影片
如果唔喺行完山，基本上唔会嚟梨木树商场食嘢，而晌梨木树商场里面，都有3间茶记，但点解拣「四季」？皆因喺老友嘅「饭堂」，其实食边间我都无偏好，最紧要老友钟意，反正，都只喺揾个地方摊抖吓，吹吓水，食个下午茶而已。对上一次嚟呢度，已经喺4年前嘅事，环境就当然无乜点变，望上去都仲喺新簇㖞，最紧要都喺企理干净啫，铺内以卡位为主，有少量圆枱。不过，价钱就一定有变，尤其近年香港嘅经济，加少少都应该啦。下午茶时段，影影份下午茶餐牌出嚟俾大家参考吓。轻怡少少嘅有面包餐、多士餐、薯条沙律餐、三文治餐、吉列鱼柳餐，饱肚啲嘅就有浓汤通粉餐、迷你丼、炒粉饭面、烤焗饭餐……等等，丰俭由人。粒粒金砖西多士配蒜香生炸鸡中翼+阿华田 $40老友对店家嘅金砖西多士情有独钟，睇番上次食评，佢都喺拣呢个配搭，不过，以前卖$38，鸡中翼仲有3只，依家就缩咗水。鸡翼炸得有少少黑，都未叫㶶嘅，肉质就几唔错，外皮香脆，而「粒粒金砖」厚西多卖相立体又靓咗，比一般一块过嘅，多咗啲炸边位，多几份脆香口感，搽满牛油，沾满糖胶，喺港式经典。千岛酱吉列鱼柳包+热柠茶 $35小弟就拣咗份醒胃啲嘅、又轻盈少少嘅千岛酱吉列鱼柳包，用上长型热狗包，包身好松软，吉列鱼柳大大件，炸得金黄脆口，里面夹住好多生菜、青瓜同蕃茄，加埋啲酸咪咪嘅千岛酱，令口感更清爽，正正平衡吉列嘅油腻感。早餐已经饮咗杯咖啡，下午茶就改饮热柠茶，令自己更开胃啲。上次整体感觉一般，而今次显然比上次好。原本打算一次过行晒针草帽，不过，同行有其他人无咁行得，去到铅鑛坳已接近2:00pm，再上大帽山就比较晏，只好留待下一次再挑战。
继续阅读
本人在梨木树村长大已帮衬梨木树商场的食肆都有25年以上, 四季餐厅睇住佢开张, 前身系日本餐厅五十岚, 四季餐厅开业初期服务质素, 食物水平等！本人觉得畀五十岚好, 可是最近呢几年餐厅的质素每况愈下！因近年食物成本上升, 食物质素一般是理解的！可是餐厅员工的工作态度实在很差！尤其是做得最耐的那位女收银, 我相信他是店长吧！由他领导的员工, 工作态度非常懒散, 员工之间经常只顾聊天！对客态度极差！日后若再冇改善, 本人情愿帮衬大家乐, 君豪, 甚至绿园！
继续阅读
呢间位于梨木树商场嘅「四季餐厅」主打平价港式碟头饭。今次试咗外卖自取，落单后等咗约20分钟，速度算合理。不过要注意，午市繁忙时间可能要等更耐，见有人反映试过等多过半个钟。🍛叉烧牛肉蛋饭：叉烧同牛肉份量都好足嘅，大件夹抵食！ - 叉烧：偏瘦身，切得薄身啲，一般茶记级数唔洗expect太多👌🏻- 牛肉：滑牛牛肉片厚薄都算适中，腌得松化，唔算「嚡口」，都系一般滑牛会食到嘅质素，无伏。 - 炒蛋：份量一般，肉量多左令蛋嘅比例少左唔太有滑蛋感觉，但三样加埋大大份好抵食嘅。 - 饭底就偏软身，唔知系本身就咁定外卖先会🤫
继续阅读
叫外卖叫到肚气！上次听电话，认得是又系𠮶个肥女人态度已经衰话唔做外卖叫我落嚟攞！都唔紧要🤨但系佢啲态度真系好串好恶劣系咁㗎喇你落唔落嚟攞咪唔好嗌啰!隔咗咁耐今日打电话叫早餐外卖另一个人听依个已经唔系𠮶个肥女人系第二个今日系星期五佢都话唔送外卖叫我落嚟攞态度又系这么冇礼貌！我谂发生咩事呀？点解请埋啲人返嚟态度咁恶劣嘅根本就唔想做生意唔送外卖唔紧要使唔使比气我受！我叫完两个外卖早餐，跟住佢就话你落嚟攞啦我话唔送外卖㗎今日星期五㖞系呀唔做啊你落唔落嚟攞啊？我都话唔落嚟攞啰咁你要起码等两个钟啦你等唔等啦，个个都落嚟攞㗎啦边个好似你咁样㗎！哗真系得罪哗四季真系得罪你哋呀即系黐线㗎
继续阅读
其实净系想知道有咩面包啫，直接好恶劣答反我 好多面包喔！ 咁如果问你有咩嘢饮？你系咪都同我答返好多嘢饮呀？ 你可以讲个大概 ！两三个都可以 ！态度真系唔使咁差啰！！！！！！！！唔系争你钱呀阿婶！！！！！！！！！今时今日出嚟返工态度咁差？真系可以好好培养下贵公司个态度咯
继续阅读
您可能会有兴趣的...