四季‧悅 日本餐廳 (Manhattan Place )

营业中

休息中

豬軟骨溫泉玉子丼定食 $78定食配埋麵豉湯同沙律 麵豉湯唔似係用粉沖出黎勁重味精果啲 飲完唔會好口渴👍🏻至於個丼既豬軟骨係半筋半肉 啲筋係勁腍勁漿 啲肉好易就整得爛 加埋溫泉蛋送飯一流✨可惜溫泉蛋略微過熟 本身仲期望會有流心效果 不過連埋燒汁撈勻成碗飯濕潤度岩岩好 亦唔會太鹹 食完仲好飽肚.睇過呢間餐廳既晚市menu都幾貴 而午市多數係定食 價錢由$78-218都有 雖然價格相對比同區餐廳貴 但環境同食物質素都高好多 lunch time唔洗等位唔洗迫 真心幾推介

一到步就上每人一板海膽刺身，很鮮很好味，而其他食物都不錯，亦有海膽選擇，上菜快，亦沒有漏單情況 ，進餐時間都很充足，環境衛生舒適，跟其他限時2小時的放題沒得比，可以再吃的

同金鐘分店差好遠，海膽溶架，換左一份都唔好得幾多，刺身無味，熱食唔熱，咁嘅價錢可以食好啲。無樣野值得再三回味，仲要坐左一陣就超級頭痛，又提早截單....confirm booking時又唔講....無下次！

見食評寫得咁好，於是今晚我們一家懷着期待心情去試下。整晚店內客人不多，我們剛坐下，店員解釋如何填寫下單纸，他檢查並為我們加添各類食物的下單纸。 在我的下單纸中，食物種類少，沒有魚生，全是熟食炸物，除海膽系列值得試下外，其他食物質素和味道都麻麻。 最令我生氣是在我結賬後，見到有些客人有魚生吃，我好奇問店員是否他們另外加錢叫的，他居然説是在下單纸內有的!他只笑笑口說可能漏放咗，叫我們現在叫來食，我們食飽要走仲點食呀？今時今日市道咁差仲加埋這態度，都不肯定是有心定無心唔給客人魚生下單紙!

壽司定食$498，其他和牛定食最平嗰個都好似$560，連吉列豬扒(黑豚豬)定食都$3百幾，仲未計加一😰😰😰坐低前完全無諗過係咁嘅價錢，雖然有人請，但真係唔好意思叫太貴，所以揀咗餐牌第二平$288嘅銀鱈魚定食(最平嗰個$228係食齋)，其他人就揀咗壽司定食同和牛定食。前菜有不同配搭，我嘅有豆腐、3片刺身同蟹籽沙律，食壽司定食嘅刺身換成枝豆，食牛嘅就換成一隻鮑魚，睇得出花咗心思。主菜嘅銀鱈魚份量算多，差不多係其他餐廳份量嘅double，味道無咩驚喜，都係正常銀鱈魚咁，其他人就表示自己個定食好味，反而湯同甜品就有驚喜，湯唔係一般餐廳提供嘅麵豉湯，而且入面有海鮮，芒果芝士蛋糕香滑得嚟唔會好甜，讚👍🏻定食包括前菜、蒸蛋、主食、湯、飲品同甜品，整體味道唔錯，不過價錢就真係幾貴，拍住中環嘅價錢，抵唔抵值唔值就真係見人見智。

本來預約了金鐘分店，但因為局勢緊張果邊無開，改為到九龍灣這間替朋友慶生餐廳位於Manhattan入面，搭shuttle bus到mega box再行過黎感覺會近少少餐廳環境舒適，而且可能位置偏僻，雖然果晚係星期五，但都唔算太多客十月做緊極尚海膽放題，原價$498..有八折優惠，埋單$398再加一問o左店員十一月就會轉做shabu shabu la..所以係海膽發燒友既朋友千其唔好錯過十月既極尚海膽放題！！！海膽超高質唔會有奇怪味，淨係每位送果一板海膽已經足夠回本而且佢有好多款唔同既海膽食物，呢樣真係好驚喜唯一唔好既兩個地方其一係係佢有別於一般放題D壽司，舊飯實在係太大舊啦..真心食多兩件就唔會再食得落其他o野食其二係食到最後，我o地落埋甜品既單，其他甜品都算上得快..唯獨係ORDER o左3條雪條..佢死都唔上比我o地..追o左佢好多次...佢話係對面整緊，整完攞過黎..但明明D雪條係獨立包裝...唔知可以點整除o左呢兩點..呢間既海膽放題真心無懈可擊海膽溏心蛋..半流心溏心蛋再配上軟滑海膽真係不得之了..不過都真心漏..食一件就被KO了海膽蒸蛋又係另一出色之作，蒸蛋好滑，配上香氣四溢

