影片
小店好有人情味，我头先同两老去食午餐，老板娘认得我，跟住就同我讲：「好耐冇见呀！今次想食咩？」我就答佢睇下餐牌先。我同爸爸坐低后，睇到午餐餐牌都有好多选择。爸爸叫咗个猪扒意粉，我就叫咗全份智利三文鱼扒同妈妈分享。两碟意粉嚟到之后，一向多弹少赞嘅爸爸都话猪扒好味，我就同妈咪系咁话三文鱼扒皮脆肉嫩又入味，配鳗鱼汁真系一流。另外不得不赞老板娘好好人。妈咪话想要多少少鳗鱼汁，佢即刻去厨房问老板拎成支任我地加。埋单嘅时候，我地两母女都赞佢地啲嘢好好食，老板娘即刻好开心话：「咁我地下次再见吖！」放心啦老板娘，一定有下次！我下次会带埋老公、阿女同工人姐姐嚟食。
继续阅读
今日放假谂住去屯门码头饮咖啡chill chill经开启丰园，见到呢间冰室系叹啡之前，入去食个tea 先！😎店舖唔大，但唔迫夹！啲餐具🍴都好整洁沙嗲牛肉面($38)成个餐冇乜特别，唯一唔同就系佢用沙律菜做点缀！成碗野即刻靓好多！餐肉炒蛋煎得好干身，唔同出面𠮶啲油淋淋！老板娘好nice好礼貌！会主动同啲客倾计吹水，感觉好有人情味！最尾我埋单时佢收紧碟，都同我声讲唔好意思要我等！下次入屯门会再番兜帮衬！
继续阅读
今日黎到屯门码头附近既呢间冰室食tea，叫左一份芝士汁鸡扒温泉蛋捞面，加左条肠仔。面底就普通公仔面，但芝士汁好香，有诚意。价钱亦十分实际，觉得呢个卖相系出面卖都可能做到5/60，另外咖啡几好饮。
继续阅读
舖头位置唔算多，撞正附近学校午饭时间就唔洗谂有得坐。舖头食饭选择唔多 ，但贵精不贵多，叫左海南鸡饭配油饭同冻咖啡。 海南鸡饭上面有沙律菜同姜葱油，老板娘仲会问要唔要配埋甜酱油，非常贴心！沙律菜上面有落少少芝麻酱，酸甜开胃几啖就食晒；海南鸡略嫌有少少肥，不停口咬走肥膏都有啲攰，配上姜葱油同甜豉油食落好惹味，一啖鸡一啖油饭好快就食晒；咖啡饮得出系用某大牌咖啡粉冲出黎，所以冇乜惊喜。 整体环境舒服，系会翻桌既街坊饭堂，老板娘得闲仲会同你倾偈，人情味十足。
继续阅读
今日经过屯门码头呢间新开嘅茶餐厅，见到好多后生仔女喺入面食就入咗嚟试下啦！装修干净企理带有香港风情，老板介绍佢哋嘅牛扒系新鲜货，就等我试吓咩料先！哗，多士嘅牛油非常丰富，绝无偷工减料！牛扒可以拣黑椒汁，洋葱汁，或茄汁！我拣咗黑椒汁，但系一睇块牛扒就知道充满肉汁，根本唔需要加其他香料已经好好食！食落又真系新鲜货，冇雪藏味，冇肉松粉，口感软熟！配料方面，餐肉同火腿都煎得好香！块多士睇个面都知外脆内软！奶茶值得推介！系炼奶系炼奶啊！奶茶加咗炼奶，奶味茶味，比例完美！我10分欣赏注重细节的餐厅，把每一个细节都做好才有美味的佳肴。
继续阅读
您可能会有兴趣的...