嘻意 (已結業)

厚切黑毛猪扒汤意粉＋黑松露炒滑蛋配意式厚多士🙈$40我就好少过海，难得过黎，而咁啱有野做，就食得丰富少少😂猪扒够厚身，而且几入味。炒蛋够哂滑，配埋个油多，真系好邪恶😂整体味道唔错，啱哂我口味。而且大大份，又饱肚，几抵食👍…查看更多

行过见到呢间餐庞主打意式加日式食品，装修又新净企理，所以就走左入去会一会到底佢胡芦里面卖咩药。等位唔算太耐，等左两张就入得。入到去见到每枱都叫左只烧春鸡，再睇下餐牌，原只烧鸡都系卖68蚊，差d忍唔住叫左只，但无饭无面始终到喉唔到肺。由于呢间餐厅西餐又有，日式野又有，拣左好耐，最后叫左个铁板鸡扒餐，盛惠78蚊。讲返个铁板，送到黎都感觉有d水准，首先系个铁板够哂热，但可惜佢就冻黑椒汁另上，呢到扣少少分。铁板餐跟珍珠饭、薯条、煎蛋、杂菜同旧蕃茄，咁多配菜的确系几有诚意，希望佢可以继续keep住！我几欣赏旧鸡扒烧完（或者煎完）再用芝士焗既做法，令到成块扒既味道丰富好多，同时佢既杂菜都唔系斋烚，而系用云腿丝炒过，虽然略为多水，从小处见大处，整体上我都比佢正评。如果喝餐有埋饮品或者汤既话就真心无得弹！…查看更多

店舖装潢光猛, 打西日式餐厅旗号我order咗个咖哩牛坑腩饭, 咖哩闻起嚟都香, 食落非常淡我太太点咗个鲜蚬烟肉黑蒜香草意粉, 一嚟到, 就系一碟港式炒意粉啰, 成碟嘢有四粒好似手指尾块指甲咁大嘅蚬, 烟肉一块都食唔到, 而且我太太系见佢英文写black garlic and cream sauce先嗌呢个, 结果系干炒咁干另外仲叫咗个西西里龙虾汤, er, 系蕃茄汤啰啲嘢食本身唔系难食嘅, 只系同个名不符, 唔系你以为系嘅食物啰如果你对食物有要求, 我唔会recommend, 我自己唔会再嚟, 但如果只系为饱肚, ok的…查看更多

有时间同老婆撑枱脚食下午茶餐 睇个价钱牌 都唔算太贵 点了两个餐 一个咖哩牛坑腩 其实唔使讲大家都知系牛肋条嚟㗎呢 另一个系红酒烩牛肉 两个都配饭饭都份量几多有碗半 咖哩𠮶个 煮得好好味 好香 唔太辣味道恰到好处 红酒𠮶个有少少失红洒落得多咗啲有啲酸 两杯饮品就差咗啲啦因为用胶杯所以好快就会冻咗 但整体嚟讲同区可以叫做中上 茶餐厅价钱餐厅嘅质素 .只要用心去做系有得做嘅…查看更多

^<嘻意>^ 💋 美味四式: ¤ 好味😋.同朋友喺呢头附近行完，求其揾啲嘢食。成只鸡，$68。 只鸡其实唔算好大只，新鲜热辣，啲汁滴紧出黎。 啲鸡肉都几嫩，唔使沾汁都好好味。.架车仔其实系儿童餐。 个朋友突然话想食儿童餐， 估唔到两个大人个侍应都畀我地叫儿童餐😂 儿童餐$45以上。儿童餐有沙律，有饭或意粉，有嘢饮。其实我觉得如果一个细食嘅女仔系够饱嘅。 我哋嘅饮品系儿童鸳鸯😂其实即系好立克同埋阿华田混合版。 我觉得佢啲瞓觉得唔够多，所以味道淡咗少少。.咖哩牛腩饭 > 个咖哩唔辣， 啲牛腩都算系淋身嘅。 都值得一试。 ..📢忠告:推介原只烧鸡!.如果想怀缅青春，做下儿童嘅，都可以试下儿童餐😳.唯一就系呢度冇套餐，如果你想饮嘢就要加钱，即系饮品半价…查看更多