可能餐廳另一分店的正面因素，所以在食物方面有點期望，但事實水準只屬一般，餐紙上的食物差不多都試過，但沒有一樣特別突出讓人留有印象。服務水平更是強差人意（少部份女職員除外），未試過WhatsApp 要求提供menu，然後回答openrice有。支付按金後，沒有確認或者期待光臨之類回覆，如斯的服務態度實在襯托不起餐廳的格局，失望。

四季 悅 好貴ge lunch set 壽司set $498#傾生意/#見客 /#重要的人 可以去試下咁貴 緊係靜同坐得好卻服 而且服務有返咁上下好開心 同公司食lunch 有幸食到貴價lunch獵狗本人都係個慳妹黎 唔捨得 lunch 食咁豪華 不過真係不得了！高級~!好味三味前菜有蟹子沙律、凍豆腐同枝豆 / 刺身日本精緻小吃日式蒸蛋 (入面有菇菇)yummy日式海鮮湯*(好鮮嫁入面有帶子同魚 重點係無骨)主食 壽司set *(飽到反肚)海膽(高級果種 入口即溶)牡丹蝦、帶子、三文魚、中掃羅、三文魚籽、劍魚腩、和牛小卷、蛋蛋甜品 2選13.6牛奶布丁 *(太甜了 不過口感好滑好正)抹茶芝士餅 *(抹茶控覺得完全無抹茶味 但係芝士味突出 而且係...Oreo餅底 超級好味)PS:如果唔係有人請獵狗獵狗真係唔捨得lunch食咁貴#lunch #豪食 #相機食先 #港女 #日本野 #日式餐廳 #壽司 #香港美食#foodstragram #foodlover #吃貸 #香港#foodiecoupletour #香港情侶日常

Team dinner 搵左好耐去邊食放題好。無意中搵到九龍灣有間比較隱蔽既放題。膽粗粗就book 黎試下。點知環境同食物都有驚喜。環境高級。似酒店日本餐廳個刺身拼盤係一絕👍🏻好新鮮燒蝦超好食👍🏻值得推介加左$48 任飲清酒🍶梅酒👍🏻

今晚老闆介紹到九龍灣四季悅食日式放題，本以為同大喜屋果一類放題差唔多，但係試過之後發覺品質同埋服務都係另一個水平，所有食物新鮮同埋好好味，另外加$48有任飲sakei 同埋梅酒,最緊要係環境同埋員工服務係一流嘅！ 真係10分享受！

該日本餐廳位置九龍灣商業大廈Manhattan的一樓，不是特意過去根本連有這家餐廳也不知道 餐廳內部裝修簡約，有日本風跟同事因宣傳單張來試食，每人也點了不同的套餐，可用百達通及信用卡付款，很方便首先是牛排套餐，真的很薄味道亦很一般之後是角切魚生飯，價格偏高而且居然要等20分鐘而且我們看到刺身師傅沒帶手套，而且邊談話邊切，很不衛生然後是天婦羅蝦配烏冬，一看就知道份量有多少但同事說烏冬還可以，算中等最後是味道最好的溫泉蛋豬軟骨飯，入味而溫泉蛋時間剛好，算是比較出色

今天Lunch走去一間隱世餐廳吃飯話明隱世，係有原因，一去到果到係一間商業大厦的一樓，好大好大，仲有三間不同類型餐廳，又蒸飯又拉麵🍜又和牛🐂又壽司🍣⋯⋯想食咩都得，仲有甜品🍮！今次我選擇左食魚🐟生飯，個飯有好多料，又有好多新鮮的菜和魚生，食落去好易入口，佢應該在飯內配左一些汁，配合魚生同菜好夾

聽聞附近開左幾間餐廳 所以約左去Manhattan place食野 原來開左3間餐廳 一間食蒸飯 拉麵 另一間係四季悅餐廳食日本菜 價錢算同區黎講都算貴 再另一間又係食日本菜 叫cafe 比前一間價錢平d。 最終我地試左貴d個邊 有人請🤣🤣兩個人試左薩摩和牛壽喜燒和雜錦壽司🍣 和牛分量都不少 而且前菜入面有鮑魚食 正 套餐入面同時包左蒸蛋同湯 食完都好飽。另一個雜錦壽司上菜時好特別 會有煙出架 原來有乾冰係入面 哈哈 好新奇。雜錦壽司都有六 七款 都好新鮮。 環境都好靜 員工都經常加茶 亦問我地意見好唔好食。 雖然價錢都比較貴 但都會再黎 因為感覺都幾好 好岩幾個人一齊食野 傾計。