，燒牛柳，大蔥雞肉串，蒜蓉焗蝦，兩款焗蠔……仲有三送一優惠，絕對物超所值

喺呢度附近返工留意到有呢間放題食適逢父親節就同父親大人試吓仲買三送一🎉再送條活魚刺身由於呢就係商業區 星期六晚上都比較靜我入到去大約有20台左右 地方好寬躺唔同一般嘅放題店枱與枱之間好迫🤢嘢食方便其實同一般放題都差唔多最令我意外嘅係有燒鵝肝/焗蠔/軟殼蟹飲品方面有粒粒橙汽水可樂仲有燒酒同梅酒另外每人入座仲有一杯mock tail🍸送嘅活魚刺身本身我都不抱期望但係出到嚟又好似幾靚其他嘢食 唔係影咗好多相不過老人家都食得好開心總括今次嘅放題體驗都好好好似去咗高級餐廳度食嘢咁有象拔蚌壽司唔係咁多放題店有墨魚咀食 最後就係服務方面由於呢個場唔係太多客人所以啲侍應都留意到我哋嘅需要唯一美中不足嘅就係甜品嘅種類唔夠多因為我倒瀉咗豉油喺條裙度一個好似經理嘅人 主動拎左幾張濕紙巾俾我抹