影片
港铁上环站 E4 出口, 步行约4分钟
继续阅读
附加资料
In maintaining our passion for Chateau Le Cléret, our chef uses the best seasonal and organic food ingredients from around the world to create unique and delicious cuisine for your enjoyment. As well can enjoy a beautiful selection of French wines to create the perfect dining experience. For more details, please check out website at https://www.le-cleret.com/
营业时间
*星期日只开放予私人派对
星期一至六
11:00 - 22:30
以上资料只供参考，请与餐厅确认详情
食家推介
好有心既友人专程黎到公司等我放工请我食生日饭，八点半到达呢间Tiffany blue既餐厅，枱唔多，唔够十张枱，环境尚算舒服，坐低order 左佢个tasting menu, 同埋散叫左个M7牛扒加3个course...叫左黑松露蘑菇汤，前菜有龙虾薄片同埋苹果鹅肝，汤同鹅肝都好正，松露味好香，鹅肝有质感而且同苹果配合得好好，友人既龙虾薄片卖相唔错，不过佢话味道有d 奇怪Tasting menu系有三款主菜但系1/3 portion, 有虾有鸡扒同牛，三款都唔错呀，鸡扒好滑煎我好入味，牛煎得岩岩好，蘑菇汁够香够浓，虾就略嫌细只，不过味道搭够，而且薯蓉入味而友人亦好评佢既牛扒...甜品就有布甸，两款都好味不过个样就好普通，唔系好吸引...埋单每人五旧，唔太值得，呢个价位可以有更好选择，不过都好多谢友人悉心安排
继续阅读
晌Le Cleret铺面打着「Brasserie、Cafe、Vineyard」（小餐馆、咖啡店、葡萄园）字样，大概你都估到佢喺走咩路线。法式小馆晌中环区我印象较深喺晌苏豪区嘅Bouchon Bistro Francais，因为食过一次晏，真喺颇高质，但位置有少少吊脚。而Le Cleret就开晌大街地铺，食正好位，又近香港站，对我嚟讲确喺几方便。湖水蓝嘅门面，带嚟一份浪漫而忧郁感。推门内进，餐枱椅喺湖水蓝衬白，墙身则湖水蓝配橙黄，天花挂上高雅吊灯，而墙上除挂上大大细细法国嘅庄园、风景相片（假设法国啦），最特色喺仿庄园木屋嘅窗户，令整间餐厅睇起嚟确有欧陆风情。不过，香港嘅租金高昂，变相令好多餐厅嘅餐枱放置挺密。枱上嘅餐具很别致，尤其个餐巾环，很典雅，摆放得体。不过，侍应一句：「餐巾你哋应该用唔着，帮你收起去。」，潜台词究竟佢喺想讲乜？喺因为我唔会点餐酒？餐牌同样以湖水蓝为主色，硬皮制作，显得高贵。当中提供4个套餐作选择：Deluxe Tasting Menu、Tasting Menu、Healthy & Light及Vegetarian Menu，定价范围颇阔，由$198-$688。此外，散点方面有一个Autumn Menu，意即会季度转换，分类为前菜、餐汤、主菜、甜品，每类别嘅选择唔多，如好多法国菜馆咁贵精不贵多。不过，细心睇，唔少菜式喺意大利菜，如巴马火腿伴露笋、意大利杂菜汤、龙虾天使面、意大利芝士蛋糕……等等。而点主菜，可加钱配前菜、餐汤、甜品，玩法如下，丰俭由人：主菜+$60（可选前菜、餐汤、甜品其中一款）主菜+$100（可选前菜、餐汤、甜品其中两款）主菜+$130（可选前菜、餐汤、甜品其中三款）法国百吉包讲到餐包，法式嘅百吉包可谓喺经典，店家所做嘅百吉包都好有水准，外皮非常脆口，入口仲喺暖暖哋，而包心软绵带点烟韧。不过，估唔到啲牛油喺雪到硬晒，有啲意外。意大利杂菜汤 $78个汤色泽鲜红，可称得上用料十足，因为就算只喺蔬菜汤，但个味道入口都觉得好浓郁，酸香鲜活。慢煮迷迭香春鸡配露笋 $248以往不论法国菜抑或其他菜系，都食过多次春鸡，荃湾Chalet嘅「法国白春鸡配地中海汁松子仁栗子蓉及」及铜锣湾Casa Fina Seafood & Oyster Bar嘅「露丝玛莉烧原只去骨春鸡」都喺让人留下深刻印象嘅春鸡菜式。