影片
相关文章
放学经过突然好想食炸烧卖就去揾下，揾到呢间嚟啦喂，个名几特别，炸烧卖即叫即炸，大约等左10分钟，烧卖粉好多，但够脆唔算好油，但系职员态度麻麻地，佢就咁比串烧卖我，唔单止难拎，竹签唔够位，如果系好热已经烫伤左，仲要冇调味料，我问佢有冇椒盐个啲调味料比我配烧卖黎食，佢先拎去加返啲7味粉同椒盐比我，一路都黑脸好似我阻住佢地咁，烧卖12蚊得5粒，佢地标价冇讲明几多粒，我行去隔离铺揾到12蚊6粒，下次一定试其他
继续阅读
本身同另一半都钟意食辣，所以成日要心思思食酸辣粉行到闷闷地揾下附近，竟然发现伤心酸辣粉，即刻上去试试！平时多数系街边食既，都系一般般，只可以话过下口瘾，今次入到门口，索到个阵酸辣味，已经超级期待，试下正宗既！点左两碗酸辣粉（一碗小辣，一碗中辣），当然佢都有得选择唔辣既汤底，唔食辣既朋友亦唔洗担心！好快就上怡，先要饮下个汤底，酸度够辣味足，超香，食食下已经感觉到个咀有少许麻痺既感觉，突然间平时街边食既，的确相差好大，正宗果然唔同d！酸辣粉的确真系喊住都要食.
继续阅读
好日都唔黎开黄大仙探朋友，成日都见到啲报导介绍竹园新开好多档野食，就顺便打算黎见识下到底有咩好食。见到呢间舖头满哂座妈似几多人食就决定试一试下佢。试左好多人食既锡纸粉丝锅，估唔到呢个价钱黎讲都几好味，汤底几惹味唔系食完会好颈渴个啲。蚬肉竟然无沙洗得几干净，而且一兜都有好多粒，唔系平时雪左劲耐过夜个啲伏味。虽然我平时唔多食开辣，但佢既少辣真系几香口都好试得过。期间见到好多街坊过黎都叫米线外卖，下次都想试下系咪都咁掂。整体黎讲以呢区性价比黎讲算ok，起码见到其他档无乜人帮衬但呢档都keep住有爆场。
继续阅读
最近同老婆去朋友屋企玩果阵，经过楼下竹园夜市想食啲嘢先再上去玩，听讲「嚟啦喂」转左个新老板，之前食过一次，还可以，依家转左手所以想试下会唔会比上一手更好。去到见到个几后生靓女既新老板自己一个系度，之后老婆叫左个两𩠌重庆酸辣粉，好重口味又够辣，价钱都几合理，唔贵。之后我又叫个锡纸鲜虾粉丝，系用锡纸包住上既，所以热辣辣好正，入面有虾有生菜芫茜葱，个汤底好重蒜香辣香味，d粉丝索晒d汤好好味，岩晒钟意食辣既朋友仔，值得推介。
继续阅读
之前去朋友屋企玩听朋友讲楼下夜市有间小食转左老板，食物出色左好多价钱又公道，所以同朋友落去试试佢。点知有惊喜今日已经系第3次帮衬啦！第1次去叫左蚬肉锡纸锅，味道好够，因为我好中意食蒜同辣，靓女老板好好人会愿意帮我加蒜跟手第2次就食捞面同手抓饼，之前返开深圳已经好中意食，估唔到竹园会有仲食得返阵味！手抓饼好足料，芝士茄汁一咬落去就有飘飘然既感动😹真系可以一试！捞面好够辣加埋青瓜丝系绝配！今日再去食过！水准依旧，美食总在民间小店推荐大家不防一试
继续阅读