影片
电话号码
68076686 (WhatsApp)
91487759
开饭介绍
小店主打港式串烧，可预订海鲜以确保有货。餐厅不时推出新菜式，更供应啤酒、咖啡等饮品，选择多元化。
继续阅读
营业时间
今日营业
11:00 - 23:30
星期一
11:00 - 16:00
星期二
11:00 - 23:00
星期三至日
11:00 - 23:30
以上资料只供参考，请与餐厅确认详情
-
网上订座服务暂停
-麻辣大蚬粉丝 $78一黎到已经好香麻辣味，同埋都好大碗，大蚬系有劲多粒，蚬肉冇砂好新鲜，亦都真系啖啖肉🤤，另外汤底麻辣味好够，麻味同辣味平均，粉丝同蚬肉都吸晒汤底嘅味🤩仲有好多唔同嘅配料，例如：茹、白菜、洋葱等等等等～同埋跟餐野饮大部分都只系加$4就有冻饮！仲要劲大杯，唔系平时餐厅嘅size～基本上个价钱同味道+size都好合理！同埋佢哋仲有好够特色小食同套餐，另外都有串烧食㗎！店内开扬，无论几多个人黎都一定坐得舒服同有岩你嘅野食😆推荐！
继续阅读
见到经济实惠既价钱就入左去帮衬呢间以串烧做卖点，但同时见佢有Lunch set ，几多元化！但今次晚市黎就叫多d唔同item 啦麻辣花甲粉丝有得拣辣度煲有十几只花甲兼大大只，食落好鲜甜，而且无沙！仲配有粉丝、娃娃菜及菇，呢啲配料绝对系吸晒汤底的精华，好食 ！炸鸡翼一碟5只，配上孜然粉，肉质又好嫩滑涨卜卜！而真系新鲜热辣炸起，好辣口！当然唔少得叫串烧试下，叫左唔同肉类同菜，餐厅仲好见贴心有个热炉兴住啲串烧，同朋友吹水既同时，野食又唔会甘快摊冻晒；每串既价钱唔会令人肉痛，可以放心叫：又脆又软鸡皮烧得唔韧，而且烧到小小㶶边，好香口！秘制蒜香牛柳粒惹味茄子原条茄子一开二，上面舖上满满孜然粉，绝对适合重口味人士👍烧五花腩孜然羊脾肉鲜甜波萝每块都好鲜甜多汁，好refresh !韭菜好大串，同样加上孜然粉！餐厅环境都好舒服，灯光光猛；野饮又好多选择，可以饮翻杯同朋友慢慢倾！
继续阅读
岩岩先知系元朗安兴街足球场旁边开左一间串烧烧烤店，好适合成班朋友聚会边饮野食串烧吹水，而且串烧系有炉坐暖住食物！「串烧1st round 鸡肾x2 鸡髀肉串x2 脆肉瓜x1」因为钟意食辣，串烧叫左中辣，串烧调味很好唔会因为辣抢哂食物味道，鸡髀肉串出色烧得很嫩有肉汁个只，鸡肾都一定要试 加埋辣好好食，而且很腍唔系咬唔开个只！「麻辣大蚬粉丝」啲蚬真系大只啲肉都好饱满，仲要有十只以上好抵食，食完好满足！「串烧2nd round 烧猪大肠x1 烧鸡翼x1烧五花肉串x1」叫左一round 觉得啲串烧好食决定黎多round !五花肉充满肉汁同油脂感超正,鸡翼一样juice「金汤娃娃菜」最后叫左娃娃菜做结尾，食咗咁多油腻食物，食返个菜减底自己罪恶感，娃娃菜清清淡淡岩岩好！
继续阅读
位于元朗的「囍串」， 有好多唔同嘅菜式，其实见佢餐牌就好多串烧嘅，不过我都系中午饭，又见佢有炸髀，所以就试吓个咖喱鸡髀饭，估唔到㖞，个咖喱鸡髀饭真系劲大份，只鸡髀大个只手咁滞呀，咁大只攞去炸绝对系有难度嘅，又要控制佢唔好炸得太㶶啦，又唔可以唔够熟㖞，所以睇间餐厅如果有炸髀嘅话，我一定会试吓佢得唔得。令人惊喜的分量，劲大碗饭加上足够分量的咖喱汁和鸡腗，绝对能填饱挑剔的胃口。咖哩酱料香浓，既不会过于稀薄也不会过于浓稠，佢唔算日式，有少少甜，但又唔系好印度果款太多香料嘅辛辣，几特别，恰到好处，淋在一碗香喷喷嘅白饭上，实在是百吃不厌。鸡腗本身炸得好好，外皮酥脆而内里却保持了肉质的鲜嫩多汁，与咖哩汁的融合， 真系丰富满足。而我老婆婆就嗌咗一道麻辣蚝仔粉丝，这道四川风格的麻辣蚝仔粉丝，汤底浓郁，散发出扑鼻的麻辣香气，粉丝细滑Q弹，与饱满滑嫩多汁的蚝仔完美融合，交织出层次丰富的口感。入口时，麻辣味先从舌尖窜升，刺激味蕾，随即涌现出蚝仔鲜甜的海鲜风味，与粉丝软滑的口感形成强烈对比，令人欲罢不能。豆卜则增添了整体层次，在麻辣汤汁的浸泡下，充分吸收了辣椒和花椒的错综复杂的味道，口感层次丰富，香气四溢。我老婆嗌左杯人参乌龙茶，乌龙茶配以人参，一种独特而和谐的味道，带有乌龙茶清香，入口滋润舒适回甘，让人身心都得到放松，乌龙茶本身也含有丰富的茶多酚，能够清热解毒，食完辣嘢都好啱饮。总括嚟讲，「囍串」细细间舖，环境有几干净，啲嘢又唔错，又几多嘢食，咖哩鸡腗饭真心推介，行过路过，唔好错过。
继续阅读
有时食完野仲未系好肚饿但又想揾野咬下 由于唔想食太多野所以同朋友最后就揾咗呢间串烧嚟食 店员好贴心咁帮我地将d串烧放系炉上面暖住 而且串烧面头都洒上咗孜然同辣椒粉 食落少少辣咁好过瘾麻辣薯仔片我地走咗辣所以只有孜然粉作调味 薯仔片简简单单落孜然粉食落已经好惹味 而且好脆好似食紧薯片咁又脆又软鸡皮鸡皮食落好有弹性又带点脆度烧五花腩五花腩肥瘦相间 食落充满肉汁同油脂香鸡软骨每次食串烧必嗌鸡软骨 烧到焦脆嘅鸡软骨食落唔会太硬爽脆鸡肾 呢度嘅鸡肾比起出面嘅大旧 肉质弹牙有口感翠玉瓜好juicy嘅翠玉瓜 口感好爽脆烧豆泡豆泡姐系豆卜 系串烧入边比较少见 趁热食落脆卜卜又唔会太干身泰国秋葵秋葵烧完仲keep到几鲜嫩鲜甜菠萝菠萝食落劲多汁 味道十分香甜厚切牛舌一串有3大旧 牛舌烧得啱啱好 食落够软腍
继续阅读