四季酸菜魚冰室

营业中

休息中

我見到呢一間茶記有醉雞米線食，所以今日就俾次機會入去試下個醉雞米線。我一入去間餐廳揀位坐，餐廳入面啲冷氣真係凍到好似個冰室，於是我去揀位坐竟然遇個有個夥記話我唔好周圍走，我話佢一日未落單都可以揀位坐，今時今日咁嘅服務態度點得呀？後來到我點咗一碗醉雞米線，我食落去覺得啲醉雞太鞋，啲醉雞多數搭雞胸、雞翼同雞胶，冇俾一舊雞髀，而且個米線湯底太淡，簡直係劣食。另外，我點咗一杯凍檸茶少冰，殊不知杯凍檸茶真係落得太多冰，簡直唔合格！

同同事去左食lunch, 但唔想食辣嘢, 所以叫左常餐。 個餐有瑞士雞翼撈公仔麵加洋蔥煙肉炒蛋同多士，仲跟嘢飲，$55都抵食。瑞士汁入味、夠稠、味道香甜，伴公仔麵剛剛好，炒蛋滑嫰，厚多士烘底見同事個水煮魚好香，下次可以試下。

作為光顧多次的食客，不曾想到受到如此惡劣的對待。由於洗手間的門鎖有點損壞，扭到一半便卡住，我在以為已經上鎖的情況下如常在上洗手間。至於空間狹窄，餐廳使用的是蹲廁。期間，突然有一位甚至不是該店食客的中年男人闖了進來女廁，他很明顯是把不該看到都看到了，才退出去，我也受到了很大的驚嚇。事發後該男子在門外反過來指責我大驚小怪，期後更不知所終，同時門外的兩位男位廚師也一言一語嘲諷作為受害人的我，老闆更是不聞不問，處理手法低劣之極。如果事情的主角是你們的太太、女朋友、或者女兒，你們還會這樣放走那名男子，和肆意以言語加害受害人嗎？你們知道你們審判受害者的行為有多可恥嗎？！如果大家想在餐廳用餐上洗手間時，被陌生人看到裸露的下半身，不妨去試試。

去佐敦上完堂，見5點仲有下午茶，又有鍾意食嘅酸菜魚，比次機會佢，點知出曬事，真係難食，好鬼淡，無乜味，魚得幾塊，全部豆芽菜。水煮牛，D牛肉完全無牛肉味，得個辣，唔睇都唔知自己食緊牛肉。得杯奶茶正常小小。試唔試大家衡量一下。

係附近返夜校放工經常都要搵地方食dinner再上堂見到呢間餐廳好似坐得幾舒服main menu 價錢合理就試試佢啦.受佢店名驅使試左個酸菜魚一人餐 $88 (7.5/10)對我黎講太辣啦🥹同埋唔夠酸，想食d 酸菜唔小心食左d 辣青椒🥶有d 唔太handle 到😂不過魚係滑，份量都唔少.另外朋友叫左個醉雞一人餐 $78 (8.5/10)佢呢個好好味wor!!!雞滑又係脾位勁多肉，入味！正.一邊食一邊聽到店員同d 客吹水寒暄覺得好warm有小店feel!同埋我朋友打左個乞嗤成行鼻涕跌咗出嚟個店員見到都極主動又快咁比左疊紙巾佢加分！.應該會encore😊

這間我在偶然間路過幫襯的冰室，午市精選套餐有多款選擇，而我這天吃的「四季八仙醉雞」（$60）配米線水準不錯，值得再次幫襯。這「四季八仙醉雞米線」的醉雞份量十足，黃皮白肉的醉雞，配以豔紅的杞子，加上另以大碗裝載，份量同樣不少，並有青菜點綴的白滑米線，顏色悅目吸引。醉雞的酒味不算很濃，但卻挺合我的胃口，軟滑的雞皮，軟熟的雞肉，配以滑捋捋的米線，挺好吃的，加上青菜青蔥，感覺健康，也好味道。餐飲我就選了特別的「菠蘿梳打水」（原價$25，餐飲價+$10）佐餐，微甜的味道，多汁的菠蘿，冰涼解渴，暢快怡神。這天的午餐雖然簡單，我都幾滿意呢！