今次嘅「慢煮迷迭香春鸡」以其价格小弟会评为不过不失，因为喺慢煮关系，肉汁本身应得以完全保留，但食落又未算，脾位极之嫩，但胸位就差啲，露笋鲜嫩无渣，垫底嘅薯蓉亦好滑，不过，卖相略嫌单薄普通，整体欠缺一啲亮点。意式奶冻 $68奶冻喺士多啤梨口味，配上杂莓及洒上糖霜，都几靓仔呀。质感几好，柔滑得嚟唔会太削，不过，奶味唔浓郁，或许受士多啤梨味影响，都喺觉得原味配鲜果酱嘅做法好啲。主菜加$100就可以选配餐汤及甜品，变相比散叫平咗$46，不过，如点饮品需另外散叫，佢哋嘅加配组合并无包饮品嘅选项。但如果想一尝法国菜，Le Cleret都喺唔错嘅入门之选，但记紧菜式选择上拣番啲法国菜，唔介意付出多啲，Tasting Menu则个人认为较划算，因为包前菜、餐汤、甜品及餐饮，主菜更喺5拣3，只卖$468 + 10%而已。
继续阅读
又是与亲亲空姐姊妹相聚的日子！！难得她回港短待几天，当然要带她chill chill吧～～今日来点特别的，选了法国菜，让我们慢活一下，细嚼美馔，谈笑风生😊😊因当时正是圣诞前夕，所以餐厅悉心布置，加入了很多圣诞元素，配上优雅的餐枱组合，两人酒杯碰著酒杯，发出清脆的哼声，感叹是「人生」啊～友人在等我下班时，又抵不住饿，偷偷饮了一整杯珍珠奶茶（哎🙈🙈🙈🙈），所以我俩将目标转移到轻盈晚餐上🥙🥗🌿巴马火腿沙津巴马火腿油脂丰腴，搭配了新鲜的沙津菜和爆汁车厘茄，整个口感丰富，十分开胃💕💕香煎比目鱼柳配芒果他他赞赞赞👍🏻👍🏻👍🏻✨✨✨友人特别喜欢并全晚力赞比目鱼以牛油、柠檬汁及少许香草慢煎，食落肉质嫩滑肥美，而且好处是没有细骨。旁边的芒果他他有助中和比目鱼的油腻感，食落很清新喔～～我特别爱它的配菜- 鲜芦笋，爽口微甜，而且低脂又健康，还有幼滑薯蓉，饱肚感十足，结结实实的满足！❤️❤️🤗🤗整晚友人的嘴动过不停，边吃著比目鱼，边没停过的说好食！好食！好食！（笑死我😆😆）整体满意，食物质素不赖，环境十分有情调，适合与情人谈心或像我俩姊妹相聚✨✨Happy night~~
继续阅读
已经升级做妈妈的旧朋友约我食饭，地点约在陌生的中上环。一去到，已经令我心心眼。系我最钟意的蓝色小屋，好有法式风情。入到去的环境好浪漫，亦有圣诞气氛。放眼见到一条长餐枱，庄严华丽。本来想试吓Testing Menu，但系朋友仔话今日冇乜胃口，我又要返屋企饮妈妈汤，所以我哋就点左个Light Menu。先来一个Parma Ham沙律，沙律菜爽脆开胃，而Parma Ham唔会太浓味，同沙津底好夹。主菜我哋拣咗较为健康的Sea Bass，令我哋好惊喜，超班的美味。鱼肉两面都煎香，中间的肉非常滑溜，又有丰富的鱼油，味道好浓郁。配菜亦好好味。作为伴碟的薯蓉亦睇得出大厨花咗点心思，好滑，忌廉同牛油的比例刚好。我哋两个女女仔当晚都唔想食太饱，只系想揾个靓地方倾吓计，呢个份量就刚刚好。话明两个女仔，甜品当然少不免啦！非常有情调的餐厅，食物质素颇高，唯独份量较轻盈，平时的我可能会唔够饱，但今次就非常满足啦！
继续阅读
XMAS IS COMING Le Cleret Xmas Dinner $488/位👍👍👍 (5分满分)位于上环的Le Cleret，是一间小型法国菜馆，餐厅的坐位不多，若果不想坐出餐厅外要预早订位哦圣誔节快到🌲，大家已经想好去那里吃圣誔大餐吗？这里也有大餐供应♥️，包括: 前菜，餐汤，主菜，甜品，每位$488但我全晚最爱是餐包🍞，超级好吃阿前菜是龙虾薄片，我还以为是把龙虾肉成蓉弄薄后焗，但原来是龙虾刺身😌，肉味浓郁，口感滑嫩，更放些荳芽菜，但好像有点不太干净餐厅是带子南瓜汤😜，口感稠密，甜度适中，带子切粒弹牙，若果热一点更好啦主菜是火鸡片配红莓酱👏，圣诞节是吃火鸡的节日阿，火鸡每人二至三片，可惜火鸡肉超靱🙊，可能煮得过久，调味也不太足，较为清淡，但最后有吃光光🙈，旁边的配菜煮得不错，薯蓉清甜纯朴，好美味阿甜品是红莓意式奶冻(第一，二张)😝，更有圣誔图案，很有气氛，奶冻弹滑，甜度刚好，配上上层泡沫更好吃昨天光顾，今天便出文，因为过圣誔就没得吃啦😂，服务员的态度可以更好哦……………………👧 中环干诺道中62-63号中兴商业大厦地下B舖
继续阅读