123
123
73
港铁油麻地站 C 出口, 步行约1分钟 继续阅读
营业时间
今日营业
16:30 - 00:30
星期一至日
16:30 - 00:30
付款方式
现金
座位数目
80
其他资料
酒精饮料
室外座位
电视播放
食记 (362)
早排有几日天气突然转冻,所以突然想食啲比较暖胃嘅食物~💨朋友介绍油麻地附近嘅四季煲仔饭🍲所以就趁机去试吓先🤓可能因为近排肺炎嘅关系,出街食饭嘅人少咗~☹️我同朋友系星期五大概八点去到嘅~大概有三成嘅位系有客人食煲仔饭之前我同朋友夹份叫咗一个蚝饼个人就觉得中规中矩蚝仔系好食嘅,但同时都太油🥺煲仔饭当然唔少得腊肠啦~我叫咗一个 腊肠排骨饭($66)整体来讲都非常开胃但个人觉得排骨嘅肉真系好少令到有少少失望如果下次你嘅应该会叫腊肠猪肉饭~朋友叫嘅系北菇滑鸡饭($66)佢就觉得几好食😋总括来讲,我都觉得呢间煲仔饭系唔错嘅不过至於会唔会再嚟 我可能要三思始终佢都冇好食到我觉得要再食多一次 🥶 继续阅读
(以上食记乃用户个人意见 , 并不代表OpenRice之观点。)
*留喺屋企无嘢做摷返啲相机食先相出嚟写吓食评先*-去食四季煲仔饭嗰晚系最冻嗰几日市区得10度仲要落好大雨又湿又冻超攞命於是就同老公行去庙街食煲仔饭天寒地冻第一时间谂起煲仔饭应该都算系香港人嘅集体回忆吧人流少咗无咗自由行之余都少咗人出街食坐得好松动我哋两个人打算食完煲仔饭会再食糖水所以就叫咗一个饭share食(不同嘅侍应姐姐都喺唔同时间行过嚟问我哋洗唔洗叫多个蚝饼同汽水......)我哋叫咗个腊肠滑鸡煲仔饭叫完过咗10分钟左右就上菜成煲饭未开盖都闻到超香🤤记得打开盖落咗豉油再焗多5至8分钟咁先会有脆脆饭焦!即刻开始分饭!每人分到两个半小饭碗算系咁啦!个饭都做到粒粒分明几乾身食到底刮到晒饭焦证明师傅煮米落水功夫到家👍🏾鸡呢就有少少雪味不过佢都唔系主角😂所以可接受但条腊肠个肠衣就真系烟韧过头😂好难先齿得开佢但煲仔饭又一定要配”腊类”先好食下次食腊鸭睇吓会唔会好啲先-总括来说食得过食煲仔饭都系要去庙街食先最有风味😋-P.S.我哋两个一食完就即刻起身走😂废时两个人叫得嗰一样嘢仲要磨烂蓆会被姐姐老歧多两钱🙉 继续阅读
(以上食记乃用户个人意见 , 并不代表OpenRice之观点。)
等级2 2020-03-16
29 浏览
四季煲仔饭呢间饭店超出名,我细细过已经食。好耐好耐以前,四季只系卖煲仔饭同生滚汤,系絶对冇煎蚝饼的。以前舖头系边?其实就系现铺的对面,即是现时兴记铺头,佢卖煲仔饭卖到出晒铺头外面,啲枱枱櫈櫈放晒出去坐,真系好热闹,好多人,气氛非常浓厚,好有香港特色。点解以前四季唔卖煎蚝饼?因为有一档好出名嘅煎蚝饼系条街的中间,又系超多人买又系超多人排队,我估四季想各有各做,所以冇卖蚝饼,不过四季准许客人买入去食。净系准蚝饼同汽水可以带入店内,其他食物一律不淮进入的。可惜,某年某月某日,政府要维持秩序,小贩管理处,唔批准店铺摆占街道,因此各人都要搬回舖头内了。香港独有的街头饮食气氛也大大减少了!四季入舖後,就开始了卖鸭蛋蚝饼,没有使用鸡蛋。因为鸭蛋比鸡蛋味浓,炸起来脆卜卜,加上新鲜葱花,葱花味浓,美味可口! 继续阅读
(以上食记乃用户个人意见 , 并不代表OpenRice之观点。)
等级2 2020-03-14
13 浏览
有啲冻又有啲落雨,喺油麻地附近,最想食一个热辣辣嘅煲仔饭,呢间系之前一直想试嘅,所以今次得偿所愿啦!因为疫情嘅原因,系唔需要排队就可以入座啦!一份细的鸭蛋煎蚝饼有两块,刚好与朋友一人一块,送饭一流!这个腊肠排骨饭,腊肠肥美,排骨肉滑,饭到粒粒分明,暖胃饱肚之选!这个凤爪排骨饭,排骨一样好滑,可惜凤爪只得一只,如果多只可以试吓就好啦!天气冻食个美味热辣辣嘅煲仔饭,食完之後满足好开心!今次唔使排长龙食,真系好值! 继续阅读
(以上食记乃用户个人意见 , 并不代表OpenRice之观点。)
等级4 2020-01-19
224 浏览
食亲煲仔饭 好多人都会谂起呢间嗰日放工同老公去食时间尚早嘅关系我哋唔使等位 老公坐走廊位成日俾员工撞到想调入黎坐 员工就话唔得 话一阵会有好多客 唔可以打横坐结果佢坐几耐 有人行过都撞到佢 叫咗两个煲仔饭 各$66一个牛肉排骨饭另一个系咸鱼肉片饭再叫半份蚝饼煲仔饭 一开盖就觉得好少餸每一片都好薄男人觉得唔够都唔奇味道又无特别好食一向都知佢地无服务啦无同我地讲几耐开盖我地就等左一阵先打开盖不过最後都系无饭焦无左食煲仔饭既意义蚝饼系脆既 $47无咩蚝 男人话佢地好孤塞这种蚝原本就超平最抵就系支汽水啦 $9 大小同价 要支大啦 食完要过对面食返两寸串烧食一串串烧啲肉仲多过一个煲仔饭里面嘅肉唔再食依间 继续阅读
(以上食记乃用户个人意见 , 并不代表OpenRice之观点。)