星期二下午茶時間，同埋兩個朋友一齊嚟食嘢。入邊人流都有一半滿。全部卡位坐得都算舒服。燈光正常冷氣充。佢原本係一間茶餐廳加埋酸菜魚，所以叫自己做四季酸菜魚冰室其實嚟之前感覺個名都有少少怪怪地。入到嚟聽到每個人大部份都係嗌酸菜魚水煮魚。所以我哋都嗌咗一個水煮魚水煮牛肉同埋一個酸菜魚。水煮魚嚟到超級油勁辣入邊冇咩材料，其實佢賣$59係好平，但係主要嘅成本就去咗租金同埋人工。食材佔一成都冇，真係好失望，食完好似冇食過嘢一樣。真係唔建議大家嚟食，，性價比非常之低。

行開附近做嘢，見到依間幾特別嘅冰室，下午茶有個擔擔麵？又有個有👍🏻推介嘅排骨，就試吓佢啦，落咗單職員表示要等一下因為即炸，等咗約10分鐘 食物上檯，擔擔麵，本身都唔會有期望，因為佢哋唔係上海舖，預咗味道一般，正如所料，味道比較淡口，麵都可以嘅，排骨(豬扒)上檯時上面有薑蓉，豬扒咬落去熱辣辣，鬆軟，味道比較淡，但比較油，食畢後碟底一片油，飲品係凍齋啡走甜，一如大部分茶記，充其量叫黑水⋯⋯嗯，整體而言可以嘅，但就依個食物就唔會回頭，我明白川式店走去叫上海野，我自己抵死，但話晒係佢店家推介，但只做到“濃油” ，但味淡⋯你都推介真係佩服🤦🏻‍♂️。係我唔識欣賞，抱歉🙇🏻‍♂️戴返頭盔先，我覺得好唔好食≠你覺得好唔好食，好唔好食因人而異。整體來講偏淡嘅 上海排骨擔擔麵(店舖推介)碟底一片油～

真心推介 我記得嗰日好凍我諗住要食早餐但係個時間好尷尬 因為我係11點35分係門口仲心思思想搵火腿通粉食🥲 我企左門口好耐 個叔叔就話入嚟食常餐後來只好嗌沙嗲牛肉通粉 (⁎⁍̴̛ᴗ⁍̴̛⁎)啲牛肉好腍，個沙嗲汁甜又帶有少辣佢個沙嗲汁唔係現成玻璃甖嗰啲，食得出係自己調教個通粉如果係坑通會更好食😭 點解會話佢有誠意？ 係因為佢個多士唔係普通白包 😂佢仲要上埋牛油先出餐🥹我個人覺得好細心我咁大個女都未試過有間係會上埋牛油 🧈 依家有機會，我一定會試吓佢個火腿通(⁎⁍̴̛ᴗ⁍̴̛⁎) 九龍區 $52我覺得係抵比😛

【124】用家自費分享！Walk in 唔使等，九成滿。8️⃣0️⃣CP值，上次去完覺得好食，再去試其他嘢，2023/11/29/三/12:46，平日午餐時段，一人埋單免加一共$63。大街地舖，加上老細(估係老細)又在店門前招手，應該好易見到，今次多咗人，所以覺得店舖細咗，要比人搭枱，平時好唔鐘意搭枱，算啦，老細好好禮貌問聲，ok啦，招呼正常，一樣落單快，上菜快，味道好，價錢經濟，會再去。8️⃣5️⃣午餐水煑牛肉餐$60，跟1個飯，個人覺得真心正。5️⃣0️⃣跟餐另加$3凍檸茶，今次好似多咗茶味。

