影片
食家推介
相关文章
今日去咗十世都唔去一次嘅元朗，行过呢间小食店比佢嘅香味同招牌吸引住，忍唔住买咗个格仔饼嚟食😍🧇加厚花生碎格仔饼 $20格仔饼外脆内软，口感好好！里面嘅馅料都好丰富，有炼奶、花生酱同花生碎。炼奶同花生酱比例好好，而花生碎令到成个格仔饼口感更有层次。以前食开𠮶啲格仔饼都好软淋淋，有啲食落仲好粉！但今次呢个十分出色，值得再食😋呢间小店做到4月27就结束营业，钟意食格仔饼或者其他港式小食嘅朋友可以把握时间去支持下！
继续阅读
经过元朗呢间小食店，见到好多人排队，主要卖鸡蛋仔格仔饼同埋果汁，开咗13年，上网一查好评到几多就谂住买一个试吓！薄版就系比较脆口，厚就软熟有口感，一食真系不得了，超级好食，可能系食过最好食嘅格仔饼！🥰但系4月27号就结业，想食快啲去食呀，希望店主尽快揾到舖位开返🥹🍴加厚花生碎格仔饼 $20 (10/10)即叫即整热辣辣！格仔饼就食得多，但加花生碎就比较少，格仔饼好厚，有成3-4吋！外脆内软，蛋糕质感，食落唔干系比较有湿度，好香甜有蛋味，花生酱同奶唔算多但都好够味，花生酱嘅香炼奶嘅甜系perfect match，加埋花生碎口感好丰富，软中带脆，真系令格仔饼嘅口感再升华，超级好食！可能系我食过最好食嘅格仔饼，仲要$20就有一份，又平又抵食，超高CP值又饱肚😭推荐指数: 10/10格仔饼真系冇得输一定要食，下次去会想食鸡蛋仔格仔饼各一份，想食就快啲去啦就嚟结业🥺诚心希望老板揾到新舖位再开😭
继续阅读
之前同朋友去元朗 谂紧食咩🤔上网见到好多人话呢间必食 所以就试呢间买咗格仔饼🧇同鸡蛋仔嚟食🍽由于系即叫即整 所以等候需时⏰ 1️⃣加厚版格仔饼 (💰$18)比一般嘅格仔饼厚🧇但食落都几松软如果可以做到外面有啲脆口嘅口感就更好😚格仔饼中间夹住花生酱🥜牛油🧈同炼奶酱料好充足👍🏼每啖都会食到啲酱料😆.2️⃣黄金鸡蛋仔 (💰$22)食落外脆内软 但咸蛋味就比较淡…同朋友都觉得呢个就麻麻地 有啲失望🙈🙈
继续阅读
作为一个元朗人，知道呢间嘉发临别在即之后帮衬过两次🙂第一次太早黎到(大约11am)，鸡蛋仔只供应原味，食落口感几脆，脆到直头有点儿太硬，蛋味唔算浓郁，还好啦😂第二次黎试左加厚版朱古力格仔饼，食落好香脆😋连外层既格仔饼都系朱古力底，几有诚意👍 (但要加厚版先系，薄脆版唔系)里面馅料有朱古力酱，花生粒同炼奶，几足料，唔会过甜🙂不过个人认为朱古力酱唔够香，系味道有啲假果种朱古力，如果可以换做榛子酱就perfect ！😆鸡蛋仔同格仔饼都系即叫即整，虽然舖头细细但味道都几多选择，呢个价钱黎讲性价比几高👍 希望老板系不久将来就另觅新舖位荣誉归来🙌🏻
继续阅读
每日收工都会经过呢间小食店，间唔中会忍唔住买鸡蛋仔或者格仔饼食😈*🧇加厚版格仔饼($18)加厚版嘅口感特别松软，蛋香配合牛油嘅咸味🧈+极浓嘅花生酱🥜，好好味🤤🤤🤤加厚版真系超级厚超级大份，建议要两个人share 唔好独食😆老板话业主加租做唔住，嚟紧四月就结业🥺最近行过都多咗人排队，不过老细做嘢好快手，每次都系等5分钟左右就拎得👍🏻希望佢哋会快啲揾到新舖位开返🤘🏻🤘🏻🤘🏻
继续阅读