69
7
10
以上资料只供参考，请与餐厅确认详情
食家推介
本人之前吃過一次，極力勸阻父母不要去吃，但他們堅持，結果再一次中伏 。十二人餐乳豬全體被擅自改成乳豬拼盤，親朋戚友不小心吃錯了，錯的是你，想瞞天過海，被我們發現還要扣取我三分二隻乳豬，乳豬全體變成三分一隻！！食物質素差不在話下， 12人餐的黑椒蟹煲連一隻蟹分量也沒有，下面竟然是烏冬墊底，少得連一個人也分不到一件蟹！！ 粉絲扇貝，扇貝明顯是急凍的，比擦膠還要硬， 粉絲一大堆鋪上就算，去沒有逐件分開。職員態度更加惡劣，在餐桌旁邊呼喝員工，我還沒有離開，你就把我的兩支 “任飲” 啤酒拿走，問幾十次才取回，我們倒了也不留給你！
继续阅读
經常會落土瓜灣工聯會上課,附近都試過兩間酒樓。依間因為要入商場裡面再上二樓無咁顯眼,剛啱先發現到佢嘅午市價錢定位就界乎其他兩間酒樓中間,個場亦係剛啱唔算好嘈又唔會太高尚兩個人選咗幾款點心試吓鴛鴦燒賣~燒賣過得去。乾蒸牛肉有牛似味,入口感覺唔係雪藏過期貨過種。鴛鴦腸粉~义燒腸嘅用料唔掂,無味又梅梅哋至於牛肉腸就OK喇,交到貨。但上檯只得兩條嘅份量就怪怪哋雪山餐包上到檯只係徵微暖,打咗折扣。入口又幾香口,可以re-order嘅鮮竹卷嘅湯無味,卷就帶點油膩。用料份量略嫌不足,都算合格嘅。兩人連埋茶錢埋單$81.5,咁樣食一餐下晝。OK喇
继续阅读
餸菜同服務唔掂 囍慶有待改善諗住節日會有好多人以為book定位就唔使等，點知去到都要等一陣。好喇坐到埋位差張凳，叫d侍應又唔彩人，我估劉華响到佢地都係咁，優質服務態度你唔好諗。嘩！望下張menu差d嚇暈，瘋狂加價我都忍，但份量少左就好冇品（碟餸好似比人食左半份！）烹調煮法唔太認真，食物質素讓人打冷震，上菜速度慢吞吞，我係咁催、佢叫我等，點知餸菜上枱得微溫“=）環境麻麻欠衛生，下次比個理由我再去幫襯...
继续阅读
第一次同男朋友爸爸飲菜，仲要慶祝父親節既，梗係要等爸爸揀去邊度飲茶啦，地點選好了，位於土瓜灣既哩間酒樓。原本以為父親節實好多人啦，所以一早就去揾位，好采仲有位姐😋😋😋「牛肉球」「牛肉腸」「雙色燒賣」「排骨飯」「蜜汁叉烧腸」「安蝦咸水角」「点心拼盤」「蜜汁叉烧包」樣樣都嗌啲所有野都即叫即蒸，所以係要啲時間既，熱辣辣嗰種感覺真係好呀，新鮮兩嗰字估唔到「安蝦咸水角」有驚喜喎，糯米炸得煙煙unun💕💕加埋啲咸料好多，成件事好豐富，好有口感🤩🤩🤩🤩
继续阅读
由於同朋友嘅紫微斗數同八字話題未完，朋友約我第二日飲茶再吹，地點係囍慶.由於食過土瓜灣壹點甜之后，已經好少上酒樓飲茶，因為好多大集團酒樓點心質素質素都好差.囍慶算係例外，相比起其他大集團果D大酒樓，囍慶嘅蝦餃份量正常，蝦肉尚算彈牙，蝦餃皮薄得黎無穿窿，叉燒腸嘅叉燒餡料無偷工減料，薄罉配料足，幾款點心已經好過好多酒樓.上到囍慶遇上紅雨，磨咗成三個鐘，侍應都無趕我地走，冷氣又足夠，合格咯！繼續同朋友玄學問題吹水先！
继续阅读