【120】用家自費分享！Walk In 唔使等，約三成滿。8️⃣0️⃣CP值，2023/11/21/二/16:32，平日下午茶時段，一人埋單免加一共$88。地舖，都算易搵，路經有伙記招手就入咗去，裝修正常，光猛企理，位係窄小小，感覺算乾淨，招呼正常，落單快，上餐快，味道好，會再去試其他嘢。8️⃣0️⃣下午茶餐酸菜魚餐$59，跟1碗飯，好味，魚量及配菜都多。5️⃣0️⃣跟餐另加$3凍檸茶，茶味唔夠。7️⃣0️⃣流心西多士$26，好脆好香，好味。

不嬲鍾意食辣嘢既我，俾門口川式午餐吸引住😊歌樂山辣子雞肉+擔擔面+飲品見個餐好似幾抵咁，同埋都多人食，就試一試佢😉可能真係大忙啦，店員落錯單兩次🥹嘢食終於都嚟到，賣相尚算吸引，有辣椒、青椒、洋蔥，上面仲有黃金豆👍🏻雞肉炸到好脆口，好乾身，雞皮比例偏多，多炸粉，所以食落去卜卜脆😊味道食唔出辣嘅感覺擔擔面顏色吸引，麵條軟硬適中，味道清淡，非常養生☺️熱奶茶，都幾滑有茶味(其實我叫咗熱檸水😌）

經常在外奔波勞碌，自然亦會到處用膳，今日在佐敦下班；佐敦有很多大大小小的食店，總有一間合你心意，走了兩個街角，看到這家店，店名打著酸菜魚，小弟亦是酸菜魚迷一名，自然就要試試，一進店內，茶餐廳的格局，再看看四周，大半數的客人都是吃酸菜魚客飯的，我也不客氣，點了一客酸菜魚餐和口水雞餐，再點了一個小食：陳醋拍青瓜；大概十分鐘左右，所有食品陸陸續續送上，青瓜好爽甜，味道尚可，口水雞麻辣味十足，酸菜魚湯夠酸，魚夠滑，份量亦剛剛好，絕對足夠一個人享用，大讚👍🏼

去開九龍公園附近，知道有唔少好嘅餐廳隱藏喺橫街，一於嚟尋下寶。遠遠就畀四季川菜魚冰室嘅招牌吸引住，我心諗酸菜魚同冰室有乜關係呢？同茶餐廳有咩分別呀？😁😁😆叫咗兩個一人晚餐，四季老壇酸菜魚同成都老城口水雞。可以選白飯或者擔擔麵，轉擔擔麵係唔使加錢嘅，估唔到個擔擔面好足料，好味過出面一啲專係食擔擔麵嘅餐廳喎😋😋🤪酸菜魚係用黑魚片去整，好滑好好食，魚片剛剛熟，酸菜味道好好，唔會過酸，大小軟硬都適中，同湯底好夾🥰🥰😁口水雞屬於小辣程度，香口微麻，雞肉嫩滑，雞肉剛剛好熟，好滑溜，淨係啲汁都可以撈麵嚟食🤗🤗👍👍🏻

小編今日去開佐敦做野，就搵下附近有咩食🌝睇左一秒個餐牌店員已經好熱情地招呼小編入去🤣所以諗左一秒就入左去了🤣🐟 酸菜魚米線 $78因為佢既店名，所以就選擇左食酸菜魚🤓果然係推薦，啲魚肉份量都幾多，而且好滑😍配菜有娃娃菜、芽菜同蓮藕，仲有少少寬粉😝個酸菜魚湯底都幾正宗，比較食得出麻味😆不過都略嫌少少太油了🙈但上菜時間都好快🫶🏻配左米線，基本上都冇乜點食😹 超級大碗！🥛 凍奶茶 跟餐加$3奶茶就一般😶 比較淡～熱飲lunch唔洗加錢😳